خالد عبدالرحمن - ليلة

ياصاحبي مافادنا كثر الاحلام واللي بخاطرنا عجزنا نطوله

منك وعليك الهم من وين ما أروح
يمشي معي يا شاغلي مثل ظلّي
أنا حياتي بالهوى كلّها نوح
تشرب ظنوني هم وأقول علّي

أغلى الجروح اللي بها منك مجروح
الله يا حبّي لجرح التغلّي
لي في عذاب الحب رحمة ومصلوح
عذابك أرحم من نعيمٍ مولّي

حبّك عذاب الروح ويونّس الروح
مستوليٍ حبّك على كل كلّي
اصمت ويظهر منك في صمتي البوح
ملامحي منها جليسي فطن لي

خالد عبدالرحمن - صمت البوح

بنساك
لأني لك 
ألبس ملبس النسيان 
ما أبغاك
لأني الآن 
أرفض عيشة الحرمان 
ما أبغاك يكفيني تـعب 
ما أبغاك لو انك ذهب 

كانك قـدرت تجمـع سنيني اللي مضت 
كانك قـدرت تسقيها روحي اللي ظمت 
حتى لو انك قدرت 
لا تطري الرجعة على لسانك أبد 
وما أظن لي قلبٍ بيرقص لك طـرب 
ولا عاد لي نفسٍ تنادي لك: محب

حبّك رماد 
حبّك ذراه ذاك المهب
حبّك رميته واتبعه
حبّك طويته وانتهى
بودّعك على أمل أنساك
ويا ليتني صدفة أبد ما ألقاك

بنساك وأنسى ما مضى 
وبشوف بعيوني الفرح
بنسى الندم وجرح الهوى 
علّه يطيب.. قلب انجرح
ثغري لقى الضحكة ونيس
من قلب علّمني الصبر
وحاضر حياتي لك يقيس
كيف أثّر بي الغدر

خالد عبدالرحمن - بنساك

أعالج لوعة المغرم وتكبر لهفة المشتاق
بحسن رضاي أسوق خطاي أقدّم رجل وافهقها
أهوجس من طلوع الشمس إلى ما غيبة الأشفاق
ولا أدري في ظلام الليل.. رجلي وش يوافقها؟
ابصبر واتصبّر.. ما نظن الصبر ما ينطاق
لقيت الصبر مر ولو ينوش الكبد يحرقها

ألا يا كاملين المعرفة سلك الغرام دقاق
إلى صاب القلوب الله يعافينا.. يخرّقها
أنا لي صاحبٍ خدّه ورا الشيلة كما البرّاق
بعرض المزنة اللي مثل شمس الظهر بارقها
خلقها الله، وزيّن خلقها وأخلاقها الخلّاق
قليلٍ جنسها في جيلها سبحان خالقها
لها عينٍ ليا لدّت بها تذبح بها العشاق
بها وصفين من عين المهاة وطول عاتقها
إلى ما شفتها ضاقت بي الدنيا وصدري ضاق
وأنا لو الهوى لي كان عيني ما تفارقها
أحب مشاهد الغالي عسى ما هو بحب فراق
ولو راحت معه في مغرب الدنيا ومشرقها

إلى جا الليل ما شفته يزيد بصدري الدقاق
معه روحي بسلك العنكبوت الله معلقّها
إلى عرّض علي ياقف مثل وقفة كسير الساق
وساعات الوداع أسرع من "الكادلاك" دقايقها
أنا ويّاه.. جدّدنا القسم والعهد والميثاق
ولكن قدرة الله سابقة.. محدٍ يسابقها

تعاطينا العهد في واحدٍ من عاهده ما باق
ما دام ان الثقة بالنفس يلزمنا نوثّقها
أنا أعرف ناس ما تنقاد بالدنيا ولا تنساق
ولو تعطيك عهد الله وأمانه.. لا تصدّقها
تشوف أزوالهم مثل العرب.. مير الله الرزّاق
متى ما هب نسناس الهوا يظهر حقايقها

الطرف الحنون - خالد عبدالرحمن

خالد عبدالرحمن

Recent comments

الجوهرة المحرمي

سوسو

User 664814397

صبّارة

Related tracks