Account artist : https://soundcloud.com/mazagangy1

Artist: Mazagangy

Title: غريب (Stranger)

Produced by PO Lo

الكلمات:

حاولت اكون غريب لقيت نفسى غريب حتى عن الاغراب
حاولت اكون كلمة لقيت نفسى ممنوع من الاعراب
بتمنى المستحيل و غصب عنى استنى
فاكتب و انام و اهو كلام بالايام يتغنى
فاكره كويس بس عامل نفسى ناسيه
مع اول كلمة يظهر كل ضيق انا مخبيه
عايش بيه ولا عايش فيه ولا عايش ليه مش فارقة
من غير ماحس احساسى بيطلع عالورقة
بقعد و افكر بس فى افكار هدامة
نفسى مايبانش عليا فبتنكر ورا الابتسامة
انى ابكى مش بقدر مانا اللى بستكبر
بستخسر الفرحة فى نفسى و مستنى بس اكبر
مستنى بس اقدر افوق و يسيبنى الوهم
بس اللى متقدر فى الضلمة يصيبنى السهم
مات الفرح و عاشت الاحزان
الشجر طرح بس طرح نسيان
اشكال و الوان من الذل و الحرمان
قضت على الانسان اللى جوايا قبل اما يبدأ
سوء معاملة اهانة تخلى طوب الارض ينطق
فيا تسبق يا تغرق وسط العمر اللى اتهدر
لكن راضى بالقدر مسامح اللى غدر
ساعات بسرح و اقول ان مكانى مش بين البشر
طب ايه الفايدة لو هعيش و اموت نقطة فى مطر
اصبر ازاى اكتر من الصبر اللى اتصبر
مانا مهما صبرى طال برضو مش لاقى منه دوا
جرح مش بيألم لم بس عشان اتكوا
عطشان مهما ارتوى يفضل تحت المستوى
طير بجناح مش بيطير عشان خايف من هوا

حاولت اتلون عشان اتشاف
حاولت اكون لون بقيت شفاف
حاولت افهم نفسى بس نفسى مش فهمانى
يا انسى احزانى يا استنى احزانى تنسانى
و لسه عايش فى الضباب
غريب من الاغراب وسط سراب الصحاب
وسط ناس قلوبها من فولاذ
انا برواز من ازاز بس متغطى بتراب
حاولت لكن المحاولة فشلت
كل البيبان اللى كانت مفتوحة اتقفلت
كل فرصة انى انتمى لمكان اتقتلت
غريبة هفضل غريب كده الصورة اكتملت
كده الصورة اتعدلت


Mazagangy - Stranger

Title: The Sadist - السادى

Artist: Mazagangy
www.facebook.com/mazagangy.rap

توزيع و هندسة صوت: احمد ايهاب

Keyboards: Ahmed Ehab and Ahmed Adel (Snow)

Recorded, mixed and mastered at Live Studio
www.facebook.com/Live.Studio.HD

Voice over from The Sadist (1963)

Lyrics:

Intro:
The words of a sadist, one of the most disruptive elements in human society, to have complete mastery over another.. to make him a helpless object.. to humiliate him.. To enslave.. to inflect moral insanity on the innocent, That is his objective.. his twisted pleasure.

Verse 1:
انسان غريب وشى شاحب اصفر مريب
من اول يوم جيت فيه الدنيا كله قال فيا شئ عجيب
بحس بلذة لما بشوف حد بيتألم من جواه
شكلى طبيعى من برة بس عايش فيا ديب
نتيجة التعذيب تعذيب امال فاكر ايه
سيب و انا اسيب مبدأ كبرت اتربيت عليه
مافيش قلب طيب كل شئ كويس هرب
لما اقول اى حاجة حاسسها اتهان و اتضرب
طفل صغير عقلى اتدمر من لف المتاهات
من كتر الضغط مركز الشعور بالخطأ مات
ماليش اخوات بنات فمش فارقة معايا اخوات غيرى
و بحس بنشوة و متعة من تعذيب الحيوانات
اختفى الطفل الهادى من اوائل اعدادى
كل يوم بتغير و بيكبر جوايا سادى
انسان سيادى بحزن غيره فرحه يزيد
انسان كئيب انسان عنيد انسان عنيف مريض

I have been hurt by others, and I will hurt them.. I will make them suffer like i've suffered.

