نوادر الشيخ امام

من برنامج مع الحان الشيخ امام
صوت العرب 1968
فايدة كامل تغنى للشيخ امام
حى على الفلاح 
----------
من مكتبة عصمت النمر 

تسجيل نادر  فايدة كامل  تغنى مع الشيخ امام عيسى حى على الفلاح

ياللي تشكي من الهوى

ياللي تشكي م الهوى هوّن عليك
واشتري قلب الحبيب بدموع عينيك

إنت سلمته فؤادك قبل ماتعرف هواه
--
ياللي تشكي من الهوى

ياللي تشكي م الهوى هوّن عليك
واشتري قلب الحبيب بدموع عينيك

إنت سلمته فؤادك قبل ماتعرف هواه
--

وإنت هنيته ف ودادك وارتضيت منه جفاه
ليه تقضّي الليل حزين   وانت فى حبك أمين
هو ذلك فى الغرام صعبان عليك؟

الوداد روح المحبة واللي مال
يبقى طول العمر في أسر الجمال
يحلى في عينيه العذاب لجل ما يرضى الحبيب
إن سمح يوم بالعتاب يفتكر وصله قريب
بين صدوده وبين رضاه  
واللي يعشق يسعده طيـف الخيــال
ليه تقضّي الليل حزين وانت في حبك أمين
هو ذلك فى الغرام صعبان عليك؟
صعبـــــــان عليــــــــــــــــــــك؟

كلمات: احمد رامي
ألحان: زكريا احمد
مقام: بياتي
تاريخ: 1932
http://www.misrfone.org/

تسجيل نادر للشيخ امام عيسى - تقاسيم + ياللي تشكي من الهوى

اهداءات الدكتور طلال طعمة
تسجيل نادر - الشيخ امام عيسى - كل ما تهل البشاير - مسبوقة بتقديم بصوت امام وترجمة بالفرنسية - فرنسا - حفلة
http://www.misrfone.net/

تسجيل نادر - الشيخ امام عيسى - كل ما تهل البشاير - مسبوقة بتقديم بصوت امام وترجمة بالفرنسية

أحنُ شوقًا إلى ديارًا رأيت فيها جمال سلمى | الشيخ إمام عيسى

الشيخ امام عيسى - على بحبو ياعينى ياليلى اللى مسهرنى بطول الليل
من تسجيلات فرنسا
Theatre des Amendiers - Nanterre

الشيخ امام عيسى - على بحبو ياعينى ياليلى اللى مسهرنى بطول الليل

اذا الشمس غرقت في بحر الغمام..
ومدت على الدنيا موجة ظلام
ومات البصر في العيون والبصاير..
وتاه الطريق في الخطوط والدواير
يا ساير يا داير يا ابو المفهومية..
مفيش لك دليل غير عيون الكلام

===============================

“مر الكلام زى الحسام
يقطع مكان ما يمر
أما المديح سهل ومريح
يخدع.. لكن بيضر
والكلمة دين من غير ايدين
بس الوفا عالحر.”

أحمد فؤاد نجم

الشيخ إمام جلسة نادرة جداً بصوت نقي ( إذا الشمس غرقت - مر الكلام ) كاملة

تسجيل نادر للشيخ امام  "اذا الشمس غرقت - مر الكلام"

زمان لما افترقنا..
ليل الطريق سرقنا
وتهنا في المسالك
أنا المجروح
وأنتي
حزينة زي ما أنتي
عنيدة في امتثالك
تعبنا ياحبيبتي.. 
تعبنا م العناد
طريق ضايع فرقنا..
وتهنا في البلاد
مع انك ياحبيبتي..
حياتك في الوداد 
وانا ظلك و عارف..
نهايتي في البعاد
عذابك وحشني.. 
وعشقك هبشني
وقلبك فرشني..
جناين وقمرة
راجع لك ياسمرا

أهيم شوقا - زمان لما افترقنا (تسجيل نادر)

“عليل وصف علته قالّه الطبيب هُوّ
داء الغرور في البشر خلّى النفوس هُوّه
يا مسأسأ الصبر فوق الجرح من برّه
الجرح يا عم جايب دم من جُوّه”

