Kvikan

Í Kvikunni er rætt um eign ríkisins á Íslandsbanka, sölu hlutabréfa í Símanum og allt hitt sem skipti máli í vikunni. Umsjónarmenn þáttarins eru Þórður Snær Júlíusson og Magnús Halldórsson. 

Kvikan - 23. október 2015

Þórður Snær Júlíusson og Magnús Halldórsson sjá um Kvikuna í Hlaðvarpi Kjarnans. Í dag ræða þeir skýrslu um RÚV, stöðugleikaframlag, stopp höfrungahlaupsins og ýmislegt fleira.

Kvikan - 30. október 2015

Stjórnmálin snúast um ólíka framtíðarsýn

Magnús Halldórsson og Þórður Snær Júlíusson sjá um Kvikuna í Hlaðvarpi Kjarnans. Í þættinum er rætt um brottflutning ungs og menntaðs fólks, stórar fjárfestingar í CCP og Sólfari, pólitískar deilur Seðlabankans og InDefence og tímamóta ákvörðun Obama um að stöðva lagningu olíuleiðslu milli Kanada og Bandaríkjanna.

Kvikan - 13. nóvember 2015

Þórunn Elísabet Bogadóttir og Magnús Halldórsson fara yfir helstu fréttamál vikunnar í Kvikunni. Þau ræddu meðal annars byggðamál, fylgi Pírata, hryðjuverkaógnina og viðbragð alþjóðastjórnmálanna og fyrirhugað kvikmyndaver í Gufunesi.

Kvikan - 20. nóvember 2015

Tíðindamikil vika var gerð upp í Kvikunni. Kjaradeilur í Straumsvík, efnahagsleg áhrif stríðs og nýir eigendur Fréttatímans voru til umræðu, ásamt stöðu sveitarfélaga. Umsjónarmenn eru Magnús Halldórsson og Þórður Snær Júlíusson.

Kvikan - 27. nóvember 2015

Kvikan í Hlaðvarpi Kjarnans fjallar um stóriðjudeilur, olíuleit fyrir ströndum Íslands og samkeppnismál. Magnús Halldórsson og Þórður Snær Júlíusson eru umsjónarmenn Kvikunnar.

Kvikan - 4. desember 2015

Kvikan í hlaðvarpi Kjarnans fjallar í dag um ritdeilu Kára Stefánssonar og forsætisráðherra, albönsku fjölskylduna og útlendingalöggjöfina, Donald Trump, fjárlög, hvort árangur ríkisstjórnarinnar sé sögulega lélegur, tvöföldun á verði íbúða og fálkaorðuburðarbann Sigurðar Einarssonar. Þórunn Elísabet Bogadóttir og Þórður Snær Júlíusson eru umsjónarmenn Kvikunnar.

Kvikan - 11. desember 2015

Í áramótaþætti Kvikunnar spjallar ritstjórn Kjarnans um það sem bar hæst á árinu 2015. Í þættinum eru Þórunn Elísabet Bogadóttir, Þórður Snær Júlíusson og Magnús Halldórsson sem talar frá New York.

Kvikan - Áramótaþáttur 2015-2016

Í Kvikunni í dag er fjallað um rauðar tölur á markaði, meint samsæri gegn bankamönnum, David Bowie, skattalækkanir og rifrildið um Rússabannið. Umsjónarmenn eru Þórður Snær Júlíusson og Magnús Halldórsson.

Kvikan - 15. janúar 2015

Í Kvikunni í dag er fjallað um enn einn angann af sölu Landsbankans á Borgun, hvort nauðsynlegt sé að selja banka sem eru í ríkiseigu og hverjir ættu raunverulega að kaupa þá, ástæður fyrir lélegu fylgi stjórnarflokkanna og hið fræga „eitthvað annað“, sem sogar nú til sín erlenda fjárfestingu.

Kvikan - 22. janúar 2016

Í Kvikunni í dag er fjallað um kaup Bakkavararbræðra, mislukkuð eignasala ESÍ, breytingar hjá Plain Vanilla, ástæður fyrir fylgi flokka og auðvitað Borgun, taka þúsund. Umsjónarmenn eru Þórður Snær Júlíusson og Magnús Halldórsson.

Kvikan - 29. janúar 2016

Í Kvikunni í dag er fjallað um vandræðin hjá Samfylkingunni, en einnig ósamstíga ríkisstjórnarflokka í húsnæðismálum, aukin vaxtamunarviðskipti, endalok olíusamráðsmála og hrundóma. Umsjónarmenn eru Þórður Snær Júlíusson og Þórunn Elísabet Bogadóttir.

