امطار تغسل دمعات.. ياحنانك ياالله ❤️❤️

الترنيمة دى فيها احساس بالراحة غير طبيعي

ترانيم الاخ ماهر كلها احساس عالى ومسحه قويه بالروح القدس

كل دا يرحل ويزول مع طلت وجه  الله

Maher Fayez

خليني اقدر ابوتك

نبع من قلبي دمعة للسما علي شرنا
ولقتني فى قلبي بصرخ اول الخطاة انا
ده احنا بخطية واحدة اتشوه كل جمال هنا
ولحد انهارده بنرجع ونعيش لنفسنا

ما كفاية فتور ما كفاية شرور ويوم طالع ويوم نازل
ما كفاية زيف حاطط قناع والصدق ضاع فين الفاصل
وحب ذات خد وهات ودوافع لسه بتفاصل
ما كفاية غيرة ظنون شريرة بطرق العالم نتواصل
ما كفاية وعود لله بتدوب ولا فى تغيير بادىء حاصل

وعدتك اعيش لمجدك لكن لسه بعيش ليا
فاكر ينفع اعيشلك وانا ليا نصيب فيا
انا جايلك بعترفلك احرق كل انانية
انا عايز اعيش لمجدك عايز اعيش فى الحرية

ترنيمة نبع من قلبي دمعة

امتلي تسليم لمشورتك-لا بنتهي ولا بتنتهي -ماهر فايز

(1)
قابل بكل الرضا...دنيتي
و ده هو اختياري و دي حريتي
و أي شيء مش بيدي فيها اتوجد
هاخطيه أو.. أحتويه في خطتي!
+ 
فَ عظمة حياتي كلها في اختيار:
التعلق....ب إلهي العظيم
أرفع إيديَّ إليه... وأختار
أفعالي على نغمة: «عظيم»!!
(2)
حريتي لا ف مكان ولا زمن
ولا هي من حد كان أو ظروف
هي رحبي وجناحي ناحية وطن
إن.. حررتها بعبوري كَ ضيف!
(3)
غيرت اللي قدرت اغيّرُه
وقبلت اللي استعصى..فَ مَرّ!
و ف وش اللي ما في يدي
أمَرَّرُه !
إخترت مُرّ الهدوء لأني (حُرّ)!!
(4)
من رحم المعاناة بَ انطلق
أيوه أنا وليد العقبات!!
و ياما الجراح فيَّ شقت طرق
انطلقت فيها من خنقة الذات


قابل بكل الرضا دنيتي

ادم..أين انت؟
شايف نفسك عريان
وانا شايفك لسه إبن
خايف ومافيش أمان
وناسي إن لك حضن

1-
شفت ف نفسك إله
يفصل في (الخير والشر)
تصنع وحدك حياة
فَ دفنت نفسك يا حُرّ
اخترت لك الحياة
وخَيّرتك تبقى حي
رحت اخترت اتجاه
ما اختارش فيه أي شيّ

2-
أوجدت فيك احتياج:
”لا تكمل إلا بي“
وقربي هو السياج
لوجودك من حبي
تركيزك على امتلاك
ذاتك بدوني هلاك
ونسيت ان الحياة 
هي: ”منحة اني معاك“

3- 
قطفت من غيري ليه؟
قطعت نفسك فَ متّ !
والغصن من غيري إيه؟
غير صورة يابسة..ف خفت
والخوف خلاك تعيش
في البعد عني كعبد
لو كنت رافضك ما اجيش
و(الستر) ف يدّي (رَدّ)

4-
مرايتك أنت دي غاشة
و ف عريك أنت تحط
رتوش إنما هاشّة
تسقط لأنك سقطت
(محدود) أنت وعجيب
ف رفضك أي (حَدّ)
مع إن وجهي قريب
لك..وانت فيه (لا تُحَدّ)

