‎⁨حبيتك ليه.. عمرو حسن⁩

عمرو حسن _ جديد - باكتب لكم

عمرو حسن الرجالة لما بتكرة

عمرو حسن نهاية الفلم 💔🍃 لما الراجل يكره 🌵

الساعه في ايدك كام ؟! ملخص ٢٠٢٢ - عمرو حسن

عمرو حسن _ أجمل ماقيل في وحشتيني(M4A_128K).m4a

عمرو حسن - الحكاية بأختصار

Amr Hassan  El-Hikaya Bekhtsar - عمرو حسن  الحكاية بأختصار

عمرو حسن - هيبتا

minimum charge - عمرو حسن حفلة مكتبة الاسكندرية

قصيدة الدفتر عمرو حسن من حفل أكتوبر بـ ساقيه الصاوي  2019

ماحبِتش غيرها 
برغم السنين اللي فاتت عليا 
بيفضل حنين منّي ليها ف عنيا 
وتفضل كإن البنات بعد منها 
نسخ باهتة منها 
وكل الشموس اللي تبعت غيابها 
بتنعي انسحابها 
كإن الشوارع عجين لما مرت 
فنحتت اثرها 
وحفظت كلامها وخوفها وهزارها 
ومشيت جماعه مامشيتش مفرد 
عشان غاب معاها مِساها ونهارها
بتسألني عنها برودة ايديا 
ورعشة سلامي 
ويسألني عنها سكوتي وكلامي 
وحتى كلاب الشوارع بتسأل
وجندي الإشارة 
ويسألني قلبي وكلبي ومرايتي 
وتسألني ساعتي ف معاد الزيارة 
بتوحشني زي العيال ف المدارس لعين امهاتهم 
وتوحشني زي ارتباط الملابس بايد شماعاتهم 
وسايباني زي اللي ماتوا وفضلوا 
بيمشوا ف حياتهم
تشم القلوب كل يوم زهر فايح 
وتتبقى وردة ويفضل عبيرها

ماحبتش غيرها 
وليها مكانه مخليّه قلبي بيسلك دروبها  
خدتني لدرجة تخليني اشوف المزايا ف عيوبها 
وصوتها 
وايه زي صوتها 
نزول المطر فوق خشب بيت قديم 
نعومة نجاة وبحة حليم 
وضحكتها تشبه دخول النسيم 
على ارض طالها الخريف من زمن 
ف يوم ما اتقابلنا 
ماكنتش باشوف الحياه ليها معنى 
وحسيت كإني عارفها لزمن 
كإن النصيب كان بعَدنا وجمعنا
وسددت تمنه وقبضت التمن
بسلم عليها كإني سايبها ف غربة ورجعت 
وسكتت ف لحظتها لكن سِمعت 
وغمضت عيني عشان املى روحي
قمر غاب ف ليلكم ونوّر سطوحي
وصالحتني كل السنين اللي فاتت
مجرد ماعدّت 
وقفنا ف مكاننا وخطاوينا مدِّت 
وفجأة انفجر سيل طويل م الأغاني 
كل ده كان ليه 
ياللي بتسأل عن الحياة 
بعيد عنك 
وسيرة الحب 
كبر الغرام 
بهواك 
حيرت قلبي معاك 
وقولت هاقدر ايوم انساك
وكل ما انساها افتكرها 
ماحبتش غيرها 

ماحستش عمري باحساس مشابه تجاه أي واحدة
كإن الغرام اللي مكتوبلي كامل 
خرج غصب عني وعلى دفعه واحدة 
كِبر فيا معنى 
وصار بيننا لعنه 
بدأت معانا ف يوم ما اجتمعنا
وانا كنت اصغر سنين من كده 
ماكنتش مأمِّن ليغدر زماني  
وعايش مآمن وواقف مكاني 
وشارد ف لون الحياة البرتقاني 
وتارِك بيبان الغياب مفتوحين 
ففاجئتني ضربة على غفله مني 
وسلمت راية ف أول كمين
وفاتت سنين 
واديني كإن اللقا من ثواني
لكني بقيت للأسف حد تاني 
خانتني الظروف واتسجنت ف غيابها 
ولساني ايد ع الاكر عند بابها
وبعد اما كنا شباب ف البداية 
كبرنا سنين جوه شرح الرواية
واصبح مابيننا جبال من جليد 
بلادها بعيد 
وارضي ملاها الحداد والحديد 
وتجاعيدي مرت شقوق الغيطان جوه طمي الوريد 
وأصبحت اكبر 
وأصبحت اعدي الطريق ف الإشارة 
باتقل هدومي وبلبس كوفيّه 
واحس بجروحكوا واوجاعكوا فيّا 
وأصبحت اعقل 
واهدى وأتقل 
وهي كمان حاجه فيها انطفِت 
وعاشت ظروف متعبه واختفِت 
لكن لسه نفس الصبيه الجميله 
وصاحبة ليالي الغرام الطويلة 
ولسه عيون ممكنه مستحيله 
وست البنات كلهن ف عنيا 
ومهما ايدين ناعمه مسكت ايديا 
ومهما عيون ثبتتني ف مكاني 
هتفضل رجولتي وطفولتي عشانها 
مايملاش مكانها ف يوم حد تاني 
ولا واحدة تربط مصيري بمصيرها 
ماحبتش غيرها 

