الافلام


    أيام بتشبه بعضها ..
    بنت بعيون مليانه خوف
    زى الكمنجا فـ حزنها
    تشبه أوى برد الشتا ولونه الحزين
    ورده سوده فـ جيب جاكيته
    
ساكنه فيّا حته حته
    وعايشه فيا من سنين !
Download it Mp3
From

MediaFire
http://www.mediafire.com/download/ovzcpr4bjaukb1x/Kashkool.Band.Warda.Soda.mp3

4Shared
https://www.4shared.com/mp3/THyhX-5Qba/KashkoolBandWardaSoda.html 

كشكول باند ،، ورده سودة // Kashkool Band - Warda Soda

محمد أبراهيم - عشان أعيش

كلمات :: عادل العش ----- توزيع وميكس :: احمد حبيب
للتواصل ومتابعه المزيد :: 
https://www.facebook.com/Ahmed.Mousa.Sandoo


موسى - فى الحب شاطر | Mousa - f el7ob shater

حتي وانتي بتضحكي 
تحسي عنيكي معيطة
انسانه عايشة 
فكون غريب 
خلاكي دايما محبطة 
إلى البنت ال كات تملى 
الدنيا فرح بهواها
إلى الحُب ال كان
فيها وسابها ياما خلاها
بتكرهـ قُرب ناس منها
وعايشه وحيده مكسوره
إلى القلب ال سابها
 فـ يوم 
وعايشه بروحها مقهوره 
>>>>>>>>>>>>
كلمات : وليد ديدا
https://www.facebook.com/waled.dida2020


حتى وانتي بتضحكي

أمنية حسن  يا عشمان-  أغنية تحفة  -  Ya Ashman

احمد فوزي - عديت اصحابك
كلمات / محمد ابراهيم
الحان / امنية حسن 
توزيع / مصطفى لاشين 

تسجيل / استوديو wave
مهندس / جورج يعقوب

عديت اصحابك كانوا كتير .. واحتجت اصحابك كانوا اقل
وحبيبتك كان قلبها بيطير .. اول ما يشوفك لكن مل
قربت اتسابت .. بعدت اتسابت 
ملقيتش لكل مشاكلك حل 
فكرهت الناس وبقيت عايش .. واحداني وقلت انك مرتاح 
وقفلت عليك الباب بايديك
وفضلت تدور عالمفتاح 

Ahmed Fawzy - 3adet Es7abk احمد فوزي - عديت اصحابك

كلمات : محمد ابراهيم
ألحان : اسلام الأبَتي
عود : شادي ابراهيم 
ميكس و ماستر : أسامه كمال 
Adel's Official Page www.facebook.com/adelsakr.officialpage

Alf So2al -  2016 (Original)  ألف سؤال - عادل صقر

كلمات : أحمد سامي
ألحان : محمد جوليو
توزيع : أمجد معتز
@the_fooron54cina
جيتار : محمد مغربي 

غلبني

كلمات : محمد ابراهيم
ألحان : علي الالفي
توزيع : محمد العشي
ميكس و ماستر : منتصر عامر
ستوديو : مونتي ساوند

...
جيتار : شريف فهمي
ناي : محمد فرج
شكرخاص للفنانين : وليد حيدر - اشرف وليد - احمد سعيد"
... فوتوغرافيا : فوتوشوب ستوديو "معاذ - عمرو"
تصميم البوستر " فؤاد شاكر 

علي الألفي - تعيش و تسيب"هتنساها" || Aly Alalfy - t3ish w tsib "hatensaha"

إهداء : 

لكل الحاجات اللى فرطنا فيها .. 
وكل الحاجات اللى خلصت قوام
لنظره فـ وداع اللى كانوا فـ حياتنا
ودخلوها صدفه و خرجوا بسلام
لكل اللى كان نص تانى و شاركنا
فـ جد و هزار و انتظار و اشتياق
لكل اللى قالوا " هنفضل معاكوا "
وغابوا وسابوا الحنين و الفراق 
لكل اللى عايش عشان حد تانى 
لكل اللى كان نفسه اصلا يعيش
لكل اللى ساكت ولو قولت مالك 
يكون فيه ولكن يقولك " مفيش "
لكل اللى تبتنا فيهم بذمه 
وكل اللى حطونا بين " أو و إما "
وكل الحاجات اللى كانت مهمه
لكن بعد فتره بقت متساويش


