talibab

على طالباب - ايه بعد البؤس ده؟

مشردين نحن بلا مأوى بلا ذات بلا ملذات

مشردين

علي طالبابـ _ حوائط صد

عالم بارد - علي طالباب & ملفّات

قتلت راجل النهارده - على طالباب و ديجيت

مطلوب منك تبقى موجود مش بس تهز دماغك مطلوب لسته من الردود مطلوب منك انك تتوافق مش بس تشارك زي طفل لسه بيتولد من القديس العاصي بيتبارك. فيران تجارب
معشر النمل مجاري الصرف بالنسبالهم دول تموت ليها بتحارب وانت ساكت او اتكلمت مش فارق لانك جزء من اللعبة واللعبة مصيرها هالك زي الملايكة احنا زي الملايكة بالرغم من التناقض متحاصرين بابعاد محفوظة والطلب بيستهلك الموارد ومطلوب مني احب وازاي بتقول اني مش عاشق ماحنا مولودين بعشق للابد ومش بيفارق نسينا اننا عاجزين مهما سنينا انيابنا ربينا جناحنا شفنا وطيرنا للاسف احنا لسه بني ادمين سقفك محدود بامكانية المسموح ايدين ورجلين والسبب واحد طول الجبل وامتداد السما مش بيساعد والمضحك اني لسه باستهلك كلام من الف سنة اتبنى واحنا لسه مبهورين
عشان للاسف احنا لسه بني ادمين عاشقين
لو لمسنا الشمس هنخلص محروقين نسينا اننا عاجزين ومطلوب منك انك تتوازن في العالم الراديكالي فبدون الصوت العالي هننتهي منسيين فاعذروني لو عايز اعيش ماموتش, لو شفتني بالف سيف باحاول ادبح وحش الموت ماترفضش اصوات في دماغي بتقولي بتتكلم مع مين الغرق ميحسنوش غير المنبوذين وبحر العشق ميرويهوش غير المعميين ومطلوب منك انك تتمسك بشهادة مكتوب فيها انك مقبول مش كفاية ان احنا لبسنا هدومكم دخلنا فصولكم مسكنا فلوسكم اتجوزنا بمنهجكم ورضينا فضولكم مش كفاية ان احنا كبرنا تحت جناحكم و اتذلينا في اقسامكم عشان ورق ميساويش 
للاسف احنا لسه بني ادمين عاشقين 
شوف كام قانون كسرنا وكام نص دين رفضنا للاسف احنا لسه موجودين ومطلوب مني اشيخ واعجز واحضر اللي كان بيفوت بلاد رجليه جناحات عينيه بتضلم بتعجز الزمن عدو هاتلي قضبان حديد تقدر تميز ومطلوب مني اكمل فرض ماختاروش البدن ارض العاشق الناسك حدودها بحر الشرق والغرب وقصورها قصور مبنية من شجن فلما اموت ياريت تحرقني في غابة لان الجسم مش جسمي ﻭﺍﻟﺨﻠﻖ ﻫﺪﻭﻣﻜﻢ ﻣﺶ ﺧﻠﻘﻲ ﻭﺣﻖ ﻭﺣﺶ ﺍﻟﺒﺎﻃﻦ ﺍﻧﻪ ﻳﺘﺮﺍﺿﻲ

ملفات (علي طالباب و ديجيت) - فئران تجارب

A recollection of heartbreak and introspection over the years. A way to celebrate my birthday this year. Enjoy 

Memoirs Page One

مريم صالح ـ عام الشباب

مد ايدك ياصديق انتشلنى من الوحل عنيك تراقب موت جسمى الكهل ببطئ زى السم فى الوريد يشلك ويتمكن كان لينا اراء دلوقتى مش فارق السواد م البياض مش احباط اتهلكنا فى البحث عن هوية الطرق محكومة بالدواير والبداية ف الاصل منتهية اتغرينا بخبلنا قولنا نقدر نصبح عرايا م البحر للمحيط انت مش الوحش دا انت اقل من الوحش دا زئيرك بسيط ميوشش على صخب المدينة بنحارب الحيطان والحيطان مش لينا بنحارب للتحرر والقيود تقيلة بنحارب الفاشية والفاشية فينا بنحارب زى ماقالو وال قالو هربو وغرقت بينا فى كام متر مربع نصبنا العدة واكتفينا معدتش تكفينا اهرب السؤال بقى هل هنقدر ولا القدر لعب بينا هل هنقدر نندمج والعشرة تداوينا ولا المستقبل معملش حساب لينا ما احنا لسه بنتنفس ياحبيبى وعالمنا الموازى اكتشفنا انه هش ياحبيبى معدش يساع خيالنا بدون دراع يومنا افتراضى هل هنقدر ندوق التفاصيل ولا مخزون الشغف معدش كافى انصاف احياء انصاف اموات والواحد عروقه جفت يوم ما اطرح طرح احتقار للذات معدش يساع طب اية بعد البؤس دا ؟ هنعيش باية جوه الفخ دا ؟ بعد ما اكتشفت انى انا مش الوحش دا انا اقل من الوحش دا هتواسينى باية حكاوى الامل قولت ليها راوى مش لطيف بؤسك مش لطيف طب ايه بعد البؤس دا؟ ايه الى باقى ؟ كفى نفسك عطفك ملوش داعى قدمنا الكل قبل النفس ف إية الى باقى؟ لاشئ.. لاشئ. إنت مش الوحش دا إنت اقل من الوحش دا..

