عمرو حسن | AmR-HasSan

حـقنــة بنــج  . . لـــ محــمد ابراهـيم

محمد الصاوي مش كل حاجة

Alomk Le  Osama Hassan

انسان علي الهامش
غناء ماركو ماهر
كلمات: أحمد علاء القائد
ألحان و توزيع موسيقي و وتريات: أمير ناثان
هندسه صوتيه و ميكساج و ديجيتال ماستر: إسلام غلاب (ستوديو وان)

جميع الالات و الفواصل الموسيقيه : أمير ناثان

©جميع الحقوق محفوظه 2014

Ensan 3ala El Hammesh
Marco Maher
Lyrics: Ahmed Alaa El Ka'ed
Composer, Music & Strings producer: Amir Nathan
Audio Engineered, Mixed And Digital Master BY Islam Ghallab (STUDIO ONE)
All Instruments arrangements By Amir Nathan
© All Rights Reserved Amir Nathan 2014



انا العاقل وانا المجنون فـ نفس الوقت .. انا الضحكه اللي غرقانه لـ شوشتها دموع ..
انا نور هادي فـ ال ضلمه فـ لحظة كبت .. انا الصوت اللي بينادي ومش مسموع ..

انا ييجي ألف 100حاله .. انا الكلمه اللي متقاله ..
انا حروف لو ترتبها .. تلاقي المعني 100 حاجه ..
انا مركب علي اليابس .. انا الحلم اللي مات يائس ..
انا الدايره اللي مش كامله .. انا إنسان علي الهامش ..

انا اللي العمر ضاع مني فـ كلمة حق .. وكان بأرادتي سيبت الدنيا مش زعلان ..
انا اللي حافظت ع المبدأ بـ قولة لأ .. انا كام صوره مرسومه علي الجدران ..
انا الشمس اللي بتصبح عليك الصبح .. انا الليل اللي بات حاضر قمر سهران ..
انا الورده اللي من غير ميه بتفتح .. انا كام صوره مرسومه علي الجدران ..

Ensan 3ala El Hamesh  (Marco Maher) Music By Amir Nathan .. أنسان علي الهامش (ماركو ماهر)

على لوكا
ـــــــــــــــــــــــــــــــــ
كام مره سألتك ؟
وكنت بتهرب م الاجابه ؟
لامتي هتفضل عايش ساكت
ارنب صيد وسط الديابه
خوفك وضعفك بذر جوه منك
وبتسقيهم
ديما خير الناس مش ليك 
وخيرك انت رايح ليهم
كام مره جم عليك 
طب ليه مجتش في يوم عليهم ؟!
" لسه سايب نفسك ليهم شايف ان الوضع عادي 
وقت ماكنت لكله شايل كله ليك مكانش فاضي "
ف انت بقيت متقبل فكره 
مين هيبيعك المره دي ؟!
نفسك نفسها يطول نفسك
بعد ما اتقطعت انفاسك كم بني ادم انت ساعدته ؟
رجع من تاني برجله داسك 
بيفسرها منك جوه حاجه اي ضد احساسك 
كل حاجه عكسك حتي غلطك من راسك لساسك 
عامل مش واخد بالك من صوت جواك قالهالك !
انك ع الهامش ديما فين كرامتك بالنسبالك 
يرجع سؤال مين الغلطان ما انت اللي عارفه
صغيه السؤال بتضايقك ؟ 
طب خلاص اللي انت شايفه
ـــــــــــــــــــــــــــــــــــــــــــــــــ
داليا عمر
ــــــــــــــــــــــــــــــــــــــــــــــ
وشك في وش الذكريات
تايه غريب عن كل شئ
فيك نص حب الناس ف مات ..
ونص عايش كله ضيق ..
وكسبت ناس
وخسرت ناس وندمت فجأه عشان لقيت..
انك كتير فكرت فيهم بس
بسهوله اتنسيت
ـــــــــــــــــــــــــــــــــــــــــــــــــ
العفريت 
ــــــــــــــــــــــــــــــــ
بتحاول وبتفشل
تتمني وبتيأس
مش عارف اللي بيحصل ف بتقلد اللي بينجح 
خبراتك ف علاقاتك اعتذرت شافوك ضعيف
قولت ع اللي ف قلبك لجبريل 
قلب ابليس 
انت ضعيف 
يا تري ايه اللي فيك ؟
مختلف
عنهم
زيك زيهم
يمكن غلطك اكبر من غلطهم 
استسلمت !!!
ياريتك استحملت 
كدا مبسوط ؟
مش عارف ترفع عينك في عينهم 
فيك ايه بيفيدهم ؟
عشان يفيدوك ؟
لو كانوا علوك
هتدور الدنيا ويوقعوك
سمعت كلام الناس 
طب ادي كلام الناس اذاك 
طول ما انت محتاج هتفضل عبد للي معاك
انت كداب وانت عارف انك كداب 
اللي فيك دا طبع ومتقوليش غلاب
انت شايف انت في عينك انت 
الاتنين = بيتساوا 
وانت عارف انت طيب وهو اللي تحتاجه 
ــــــــــــــــــــــــــ
مزاجنجى
ــــــــــــــــــــــــــــــــــــــــ
اديت كتير لكتير مخدتش
فا الحياه خدتك ولا يوم كسبتك
خسرتك لهمومك سابتك
وددتك .. جابتك 
حطتك .. شالتك
وفي ازمتك ..
الناس اللي صدقت معاهم وقت الحاجه
كدبتك.. يمكن انت مكنتش فاهم 
او مستوعبتش حقيقة ان خيرأ تعمل .. شرأ تلقي
وتتعامل بطريقه " المعامله بالمثل"
قيمتك بتقل لما تعدي وتقول عادي
والإهانه تتقبل
وفين راح إعتبارك
فـــيــن
" قولي فين " 
بيعاملوك بـ وش تجاهل
علشان انت مش محتاج 
وشين وتسم نفسك بإسم
لآ
طبعا مش قصدهم
فتغمي عينيك الاتنين 
عن غدر وخيانه في دمهم 
ما انت بتحبهم 
ف بتختار تنسى 
في امل لسه ؟!
ده كمان انساه !
ده كلام مش مفهوم لحد غيرك ايه معناه
ان انت انا 
اللي انا اخترت اهرب من المواجهه معاه.
Official Video : www.youtube.com/watch?v=euuzZlCzKaw

