Ég vil þakka. ég vil þakka Vestmannaeyjingum og þjóðinni fyrir að hafa kennt pabba að raka sig svo hann rispaði okkur ekki með hrjúfum vanga þegar hann faðmaði okkur að sér. ég vil þakka Vestmannaeyjingum fyrir að hafa kennt pabba að vinna baki brotnu dögum saman þegar hætta steðjar að og lífi og verðmætum þarf að bjarga. Ég vil þó fyrst og fremst þakka þeim hönnuðum sem lögðu á sig listnám til að teikna skip sem borið gæti hann til vestmannaeyja og mig til útlanda þegar ég var lítill og Þegar ég var lítill teiknaði ég sjálfur skip því kennari minn hafði lagt á sig listnám svo ég gæti teiknað skip og flugvélar sem ég elska að fljúga í til fjarlægra stranda, strandanna þaðan sem allar sögur HC Anderson komu og Tolkinen kom og lína lángsokkur kom og lék svo við mig í þjóðleikhúsinu okkar þar sem lilja frænka leikur svo mikið fyrir fólkið og fær það til að finna til rétt eins og ég fann til þegar ég sem strákur fékk að leika mér í kúrekaleik í sandkassanum með gísla Rúnari sem síðar fékk mig til að hlæja að öllum lífsins mögulegu og ómögulegu stundum og mér skilst jafnvel að hann hafi fengið þig til að hlæja líka og þegar maður hugsar um það þá ber að þakka þeim sem skrifað hafa leikrit og leitað í smiðju Shakspear og Haldórs Laxness því á stundum eins og þeim þegar pabbi þurfti á öllu því að halda sem hann lærði í rústabjörgun í Vestmannaeyjum þurfti ég á allri þeirri huggun að halda sem að ævintýrabækur og ímyndunaraflið gátu gefið mér því félagarnir voru í burtu undir snjónum og ég þurfti á vit annarra ævintýra til valda því að vera til og þar notaði ég það sem kennarinn hafði kennt mér í listum og ég teiknaði og ég las og ég hlustaði á tónlist   aðra en þá sem myndaðist er vindurinn gauðaði í snjónum og togaði mig inn í svertuna sína og ég hjúfraði mig í sængina sem hönnuð hafði verið svo fallega af listamanni sem hafði lagt á sig langt nám svo mér gæti liðið jafn vel undir sænginni minni og mér leið með bókina í rúminu sem pabbi hafði lært að smíða í listaskólanum sem hann fór í þar sem hönnuðir göldruðu fram tæki og tól sem hægt væri að not til að bjarga mannslífum á milli þess sem þau spiluðu jass með hermanni og handblota með rudiger sem ég kenndi mér að hjóla á hjóli sem listamaður hafði hannað af hárnækvæmni sem aðeins fæst í faglegu námi hugsunar og heimspeki og færði mér þannig þá gleði að líða um landið fyrir eigin afli sem ég hafði lært að njóta í listilega hannaðri lopapeysu frá mömmu sem haldið hafði í mér og okkur bræðrunum lífinu með þeirri list að prjóna fallega hannað mynstur í lopapeysu sem ekki fanst í þýsku landi og þannig fært út fyrir landsteinana listiðnað og sparað um leið landinu gjaldeyri fyrir lepjandi listamannsson í námi sem fékk að læra þýsku í árdaga skólagöngu, skólagöngu sem færði mér svo mikið af ríkulegri list og þeirri nautn að vera kennd íslenska af vigdísi gríms sem síðar kenndi mér að ég gæti líka þegar ég væri eldri legið undir sæng og forðað mikrinu með því að lesa um Ísbjörgu og ljón og njóta góðra bókmennta þó forn væru sem hávamál, hávamálins em hún fékk mig til að elska jafn mikið og ríkulega skreytt plötuumslög Pink floyd og stuðmanna teiknuð af listmenntuðu fólki sem fengið hafði styrk úr ríkissjóði til að gefa út sönglög og síðar áttu eftir að verða ekki bara spilverk fyrir mig heldur spilverk þjóðanna þjóðanna allra líkt og sigurrós og off monster and men og í þeirri andrá ber mér að þakka hönnuðum hljóðfæra og tónskáldum bæði rachmanikoff og ása í bæ og Haraldi prenntara sem gendi mér að blása í lúður og njóta þess að heyra tónlist hvort sem hún var byljandi rokk eða blásin í simfóníu og og kenna mér um leið þá þrautsegju að æfingin skapar meistarann og hversu mikill meistari þú vilt verða fer eftir því hvað þú vilt verða ekki hver vill að þú verðir og þá og þá getur þú skrifað um monster eða skapað monster þú getur teiknað monster og þú getur hannað monster monster sem ég hélt að væru bara til í útlenskum sögum sem ég hafði lesið eftir rithöfunda í æsku og í æskunni þegar ég var lítill þar em birtust sögur og ljóð og teikningar og myndir myndir maður myndir þær þarf ég að þakka fyrir og þarf sjálfsagt að þakka þar fyrst leonardo davinci og svo talbot og daggaure en ekki síður Birni Björnssyni Sigfúsi eymundssyni Rax og árna jónsen, já árna jónsen því ahnn studdi við Ragnar axelson í ferðum hans til Grænlands og studdi það að ragnar sem listamaður fengi fjárstyrk til að skap snilldarverk sem fékk aðra til að sjá heiminn í nýju ljósi og mig til að fá enn meiri áhuga á annarri menningu og fá áhuga á því að miðla menningu og fékk mig að lokum til að taka myndir sjálfur og gera myndir og miðla myndum og miðla menningu með mínum myndum af listamönnum og leikurum og iðnhönnuðum og teiknurum og ég fékk að vinna með öllu þessu fólki af ólíkum menningar kima og að ólíkum menningar verkefnum sem auðgað hafa mitt líf og vonandi einhvers annars líf og alla vegana skapað líf og gert því auðveldara að fást við líf rétt eins og vestmannaeyjingum tókst með því að skila mér aftur pabba mínum reynslunni ríkari af því að hafa fengið notað listnám sitt, menningaruppeldi af ólíkum uppruna frá íslandi til að bjarga verðmætum í vestmannaeyjum og síðar verðmætum í Neskaupstað með verðmætum sem hönnuðir, heimspekingar, listamenn og iðnaðarmenn höfðu skapað til að flytja fólk og fénað og búa því rúm í hönnun sem lætur því líða vel innan um myndir um lífið og myndir af lífi og listina, listina menninguna og listina sem snertir alla fleti sem hvert mannsbarn strýkur hvern dag og fær þig og mig til að líða vel í lokin.

Ég Vil Þakka

Original idea born on the beach of Hopkins in Belize

Hopkins - Demo - 2014

Joy - Demo

floating

sweet chill 3

Inspired by the landscape and cloudscape found in the highlands of iceland

Kristjan Logason