نادي شهرزاد
مهرجان الدي كاف 2014
3/4/2014

D-caf

إيه بعد البؤس ده ؟ - علي طالباب في الدي كاف

 نصوص إصدارات : ميه , يمكن , إستعيذ مالشيطان , جلد البقر من التسجيل ده 
هنكتب اكتر هنا قريب .
العالم بيقول.
مسرح الفلكي .
3/5/2014.

Spoken World

غابه الإسود و بركه المجرد - علي طالباب في مسرح الفلكي

انتاج ديجيت.

وهكذا كان صوت الخلق كما رأيناه او كما سمعناه.
وهنا كانت البداية.
خلقتني فرد.
الصورة لجنين.

إصدارات ملفات

أطياف الضوء (خمبايا) - ملفات

المذنبون _على طالباب

مدة الصوت 13 دقيقة لتوحي بفراغ المعنى .. انه بعد مرور 13 دقيقة يتضح لك انه لا قيمة لشيء قيل أو سوف يقال .. في حين انها توحي لك بأنها أغنية ففي الواقع انها ليست كذلك .. كمبنى ضخم يوحي لك بانه قضى على مشكلة الاسكان تجد في النهاية انه لاشيء .. أو مصلحة حكومية توحي لك بانها خلية نحل تنبض من العمل في كل غرفها .. تجد في نهاية الأمر ان الناتج لاشيء..  

"طالباب"


كل هذه السنين يا صاحبى وكأننا هنا عن طريق الخطأ ننتظر حتى تفرغ الشوارع لنقود مركبات غير مرخصة ونواجه جنود المعابد بالضحكة الصفراء والنقود نحلم بأماكن ولو وجدت نحن لا ننفع لها يا صاحبى مضطريين أن نخالط التماثيل أن نبادلهم حديثهم أن نندس وسطهم بأطراف مجمدة ننظر ولا نرى وبرؤس منكسة فى بيوتنا نعتذر عن ارتياد المحاجر لنجرب التكاثر سرا ولنبكى سلالتنا المهددة كل هذه السنين حتى نجرؤ على إعلان أننا لسنا تماثيل لنسقط مقطوعين على قواعدهم ميتين برؤؤس مفلطحة وعيون معصورة كالمحار بثقوب فى عظامنا كيف يا صاحبى كل هذه السموم وما زلنا نخرج سوى حشرجة

سيبها تنزف سبع صفايح دم لكل يوم اتكونت مجرة وكل ذرة اكسجين اتشمسيبها تقطع الوريد سيبها تقطر لأخر نقطة سم سبها شهور سيبها سنين ولسه الصراصير فى عقاب البيبان والدة كم .. ابعد عنها المرفين خلى كلابها تعوى تشم اطرفها وريحة عفنها تنشي الخياشيم .. كبرها ان منعها تصرخ عمروا ميمنع نار البراكين خليها تتحرق من دود بيحلل عرضها من شرقها لغربها من دهن ساح عجسمها من منى سال عفخدها رماد يطهر فجرها خلييها تتحرق .. 

خلى الفران تشوف وليمة تنهش عضم المنيكان سبع تمن جيوش من الفران تنزع تمضع الخلايا تتف تفعص اى قيمة تغرر دمها غابة اسمنت والقرود عكتفها سيرك بابو رجلها وفكل ركن منها ورق يدارى عهرها خليها تتحرق .. اكتم انفسها تتخنق اربط لسنها مفيش ولا صرخة تتنطق اكتم انفسها تتخنق .. الحس عرق جروحها مهما صدى شهوتك متتكبت ما لسه الاباحة فى جلد والابيح مستفرغ عندد كاره اكره غاضب اغضب عرى فرد والافراد حالفة متقلع ..

يا حبيبى . لو بتتكلم عن الواقع ففى الواقع الجيوب هانت كل الدوافع الديابة هاجت على كل الوقائع والمخارج والمداخل ففى الواقع ردمنا كل المواقع ابتذلنا كل المراجع خمس حروف من الحاء للنون كفاية تثبتلك قصدى لما اقول على نفسى مسجون البضائع اصل المؤدى تاجر ولطوب الارض خاضع كل القروش لفجع الكروش امنا بنظام البدل سخرنا لخدمة القروش موافقون على كل بند من قانون الامن العام حتى لو شيلنا عكتافنا الخرا داء الخنزير عمروا ميتحاش متنفضهوش .. 

