مالك على رجد العواصف والعواطف حيل 

ما جيت لك ظامي وربك جيت اريد اروي
عيني بحر والموج عالي والمشاعر سيل
توك على باب الهوى دوبك وانا توي
ما بحت لك عن مفردات العشق بالتفصيل

جيتك مزيج من الهموم وشاعر يِذوي
وجيتي عذوبه ما تبي غير الدلع والشيل
وينك وانا ويني صعب تستوعبي جوي
مالك على رَشد العواصف والعواطف حيل
كم نجمة من عقب ما هي بالسما تضوي
طاحت على كفي وكم لوعت نجم سهيل

انا الونين اللي على راي المثل يغوي
وانا الحنين اللي يدلك لو بعز الليل
عمري سجل من الحزن وسط الزمن مطوي
تخالطت فيه الشجون محمحمات الخيل
لو تعرفين حكايتي مدري وش تسوي
هذا وتوك ما عرفتي واشتكيتي ويل

Comments

Rawabi

-

Hawazen🕊

DiMa Malkawi

s.w.m