لكن ندرن عليا و دين
لا تيجى عيالنا تشبهكوا
تبوس على رجل أصغر شاب
و ترفع رايته زى ما حب
و تحفظ صم أساميكوا
و من آخر نفر فيكوا
لأولكوا
حتدعيلكوا ...







ودرس العربي في الارياف بيدعيلكو

ودرس العربي في الارياف

وأرض المعتقل لمـا هتفضـى اكيد هتدعيلكوا

٢٠٢٠ حزين عاللي ماتو بلاش 

أمانة عليك يا ليل طوّل بعد الشغل

لكل المتورطين فـ حب مصر ...
و ف دم اصحابهم...اللى سدّ عليهم السكّة لورا..
و للعسكر اللى سادّينها لقدّام..
و لضحايا آخر مجزرة.. و اللى بعدها..
وإلى سرب الشهداء القابل لزيادة العدد..
ولمجهولي الأسماء.. والأنبيا الجدد..
للمفطومين ع السخرية والصعب..
واللى حالفين يعدلوا وش الزمن..

أشعار  
وائل فتحي
أحمد عبد الحي
مصطفى ابراهيم

يسقط كل من خان عسكر فلول اخوان

من وحى الانبياء الجدد

بعد منتصف الليل بشوية - اخر أيام الصيفية

جرحونا برمش عين..

قصيدة : يا عاشقين اتجمّعوا جنب الدفا
كلمات وإلقاء : مايكل عادل
إهداء : للاجئين والمحرومين من الحق حتى في الهروب

بسم الإله
خالق وطّننا والحياة
بسم الشعوب والناس ولقمة العيش الحلال
بسم الجبال
بسم المزارع
والشوارع
والمَطَر
بسم المطارح
والمسارح
والخَطَر
بسم اللي عاشوا دفيانين وقت الشتا
بسم اللي ماتوا بردانين
وسط العراء
وسط الحَجَر
بسم الطوفان اللي هايقلب كل شيء
بسم الزمايل في المعارك والطريق
يا عاشقين وجه النبي
صلّوا عليه
يا عاشقين
واستعطفوا قلب الشتا ع اللاجئين
والغلبانين
والمحرومين
م الحق حتى في الهروب
قولوا لأطنان الجليد فوق القلوب
تنزل سلام
تحمل رسالة دفيانين من قلبنا
قولوا لأبناء العراء
يستحملوا
قولوا لسكّان العراق
أن يُمهلوا
قلب الحياة مهلة سنين
فوق السنين
يمكن يداوي جرح كل المحرومين
يمكن تعود الأرض
يمكن بعد حين
يا عاشقين وجه النبي
سمّوا على اللي يموت بضربة من البارود
صلّوا على المقتول بجوعه
واللي بردان من عهود

بسم الحياة والمغفرة
والعفو وقت المقدرة
بسم اللي ساكنين الشوارع
والمزارع
والنجوع
بسم اللي سايبين البنادق
والخنادق
والربوع
يا عاشقين وجه النبي
إدعوا الإله
يكفينا شرّ الأجنبي
إدعوا وناجوا في الصلاة
قلب الحياة يعرف معاني الطبطبة
على قلب عيّل كان مُناه
يعرف ملذّات الحياة
إدعوا ف صلاتكم كُل حين
للمحرومين
يلقوا مكانهم في قلوب المدّعين
يلقوا مكانهم جوّة صورة مع فلانة
جنب ذلك ولّا ذاك
يا عاشقين اتجمّعوا جنب الدفا
جانب نيران شعلة غضب
من قلب محروم مـ الحياة
ردّوا الندا
من ده و ده
حاوطوا بقلوبكم كُل حين
اللاجئين
والمحرومين
والأفئدة
كُل ذنوبها إنها
خايفة تموت
متجمّدة


يا عاشقين إتجمّعوا جنب الدفا | مايكل عادل

ابتهال : عمرو يكن
كلمات : احمد جمال
"تسجيل "عنادل


العين تبكي - عمرو يكن

اغنية اسكندريلا الجديده ضحكتها
شعر: احمد حداد
لحن: حازم شاهين
حفل عيد ميلاد اسكندريلا التاسع
ديسمبر 2014

اسكندريلا - ضحكتها -

مقاطع صوتية من أفلام عجبتنى و قلت أعود نفسي على مشاركة الحاجات الجميلة مع الناس الحلوة .. :))

أورشليم يا قاتلة الأبرياء و الأنبياء - يوسف وهبى من فيلم إسكندرية ليه

تعرف اني شوفتك زمان يا خواجة؟ ..

وكإن كُل الناس اتفرّقت فجأة
وبقينا واحد واحد في الطريق ماشيين
متقسّمين بين السكك شمال ويمين
مش دريانين بالافتراق... وحتى الوحدة مش فارقة
زي ما يكون اتسرق عقلنا
أو قلبنا محطوط عليه غيمة
مع إننا مستقتلين ع الحلم
لكن نسينا الشكل والمضمون
نشبه مشاهد تايهة جوّة الفيلم
هربانة من سينما الكبار... محشورة في الكارتون
كنّا من حبّة دقايق كتلة واحدة في الطريق
بقينا ليه متفرّقين في كُل شيء!
رغم الشَبَه...
والسن...
رغم الحنين للحقيقة...
والبحث وسط الزبالة...
عن المعاني البريئة
رغم التمدد في الألم
رغم انكماش البراح
كان أولى نفضل في الونَس بعد اللي راح
لكن بقينا مكشوفين لصهد الشمس...
وللمطَر...
كتف اللي جنبك كان بيحميك م الخطر
ويونّسك بالهَمس
ويحدف عليك الضل...
دلوقت حبّات التراب طايلة الجميع
دلوقت ماشيين في الضباب..
رغم الربيع
وبنلتفت مانشوفش بعض
مانشوفش غير التجربة
والذكريات
ونحس بشويّة حاجات...
خدناها من قلب الزمن سرقة..
دامت معانا ثانية ولّا اتنين
وكأن كُل الناس اتفرّقِت فجأة...
وبقينا واحد واحد..
في الطريق ماشيين

الضباب - مايكل عادل

كلمات: مصطفى ابراهيم
الحان وغناء: محمد محسن

بندعيلكو _ محمد محسن

كلمات: بديع خيري
الحان: سيد درويش
غناء: محمد محسن

بندعيلكو _ محمد محسن

Khaled Kantoush

Recent comments

Ahmed Abdel-Khalek 1

Hassan

عمرو جمعة | amr gomaa

reda

Related tracks