عاين ما الشبة باين _ أبو التِـر

بقيت ظالم  نسيت الناس -  زيدان ابراهيم

مصطفى سيد أحمد غدار دموعك عود

كل لحظة عثمان حسين

كمال ترباس - اذكري ايام صفانا - كلمات محمد بشير عتيق - ألحان كرومة

عبدالعزيز العميري - كان بدري عليك

جافي المنام - سعدابي

محمد الأمين - وحياة إبتسامتك

الليمون سقايتو علي سيد خليفة

محمد الأمين - غربة وشوق - تسجيل فاخر

كل ما تباعد بينا عوارض
كل ما هواك يا طيبة مكنِّى
تلقى الغربة تكرب الواحِد
بيكى أسمى الشوق .. وأكنـِّى
لمـّا أفوتك من دون خاطر
أو دون خاطر منى تفوتى
بلقى حبايب فى كل حِتـّة
وكل بيوت الفُقرا .. بيوتى
لا غيرت وراك الجِتـّة ..
لا بدلت ملامح صوتى
لا غافلنى وهادن فنى ..
غامل المدن .. الما عِرفتنى
دقن الشوق الصبرو .. مصوبر
للأرياف الكم .. وفّتنى
وللأطفال الناشفة ضلوعا ..
ونازفة بغنى
أطمن روعة .. وأهدّى دموعة
لبسمة بكرة اللاّها تمنى ..
ولا مصنوعة
للاطفال النازفة ضلوعة
وناشفة بغنى
********
أغنى لشعبى ومين يمنعنى
أغنى لقلبى .. إذا لوّعنى
مخيـّر دربى الما رجعنى
إذا طلعنى دخلت القرب ..
ولا الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية
***********
أغنى الناس الما بتسمعنى
المِنِّى بعيدة .. ومبعدة عنى
ا نادى نشيدا .. وكنت المعنى
الإيدى فى إيدا .. وإيدا بتبنى
فى دنيا جديدة اليوم .. راح تدنى
وأريت غنواتى فى ناس شغالة
تكون سُندالة .. وعود طورية
ضراع رجالة .. كتاب أطفالا
وجملة بالا .. الما مقرية
سدّة مالة.. وبقـّة فالة
فى ليلة الدخلة على أسمى قضية
****************
حبيبة قلبى يا سودانية
يا أسمى معانى فى زول بيعانى
ياود ضكران .. ويابتْ دغرية
وأنا إنْ سامعانى بطـّلت
أغانى غُـبش .. فقرية
وروح غانيانى
هويتك منك يادافعانى براحة إيديا
ويا جابدانى ... قربت عليا
وما بتحيـّر بين الفوق ..
وبين الناس التحتانية
إلاّ مغـيـّر .. ولاّ عبوس ..
ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا..وتبقى تغنى
غناوى البكرة .. الكم مسموعة
حسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك ..
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا ·

عبدالعزيز العميري - كان بدري عليك

Khaled Eltayeb Abdalla

Recent comments

Osama Eltayeb

Manzool Jamal

airos

hesain saif

Related tracks