آدم أين أنت ؟

أنا ما أقدرش اتحمل حياة وأنا مش في رضاك دي الدنيا وما فيها لا تساوي لحظة معاك 
++++++++++++
القرار :
و يا دوب اتوب .. وروحي تحن إليك أطيِب في طيِب .. وأتحرك نواحيك والفرحة تخليني أدوب .. وأتجمع تاني فيك
++++++++++++
 أنا ما اقدرش أكمّل من غير وعد وإيد تسندني اعبر بيها وتجيبني وأنا 
بعيد
++++++++++++
أنا ما أقدرش اطوّل في الغربة ولا في دار اتغرب وانا فيها عن وجه الأنوار 
++++++++++++
أنا ما أقدرش احوّل عيني عن طرف إيديك أنا عبدك خدامك وباأقبّل قدميك 
++++++++++++
أنا ما أقدرش اغفّل في رحلة طُهر معاك عيني بمجدك فيها .. افتحها على ضياك

انا مقدرش اتحمل _ ماهر فايز

‫غنى و كمل ترحالك - ماهر فايز ‬‎

كلمات الترنيمة

+ أنا مطمئن وياه ولو عيني مش شايفاه
ومش ماسك أي ضمان غير إيماني بالله
1- ويقيني فيه مسنود على ما في الله من جود
أفعاله كلها خير والرحمة دي باب الله
2- والغيمة السودا ساعات تيجي وفيها الخيرات
أمطار تغسل دمعات يا حنانك يا الله !
3- والحيرة لما تطول في صراعي مع المجهول
كل ده يرحل ويزول مع طلة وجه الله
4- وعلى بلد الأحزان ترميني طباع إنسان
انزل عالأرض آلاقيني مرمي ف سجدتي لله
5- وتضيع من إيدي حاجات واصحاب واحباب واخوات
يتكرر موتي و اعيش ورجائي هو الله

ترنيمة: أنا مطمن وياه - المرنم ماهر فايز - فريق الكاروز

إيه في الدنيا يفرّح

لا بنتهي ولا بتنتهي

إروي الأعماق المشتاقة لمياه النعمة الإلهية
في حجال الحب بتتلاقى أشواقي بشوقك يا فادي
بشعاع الحب النوراني أغمر أعماقي ووجداني
وضياء الحب يعود يشعل جوايا سجود
وضياء الحب يعود إشراقه يشعل فينا سجود
والقى النفس تدوب في جمال المحبوب
وأسبح في ربوع الأمجاد وأسمع صوتك يهمس لي
بشوق ومحبة ونور وحياة وألقاك
تروي الأعماق المشتاقة لمياه النعمة الإلهية
في حجال الحب بتتلاقى أشواقي بشوقك يا فادي

Irwi ela3mak | Maher Faiz | ترنيمة إروي الأعماق المشتاقة | ماهر فايز | ترانيم قديمة | صوفي