لو الامل فى جنس البشر عشب مزروع فأرضنا بور وحتى المبانى يابنى أيله للسقوط بضاعة متعلبة فى قوالب وجوه كل قالب شنطة بتلمع وعود شايلها سيادة السياسى المخضرم عضهروا سعروا مكتوب فقوالب خرسانة مصبوب يا عم بالك خليك فى حالك ابشر الضلام حالك وقوالم موجات الراديو اخترقت الخطوط وقف الاغنية وقف الاغنية اربط حبل فى سقف البيت واشنق دماغ بفراغ السواد مملية .. لو بنتكلم عن الواقع فاية فايدة الكلام لو العقل لسه حجر اية فايدة كل الورق لو الحبر لسه حجر سقط الحجر عاش الحجر نهتف لحجر ونمجد نفس الحجر ....لو هنتكلم عن الواقع فأولى تعرف ابنك اول حروف الابجدية .. أ استعمار لكل ثروات البلاد من تجار الاحتكار . ب بيقراطية لعينة تقيد الطوفان بكوم اختام لو مش جاى على البال . ج لجنون جنود جماعة مين مسموحلها تدهن كل الجنود بصبغة دين مشوش . د يسيح دمك فى مستشفى عام وشياطين الارض تضحك وبالنسبة للدولة ارادة اله يعنى ملكيش دية .. خليها تتحرق بعشوئيتها وعششها فى الضواحى بشحتينها مشوهنها بالى حاكمنها فى برج عاجى خليها تنطبق بلجنها ولويحها ومجالسها ونظامها الضريبى عاليها يتردم علاقتها تتعدم خلى سمواتها السبعة فوقيها تنفجر .. 

" يظن الكثير من الاغنياء ان السعادة فى جمع المال يال السخف المركب ويال الجهل المبين اتريدون ان ادلكم اين هى السعادة . دا كلام فارغ مالى ازى ما هو انتوا مش حاسين بحاجة واكلين وشبعانين انا راجل مليان وفاء مليان اخلاص مليان وتضحية وغلب ازلى قاعد عاطل جعان مش لاقى لقمة ورونى جزار يدينى حتة عضم وياخد تمنها وفاء " 

يومها تجرى لكل حجر تقولوا تحتوا يخبيك مش هيرضى بيك يومها تجرى لكل نهر تقولوا بين ضفافوا يخبيك مش هيرضى بيك يومها تجرى لكل بحر تقولوا بين امواجوا يخبيك مش هيرضى بيك يومها تجرى لكل جبل تقلوا بين كهوفوا يخبيك مش هيرضى بيك خليها تضيق وتضيف الدواير ولما تدى اكتر ارمى رحم كل عدرا خليها تتحرق تبكي دم ع كل طاغي دنس أرض طاهرة وانت مش بعيد انت برضو مشترك جمع الحطب واصلب كل اخ من نفس الصلب نفترق خيالى مريض اضربنى فى مية مليون واطلقنى فى حوارى العالم يمكن تنظبط مش ابشع من اطفال محفورلها قبور من قبل ما تتولد .. 

هيحلفك بالدواير والى ضارك والى نافع ان الليل عليهم عمروا ميليل الى لما طول الليل عليهم عمروا ميليل الا لما تولع كل لمبة فى عمود الشوارع واية الموانع لو السكوت اسمو جبن والفقر اسموا ضعف اية الموانع لو كل شارد اسموا ساذج والتمرد اسموا جنون اية الموانع ماسموا الوهم واقع وقالوا اسكن فيه كيف ميكون فالى احتج و رجع فى كتابهم اسموا موهوم واللي رسم صوره أوقع قالوا ابن مجنون خليها تتحرق ورقهم بيهم يتدفن ورقهم دارى ولسة يدارى كل لون فى عجزهم .. 

حابب تتكلم عن الواقع اتنفس ملى جرام من الواقع اعمل دماغ وهم تخطف عضوكك من الواقع تقدر فوق تحوشتك هوا خطيبتك هوا صحابك هوا وعقدك المؤقت هوا والوهوم ساحبك عحجرة بيك ارتوا اتنفس ما تعسم بيغذينا غنى اغنيتين صور صورتين اكتب كلمتين والواقع بيضااجع مجارى المدينة اسمك اية مش مهم عمرك كام مش مهم جنسك اية مش مهم بس المهم ان مهما كلمة اتحاكت فى النسيج العضم انتشى بالسم مش مهم لو الكلام مش مريح يا سيدى الواقع اقبح .. 