Verse 2:
فى الاول كنت بحس بالذنب علشان انا متاكد
انى غلط بس الشعور جوايا بيتجدد
بفكرة او وسيلة شوية شوية
استسلمت ليها و الفكرة ابتدت تتجسد
اعمل ايه منظر الدم بيثيرنى
بيستفزنى يحركنى اكيد و من بعيد يأثرنى
زى الفتيل بولع لما الدم يسيل
مافيش بديل رغبة فى تشويه اى شئ جميل
عايز تصرخ صرخ اتفضل انا مش همنعك
صوتك سيمفونية فى ودنى مافيش غيرى هيسمعك
لا الماضى ولا الحاضر ولا الجاى هينفعك
من كتر كرهى و كبتى بتفنن فى ازاى اوجعك
ابكى اتوسل ليا ياريت تزيد فى دمعك
لو هتشكى هتضطر اعيد ترتيب ملامحك
سامحنى مش هسامحك الموضوع مش شخصى
انت مجرد ضحية بحاول فيك اعوض نقصى

Verse 3:
بكون ممسوس الصبح شخص عادى
فى وش زمايلى بضحك و بالليل ملبوس
كابوس محسوس ملموس
زرار جوايا بيحولنى لما عليه ادوس
زى الافلام بس المره دى الشر فى النهاية يفوز
عليا يتحكم فيا خلانى وحش مفترس شرس
مع غيرى اضرى من وحوش برية
معزول منبوذ مالمجتمع باختيارى ليه
بص شوف لما عقلى يكلمنى بيقول ايه
يا دنيا الضمير معدوم قتيل مدفون فبيعى
نفسى للشيطان انا مستحيل اكون طبيعى
ميت تشخيص مختلف و ميت دكتور نفسانى
شيطانى عمانى غوانى علانى خلانى نرجسى انانى
يمكن نصاحة يمكن زيادة فى الصراحة
ماتستغربش عينى بتترجم الالم راحة
مافيش بالراحة مافيش جوايا قلب خاوى
لا انس ولا جن ولا شيطان تقدر تقول مخاوى
و ناوى اخليك لما تشوف شكلك تفقد النطق
ارميك جثة هامدة فى الصحرا فتتعفن ببطء
و يشق الدود طريقه و يتغذى على خلايا جلدك
تتمحى محدش يتعرف عليك ولا حتى عيلتك
بتفكر فى العذاب و فى انواعه و بتحلم بيه
بتفكر و انا بعمل اللى متجرؤش تفكر فيه
هخليك وسط ميه واقف بس ريئك ناشف
مانا اللى خيالى مريض و شاذ و قلتلك فى عارف
انى مش هسيبك هعذبك باستمرار
قبل مارمى اشلاءك فى النار هاخد منهم تذكار
يفكرنى بيك عشان هكون ناسيك من كتر الضحايا
هضمه لمجموعتى على حائط الانجازات ورايا


Mazagangy - The Sadist

UnderZero - ارمي اللي باقي من الوجع

Follow Us >> 
UnderZeroMusic Fanpage: www,facebook.com/UnderZeroMusic

F.killa FanPage : www.facebook.com/Fkillamusic



UnderZero Feat. F Killa - Ya 5al2 Fo2o / يا خلق فوقوا

Youtube : https://www.youtube.com/watch?v=NKxsobA7KWs

Beat By : Legendator Beats
Mastering & Mixing : Rooney Hoodstar ( Revolution Records )

محمد أسامه وعمر البارودي وليجينديتور بيتس وهيب هوب نايت بروجيكت 

الكلمات :

المصري 

مازال حي مازال القلب ينبض 
جيوش الحق ورا الحق مازالت تركض
مزيكتنا هي بيتنا أكون أو لا أكون
خد العهد من البداية سيف علينا مش هنخوف
فـ شوف كام جندى مقاتل جاهز للمبارزة
8 بارات بندي فيهم عنا نبذة
سجل فى كتاب التاريخ عن صناع الحضارة
إصطادنا عقول الناس بفلوه فـ غمزت الصنارة

لوكا

لما بدأت الحكاية كان أملنا نوصل ليكوا
كل كلمة طالعة منا لما نجحنا كان بإيديكوا
كل بار بيروي قصة وكل كلمة ليها معنى
فالتراك بشكيلكوا همي على صوت البيت إجتمعنا
ده المجال مجالنا إفهمنا والكلام كلامنا 
أصل الراب سلاحنا ياض والهيب هوب ده فن جالنا
أيوة إحنا اللى هوانا هو رابنا .. مش مبالغة صوتنا شق الأرض طلعنا

دولا

مزيكا من تحت الأرض بادئة من سنين 
قبلي ياما بدأوا كتير ولحد دلوقتى مش ظاهرين
اللى يجري يلحق .. وإحنا وجرينا
حاولنا كتير .. لما تهرينا
كتير فى الميديا .. جه علينا 
بس الجمهور .. مش بيعادينا
فجه الوقت إننا نتجمع بينا الفن يوصل
علشان نقدر ليكوا برابنا نوصل فكرة مهما يحصل
فمش .. محتاج منك غير إنك تدي لينا ودنك
ركز فى اللى جاي معانا وإفهم قصدنا بعد إذنك

