اللي بنا مصر كان في الاصل حلواني❤️

أنا هويت و انتهيت - الشيخ إمام

وإن قال الآه أنا أقوله يا روح القلب آهين⁦..

سعيد صالح يغني - قصيدة الليل ملاح لأحمد فؤاد نجم

البلى بم بم 
والبلى باه 
 قال لك ايه 
قال لك اه
شربه عجيبه
من تركيبه 
بلدي
يا بلد البلي بلي باه
قال لك ايه 
قال لك اه 


شوف يا موطن 
شوف يا امير 
واسبق شوفك بالتفكير 
ناس بيقولوا السر ف بير 
ادى البير 
وادى غطاه 
والبلى بم بم 
والبلى باه 
قال لك ايه 
قال لك اه 

قال لك 
اكل الفول بيقوت
قال بيقوت
قال لك 
حشو المعده يموت 
قال لك 
صهين 
قال لك فوت
كل دا كدب 
الناس كا شفاه 
زى ما كشفوا 
البلى بلى باه 
قال لك ايه 
قال لك اه

أي مواطن يا ولداه 
زاده الفول
لازم تلقاه 
عندهالبنكرياس
بطال
والامساق
فوق الاسهال
عنده الرهقة
عنده الدوخة
عنده انيميا
عنده عيال
قال لك
ثم الجهل مصيبه
مولف ويا العيا 
تركيبه
تشرب منها
تعطش تانى
تشرب
تعطش
تشرب تاني
تعطش تشرب
خمسه ف سته
ميه نار
لو طالت جته
لازم تلحس
اثمن حته
يعني المخ يا خلق الله
ادي البير
وادي غطاه 
والبلي بم بم
والبلي باه
قال لك ايه
قال لك اه

قال لك تصبر ع المكتوب
زي ما صبر النبي ايوب
يعني
تسلم للميكروب
يا خد رزقه
بفضل الله
يفضل ينحل وبرك لما
تتفر فط من وسط اللمه
خايخ نخب السوس في عضاك
خلا قوايمك
ما هي شايلاك
ويعالجوك الناس بالصبر
مع انك عيان بالصبر
قومك صبر
ونومك صبر
لحد القبر ياحول الله
وحياتك من الدار للنار 
تتولف عند العطار 
يسقيك الحكمه ف اشعار 
ويركب م الصبر دواه 
وتقربع 
والداء عمال 
ف عضام الابعد نحال 
وتخلف للبؤس عيال
وبهيه صيبه يا ولداه 
ادي البير 
وادي غطاه 
والبلى بم بم 
والبلي باه 
قال لك ايه
قال لك اه

بعد الكشف بميكرسكوب
شفنا التوب 
وما تحت التوب 
تشكيله امراض عشناها
واليكم فى الاتي
دواها
وصفه عجيبه من تركيبه 
بلدى 
يا بلدى البلى بلي باه 
قال لك ايه
قال لك اه 

وجع الراس ح نعالجه بايه 
قال لك تدى الناس القوت 
قال لك طب والجهل يا بيه
قال لك سيب الكلمه تفوت 
طب والكلمه تفوت ازاي 
قال لك لما الضلمه تموت 
طب والضلمه تموت ازاي
قال لك لازم بالبنوت
والنبوت حنجيبه منين 
قال لك لما نهز التوت 
قال لك قدر خفنا نهز
قالك
نشرب صبغة يوت
ح تطهر ايوب من صبره 
وتفجر كيد المكبوت
وتفوق يونس من نومته
ويفلفص
من بطن الحوت 
ادي البير
وادي غطاة 
وادي وجعنا 
وادي دواه
والبلي بم بم 
والبلي باه 
قال لك ايه 
قال لك اه

