تراك : حارتنا 
Lyrics & sing : Khaled Elsakhry 
Prod by : Free beats 


Lyrics :

حارتنا أحلى حارة عيشنا فيها سنين دراما 
شوفنا مكسب و الخسارة وسط الناس كانت إثارة 
و الصحاب وقت الطفولة و المواقف و الرجولة 
و العمولة لما تخلص يلا غور و هز طولك 

و الـ غاب ما بينا حاضر لما يسمع الحكاوي 
دا ال كان طموحه يوصل بس قاعد ع القهاوي 
و الـ غاوي يجيب سيرتنا بس لو قدمنا يحضن 
يجي من ورانا يشتم بس يلا النقص يحكم 

و الـ كان معانا سافر و الـ جاتله منحة هاجر 
و الـ عزل ساب حارتنا و الـ جار جديد في بيتنا
و الـ كان هارش ملحتنا و الـ خان العشرة بينا 
و الـ نص ليله صاحي و الـ لسه نايم نينه 

و الـ شاف البت لعبة عاكس فيها لاقها صعبة 
جه يلمسها علت صوتها  لمت كل اشناب الحتة 
قالوا مالك ياض يا جتة عامل فيها شجيع السيما 
اكل العلقة و عبا شتيمة و راجع بيته بقلة قيمة.. 

... 
في كل حارة ميزة و لكل ميزة سبب 
وجود لناس عزيزة و معلمين الأدب 
و ناس دايما معاك في الشدة تكون وراك 
و ناس تسيبك خالص عشان تسلم اذاك 

غش و خداع حقيقة مرة وسط واقع الخيال 
في ناس تبيع سرك لناس ع شكل قولنا و قال 
و ناس تحلف يمين و تروح مع الشمال 
و خلق طيبين في الشدة دول جبال 

ياما بيحصل كوارث من أول النهار 
في الفرن ناس تزعق علشان تلحق فطار 
و تلاقي صوت يجعر المونيا قديمة للبيع 
طب اصحى الساعة 7 وقت الطابور هيضيع 

طب فين مصروفنا طيب يلا نروح الكانتين 
الحق يا عم سيد واخدين حمارك فين؟ 
و الست ال فوقينا علطول ناشرة الغسيل 
بتنقط ليه علينا واللهي دا عيب كبير 



و الافراح بتهل علينا يلا نجمع نعمل زينة 
و الشوارع تبقى هيصة بالشراشيب الـ بأيدينا 
يلا نجري ع الأتاري يلا نخلع م المدارس 
هوب أبوك قفشك يا خايب خدت ضرب كتير يا ساتر 
خش غور يا واد و ذاكر 
هي دي اخرة صياعتك 
جبت كام ملحق يا ساقط
منتا فاشل زي عادتك 

و الصريخ و الدوشة عالية 
جوا أي بيت و شقة 
و أم فوزي تقول يا حوستي 
يا بني سيب الفازة غالية 
يلا نلعب ع النجيلة 
يلا نحجز لعب بكره 
يوم بنكسب فرق ستة 
و بعده نخسر فرق خمسة 
هو دا الـ ضربني يا سطا 
عاوز اخد حقي منه 
كتف ف كتف انا و انته في شكلة 
و لا نحاول نبعد عنه 

و في حارتنا الكل مأنتخ
 في العصرية مع البطيخة 
و الـ رايح جمسة يصيف 
و الـ مسافر شهر مرينا 
كلهم بيروحوا حبة 
و يرجوعم تاني لحارتنا 
هو دا الحنين يا سادة 
حارتي أهلي و هما بيتنا
...

راب هادف
راب هادف عربي
راب هادف كلمات
راب هادف حزين
كلمات راب هادفه
اغاني راب هادفه
كلمات اغنيه راب هادفه
كلمات راب هادف مصري
كلمات راب عربي هادف
اغاني راب عربي هادف
تحميل راب عربي هادف
راب جديد هادف

حارتنا | خالد السخري

هلاوس الليل :

يا مراحب بـ الجاي لجل يجيب جروح معاه 
يا أهلا بالـ خان العشرة و الذنوب عمياه 
مرحب بالصحبة والله 
مرحب بالناس و اللمة 
مرحب بالوحدة و الكئابة جوا قوضة ضلمة.. 

و دي بنت الناس 
و دا بينا شيطان وسواس 
الخيط الواصل بينا كان ضعيف ف اتزال خلاص 
و الضربتين في الرأس بتوجع 
فـ ما بالك كل دول؟ 
كل الـ ع المراكب عاش و انا الـ مات مخنوق.. 

انا عايز افوق! 
العمر واحد يعني مش عمرين
اختارت أكون جدع قابلت كام وجع في العين.. 
و يا ناس يا مغرمين كفياكوا شرب الويل 
الليل طويل ع العشاق فـ ميسكرناش لو مين؟ 

عارفين؟؟ 
انا كنت شاب زيي زيك 
مليان أحلام و طموح لكن مقدرتش إني أحقق 
فضلت أقع و أقوم و أقوم و أقع و مش بيدي.. 
الناس دول مغرمين في الغرب ليه و ع ايه ي جدي.!! 