ماد زيدان

عايش وأنا بينكم مش عارف أكون منكم رغم محاولتي
إني أمشي فى نفس إتجاهكم بس معرفتش أسيب ورقتي
دايماً بتكون معايا جنبي .. محفور على كل سطر همي
أجي أقع يلحقني البيت فبجري .. على سنير ما دي لعبتي
بهرب من مجتمع .. بصرخ ومين سمع
طالع من الشارع وده أقوي سبب إنك تتمنع
يصيبك يأس وندم صوت جاي يطلع فإتكتم
ملقاش مخرج غير عالسطور جمل بسن القلم

محمد أسامه

البداية مش مهمة 
احنا فوق و هم همّ
فننا اتفرض بدون سبب 
دماغنا مستجمّة 

بكبورتات استلموا القاضية 
أنا مكنة حط بدون تمييز 
أنا بكتب حرف يقوم بالكل 
أنا فكرة مخ مصاب باسكيز

واضع قانون 
ملّيت أحط ع الغبي 
و طردتهم من كوكبي (معتّقين)
هات الزبون
ولما أحس بالملل
 باجيبهم تاني ملعبي (منورين)

مفيش ضرر من المبالغة 
لما تكون عقولنا بالغة 
اشتري كلمتي من غير ما تجادل 
إوعى تمثل دور النابغة 

انتفاضة المزيكا 
في المنصورة تستمر 
تضبط الوسط في كل مصر
 بدون ما تحتكر

كيمو

من زمان .. كان نفسي بس أوصل ليك كلام
بأسلوبي وطريقتي من غير أوهام
قولت أبني طوبة طوبة فى المجال بسن قلمي
ببدأ بفكري العالي فبعلي بالراب تملي
فـ هدفي الأول والأخير هو مصلحتك
مش هزايد ولا أكابر ولا ههرب هتلاقيني جنبك
كتف فى كتف ويا بعض مهما كانت الصعاب
فسلاحي هو قلمي بشن الحرب بإسم الراب

سلام 

سكووووت المنصوراوية عـ المزيكا
أنا المنتظر لقبي بيحكي عن طموح تجسيد حقيقة
من بدايتى وأنا حاسس بقيمة رسالتي 
غايتى إن الناس تشوف الكون من ناحية عندى
أنا بوصف حالي وحالي بالله فى قلب غيري لامسه
بس مش عشان أعجبكوا أروح أكتب تراك مش حاسه
فى ضيافة المزيكا قعدنا أخدنا الواجب
هرمي السلام وأسيب اللى بعدي يدخل يا مراحب

ويزي

راب شارعنا , من هنا بدعنا , ما إحنا إتجمعنا 
خارجين عن القانون ما إحنا إتجمعنا إتلقبنا بالفراعنة 
قـولـو Hip-Hop , Hip-Hop يمكن صوتنا يوصل
فـ بكدة قدمنا الفن بـأكمل صورة طب مين هيقدر
ماهو لو كنت فكرت تسمع 
هتشوف ناس كتير واقفة تبدع
ما يمكن تفهم من الاول إننا كلنا بدأنا من الزيرو
بدينا بنجدد بنواكب مجالنا مهو اصله لينا وملناش غيره

ليجينديتور

الراب مش شرط يكون commercial متمول من الميديا 
ولا عمر ما كان الراب Biography علي Wikipedia 
فنا بوصل فكري فقط لأصحاب العقول الراقيه 
لأن الراب فكر ف بخطف ذهنك و اطلب منك فديه 
مش عايزين حد يقول لازم نعالج الأسفاف 
محتاجين حد يقول ان الراب مش بالـ Fitted cap 
وصلنا مزيكيتنا و عملنا انجاز 
لو كان عليا كان زماني حرقت كل الميديا بأوسخ جاز

تايكو

من تحت الأرض ده فننا عندنا أصل الفن فشوف
في عز ما كان الهيب هوب ميت صحيناه رغم الظروف
كتير نادينا ما لقينا حد يسمع .. كان السكات حافز إن صوتى يطلع
فالراب ندانا لقانا تحت الإسم ده بنتجمع
هيب هوب نايت بروجيكت .. طالعين نحسن صورة الراب نخليه يليق بالمستمعين
مش فام ده كيان هيب هوب ده كلام
بدام بتسمع نضف ودنك وإرقي بفكرك وإسمع راب


البارودي

أه .. من طنطا للمنصورة .. رب الميكروفون والقلم عالبيت
إسمع ..
جوا مثلث بس صوتنا أقوي من حدود أضلاعه
بالتحديد مـ المكان اللى خرج النيل عن مساره
تشديد حصار كان سبيل لإصراره
تردد صوتنا بإختلاف الأوساط يستحيل إنكساره
سماعك صوتي رغم عوائق جغرافيه
دليل عدم خضوعه لقوانين العلوم الوضعية
إستقلال الأيدولوجية من الصعب الإنجذاب
لتعادل إشارات الفكر وعدم إحتوائه على أقطاب 