****

فين آخر الصبر ياشيخ أيوب
و لأمتى الحر يبات مغلوب
الجو ضباب
الوقت غروب
الديب ع الباب
الباب موروب
الحرب الحرب الحرب
و لا غير الحرب سبيل
و الضرب الضرب الضرب
على ناصية كل ذيل
النار و العار
لعدو الدار
و الموت للخاينين و الغدار
كان جدي كبير السن وكان
بيقوللي كلام
زي القرآن
الحق عجوز و قديم و يغر
لكن ما مايموتش و له طلاب
و التار قنطار
فوق كتف الحر
و الصبر ف وقت البلوة عذاب
و العزم صديق ف الوقت المر
و لا غير العزم
تلاقي صحاب
و الأرض براح
و ان داسها الذل
تضيق بالناس
و الخضرة تموت
و يعربد فيها البوم أجناس
و لا تبقى حياة
و لا يبقى نظام
و لا خطوة تسير بالناس
قدام
و لا تعرف بكرة
حيجي بأيه
و لا تفهم معنى لأي كلام
و نلف نلف
و برضه نقول
الحرب سجال
داير على طول
و السكة أمل
و النية عمل
و الجهد حياة
و الراحة شلل
يا زنود الناس الشغالة
ملعونة الراحة
ف خط النار
النصر عروسة يارجالة
لكن ممهورة
بالاصرار
التار يا عروبتنا
التار
التار فوق رقبتنا
قنطار
و خلاص الشعب الحر اختار
الحرب
الحرب
الحرب
و ليحيا كفاح الشعب

sayed enabah

صبر أيوب - الشيخ إمام "تسجيل نادر"


كلمات : الفاجومي أحمد فؤاد نجم
ألحان و غناء : الشيخ إمام عيسى

يامَّا مويل الهوا _ الشيخ إمام

أنا اتوب عن حبك أنا ؟! 
أنا لي ف بعدك هنا ؟! 
دنا بترجاك
الله يجازيك
يا شاغلني معاك
وشاغلني عليك
وان غبت سنة
أنا برضه أنا
لا اقدر أنساك
ولا لي غنا
ولا أتوب 
عن حبك أنا
زي ما يحلالك
زي هواك
سهرني عليك
سهرني معاك
دنا عمري ما اخاف من هجرك يوم
ولا قلبي بيفرح ونا وياك
وان كان أمل العشاق القرب
وأنا أملي ف حبك
هو الحب
وان غبت سنه
أنا برضه أنا
لا اقدر أنساك
ولا لي غنا
ولا اتوب عن حبك انا
أنا لا اتمنيت
ولا قلت يا ريت
ولا بعدك عني
جعلني سليت
دنا كل منايا أدوق اللوم
ويقولوا علي الناس حبيت
وان كان أمل العشاق القرب
وأنا أملي ف حبك
هو الحب
وان غبت سنه
أنا برضه أنا
لا أقدر أنساك
ولا لي غنا
ولا اتوب عن حبك أنا
تخاصمني كتير
نصالحني كتير
كل دا يا حبيبي ما لوش تأثير
توصلني سنين
تهجرني سنين
ما تغيرنيش
دنا حبي كبير
وان كان أمل العشاق القرب
أنا أملي في حبك
هو الحب
وان غبت سنه
أنا برضه أنا
لا اقدر انساك
ولا لي غنا
ولا اتوب
عن حبك أنا

أنا أتوب عن حبك - تسجيل نادر

يا آل مصر هنيئاً فالحسين لكم
نعم الشفيع لدفع الضر والنقمِ
من زاره مخلصًا لله نيتهُ
تراه في جنةِ الفردوس كالعلمِ

