طعم البُكا مليان وجع ..
اضرب ودع ..
اهو حتى باعك الجدع
وطلع خسيس .. !
فاكر عمرك ما هتنخدع ؟
ولاقيتهم عملوا فيك بدع ..
ف بقيت حريص
وحويط ..
بنيت ..
على روحك الف والف سد !
محتاج ل حد؟
هيذلّ فيك ..
الاحتياج اصلاً مرض
ومفيش دوا هيوفي الغرض
ولا هيداويك .. </3
...
طعم البُكا مليان وجع ..
طعم البُكا خلاّك ضعيف ..
عامل قوي ..
لكن حقيقة القوة زيف !!
احساس مُخيف ..
كُل مدى حتة من روحك تفارق
كُل مدى حتة من روحك تغيب 
راضي ب النصيب .. مبتعترضش
لكن نصيبك غاوي يتمرد عليك ..
يحفُر ف قلبك 1000 جرح ..
ميتردمش .

Mnameno