Kvikan - 5. febrúar 2016

Í Kviku vikunnar er fjallað um æsispennandi baráttuna í forsetakosningaslagnum í Bandaríkjunum, stöðu efnahagsmála og stöðuna í íslenskum stjórnmálum, og hvernig þetta tengist. Hið sívinsæla umfjöllunarefni Borgun og sala hennar kemur líka við sögu. Umsjónarmenn þáttarins eru Magnús Halldórsson og Þórunn Elísabet Bogadóttir.

Kvikan - 12. febrúar 2016

Karlar eru körlum bestir og fjármálakerfið mun ekki laga kynjahlutföllin þar af sjálfsdáðum. Þetta er meðal þess sem kemur fram í Kviku vikunnar, en umsjónarmenn hlaðvarpsins í þessari viku eru Þórður Snær Júlíusson og Þórunn Elísabet Bogadóttir.

Kvikan - 19. febrúar 2016

Í Kvikunni þessa vikuna var rætt um milljarða hagnað bankanna og háar bónusgreiðslur, þátttöku íslenskra fjármálafyrirtækja í norskum olíuiðnaði og möguleikann á því að takmarka útrás Íslandsbanka. Þá var farið yfir samkvæmisleikinn um forsetaframboð, þá afarkosti sem Píratar setja fyrir því að taka þátt í ríkisstjórn, ógagnsæið í búvörusamningum, þá staðreynd að útlit er fyrir að hvalveiðar leggist af á ný og að menntuðum, atvinnulausum konum hefur fjölgað mikið. Umsjónarmenn þáttarins eru Þórunn Elísabet Bogadóttir og Sunna Valgerðardóttir.

Kvikan - 26. febrúar 2016

Í Kvikunni þessa vikuna ræddu Þórður Snær Júlíusson og Þórunn Elísabet Bogadóttir um arðgreiðslur tryggingafélaganna og gjána sem er svo greinileg milli fjármálakerfisins og almennings. Þau ræddu líka um þörfina fyrir 2000 vinnandi útlendinga á hverju ári næstu fimmtán árin, um forsetakosningar bæði hér heima og í Bandaríkjunum, og stærstu ágreiningsmál ríkisstjórnarinnar.

Kvikan - 11. mars 2016

Í Kvikunni þessa vikuna var rætt um mál málanna, félag Önnu Sigurlaugar Pálsdóttur á Tortóla, og ýmislegt sem því máli viðkemur. Þá var talað um orkubloggarann Ketil Sigurjónsson og uppljóstranir hans um framkomu Norðuráls gagnvart honum, um gengi krónunnar og aðalfund Seðlabankans og óhugnarlegan uppgang rasisma á alþjóðavettvangi. Umsjónarmenn Kvikunnar þessa viku eru Magnús Halldórsson og Þórunn Elísabet Bogadóttir.

Kvikan - 18. mars 2016

Kvikan var undirlögð af umræðum um Wintris-málið, hvað muni gerast á mánudag þegar þing hefst að nýju og þau áhrif sem veðrið getur haft á fyrirhuguð mótmæli. Í þættinum er einnig rætt um afléttingu á leynd á gögnum, innanlandsflug í Keflavík, Obama, hvort fíkniefnaneysla sé glæpur eða heilbrigðismál og auðvitað söluna á Borgun.

Kvikan - 1. apríl 2016

Hvort er brotthvarf Sigmundar Davíðs eða aflandseign hans ástæðan fyrir miklu fylgisghruni Framsóknarflokksins? Er það jákvæð þróun að veita erlendum sérfræðingum skattaafslætti fyrir að flytja til Íslands? Munu Guðni  Th. og Andri Snær keppa í tveggja hrossa hlaupi um forsetaembættið? Og verður komandi júnímánuður ekki sá svakalegasti í Íslandssögunni? Þetta er meðal þess sem Þórður Snær Júlíusson og Magnús Halldórsson ræða í Kviku dagsins.

Kvikan - 15. apríl 2016

Formannsslagur í Samfylkingunni, skortur á erindi flokksins, forsetaframboð, allar hliðar á birtingu frétta úr Panamaskjölunum og áhrif þeirra. Og auðvitað mismunurinn á góðri afsögn og afleitri. Þetta er á meðal þess sem Sunna Valgerðardóttir og Þórður Snær Júlíusson ræddu í Kviku dagsins.

Kvikan - 29. apríl 2016

Í hlaðvarpi Heimildarinnar, áður Kjarnans, má finna fjölbreytta þætti um allt frá pólitík til heiðarlegs skyndibita eða nýjustu græjunnar.

Kvikan

Hlaðvarp Heimildarinnar