لخلخ

فردوس عبد الحميد و عمار الشريعي- مسلسل عصفور النار 3

يشكي الجمل -وائل جسار -في حضرة المحبوب 2

محمد منير و شريف منير - من فيلم حكايات الغريب

و سلام للعسكري حسن ابو علي
و خطيبته اختنا سلمى الفلّلي
و سلام

و لو ان ولا
صوت يعلى على
صوت المعركة
إنما يا ولا
يلّا يا زغاريد صهللي
جلجلي
و سلام

ده خطفها .. لأ ده خطفها و طار
زي الصقر النمس المكار
اتعلموا بقى منو يا شطار
و افرحوا .. الايام دي الفرح غلي

سلمة يا سلامة يا سلملّة
كلنا هنا على نفس الملة
فقرا إنما محناش قِلة
كلنا عاشق كلنا مبتلي

محمد منير - و سلام للعسكري حسن أبو علي

كلمات : سيد حجاب - ألحان : عمار الشريعي

علي الحجار - تتر نهاية مسلسل المصراويه

تتر نهاية مسلسل أميرة في عابدين  ألحان الموسيقار عمار الشريعى - غناء هشام عباس

تتر نهاية مسلسل أميرة في عابدين


صاحبى اللى كتفه فى كتفى بيخلينى متطمن
عارفه هيفضل جنبى مهما لقانى بتجنن
ومش من دمى ولا اخويا ولا عمى
لكنه اختار يكون جنبى


علشان لازم نكون مع بعض

محمد منير احلف بسماها

ده أراجوز المدارس
دا نوارة المجالس 
فارس ولازيي فارس 
أواجه لا أوالس 
داري بحالنا ودارس 
وعلى جروح روحنا دايس 
وهايحكي لنا حكاية 
عن واد لايص وحايس
واحكي يابن المدارس

الواد عواد ياهوه 
همل في أرض أبوه 
والأرض عرض 
واللي يفوت أرضه يتوه 
الأرض الشابة بارت 
قام جرفها استدارت 
وفلوس تجريفها طارت 
وقعد يائس وخانس 
واحكي يابن المدارس 

ولأن الفقر كافر
خد بعضه وراح مسافر
لبلاد الجاز وعافر
ورجع وخيره وافر
جاب مروحة وراديو 
وجهاز تسجيل وفيديو 
شهرين وجيوبه فضيوا 
وقعد يائس وخانس 
واحكي يابن المدارس 

يعني معنى الحكاية 
اللي يبيع في البداية 
يضيع قبل النهاية 
ويدوخ دوخة الولايا 
ومعنى القصة برضه 
اللي يفرط في أرضه 
يبقى فرط في عرضه 
وافهم ياابو مخ يابس 
واحكي يابن المدارس 

ده أراجوز المدارس
دا نوارة المجالس 
فارس ولازيي فارس 
أواجه لا أوالس 
داري بروحنا ودارس 
وعلى جروح روحنا دايس 
كده وفهمنا الحكاية 
عن واد لايص وحايس
تسلم ياابن المدارس

كلمات : سيد حجاب
الحان : عمار الشريعي

عمر الشريف - اراجوز المدارس

هنا القاهرة الساحرة الآسِرة الهادرة الساهرة الساترة السافرة
هنا القاهرة الزاهرة العاطرة الشاعرة النيّرة الخيّرة الطاهرة
هنا القاهرة الساخرة القادرة الصابرة المنذرة الثائرة الظافرة
صدى الهمس في الزحمة و الشوشرة
أسى الوحدة في اللمة و النتورة
هنا الحب و الكدب و المنظرة
نشا الغش في الوش و الإفتراهنا القرش و الرش و القش و السمسرة
هنا الحب و الحق و الرحمة و المغفرة
و انا ف قلب دوامتك الدايرة بينا
بصرّخ بحبّك يا أجمل مدينة
يا ضحكة حزينة .. يا طايشة و رزينة
بحبّك و اعفّر جبيني في ترابك
و اعيش في رحابِك و أقف جنب بابك
جنايني أروي بالدم وردة شبابك
يا زينة جنينة حياتنا اللعينة
بحبّك يا بنت اللذين
بحبّك

هنا القاهرة .. على الحجار

افتح وقص شريطك قص
ورص شعبك حواليك رص
وارقصلنا علي واحدة ونص
يا برنس ياللي كسببت الطوس
وبص 
بص شوف نبيه بيعمل ايه
لف طوف نبيهاليا بين ايديه
وهييييييييييييه

نبيهاليا احلي بلد في الدنيا
نبيهاليا أغلي بلاد الله
ترابها تبر هواها كولونيا
ترابها حبر ماشاء الله
الله الله الله الله
تعيشي يا نبيهاليا ياغالية 
وتعيش راياتك حرة وعالية

تعيش راياتها عرة وبالية
تعيش راياتها حرة وعالية
ونعيش نعبيلك ونرص

بص شوف نبيه بيعمل ايه
لف طوف نبيهاليا بين ايديه
وهييييييييييييه

قولوا ورايا يانبيه 
يانبيه يانبيه
ياحاكم وملكش شبيه
يانبيه يانبيه
والزمن بلانا بيه
والزمن بلانا بيه

اشفط ابلع حط في كرشك واشرب من شراينا ومص
بكرة ايدينا تزلزل عرشك وفي وشك بأدبنا نطس

بص شوف نبيه بيعمل ايه
لف طوف نبيهاليا بين ايديه
وهييييييييييييه

كلمات : سيد حجاب
الحان : عمار الشريعي


محمد منير احلف بسماها

king of melodies

Recent comments

Mostafa Mohamed 421

Related tracks