1- كتَّر أغانيك يا مسافر .. إحنا ف ترحال شد الأوتار للصابر

خليه متشال خللي الأشواق شغالة .. والروح شغال يسند في قلوب الرحالة

ويحيي الأبطال (كتر أغانيك)3 يا مسافر .. إحنا في ترحال

 2- كتر أغانيك يامهلل .. بكلام الله و اغني الألحان من نغم ال

هللويا اضبط وترك على أصوات ال .. روح في المكتوب وحد نغمك مع نغمات ال

شعب المحبوب (كتر أغانيك)3 يا مهلل .. ب كلام الله

3- كتر أغانيك واتكلم .. إخزي الشياطين الغُنا يصفعهم

ويجيبهم عند القدمين ضرب الأوتار والسقفة .. وبوق الفرحين هتف الأبرار والكفة

عليت ب:آمين (كتر أغانيك)3 وأتكلم .. وإخزي الشياطين

 4- كتر أغانيك يامعلي .. صوت الإيمان علاك الروح اللي محلي

حب الفرحان ما أحلى التجميع اللي يخللي .. كل الإخوان رافعين أسماء المتجلي

في طيب العرفان (كتر أغانيك)3 يامعلي .. صوت الإيمان

 5- كتر أغانيك طوَّلها.. وقول عنه كتير ب الذكر نقصر أيامها

ويحلىَ المسير بتهون الغربة وأتعابها .. لحظة ما نطير من عتمتها ومن آلاماتها

لوجهه المنير (كتر أغانيك)3 طولها .. وقول عنه الكتير

 6- كتر أغانيك قول هانت .. جاي ابن الله أصرخ صحي في قلوب نامت

وهي منتظراه طوباه الساهر والثابت .. مستني لقاه ويومين ويعدوا وف التالت

ه نكون معاه (كتر أغانيك)3 قول هانت .. جاي ابن الله

Osabe7ak

كتر اغانيك | ماهر فايز

القرار:
عمري ما هافشل طول ما النعمة.....انا ساكن فيها بدم يسوع
عمري ما هافشل طول ما ايديك.....انا ماسك فيها باسم يسوع

- ازاي أفشل وأنت الهي بقوة روحك ساكن فيَ
وسط ظروفي الصعبة وخوفي القى سلامك فايض فيَ

-ازاي أفشل وأنت وعودك ان سقطت لا شماتة
وان جلست في ظلمتي يا عدوتي لا لا شماتة

-ازاي أفشل وأنت واعدني خير ورحمة يتبعاني
كل ماضي انت معضدني لم تتركني ولم تنساني

ترنيمة عمري ما هفشل - الخبر السار

ترنيمة قوم نزل عودك من ع الصفصاف _ ماهر فايز و فريق الكاروز _ برنامج هنرنم


قوم نزل عودك من ع الصفصاف وإستل نشيدك زي السياف
قوم نزل عودك من ع الصفصاف وإستل نشيدك زي السياف
قوم رنم تاني (قوم) مانتاش وحداني  ..  قوم 
قوم رنم تاني مانتاش وحداني
الرب سنيدك والعدو خواف


قوم رنم .. قوم رنم
قوم رنم .. قوم رنم
الرب يردك والريشة في يدك ..
الرب يردك (أميييين) والريشة في يدك فوق الأوتار زي المجداف



مركبنا إتحرك والمينا اتشاف والريس جنبك ماسك الخطاف
مركبنا إتحرك والمينا اتشاف والريس جنبك (جنبك) ماسك الخطاف
البر أمان طول ما الإيمان ..
البر أمان (أمان) طول ما الإيمان نغماته ف قلبك عاليين ونضاف


قوم رنم .. قوم رنم
قوم رنم .. قوم رنم
الرب يردك والريشة في يدك ..
الرب يردك (آاااه) والريشة في يدك فوق الأوتار زي المجداف



راجع بغنايم لولي وأصداف والمركب عايم من الخير أصناف
راجع بغنايم لولي وأصداف والمركب عايم من الخير أصناف
عمال بيرتل عودك بيهلل .. 
عمال بيرتل عودك بيهلل .. فرحك يا سماوي مالهوش أوصاف


قوم رنم .. قوم رنم
قوم رنم .. قوم رنم
الرب أهو ردك والريشة في يدك ..
الرب أهو ردك والريشة في يدك فوق الأوتار زي المجداف


قوم نزل عودك من ع الصفصاف - ماهر فايز و فريق الكاروز

Live, Vol. 2

Nashkoro Kol Heen (Live)

ترنيمة نشكر كل حين - الحياة الأفضل | Nashkor Kol Heen

ممتن لك علىَ الأمانة اللي صنعتها مع حقارتي
سترتني بنعمة ومعونة وأصلحت بالرحمة قيثارتي
+ يا موسيقات الروح خديني و قدميني بتشكرات
لمن فدى نفسي وسيبيني أسكب له طيب التسبيحات
ممتن لك علىَ عُمر عدّىَ بكل خير يملىَ حكايات
وف كل واحدة منها فيه سندة رفَعتنى لك بالتعزيات
https://masrelaan.tk

ترنيمة: أنا مطمن وياه - المرنم ماهر فايز - فريق الكاروز

kero ayad

Recent comments

Keroilies N Ibrahem

emil william

Remon Yanni

Alber abd el moez

Related tracks