Mawke3t El Delta - El Tasgela ( Prod By Legendator )

عالم تالت @ محمد أسامه - رامي دنجوان

شوف فيديو التراك الجديد على يوتيوب : https://youtu.be/MYQHCevcIDU

Faker

E. Evil & Tika El-khouly ( Hip Hop Afandy ) - فاكر  ( Prod. By Rakan )

Music Production : Mahdy Awel El-Satr
Record lable : AR-Studio
Record : Helmy Gb
Mix & Master : Mahmoud Afifi
Violin : Andrew Nasser
Poster Design : Rozh

الكلمات

غمض عينك و ارسم ليها صورة - ارسم ليها صورة
و جوا عنيها فيه دموع مرسومة 
ارسم جوا منها ضلوع مكسورة - ضلوع مكسورة
و ارسم فوق الصورة شريطة سودا 
كلم الصوره و خليها تقول كلام
فكرها بينا زمان ايام ما كنا عيال
امسح دموعك قول دى مش مقصودة او مش موجودة
اكدب عليها عشان تكون مبسوطة
غمض و ارسم نفسك جوا الصورة - جوا الصورة
خليك معاها حتى لو مرسومة
ارسم جوا الصوره ببان مقفولة - ببان مقفولة
عشان تفضل معاها جوا الاوضه
غمضى عنيكى بصى عليا دى مش مرايا لا من كتر ما عشنا سوى بقينا كتاب جواه نفس الحكاية
قولتيلى بحبك مش حسيبك ده احنا رواية ليه سبتينى احكيها لوحدى و مفضليش غير صورتك جوايا
————————
قبل ما تمشى ودعتينى قُلتى سلام و قُلتى كلام
حقبلَك مهما طال الزمان
عارف انى حجيلك بس طولت الأيام 
حقبلِك مهما طال الزمان 
تايه و احلام مقصوصة - احلام مقصوصة
و طوب القصر بتعنا اتبدلت اوهام مرصوصة 
شايف ألوان و طفولة و انوار مدفونة 
شايف ف عدم وجودِك إن الدنيا مش موجودة
ركز جوا عنيها شوف عيونك شكلك و لونك
و شوف ازاى بقيت من دونك
عيش معاها جوا الصورة لحد ما يجى دورك
غمض عينك وسط الضلمة و امشى هيا نورك
غمض عينك و ارسم ليها صورة - ارسم ليها صورة
و جوا عنيها فيه دموع مرسومة 
ارسم جوا منها ضلوع مكسورة - ضلوع مكسورة
و ارسم فوق الصورة شريطة سودا •
———————


Black Ak - El Sora | الصورة

Recording & Mix & Master : POLo
Beat By : Kinsh & Shebl

Godzee  بلاد الجان

أغنيه جديده بعنوان كان فى طفل 
توزيع : فادى هارون 
https://soundcloud.com/fadyharoun
كلمات و الحان : أحمد كامل 
تم التسجيل بأستديو 313SoundStudio

Ahmed Kamel - Kan Fe Tef l أحمد كامل - كان فى طفل

لو عجبك دوس لايك واعمل شير

الدنيا /  El Donia 2020
Shams Eldeen 


Recording @ Audio Next Studio 
Mix and master : Nasser Beats 


Video lyrics
Elameer Nader
https://youtu.be/rkB-ZNRPnLU

Connect With us ..
S H A M S  E L D E E N


facebook : 
https://www.facebook.com/shams.eldeen0


Fan page :
https://www.facebook.com/ShamsTracks


Soundcloud : 
https://soundcloud.com/shams-eldeen1


youtube : 
https://www.youtube.com/cairovoice1


انغامي : 
https://play.anghami.com/artist/1205486


انستجرام : 
https://www.instagram.com/shams_eldeen_1


#Shams_Eldeen 
#البوم_سوبر_شمس 
#البوم_صنع_في_الصين 
#البوم_الشمس_واحدة 
#البوم_قرب_واتعلم 
#البوم_عمده_الراب_المصري
#الشمس_واحدة 
#سوبر_شمس 
#انا_مفارق 
#سكس_فون 
#لازم_هتغير 
#المفشخه 
#مش_هتغير 
#باعك 
#ساب_كل_الناس 
#هو_مين_ده
#عمده_الراب_المصري 
#الف_لا 
#ياريت_تفوق 
و غيرهم كتير

Mazagangy - Stranger

Mahmoud Ashraf

Related tracks