تأليف : شادى ابراهيم 
هندسه صوتيه و ميكساج : محمد صقر

موسيقى ديوان زي الأفلام

عن حدوته الحب الأول .. اللى عمرها ما خلصت بالجواز .. و عن الصدفه اللى بتجمعنا بناس كنا ما صدقنا نسيناهم 


_________________________________________________________

كان يوم عادي

سبتها من ست سنين فاتو ..	
_دلوقتى انا متجوّز غيرها _ 

مبحسش ناحيتها بحاجه 
مع ذلك و الله فاكرها 
ده لإن الجرح اللى يعلم 
عمره ما بيروح ..

مشهد متعاد .. 
بصيت لمراتى و قولتلها 
" بابك مفتوح "

فتحت بابها و قفلته تانى
بس يا سيدى  
مسكت إيدى .. و قالتلى 
هنسهر فين طيب ؟!
" ودينا مكان يبقى قريب "
علشان الزحمه وضيق الوقت 
و عشان مش حابه ان انت تسوق
شكلك مخنوق ..
رديت " أبدا " .. مضغوط 
و الشغل مهوش ماشى ..
ردت ماشى .. 
ودينا كافيه نشرب حاجه 
محتاجه أحس ان انا جنبك 
_ انا نايمه إمبارح زعلانه _
جه الوقت تكفر عن ذنبك 
قولتلها خلاص قلبك أبيض 
فـ قالتلى لا أبيض ولا ألوان 
ودينى مكان ..
 ويكون هادى 
ولحد الآن اليوم " عادى "
و مكانش فـ بالى انه هيقلب 
بحنين و بشوق ..
نازلين بهدوء 
و لقيتها قصادى معديه ..
معقوله بجد تكون هى ؟!!!!

معقوله الست سنين عدوا 
وبقينا بعاد 
" مشهد متعاد " 

و انا قاعد باصص لمراتى ..
_مزيكا حزينه بصوت واطى _
تقتحم المشهد و انا سارح 
و الوقت بيرجع ست سنين 
و كأنى مودعها إمبارح 
قاعد فـ كافيه و فـ إيدى كتاب ..
تدخل مـ الباب 
و فـ إيديها إكياس فيها هدايا ..
و حاجات انا كنت جايبهالها 
_ الشك بيكبر جوايا _
مستنى تقرب و أسألها 
فـ تقرب   و انا دقات قلبى 
عماله تزيد ..
الشك بيتحول تأكيد 
و بتسحب روحى مع الكرسى 
و بتقعد و تكلم عينى 
بنظرات مقدرتش أحللها 
و بتمسك ايدى و تفتحها 
و تحط الدبله و تقفلها  
و تعيد فـ كلام معناه مفهوم 
و تقول " معلش  انا لازم أقوم "
و المشهد يقلب تراجيديا 
وسواد متغلف بكوميديا 
ودراما فـ فيلم إسمه الدنيا
وده حالنا وحال كل العايشين 
 الحب اللى بيكبر فـ سنين 
يتهد فـ جزء من الثانيه 
ومحدش عارف ايه الأسباب 
 ومحدش عارف مين مسؤل 
يقطع سرحانى سؤال ..
بيقول ..
مالك يا حبيبى سرحت فـ إيه ؟!
_ أبدا يا حبيبتى انا مش سرحان _
انا بس فصلت عشان تعبان 
و أتنهد و انا ماسك إيدها 
و أوعدها انى أفضل أسعدها
و أضحك و أسأل بتحبينى ؟!
فترد تقول " طبعا يعنى "
مع انك بتطلع عينى 
وبسببك قلبى بيوجعنى 
 
