الحزن النبيل
كلمات : صلاح حاج سعيد
لحن واداء : مصطفى سيد احمد

وبقيت أغني عليك
غناوي الحسرة .. والأسف الطويل
وعشان أجيب ليك الفرح
رضيان .. مشيت للمستحيل
ومعاك لي آخر المدى
فتينى يا هجعة مواعيدي القبيل
بعتيني لي حضن الأسى
وسبتيني للحزن النبيل

ومشيت معاك 
كل الخطاوى الممكنة
والبقدر عليها وبعرفها
أوفيت وما قصرت في حقك
ولا كان عرفه غيرك أصادفها

وقدر هواك يجيبني ليك
جمع قلوبنا وولفها
وكتين بقيتي معاي في أعماقي
في أعماق مشاعري المرهفة
لا منك ابتدت الظروف
لا بيك انتهت الأماني المترفه

ندمان أنا
ابداً وحاتك
عمري ما شلت الندم

ما اصلو حال الدنيا
تسرق منيه في لحظة عشم
وأنا عندي ليك كان الفرح
رغم احتمالي أساك

يا جرح الألم
كان خوفي منك
جاي من لهفة خطاك
على المواعيد الوهم
	
اهو نحن في الأخر سوا
باعنا الهوى
ماشين على سكة عدم

الحزن النبيل

أظنك عرفتى
كلمات : جمال حسن سعيد
لحن و اداء : مصطفى سيد احمد

أظنك عرفتى .. عواصفك مهبـّى
أبارى فى خيالك  يسوقنى ويودّى
ونهرك يعدى .. ويجهل مصبّى
هواجسى البتزرع .. وظنـّى البربى

لقيتك خواطر بتصحى وتساور
وطيفك يزاور .. وروحك تحاور
تجيبنى فى زمانك موشـّح أساور
أقول بس نسيتك وجرحك يتاوِر

أظنك عرفتى .. عذاب المغنى
وطبلو المجدّع شظايا التمنى
حروفه البتجزع فى لحظة تجنى
خطاهه البتهرع متين تطمئنى

مسرِّج خيالك .. حصانى القبيل
معربد غباره وخلّى الصهيل
مسافر .. مسافر .. وفاقِد دليل
أظنـِّك عرفتى هموم الرحيل

اظنك عرفتي

في عيونك
مصطفى سيد احمد

في عيونك

قمر الزمان
مصطفى سيد احمد

قمر الزمان

البت الحديقة
مصطفى سيد احمد

البنت الحديقة

أسئلة ليست للإجابة
مصطفى سيد  احمد

ما معنى أن نحيا ولا ندرى
بأن العشق قد يبقى سجيناً فى الخلايا
ما معنى أن نشهد موات الأغنيات
ما معنى هذا الصمت الذى لا ينتهى
وبرغم حوجتنا الصراخ
هل يختفى الظل الذى لا ينتمى
إلا لمعرفتى وجهلى
وهل نودع بعضنا ونذهب فى سراب الذكريات
كيف تبدو الذكريات
كيف يبدو طعم أيام الشجن
من يعلم ذكريات كل أشكال التداعى 
والرحيل المر دوماً
حين يختلط المدى بالمآسى 
والمخاوف وأحتراق الأمنيات
تعِبٌ هو البرق الذى لا يضيءُ أقبية الخبايا
لا ينتمى للسحبِ والعشبُ 
الذى لا يرتوى إلاّ بطعمك 
يا عصيراً من خليط الدهشةِ الأولى 
وأحتراق الأغنيات

اسئلة ليست للاجابة

مسامحك يا حبيبي 
اغنية للاستاذ : عثمان حسين
أداء : نانسي بدرالدين عجاج

مسامحك يا حبيبي
مهما قسيت عليّ 
قلبك عارفه ابيض 
ابيض عارفه قلبك
و كلك حسن نية

وما خطرت لقلبي
سلوى تحيده عنك
وما ممكن أعاتبك 
و آخد خاطري منك
أنا عارف خصامك
غضبك في كلامك
ما من جوى قلبك
كله على لسانك

ظلموني القالوا عني
غيرني البعاد
وحياة نور جمالك
زاد البيّ زاد
وأصبح شوقي اكتر
و حبك عندي اكبر
وأملي في هواك
سامي ولسه أخضر

سيان عندي عدلك
أو جورك عليّ
تكايد أو تكابر
حبك باقي ليّ
بترجع ليّ تاني
و تسال عني مكاني
تجدني زي ما كنت
زايد في حناني