" شوف الـ يحبك حبه الحب ال ميتحبش فيه 
فكر بعقلك صلح نفسك و أدى لروحك راحة 
اختاره قلبك ماشي و ماله!  و قلبك راضي عليه؟ 
بس إحذر الوجع في الروح دا ميصلحوش جراحة.. "

ياما نفسي افرح و أغنى حتى لو هموت 
منا لو مفرحتش يعني نهايتي بردو هي الموت 
يا سكوت!! 
كاتمني ليه عن صرخة قلب 
لا عمره داق الفرح بس جريمته إنه حب 

يادي القلب 
جايبني في داهية من أفعالك 
بفضل مخزن في الردود و تروح مع كلمة" مالك؟ "
الوش مش لايق عليك؟ 
الهم كان مداريك 
بيقولوا طيب.. و انته طيب!  ماشي و اعمل ايه؟! 

تنبيه!! 
ما تخسروش الناس البجحة.. 
عشان ساعات خوفهم عليك بيوصلهم لكده. 
خلاص مفيش مشكلة!! 
عيشت الحياة بهدلة 
هموم خمسين سنة ع وش شاب مكملش العشرين 

خدوش العمر ع الوشوش مكبراني بدري 
قطر الفرح فاتني و لسه بردو بجري و اجري 
و لا كان بيدي و العين كانت مطفية 
صاحبت ناس خدوك مداس و شوفت دنيا تانية.. 

" شوف الـ يحبك حبه الحب ال ميتحبش فيه 
فكر بعقلك صلح نفسك و أدى لروحك راحة 
اختاره قلبك ماشي و ماله!  و قلبك راضي عليه؟ 
بس إحذر الوجع في الروح دا ميصلحوش جراحة.. "

هلاوس ليل | خالد السخري

آداء و كلمات : خالد السخري 
Prod by : mahmmed mahmoud 
Mix & master : by me 

الكلمات :

تعبان مش طايق احكي آي كلمة تانية نهائي 
حواليا ناس كتير مستنين اعلان وفاتي 
مخنوق و هم الدنيا كله ضرب فوق دماغي 
ندمان لما بتسألني عن احوالي و ارد عادي 

 مهدود لأن كل دول جايبين في سيرتي و اكتر 
و دا خاب و عاب في ضهري و لما شافني قال بهزر 
عشمان اني أبقى عايش نفس عيشتي من زمان 
غدر السنين خلاني ابيع ضميري و أقول بكام؟ 

عشرين سنة في طيابة ساذجة و ابتسامة عكرة 
و اهتمامي بأني نكرة و أن محدش جمبي منهم 
هما فينهم مش موجودين في ضيقتي و لا اختفوا 
عينيهم شايفه همي و اكتئابي و لا اتطفوا؟ 

عرق السنين بينزل ع الجراح و يبَكى عيني 
جرالك ايه يا دنيا كل مرة تحوجيني
احكيلك ايه يا صاحبي و انته كل يوم ناسيني 
مش كل شوية بـكلمتين هتيجي و تراضيني 

" هلكان.. تاريخ حياتي أسود غميق بهتان 
هلكان .. و العين بتوصف احسن م اللسان 
هلكان.. صحاب منين و كانوا فين زمان؟ 
هلكان.. و لوحدي عايش احكي للحيطان "

متغلطنيش كتير ياريت عشان متخسرنيش 
وجودكوا ملهش لازمه زي الكوبيات في النيش 
مفيش جدع بيدوم عشان الناس مابتوفيش 
زرعت الحب فيها و في النهاية حصدت خيش 

قلبى انكسر من فترة تايه مش لاقيلي مرسا 
لا انا فرحان و لا زعلان ولا مرتاح ولا عارف انسي 
ازيك انته؟ 
عايشها راضي في دنيا فانية 
صدق الـ قال صحيح يا بني السنين زي الكولونيا.. 

كل الـ شاف تكشيرتي سابني و قال عليا كئيب 
عايزني افرح و أغنى و اضحك و الهموم بتزيد 
أربع سنين محبة و في النهاية مفيش نصيب 
دلوقتي جاية تقولي نبعد يعني شئ عجيب! 

هكتب كلام يشبهك و انته تنسى تقولي عاش
انا قلبي سهل جدا و التذاكر دي ببلاش 
مترين قماش و اتنين ممثلين عليا يبكوا 
متشكرين الدفنه خُلصت يلا روحوا بيتكوا..

هلكان | خالد السخري

اسمي خالد السيد السخري 
بغني راب و ساعات بكتب شعر 
و بفهم في المونتاج و الفوتوشوب 
بعمل كل التراكات بمجهود شخصي

Omar Elsayed Elsakhry

Popular tracks