" نكديه بطبعك هعمل ايه "
و مشاكلك فـ الغالب تافهه
فتقولى اسم الله و نتعاير  
و أطلع مـ العلبه سيجاره
فتمد اديها و تخطفها 
و تقولى بلاش شرب سجاير
عارف ؟! .. 
انا عمرى ما حسيت بأمومتى ..
غير و قت ما حبيتك جدا 
من قبل ما نتجوز حتى ..
بدعيلك و الفجر بيدن 
و كأنك إبنى اللى انا بنته 
ومسنوده عليه .. وماسكاه 
فـ إيدى ..
كل الموضوع ان انا عايزه 
أتدلع و أتحب يا سيدى 
حقك .. و الله انا حبيتك 
حسيت انك فعلا بنتى 
مع انى مكنتش متخيل 
اللى أتجوزها تكون انتى 
ده لأن انا و انتى زمان كنا 
إتنين إصحاب يدوا نصايح 
يا بنمسك دايما فـ خناق بعض
يا بنمسك على بعض فضايح
ومكانش فـ بالى ان قلوبنا 
مشاعرها فـ لحظه هتتحول 
و أكتشف ان انا بعد ده كله 
حبيتك انتى من الأول  
أيوه الواقع عمره ما كان 
يشبه للأفلام يا جماعه |
لو دققنا فـ كل الناس 
هنشوف كل الناس متباعه 
واحد سايب واحده وواحده 
سايبه فـ واحد سايب غيرها 
آه الأحاسيس فـ الأول حلوه 
بس وجعها يبان فـ آخرها 
الجارح بكره هيتجرح 
و المجروح ده مسيره يخف
كلنا أدوارنا بتتبدل 
طول مالأيام دايره تلف


كان يوم عادى _  محمد ابراهيم

lyrics : ahmed moataz
composing : mostafa amin
arranging : amjad moataz
@the_fooron54cina

lead guitar : sameh rafik
bass guitar : emad dawood
studio : Figleaf
mix : hossam saeid and Gamal fathy

مشاويري

مشاعر كتير متلخبطه .. حاولت ألخص جزء منها فـ الدقايق دى .. غمضوا عنيكوا و اسرحوا .. الكنز فـ الرحله 

مطلوب حبيب / فيه أمل

محمد ابراهيم - مكانتش قطه مغمضه -حفله المنصوره

رجعت الشتوية - غناء: أمنية حسن - كلمات وألحان: الأخوين رحباني - رؤية وتوزيع: محمد العشي

متعتذريش القصيده الكامله
من ديوان لما كنا 
معرض الكتاب 
2017

الكلمات 

متعتذريش .. لا حبك آخر الدنيا ..
ولا وجودك سبب لحياه 
انا فـ " مآساه " .. 
بحاول أجمل المشهد 
و أمثل انى مش مهزوز 
" شبح أراجوز "
مركب وش على وشه 
عشان ميبانش ايه جواه
 
لا هشحت إهتمام تانى ..
ولا هطلب حنان لله 
انا كويس ..  كده أحسن
ومش هنكر ساعات بحزن
و أحن لكلمه متقاله ..
وذكرى و صوره ورساله 
فمتحاوليش .. تكونى ضحيه 
فـ القصه ..
و إوعى تصدقى الحاله
ده زى ما فيه بنات إتكسروا بسببنا 
فـ ياما بنات كتير حاولوا و نجحوا
فـ كسر رجاله 
وياما بشوف من الدنيا 
حاجات اغرب من السيما 
وربك برضه ليه حكمه
و ليه حسبه و تقسيمه 
و انا اللى مشيت و انا مآمن 
وسبت مشاعرى و اطمنت 
نسيت ان البلاء وارد
وقد يأتى فـ هيئة  "بنت "
انا يا حبيبتى مش تمثال
و ليا شعور و بعرف احس 
و اتأثر 
و قلبى ازاز .. 
يعور لما يتكسر 
متتخدعيش فـ كام ضحكه 
بخبى الحزن جواهم 
ده لو بصيتى جوايا 
هتلقى الحزن متفسر 
و تلقى الجرح ساب فيا 
علامه الوقت ممسحهاش 
وممسحكيش 
متعتذريش ! 
متعتذريش .. 
و صلى جنازتى وياهم ..
قصاد القلبه حطى الدبله و إدعيلى 
و قولى كان مريض و إرتاح 
كفايه نواح .. 
على القلب اللى شافك ورد 
فـ وطى لجل ما يشمك 
قتلتى قتيل ؟! .. و ايه يعنى 
فداكى .. خلاص و لا يهمك 
مسير اللى إتكسر 
يتلم .. مسير اللى اتقتل هيعيش 
متعتذريش .. 
ساعات الإعتذار بيهين 
ويجرح قبل ما يداوى ..
سلالمك كلها تعابين ..
و انا معرفش أكون حاوى ..
يا حبل إتلف بالتدريج على رقبتى 
و انا من طيبتى سبت الحبل عـ الغارب 
بنبعد مهما نتقارب .. و أشوفك غلطه و أستمتع 
بطعم الغلطه فـ بعيدك ..
يشاء ربك .. بإن الطيب الغلبان 
يبطل طيبه على إيدك ..
 