مسامحك يا حبيبي

المصير
نانسي عجاج
ليه بنهرب من مصيرنا
ونقضى ايامنا فى عذاب
ليه تقول لى انتهينا
ونحن فى عز الشباب
نحن فى الأيام بقينا
قصة ما بتعرف نهاية
ابتدت ريده ومحبه
واصبحت فى ذاتها غاية
كنت تمنحنى السعادة
ولى تتفجر عطايا
ولما أغرق فى دموعى
تبكى من قلبك معايا
كنا فى ماضينا قوة
قوة تتحدى الصعاب
نقطع الليل المخيم
ونمشى فى القفر اليباب
كنا للناس رمز طيبة
وكنا عنوان للشباب
وهسى تائهين لينا مدة
نجرى من خلف السراب
تأنى ما تقول إنتهينا
تنهى جيل ينظر الينا
بانى أماله وطموحه
ومعتمد أبداً علينا
نحن قلب الدنيا ديه
ونحن عز الدنيا بينا
تانى ما تقول إنتهينا
نحن يا دوب إبتدينا

المصير

ظلموني
نانسي عجاج

ظلمونى الناس

ظلمونى الناس ونسيو هواي اشكى وابكى آلامى براى
ظلمونى الناس

ظلمونى الناس وجاروا على والجور ده كتير علي ما شوى
رفقا يا ملاك بحبى و بى علشان حبك 
ظلمونى الناس

ظلموني الناس و جاروا علي والجور ده كتير علي ما شوى
رفقا يا ملاك بحبى وبى علشان حبك 
ظلمونى الناس

ظلمونى الناس وتجنوا علي والقالو كتير يا نور عيني
يكفينى أسى يا مليح الزى علشان حبك 
ظلمونى الناس
ظلمونى الناس وتجنو علي والقالو كتير يا نور عيني
يكفي الأسى يا مليح الزي علشان حبك 
ظلمونى الناس

ظلموني الناس وتنكروا لي وانت المحبوب ما حاسى بى
طالب احسان باسط ايدى علشان حبك ظلمونى الناس

ظلموني

الله يخليك

شقي ومجنون
 أداء نانسي عجاج 

قالوا قالوا على شقي ومجنون
صحيح مجنون انتو جنوني يا حلوين 

انتو لقلبي زاد عمرو 
وليهو المنّيه والسلوى 
جنوني عيون 
عيون لو شافها عطشان سنين يروى
ليه ما اجن
الليل البشيل الناس 
بشيلو هموم 
أقاسى مرارة الوحدة
وأغالب دمعة المحروم
إتعذب سنين ما ضقت طعم النوم 
صحيح شقي ومجنون

كثير امثالى من هجر الحبيب جنو 
إن شاء الله أجن وأزيد في الجن 
بس انتو يا احباب حنوا
إيه أنا عندي في الدنيا 
فؤادي انتو مالكنو 
شبابي الكنت بحلف بيهو 
ودرتوه من بدري
والصبر كملتو بي صبري
صحيح شقي ومجنون 

أساهر الليل برايا برايا برايا ..
وبشوق السنين ممكون 
إتحسر وأشيل الهم 
على يوم بكره كيف حيكون 
دموعي الدمعة زارفه 
إنتو بتقولوا مجنون
وحات الشفتو في ريدكم 
صحيح شقي ومجنون

قالوا علي شقي ومجنون

و لاا المساء
نانسي عجاج

و لاا المساء

قلت أرحل 
اغنية للاستاذ محمــــد وردي 
اداء نانسي عجاج

قلت أرحل ...
أسوق خطواتي
من زولاً نسى الإلفة 
أهَون ليل ... أساهر ليل 
أتوه مِن مرفأ لي مرفأ 
أبدل ريد بعد ريدك 
عشان يمكن يكون أوفي 
رحلت وجيت في بعدك لقيت 
كل الأرض منفى ...

عيونك زي سحابة صيف
تجافي بِلاد وتسقي بِلاد 
وزي فرحاً ...
يشيل مني الشقا ويزداد 
وزي كلمات بتتأوّه 
تتوه لمن يجي الميعاد 
زي عيداً غِشاني وفات 
وعاد عمّ البلد أعياد 
وزي فرح البعيد العاد 
وزي وطناً وكت أشتاقلو
برحل ليهو من غير زاد 
بدون عينيك 
بصبح زول بدون ذكرى
وبدون ميـــلاد ...
رحلت وجيت ... في بعدك لقيت
كل الأرض منفى ... 

زمان الفُرقة والتجريح بسيبو 
بسيبو عشان تشيلو الريح 
بسيبو عشان صحيح الذكرى
بتّوِّه عُمرنا صحيح 
انتِي معاي لا بندم
ولا بقضي العمر تبريح 
أصلو العُمر شوقاً كان
حزناً كان ... وصبراً كان 
فسيح وفسيح ...
أصلو العمر كان
درباً مشيتو كسيح
وكان غرساً ...
سقيتو بُكى وقبضت الريح 
رحلت وجيت ... في بعدك لقيت
كل الأرض منفى ...

قلت أرحل

صديقي

كنز فيديو هي صفحة بدات لتوثيق مسيرة الغناء و الموسيقى السودانية و لكنها الان صارت من اكبر القنوات التي تهتم بالموسيقى السودانية و الاثيوبية و الصومالية 
نحن هنا رهن اشارتكم

Kinz Video introducing a comprehensive information for the traditional 

kinzvideo

Popular tracks