***
الله حي
الله حي
وسع سكه يمر الضي
شيخنا العاشق
جي وراشق
سهمه وماشي حدي بدي
يا سيد يا بدوي
يا سيدنا الحسين
مدد يا أم هاشم
يا كحل العينين
مولانا الرفاعي
يا طب الأفاعي
يا سيدي ابراهيم الدسوقي
إنت فين
با نادي عليكو
يا أهل الطريقه
وجوايا شوق
للغزل والحقيقه
وبرايا عالم
مشعلل حريقه
فزعني ولسعني
وكوى قلبي كي
الله حي الله حي
**
أنا عشقت سلمى
وغانم غواها
وانا لما باعشق
ما برجعش اتوب
تاخدنى المعاصى
آدم جدي عاصى
وأنا راضع معاصى
وشبعان ذنوب
ولو قالوا
عشق المحاسن خطيه
ألم الخطايا
وأفوز بالعطية
وأسافر بحلمى
سعيد المطيه
عزيز الخطاوي ما يلويني شي
وغانم يا سلمى
يحب السلامه
ولجل المغانم
يبيع العمامه
ويبعد ويقرب
ويعشق لمأرب
وفى الجد يهرب
ليوم القيامه
وأنا اللي فى هواكي
سبقت المعاد
يا سلمى
يا عشق البنات والولاد
وطلعت صورتك
فى كل البلاد
وكبرت فيها الأمل
فى اللي جي
الله حي
ياسيدنا الأمام
يا حسين يا شهيد
وهلبت عالم
ورأيك سديد
لمين ود سلمى
فى شرع الطريق
ومين القريب ومين البعيد
ومين اللى باقي
ومين اللى زايل
ومين اللي شايل
ومين اللي طايل
ومين إللي يثبت
فى وقت الهوايل
ومين فينا ميت
ومين فينا حي
الله حي
غانم رايح عاشق جي
شيخنا الشايب
ماشي وسايب
كلمة بسيطه لأهل الحي
كل ماتمشى قدم ع السكه
كل السكه ما تشبع ضي
الله حي الله حي
فوت فى السكه
تشوف الضي

حلقة ذكر - الشيخ إمام (تسجيل نادر من جلسة أصدقاء)

قد ايه الروح تميل
و النغم يطلع جميل

غنوة سلام - الشيخ امام (تسجيل نادر)

..من أشعار نجيب سرور 
حلو المراكب مع المغرب وفاتوني
ع الشط واقف بلا مركب وفاتوني
ساعتها قلبي شهق
يشهد عليه الشفق
بيني وبينك بحور الغربة ياداري
ياناري ياناري ماتت في البحور ناري
الطير ده مين هشة؟
ع الريح بنى عشه؟

الشيخ إمام - حلوا المراكب

يعيش اهل بلدي -  الشيخ امام

عطشان يا صبايا
وانا عاشق.. ع السبيل
عطشان والميه ف بلدي
على عكس ما يجري النيل
والنخل العالي مطاطي
والجذع الواطي ذليل
والريح العاكس كابس
والريح العاطي بخيل
والنسمه اتعكر لونها
من هم الناس يا خليل
عطشان والنيل في بلدي
والزرع اخضر وجميل
وانا كنت امبارح خالي
واليوم دا صبحت عليل
عطشان ودوايا حبيبي
يسقيني العشق دليل
ودليل الحب عمايل
وكلام الحب جميل
وانا كل ما أقول التوبه
تغويني المواويل
تطرح في القلب جناين
تفقس فيها الزغاليل
عشاق يا حمام الغيه
ولا فيش قدامنا بديل
سكه ومحسوبه علينا
نمشيها جيل ورا جيل
ع الشوك نفرد خطاوينا
في الليل تضوي القناديل
حوالينا قلوب حبابه
ومعانا العقل دليل
والشمس تصب صبابه
والمنبع نهر النيل
وان لاموا علينا يلوموا
ما لهمش علينا سبيل
ما هو شوك العشق ملامه
والشوك في الورد أصيل
ودوني ع السبيل
ودوني ع السبيل

الشيخ إمام  _ عطشان يا صبايا

كلمات : احمد فؤاد نجم
الحان : الشيخ إمام
---------------
قيدوا شمعة يا أحبة و نورولي
رمشتين من رمش عين
و بيندهولي
من هنا سكة ملامة
من هنا سكة ندامة
سكتين يا للا السلامة
أمشي فين يا ناس قولولي

قيدوا شمعه - الشيخ إمام

وحيداً أمضى في درب موحش  وعزائى  الموسيقى والكتاب وركن هادئ  أنعم فيه بوحدتى  بسلام إلى أن تنتهى تلك اللعبة البائسة... 

غنوة سلام - الشيخ امام (تسجيل نادر)

Khaled Elsafty

Recent comments

Hakeem Essa

Elsayed Elsawy

manaroo

Mahmoud Hosny

Related tracks