Sevgi...kiminə əyləncə, kiminə həyəcan, kiminə oyun, kiminəsə müqəddəs bir hiss, duyğudur. Kiminçin oksigen, kiminçin zəhər, kiminçinsə dərd, qəhərdir. Kiminəsə yasaqdır...
 
Sən bir şəhərdəsən, mən bir şəhərdə
Sən hicran odunda, mənsə qəhərdə
Köhlən at belində, zərli yəhərdə
Alım səni bəlkə qaçaq sevgilim ?
Eşqimiz zil olub, yetməyir pərdə
Üzülüb ürəyim tablaşmır dərdə
Sakin olaq Sənlə qürbət şəhərdə
Quraq büllur saray, ocaq sevgilim?
Səsin hey səslənir qulaqlarımda
Ləbin ətri qalıb dodaqlarımda
Sən gülkən, mən bülbül budaqlarında
Nədən oldun mənə yasaq sevgilim ?
Laçının eşqi dağ, zirvəsi qarlı,
Şirvan dağları tək uca, vüqarlı
Köç etsə dünyadan qəlbi qubarlı
Dağı yandıracaq o çağ sevgilim...
 
P.S  Yasaq, hansısa bir qaydadan doğan amildir. Amma heç də həmişə qaydalara əməl etmirik. Qaydalar onları pozmaq üçün mövcuddur


Yasaq Sevgilim

Mohammad Reza Shajarian  Veda

Laçın Məmişov - Dəli ürəyim

Dünya qəminə qəm nə gərəkdir, qəmi ümman...

                                                                             Laçın Məmişov

Qara günün ağ köynəyi - Laçın Məmişov

Niyə qəm sevdi məni ?

Qəmi qəmdən ayıran qəm gətirən eşqim idi 
Qəmi sevməzdim əzəldən niyə qəm sevdi məni ? 

Qəmə tək-tək düçar olsam yenə dərd yarı idi 
Niyə birdən-birə hamsı cəm olub sevdi məni ? 

Qəmə meyl etmədiyimdənmi mənə sarı idi ? 
Bu suallar, bu gümanlar, bu inamlarla məni... 

O qədər fikr elədim baxdım ömür yarı idi 
Bir zaman eşqi ilə xürrəmi şad etdi məni 

O zaman bircə qəmim qönçə gülün xarı idi 
Çox edib ahu fəğan bülbüli zar etdi məni 

Axı mən qəmnən uzaq sakini meyxanə idim 
Nə zaman səcdəyə getdim ki, bu qəm sevdi məni ? 

Qəmi əhlində fikir var idi mən bütpərəsəm 
Bütü inkar eləyindən dəxi qəm sevdi məni ? 

Qəmimi min eyləmişidi daha öncə o nigar 
Laçının qəmlərini topla neçə etdi cəmi ? 


Şamaxı şəhərinin Bakı əyaləti 28.11.2011


Laçın Məmişov - Niyə qəm sevdi məni ?

Tərif yazsam ənam allam, yazmasam biçarə qallam
Mürəkkəbə batırmışam qələm susur, kağız pusur
Nə qədər cəhd edirəmsə mədh edə bilmirəm səni
 
Yazım gülüstan qurmusan, analoqsuz bir oğulsan
Hey baxıram yan yörəndə qaçaq, quldur qan içirlər
Nə qədər cəhd edirəmsə mədh edə bilmirəm səni
 
Səsimlə çıxmısan taxta, bir dön bizə sarı bax da
Evim qazsız, yerim beton, ala bilmirəm heç taxta
Nə qədər cəhd edirəmsə, mədh edə bilmirəm səni
 
Hicab yasaq, inam yasaq, iman yasaq, güman yasaq
Kim dilinə haqq gətirsə, tez onu dilindən asaq
Nə qədər cəhd edirəmsə mədh edə bilmirəm səni
 
Körpü tikib ad etmisən, çoxun qovub yad etmisən
Həmşəhrini şad etmisən, qeyriləri yesir, səfil
Nə qədər cəh edirəmsə mədh edə bilmirəm səni
 
Rüşvətə qoydun qadağa, kimdi baxan yoxdu fayda
Almasalar verməzlər can, inildəyir Azərbaycan
Nə qədər cəhd edirəmsə, mədh edə bilmirəm səni
 
Ziyalılar gəlib dilə, səpiliblər eldən-elə
Bir cəsarət tap hərb eylə, azad edək yurdumuzu
Nə qədər cəhd edirəmsə, mədh edə bilmirəm səni
 
Şirinimi şor etmisən, gen dünyamı gor etmisən
Alqış saxta, rəqəm saxta, bircə an düşün bu haqda
Saxta-saxta cəhd edirəm, mədh edə bilmirəm səni
 
Çox yazaram, çox açaram mənaların, mətləblərin
İlham pərim at belində, Laçınsa payi piyada
Nə qədər cəhd edirəmsə mədh edə bilmirəm səni
 
 
Şamaxı şəhərinin Bakı əyaləti 20.11.2011

Laçın Məmişov - Niyə qəm sevdi məni ?

Lachin

Related tracks