my playlist

لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

 

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

 

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

 

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

 

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

 

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

 

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

 

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

 

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

 

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

 

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش

هشام الجخ - متزعليش

شعور سخيف

إنك تحس بإن وطنك شيء ضعيف

صوتك ضعيف

رأيك ضعيف

 

إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف

 

سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف

دا شعور سخيف

 

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة

 

يا ساقية دورى عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت

 

أنا اللى صاحب البيت

عايش بدون لازمة

ولما مرة شكيت

إدونى بالجزمة

 

مش لاقى تطفح اديك

هاتولنا و جيبولنا و ادونا ودونا

هنجيب منين نديك

طافح يا بلدى غدايا و لوعتى غدايا

و آدى الأحبه التفوا و اتجمعوا عدايا

 

أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

 

لا شفت فيكى هنا

ولا شفت فيكى ترف

كل اللى فيكى قرف

 

كرامتنا متهانة

واللقمة بإهانة

بتخلفينا ليه

لما انتى كارهانا

 

يعنى ايه تبقى إنتى هبة النيل يا بوبه

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع

 

لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش

 

يعنى ايه نرفع ايدينا بالسلام لجل الغزاه

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى

حبس اعتباطى

يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته

 

أنا عمرى ما أتأمرت ولا حطيت شروطى

ومكان ما ترسى مركبك بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

 

دة انا كل شبر فى أرضك اتمرمغت فيه

وكل يوم عشتيه أنا اتغذبت بيه

 

على صوت أدانك جرس فى الشدة صاحينلك

من امتى كانوا الحرس هما اللى باقينلك

بعتينى علشانهم وعنيكى معصوبة

ياهل ترى خاينة ولا زيى مغصوبة

 

كل الكلام اتقال و الشعر بقى ماسخ

و الصبر علو جبال والظلم شئ راسخ

وطن وغرقان فى النطاعه

كل شئ ريحته نطاعه

علمونا بالعصاية

ورضعونا الخوف رضاعة

 

علمونا فى المدارس يعنى ايه كلمة قيام

علمونا نخاف من الناظر فيتمنع الكلام

علمونا ازاى نخاف وازاى نكش

بس نسيوا يعلمونا الاحترام

فماتزعلوش لما ابقى مش باسمع كلامكم

وماتزعلوش لما ابقى خارج عن النظام

 

مستنى ايه من طفل ربوه بالزعاق غير المشاكل والخناق

كل اللى بيقولك بحبك دول نفاق

أنا لما قلت لك بحبك كان نفاق

 

الحب يعنى اتين بيدّوا

مش ايد بتبنى وستميت تيت تيت يهدوا

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

 

يعنى أعيش علشان هدف علشان رسالة

يعنى احس بقيمتى فيكى إنى مش عايش عوالة

يعنى لما اعرق تكافئيى بعدالة

الحب حالة الحب

مش شعر وقوالة

الحب حاجة ما تتوجدش فى وسط ناس

بتجيب غداها من صناديق الزبالة

الحب جواكى استحاله

 

بَارَت مَرَاعِينا والبِئر قَد جَف

وَالْجُوْع يِكْوِينَا وَالْصَّبْرُ مَا كَفّى

وَالْقَلْب لَا يَهْدَا وَالْجُرْح لَا يُشْفَى

وَلِأَنَّنَا طَوْع زِنِّا لَهُم خفّا

جَاءُوَا بِمَوكَبِهم.. واشتغلت الزفة

 

الدفة مظبوطة وأصلا مافيش دفة

والكفة مش مايلة علشان مافيش كفة

و جحا اللى جاى بالليل لساه بيتخفى

 

شايف ديدان الغيط سارحة وما راحماشى

من جبنه شاف الدود سابه وراح ماشى

ولا اتكسف للناس ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى

 

الدود قاعد لك يا جحا ولابد فى طينك

بعد ما يمص فى دمانا مش هيحلاله الا طينك

احنا اهلك احنا رجالتك عمادك

إحنا وقت الشدة سندك إحنا زادك

يا جحا احمى ولادك لو كنت عايز تحمى طينك

 

سوف أرحل ربما يلقانى من ارجو لقاه

هامشى ويا الشحاتين وابكى على حلمى اللى تاه

بس مش هاشحت رغيف

هاشحت وطن لله

هشام الجخ - جحا

حـظَــك كـــــــده

 

 

 

 

مكتوب عليكى تحبى واحد قلبه صدى

لا الفرحه تقدر تنعشه ولا حزن يقدر يرعشه

ولا نكته حتى تفرفشه ولا حتى خضّه

مع ان قلبك من دهب

مكتوب عليكى تحبى واحد قلبه فضه

حظك كده

 

كل البنات اللى فى حياتى قبلك

أستنونى نمت وغدروا بيا

عِدِّى جوابات الغرام اللى فى دولابى

شوفى كام مره اتغابيت وفتحت بابى

مره بيضه ومره سمره

دى طويله ودى تخينه

وأردنيه ومغربيه وفى الروسيه

وفى العجوزة ..وفى الصبيه

وفى النهايه الكل بردك غدروا بيا

أحتمال العجز فيا

 