" ليست السعادة كائنا مادياً ليست السعادة لزه حيوانية ليست شهوه بهيمية جسمانية ليست السعادة فى الملابس البراقة . مظبوط . ليست السعادة فى المأكل الشهية . اى والله دا كلام حلو . اممممم حلو اوى دا كلام فارغ ارسسملهم طريق السعادة " 

عن مضاجعة الواقع - علي طالباب , يوسف رخا

علي طالباب - استعيذ من الشيطان

أفهم
انا السكر اللى مهما تزود فيه ميحليش
انا الحجر اللى مهما تبنى بيه ميكفيش
...انا البحر اللى مهما تشرب منه ميرويش
...انا هدوء الدوشه انا سكون الزحمه
انا ازدواج غير عقلانى انا كائن تافهه الشهوه اللي سيقانى
انا اول نقطه مطر واخر بوء شاى
انا جاهل نائب البرلمان قولى ازاي
انانعل الجزمه اللى اتهرى من غباوه النظام
انا الديك اللى باض وانا الطور اللى اتحلب
القانون اللى اتركن والدستور اللى اتكتب
انا القاضى والمحامى المتهم والقتيل
انا الراجل اللى بشنب بالل نفسه على السرير يا رئيس الجمهوريه سلطتك منتهيه
انا كارتك اللى اتحرق وانا ريحتك اللى فاحت
انا اللى كنت زيك فاسد لما كنت ساكت
انا الشحات العدمان الفقران الشمتان انا الزاهد الكادح العالم السارح
انا اللامبالاه ماده الدنيا والحياه انا الاستبداد حب التملك والهوى
هانا ماضيك المريض مستقبلك اللى اتهان انا المصطلح الجديد اللى اتعلمته عشان تبان
انا اللى قتلت عشان اعيش يوم ميتقالك مفيش
انا العامل اللى جاع انا الوقت اقوى سلاح
انا العبد اللي استحل واستغل بالتالي فل
انا الضمير انا العيون انا المقيد المغلول
انا الشعب
انا حوارى النظام انا الرأسماليه انا الشيوعى اللى جيوبه مدفيه
انا الاستقرار... يسقط الاستقرار انا الحوار والسلام
انا وهم الرأى الامثل انا منظومه الكبت والاعدام
انا الواو فى امن الدوله حرف الجيم فى التعتيم وانا الدال على النور بالرغم من جهلى بيه
انا العدم انا الفضاء
انا اهم واصغر فصل فى الروايه انا بدايه النهايه
انا الشباك اللى اتقفل انا نكته بايخه بيضحك عليها بملل
انا قانون الطوارىء وثوانى حظر التجوال انا واقع عالم انفتاح الانحلال
انا السياسه الشرعيه انا تقى الدين احمد بن تيميه انا الفراغ وتعدد الهويه
انا .. كلب من كلاب الحزب الحاكم المغلوب
افهم
انا مش فرن العيش انا الدقيق المضروب انا ساعه التسليه انا الالهاء
انا القبر اللى بيتحرق لما يعلن اكتفاء انا العالم الجديد انا الدهب الارخص من الحديد
انا اللى بيقولك الفقير فقير بضعفه وانا اللى مفهمك إن القوي يستحيل تستغنه عنه
انا ابتسامتك ابتسامه خوف بدون صوت انا احساسك بالامان لحظه قبل الموت
انا السر انا العاده انا مش فنجان القهوه الساده
انا السكر اللى مهما تزود فيه ميحليش انا الحجر اللى مهما تبنى بيه ميكفيش
انا الثوب اللى مهما تشدي وتنزلى فيه ميغطيش
انا صفحات العاصى فى كتابه اللى مخبيه انا ابن الشيطان اللى مقويه
انا الحبر اللى خلص وانا الريق اللى نشف
انا الصبر اللى زال وانا البدن اللى ضعف
انا اضواء شوارع القاهره جذابه ساهره ساحره كاذبه
افهم
أصل انا الليل اللى مفنجل مش عيون الناس اللى بتنام زى ضميرك
انا مش موجود بس وجودى ليه مكان انا العدم ..
انا الفضاء
انا العزل والاحتواء
انا مش فكره حلوه انا الكابوس
انا الابتلاء انا الابتلاء انا الابتلاء انا الابتلاء انا الابتلاء
بكره بكدب بظلم بعبد باخد بعدم بندم واسجد
انا الموت

Ali Talibab - AlKamal | على طالباب الكمال

المنظومة - ١٧٧٢
المنظومة:
علي طالباب - اسماعيل سليط - عمر صبحي - يوسف ابو زيد - علي سليط - حسن سليط
i own nothing all credits goes to Ali Talbab

المذنبون _على طالباب

KhaTab MouniRian

Recent comments

,

نذنيذوو 🌿

Rehab Mahmoued

fatommm

Related tracks