HipHopProject


Hip Hop Project - B Sohola Etnaset  مشروع هيب هوب - بسهوله اتنسيت

معاد مناسب للقيامة | عمرو حسن|AmR-HasSan

خلينا صحاب | عمرو حسن|AmR-HasSan

خفيت خلاص منك | عمرو حسن|AmR-HasSan

المكان وسط البللد | عمرو حسن|AmR-HasSan

باكتبلك قبل نهاية العالم بدقايق | عمرو حسن|AmR-HasSan

قصيده مكتباش نزار | عمرو حسن|AmR-HasSan

عمرو حسن - واخد على خاطرك

قصيدة مكتبهاش نزار - عمرو حسن

هل ممكن نرجع فى كلامنا للناس اللى كلامنا كسرها ..

هيجيلك وقت - عادل العش

شهرين يارب
وشويتين..
ييجي 100 جواب
9 علب كابتن بلاك
وتيرم ف طِب ..

شهرين وانا ..
مابقتش أحِب عينيا لما يفَتَّحوا ..
باصحي بذهول شخص اتنَجَد من مَدبَحُه
قبل اما ينزل نَصل حلمه عليه بثانيه ..
دوامة تانية ويوم جديد لازم تقابله وتغلبه
باقطُف جبيني من السرير وبارُص جسمي وارتِبُه ..
وبخُبث دايما احاول أنسي أحط قلبي ف مطرحه
..
انا لسه اهوه ..
معجون بحزن وقلبي مفطور مـ البُكا
واملك مساحة كبيرة من ضحك الصحاب
ومساحة أكبر من سكاتي لدمعُهم ..
دوري العظيم.. "أسمع لهم" ..
فارد كفوفي جنينه ورصيد طبطبه
وعينيا بير أسرار وكله بيقصُده ..
علي كتفي فيه أربع كراسي للصحاب
ازاي بلاقي مكان لأغراب يقعدوا !
..
انا اهوه يارب..
عايش جدار
كل اللي عدّى ف إيده لون بيلوّنه
علشان يشوفه بنظرِتُه ..
شاعر عميق, بياع كلام, مغرور, وشهم, ودنچوان, وسليط, وساكت, مُنطوي, صادِم , وقادر يحتوي كل اللي حوله بكلمتين, عربيد, وعامل ثورجي, مرموق, صديق القهوجي, وكئيب, وهادي, وبلطجي, إنسان مُمِل, صاحب جدع, جاني ف حكايته, أو اتخدع, وتملّي سارح بالساعات, لو تعصره يمَطر بنات, وان تشطرُه بينزف بشر, وف عز ما الزيف انتشر كان هو -أصل-, وبيحكي دايما مسرحيته..ناقصة فصل, عصبي, وكاره الانتظار, ومَلول, وحاول الإنتحار ..
وكأني ترابيزة قمار والكل بيراهن يارب..
..
انا لسه اهوه..
ذاك الصبي
جاك من كتييير يستحلفك
شايل حياته بكفُه وعينيه ناصيتُه ..
شايل ذنوب اتخفّوا ف قلوب نسيتُه
ضامم إيدينُه ف كل ليل وبصوت خفي
وبقلب عريان كل شئ إلا المحبة والدُعا
وناداك بحق ما شاف ف ضعفه وقوته..
تجعل طريقها سكِته وإيديه بلادها
تحرمها من كل العيوب.. وتسيب عنادها
وترُد تربة قلبها خضرة وعَفية ..
وتمِد روحه المٌنهكة بسنين وفية..
يقدر يصلح كسرها ويطَفّي خوفها
يحفظ ف صدره شكلها وينقُش حروفها
وتكون كفوفهم للدموع مأوي ومَصب ..
انا اهوه يارب..
..
علي عتبه الأوهام بشاهِد قصتي
في إعادة حية من البداية بدعوتي
ولحد شيل شوك الطريق من جِتتي
وانا مِدي ضهري للنهاية وببتسم..
واقف باسَمَّع نفسي صوتي وبادَّعي..
واكتب حقايق كات قصادي لكني عمد غفلتها
..
حُزن اللي راح لبواقي فازة يلِمها جرحت إيديه
كان لإنه حسبها هاترُد الجميل..
مش عشان شيئ اتكسر
واما تحفر اسم بنت 4 حروف علي قلب واحد..
كان لابد يسيب أثر..
..
انا اهوه يارب..
شهرين وانا
مابقتش شايف أي شيئ بوضوح
مطرح ما تتقل مني رجلي باروح
بدلت جمهوري بسجارة وكلب ذوق
وكراسي فاضيه ف الكافيه او سقف أوضتي..
وحرقت رئتي بـ كَذّي علي سِن الظروف
الخوف وجد له مكان ف ترتيب الضِروس
الدنيا أغمق والنصيب /تسديد دروس
لو فيه يارب شُجاع يخوض حربي الضَروس ..
إسندني بيه وانا مُنتظر
من مُدة اهوه ماذكرش إني حسبتها..
شهرين يجوز..
وشويتين
ييجي 100 جواب
9 علب كابتن بلاك
وتيرم ف طِب .
..
#أحمد_مصطفي
#علي_عتبة_الأوهام