المهم انى خلاص ما بقتش قادر أحب تانى

جسمى نحس من السهر والانتظار ومن الاغانى

 

انتى أجمل واحده حبتنى فى حياتى

رقه الكلمه فى شفايفك

الخيال اللى محاوطنى

ومحاصرنى وانتى غايبه كأنى شايفك

العيون المعجزات اللى بخاف أرفع عينيه

يغضب المولى عليه

والله ما أنا عارفلى خوف

أنا ببقى خايف ربّى ولا ببقى خايفك

 

إنتى بِكْر كل

حاجه فيكى بِكْر

الشوارع والمدرج والأمانى

جوه منك لسه بِكْر

أما أنا جيش مالحريم استهلكونى

يا ما رقدوا و يا ما لعبوا ويا ما سكنوا

فيه إيجار وفيه اللى ملك وفيه خدتنى وضع يد

صبحت حكر

وانتى بكر

طب هاينفع؟

 

عارف أنها مش خطيئتك

إنى عيشتى معقده

بس اعمل ايه

حظك كده

 

هشام الجخ - حظك كده

أصابك عشق أم رميت بأسهم - مهاب عمر وعبد الرحمن محمد

Ramy Essam - Ma7nash mn dol رامى عصام محناش من دول

Official Page: https://www.facebook.com/RamyEssamOfficial
 لمـّـا تكون شغـّــال بزمـّـــــــــة ..... خايف على مصلحة الأمـــــــــــة
شغلك يطلع من غير لازمـــة ..... علشان مابيعـلاش غيـر واطــى
طاطي راسك طاطي طاطي ..... إنت في وطن ديموقراطــــــــــي
--------------------------------------------------------------------
ولمـّـا شقاك يصبح مش ليـــــك ..... فقـرك سـد السكــة عليـــــك
تتلفــــــت تلقــــى حواليــــــك ..... إمــّــا حرامــــــى أو متعاطــى
طاطي راسك طاطي طاطي ..... إنت في وطن ديموقراطــــــــــي
--------------------------------------------------------------------
ولمـّـا الجهلـــة يبقوا أمامـــــــــك .....﻿ أو فوقك ماسكين فى زمامك
ويسوقــــك عالهلكــة إمامـــــــك .... تشـرب مــ السّـم السقراطى
طاطي راسك طاطي طاطي ..... إنت في وطن ديموقراطــــــــــي
--------------------------------------------------------------------
ولمـّـا الكلمــة تكون بتدينـــــك .... لمـّــا تخبـــى فـى قلبــك دينــك
لمـّـا الذل اشوفوا فى عينــــك ..... هـات إحبـاطـك على إحبـاطـــى
طاطي راسك طاطي طاطي ..... إنت في وطن ديموقراطــــــــــي
--------------------------------------------------------------------
ولمـّـا حاميــها يكــون حراميـــها ..... وبــلاده ورا ضهــــــره راميــــها
طالــــع نــــازل واكــــل فيهــــــــا ..... مسنود بالبدلـه الظبـّـاطــــــى
طاطي راسك طاطي طاطي ..... إنت في وطن ديموقراطــــــــــي</a>



Ramy Essam - Taty Taty | رامى عصام - طاطى طاطى

أداء: مريم، أحمد مصطفي، دودو، وعود كريم سامي، كلمات ولحن أيمن حلمي، عن تيمة فولكلورية ولحن لسيد درويش
الأغنية من تتر فيلم عين شمس، فيلم مصري روائي طويل، إخراج /  إبراهيم البطوط

http://www.ibrahimelbatout.com/

Ya Aziz Einy يا عزيز عيني

أغنية يوم 25 من ألبوم منشورات
https://www.facebook.com/RamyEssamOfficial
Download http://www.ramyessam.com/

Ramy Essam 25Jan / رامى عصام - يوم 25

أغنية إرحل 2 من ألبوم منشورات
https://www.facebook.com/RamyEssamOfficial
Download http://www.ramyessam.com/
كلنا ايد واحدة وطلبنا حاجة واحدة .. ارحل
يسقط يسقط حكم العسكر
الشعب يريد اسقاط النظام
المجلس يمشى مش هنمشى
كلنا ايد واحدة وطلبنا حاجة واحدة .. مدنية

Ramy Essam - Er7al / رامى عصام - إرحل 2

أغنية دبوره و شورت و كاب من ألبوم منشورات
https://www.facebook.com/RamyEssamOfficial
Download http://www.ramyessam.com/

Ramy Essam - Dabora Short Cap / رامى عصام - دبوره و شورت و كاب

أغنية عهد مبارك من ألبوم منشورات
https://www.facebook.com/RamyEssamOfficial
Download http://www.ramyessam.com/

Ramy Essam - 3ahd Moubarak / رامى عصام - عهد مبارك

أغنية إرحل من ألبوم منشورات
https://www.facebook.com/RamyEssamOfficial
Download http://www.ramyessam.com/