برائتك .. شكل من بره 
ديكور بيدارى سوء طبعك 
و انا مقلبش أكون تابع 
و خاتم تلبسيه فـ صابعك
انا راجل .. و ليا كرامه لو راحت 
حياتى تروح 
 وبابى لا عاد لا متوارب ولا مفتوح 
ومهما تحنى و تنادى 
خلاص باب الرجوع اتسد
بكيت بعد الفراق ؟! .. عادى
بكيت على نفسى مش على حد
معدش ما بينا شئ فاضل 
عشان نرجع نقول يا حنين 
ده لو نزلت دموع راجل 
ينضرب الوجع فـ اتنين  
مفيش راجل مبيعيطش لو فارق 
الفكره بس ان احنا بنخبى 
معرفش ببكى عليكى ليه و إزاى 
معرفش ليه وعلى ايه بتتحبى 
يوماتى عـ الله بسأل نفسى ..
ليه انتى ؟!
و ليه بالذات  
و كان فين قلبى  و انا مسحوب 
لتيارك 
و كان فين عقلى و انا بغلط 
و بختارك
وداخل جنتك عشمان ..
أتارى جنتك .. نارك
مخدتش بالى انك " وهم " 
مشيت عكس اتجاه السهم 
و قلبى اتذل و إتعلق بأكتر حبل كان دايب 
انا اللى اتسابت طول الوقت 
عشان مرضيتش أكون سايب 
رضيت أطلع فـ حدوتك بدور الحاضر الغايب 
 و أحبك من طرف تايه 
وراكب قطر مبيمشيش 
متعتذريش .. عشان و الله مش فاهمك 
و مش قادر أحدد موقفك بالظبط ..
براجع كل تفصيله .. 
مفيش فـ القصه حلقة ربط ..
مفيش حبكه .. مفيش ربكه 
مفيش فـ القصه دمعة عين 
 و قبضة قلب أو قهره 
أكيد فيه حاجه مش ظاهره 
تعالى نبص عـ المشهد .. 
نراجعه من الألف للياء ..
نشوف مين فينا كان مشتاق 
و مين قصر .. ومين إهتم 
و مين نايم بكل برود 
ومين سهران يعيط دم 
أكيد حبك مهم .. أكيد 
لكن يعنى كرامتى أهم 
فـ كان من حقى أقول همشى ..
و أقول سبتك لكل الناس 
و انا كداب ..
صحيح سبتك انا لكن 
انا المتساب ..
انا المتساب بأفعالك .. 
و إهمالك .. 
و إحساسى ان فى حياتك 
مجرد طيف ..
و ساكن جوا منك ضيف 
لا ليا حقوق ولا كرامه 
و عايش بس من غير صوت 
وطول الوقت بتذلل 
و بشحت كلمتين حلوين 
فـ آخر اليوم ..
عشان أعرف انام مبسوط 
بقول سبتك لكل الناس و برضى غرورى 
وسطيهم .. و انا جوايا نار قايده 
" مفيش فايده " .. بكابر قد ما بكابر 
و قلبى من الحنين مفضوح 
قريب وغريب .. يبص فـ عينى 
فيشوفك بكل وضوح ..
و لسه انا تحت تأثيرك .. 
ومش شايف بنات غيرك 
لكن أصبحت مبشوفكيش 
متعتذريش

أشعار : محمد ابراهيم 
رؤيه فنيه و توزيع : الموسيقار محمد معانى 
تسجيل و ميكساج  و ماستر : كريم حسن
فوكال : محمد الشبينى _هاله حسن 
ناى : أحمد أبو المجد 
باص جيتار : باسم معانى 
اليكتريك جيتار : أحمد طارق

شكر خاص 
" آيه عماد الدين فؤاد "

متعتذريش

محمد ابراهيم _  "متعتذريش " من ديوان لما كُنا

كلمات : يونس القاضي
الحان : سيد درويش

مسار إجباري | أنا هويت

كلمات : عبدالرحيم منصور
الحان : هاني الدقاق
توزيع : مسار اجباري

مسار إجباري | ريتك معايا

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


الافلام

Āláã ĿờóAäắ