ومايأسش ابداً 
ولو حتى قالوا الحكايه ف اخرها 
ولو صوت صحابي ف وداني محاصرني 
ولو طول غيابها خانقني وعاصرني 
ولو حتى عدت سنين تانية بيننا 
هاقول انه وارد 
وجايز وممكن 
وامنّي خيالي باجمل نهاية 
وهي معايا 
وجايه تعوضني لحظة بكاها بلحظة بكايا
وراجعة بكل الورود اللي دبلت 
والاقيها قبلت تكمل معايا 
ولو ساعه واحدة 
ولو حتى نظرة 
هاحس اني مرة مشيت وانتصرت 
واني جنيت قد لما انتظرت 
فسايب مساحة ف بيتي لخيالها 
وسايب مساحة ف قلبي لعيالها
وسايب اوضتنا ترتبها هي 
وسايب مخدة زيادة وكوفيه 
ومختار اضاءة تلائم عنيها 
وعامل حسابي عليا وعليها 
واقول بكره اجمل وهاقدر وهاكسب 
رهاني ف حاجات كان خيالي خسرها 

ماحبتش وافخر بكونها ف حياتي 
واني ف حياتي ماحبتش غيرها.

لـ princeps 💛👑

محبتش غيرها _ عمرو حسن

..ماحبتنيش
بلاش أكدب على نفسي
ولا أبرر ولا أصوّر لروحي الوهم
هيفرق ايه سبب موتي يكون برصاصه ولا بسهم؟
مراية الحب مش عميا..
مراية الحب كدابة
وكان لازم تغيب عني.. يا سايبه يا إما متسابه
وكان لازم بنفسي أحس
كان لازم بعيني أشوف
أقابل وشها البارد بقلبي الشارد الملهوف
أغنيلها وأعيش ليلها
وأقدّف مركبي في نيلها
وأراهن بالورق كله على آخر رقم كسبان
دخلت علاقة وأنا مستور
وخارج منها وأنا عريان
خارج منّها شاكك
ومش شايل لحد أمان

ماحبتنيش
برغم إني وكتاب الله ماقصرتش
ويوم ما قالتلي عايزه أعرف، ما أنكرتش
يوم ما قالتلي زعلانه مابررتش
معاها كنت أنا التاني، وابدّيها
بنقص من حياتي حاجات وبدّيها
ولما تمدلي ايديها
امد ايديا ماسحبهاش
ماحبتنيش وحبيتها
ودايرة تقول ماحبتهاش
غريبة القلب وعمايله
ده أنا لو كنت بعاديني، ماكنتش هامشي ناحيتها
ولو جوايا بكرهني، ماكنتش برضه حبيتها
مفيش عندي سبب واحد يبرر نظرتي ليها
رسمت سيناريو جوايا وصدقته
وقولت لنفسي بتحبك وعينها عليك
يا واد قرّب.. يا واد جرّب
دي لسه ف دنيتك داخله ولسه خيالها متغّرب
لحد ما مرت الأيام وانا بخسر ف كل قرار
وعشت حياتي بتنازل وتغلط والتمس اعذار
وكنت حمار
مفكّر إن لجل الحب نفرّط عادي ف كرامة
أشوف نمرتها ف موبايلي
أحس شعور غريب جايلي
وصوتي يتقلب أهدى واطوّل ف الكلام وأرغي
وكل كلامها كان منهج مذاكره حتى بالملغي
وشايف انها كوني وشمسي وضلتي وناسي
وبتأسف لا أكون غلطان ف حاجه عملتها وناسي
اكلمها عن الحاضر.. وعن بكره.. وعن بيتنا
وباخد رأيها علطول في علاقتنا
وهي كلامها كان اخره خلاص وتمام
صباح الخير.. مساء الخير.. ويلا سلام
بطلّع منها الكلمة بطلوع الروح
وكنت بقول وايه يعني،
في ناس بتحس مش بتبوح
لقيت أفعالها زي كلامها بالواحدة
وبمشي ليها ميت خطوة
ماتمشيش ليا ولا واحدة
أنا زعلان على نفسي
عشان شكّيت كده ف نَفسي
ودوست عليا بالجامد عشان واحدة
ماحبتنيش

أنا يمكن فراغ عادي
بديل القعده ف النادي
رواية بس ليها ايدين
ويمكن كنت توصيلة
ونقطه بُعد في علاقتين
ويمكن كنت بالنسبالها تكفيره
وعرفتني تسدد دين
ويمكن كنت شيء تاني اكيد عارفاه
ماسألتشِ وهي بترتكب حبي
وايه ذنبه اني ابقى معاه ؟
ماحستش بذنب ازاي
وعاشت تتهم فيّا
وترميني بتهم ظالمة
بتطلب مني اطفي النور وتتخانق عشان ضلمه
وطول الوقت بتشكّك.. وبتفاوض
وبتخانق.. وبتراود
وبتعاير.. وبتندّم
كإني بجري وأنا واقف
وفاكر نفسي هاتقدّم
واديني جريت لحد ما شوفت وضعي ازاي
ماحبتنيش
وسايبالي شعور ميّت
بشوف ايه في الحياه يتعاش
بـعِّد خسايري وأنا خارج
دموعي وخوفي ومشاكلي
وأيامي اللي راحوا بلاش
لكني باقول، أنا راضي
واحط الجملة دي قصادي
"ده ذنب وجايلي م الماضي..
بدعوة واحدة مابتنساش"

عمرو حسن - ماحبتنيش

أنا و أنتِ و ديسمبر عشق لا ينتهي.

‎⁨حبيتك ليه.. عمرو حسن⁩

Khader Yassin

Recent comments

Aes op

Related tracks