Ramy Essam - Er7al / 1 رامى عصام - إرحل

رامى عصام اغنية اه يا مجلس يا ابن الحرام لاولتراس اهلاوى https://www.facebook.com/RamyEssamOfficial
فى بورسعيد ضحايا شافوا الغدر قبل الممات
شافوا نظام خير ما بينهم و الفوضى فى كل البلاد
كان فاكر حكمه يوم .. هيخليه اعلى مكان
و الشعب الثورى يركع للعسكر ده كان زمان
اطلق فى كلابك كمان و الفوضى فى كل مكان
عمرى ما هديك الامان و لا تحكمنى يوم كمان

فى بورسعيد كلاب لما العسكر فتحوا الباب
انطلقوا و الفوضى عمت و قتلوا اغلى شباب
منهم كان المهندس و العامل منهم ولاد راحوا
و كان مناهم حكمك لاغى فى البلاد
اه يا مجلس يابن الحرام بعت دم شهيد بكام
لاجل ما تحمى النظام .. اللى انت منه كمان
Download Mp3
http://www.mediafire.com/?69k4etgsftdszkx
توزيع وهندسة صوت: طاهر صالح - جيتار:احمد مصطفى

Ramy Essam - UA07 رامى عصام - يا مجلس يا ابن الحرام

Album: Mesh Baghanny
Artist: Maryam Saleh
Where to find the album http://tinyurl.com/MeshBaghannySP أماكن بيع البوم مش بغني 

Lyrics by Mido Zoheir, Mostafa Ibrahim, and Omar Mostafa
Composed by Maryam Saleh, in cooperation with Tamer Abu Ghazaleh
Arranged by Tamer Abu Ghazaleh, in cooperation with Yacoub Abu Ghosh

Piano: Shadi ElHosseiny
Guitar: Mohamed Darwish
Percussions: Ayman Mabrouk
Bass Guitar: Yacoub Abu Ghosh

(c) Maryam Saleh 2012. All Rights Reserved
(p) eka3 2012. All Rights Reserved

Ana Mesh Baghanny - انا مش بغني

https://www.facebook.com/RamyEssamOfficial 
الكائن الاخواني ملوش مكان في ميداني
احنا اللي عملنا الثورة ليه يركب هو مكاني 
لو شفنا واحد أخوان جيلنا الميدان 
ليلة أمه سودا وهيروح زعلان
المرشد .. أتفوووو
المرسي .. أتفوووو
الشاطر .. أتفوووو
العريان .. أتفوووو 
البلتاجي .. أتفوووو
حجازي .. أتفوووو

Lyrics&Composer: Ramy Essam
Percussion: Hany Bedair
Music Production: Taher Saleh

Ramy Essam - El Ka2n El E5wani رامى عصام الكائن الاخوانى

https://www.facebook.com/RamyEssamOfficial
انا الصاحى فى ليل السجن ما يهدى
انا غضبى مـ ونسنى مفيش وحده 
تبات النار فى سجن رماد لكن قايده
متستناش تغلبنى مفيش فايده 
يبات الحلم فوق راسى واشوف نفسى
دراعى جناح وسامع فى البراح حسى
يا سور السجن مـ زارنيش فى يوم يأسى
انا بركان يا ويلك لو يطول حبسى

اسمع يا كلب السجن كلمة حق بكرا البيبان تتزق 
لأجل البرئ تتهد .. لما تقوى كلمة لأ
يا كلب السجن كلمة حق بكرا البيبان تتزق 
لأجل البرئ تتهد .. لما تقوى كلمة لأ

Lyrics: Amgad El Kahwagy
Composer: Ramy Essam
Music Productions: Taher Saleh
Drums: Muhammad Ra`aft
Percussion: Hany Bedair
Recorded, Mastered, Mixed at Vibe Studios


Ramy Essam - Ana El sa7y رامى عصام - انا الصاحى

Mssar Egbary - انا هويت


الشاعر/مصطفى ابراهيم
ادين بدين الجدعنة وبدين رفاق الدرب 
وبقوله احنا مش انا فى المعمعة والضرب 
وبدين ماكنت مصدقة فى المعركة الأولى 
وبدين جثث فى المشرحة اساميها مجهولة 
وبدين من ساب على الأسفلت اخواته مقتولة 
أقول التوبة مقبولة الا فى وقت الحرب . 

الشاعر / جرجس شكرى 

زينو جسمه باللى عندينا 
ما احنا سبايا وراحوا أهالينا 
زينو جسمة باللى سابوه 
خربوا بلدنا والطفل قتلوه 

الموسيقين
الحان وغناء / دينا الوديدى 
بيانو / محمد صالح 
جيتار / محمود صيام 
باز / سيكا 
كمانجا / نانسي منير 
اكورديون / وائل السيد 
درامز / محمد رأفت 
شكر خاص لمهندس الصوت 
وماستر وميكساج 
محمود ديااز 

وشكر خاص 
استوديو الحجار تسجيل 
استوديو وسط البلد ماستر وميكساج 


ادين بدين الجدعنة

Maryam Sale7 - Watan El3ak مريم صالح - وطن العك


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

my playlist

la bella tota