على عتبه الاوهام

مزايا الجانب السئ


سعيد جدا
بتشريفكم مخيلتي
فى هذا الوقت تحديدًا
يا كل مذابح التاريخ
سعيد اكتر
بأن وجدي فـِ الدنيا
مجرد غلطة فـِ التأريخ

"سعيد صالح" توقع
ان مشهده فـ "زهايمر"
هيعملي إكتئاب
كان ممكن اصعب عليه
وعشان مايعرفنيش
مثل المشهد ومات
المكتئبين في الوقت الحالي
عملوا المشاهد شماعات
نظرية الاحتمالات ظالمه
م المستحيل ترضي الجميع
يبقي احتمال إدماني للضلمه
هيجعل مني شخص وضيع

"لما تقوم الصبح وذكرياتك ميح"

هتبقي فرصه مدهشه
انك هتبدء من جديد
كل الحاجات
دا فى حد ذاته شئ مهم
تعالي نحلل الموضوع

القيمة فى الذكريات
مش انها قديمة
انت ابن ليل
ظهورك بالنهار يشبه جريمة
يجوز هتلقي الشمس 
تبرقلك لوحدك
ما تخفش اجمد
دار المسنين اكتفت
عود للرصيف افضل
شاعر وطردوة القصايد
تفتكروا ليه يفضل
رد السؤال بالرفض
ماهوش محتاج لأذن
حرارة فاقت ترمومتر الحزن
اجدع وجع هو اللي باقي وبس
موت السجاير ع المخادع
خلاك بتكره قعدة الفوتيهات
فـَ حبيت القعاد على الارض
اسهل ف تحديد الخساير
جابتلي هدية ولاعة
لاقتني بطلت السجاير

مزايا الجانب السئ
عيوب متغلفه ب اخطاء

-الاستلواح سر النجاح
بيع اللي شاري
واغتنم ذنب التجني


-كله عند العرب صابون
ترغي بنية التنضيف
برضوا الوساخه مقررة لحلمك


-يا صابت يا خابت
احتمالات كتير هتغرقك
زي ما تكون ف اتوبيس 52 راكب
واتزنقت تلم اجره

-كله بيعدي
بس هيدوس عليك
كأنك خنفسة والحزن فيل

-البضاعة المُباعه
تشبه رباط كوتشي القناعه
تملي مفكوك ف الاذاعه
مشهد مكرر ف البشاعه

-المولد الزحمة
اروق كتير م الشِعر ف دماغك

سعيد خالص
بكل اللي اتكتب عني
وكل اللي اتكتب رغما
وبعض اللي اتكتب سهوه
مريض بالسرد والتصوير
سعيد بالحب
بعد ما جالي متأخر
بمحض الصدفه اعجبها وتهواني
وصدفة برضوا اتلخبط
على المسرح ف قصديتها
واعيد تاني
يا عاجبك وانتِ عجباني
يارب ما يبقي ما بينا فراق
ببلغكم يا كل الناس
مزايا الجانب السئ
عيوب متغلفه ب اخطاء

#أبــوالـــرتـــايـــن

قصيده مكتباش نزار | عمرو حسن|AmR-HasSan

Khalid Hanafy

Recent comments

User 872589793

Related tracks