الشربة العجيبة (البلي بم بم)الشيخ امام -- نجم

سعاد .. احمد برين

كلمات عمنا الفاجومى .. ألحان كمال الطويل ..غناها الرائع الشيخ إمام عيسي وغنتها أيضا سعاد حسنى ..
بمناسبة نصر أكتوبر
***********************************
دولا مين ودولا مين دولا عساكر مصريين
دولا مين ودولا مين دولا ولاد الفلاحين
***
دولا الورد الحر البلدي يصحى يفتح اصحى يا بلدي
دولا خلاصة مصر يا ولدي دولا عيون المصريين
دولا مين ودولا مين
*** 
دولا القوة ودولا العز دول راضعين من أطهر بز
هز يا هلال هلالك هز واحنا وراك ملايين جايين
دولا مين ودولا مين
***
دولا اخواتنا ودولا بنينا دولا الأمل اللي مخلينا
دولا المجد اللي مخلينا فوق الجرح نعود سالمين
دولا مين ودولا مين
***
دولا يا سينا ولاد الشهدا دولا التار لا ينام ولا يهدا
خلي ترابك يسكن يهدا ويضم الشهدا الجايين
دولا مين ودولا مين

دولا مين ودولا مين _ الشيخ إمام _ أحمد فؤاد نجم _ 6 أكتوبر

مريت_ وجيه عزيز
صياد وايه اللي رماني؟ من غير ميعاد يا موعداني!
هقول كمان وهقول تاني بس أسمعيني ولو مرة.

وجيه عزيز - مريت

كلمات: أحمد فؤاد نجم 
ألحان: الشيخ إمام
غناء: الشيخ إمام
إنتاج سنة 1984

يِسبَق كلامنا سَلامنا، يِطوف عَ السّامعين معنا
عصفور مِحَندق يزقزق كلام موزون ولُه معنى 

عن أرض سمرا وقمرة
وضِفّة ونهر ومراكب
ورفاق مسيرة عسيرة وصورة حشد، ومواكب
فِ عيون صبية بهيّة عليها الكلمة والمعنى

مصر يَمّا، يا بهيّة.. يامّ طَرحة وجلّابية
الزمن شابْ وانتِ شابّة، هوّه رايح وانتِ جاية
جايّة فوق الصعب ماشية، فات عليكِ ليل وميّة
واحتمالك هوّه هوّه، وابتسامتك هيَّ هيَّ 
تضحكي للصُّبح يصبح، بعد ليلة ومغربيّة 
تطلع الشمس تلاقيكِ مِعجبانيّة وصَبّية
!يا بهيّة 

..اللّيل جَزايِر، جزاير
يمدّ البحر، يفنيها.. 
والفَجر شُعلة حَتعِلى، وعُمر الموج ما يطويها 
والشطّ باين مداين
عليها الشمس طوّافة، إيدك في إيدنا
ساعدنا 
دي مهما الموجة تتعافى
بالعزم ساعة جماعة 
وبالإصرار نِخَطّيها

مصر، يمّا، يا سفينة مهما كان البحر عاتي
فلاّحينِك، مَلّاحينيك، يزعقوا للرِّيح يواتي

الي عالدَّفة صنايعي، والي عَالمجداف زناتي
والي فوق الصَّاري كاتب، كل ماضي و كل آتي
عقدتين والتالتة ثابتة، تركبي الموجة العفيّة
توصلي برّ السلامة مِعجَبانِيّة وصبية
..يا بَهيّة

ويعود كلامنا في سلامنا يطوف عَالصُّحبة حَلَواني 
عصفور مِحَنّي يغنّي
على الأفراح ومن تاني 
يرمي الغناوي تقاوي
تبوس الأرض، تتحنّى.. 
تفرح وتطرح وتسرح
وترجع تاني تتِغنّى: 
الّي بَنى مصر 
كان في الأصل 
حَلَواني

مصر يما يا بهية - الشيخ إمام // صوت نقي

R A S M A L A T..الشيخ امام .. انا اتوب عن حبك

نص الفرجة من ديوان العجب والموت للخالد فؤاد حداد

فاليري جيسكار ديستان
والست بتاعه كمان
حَ يجيب الديب من ديله
ويشبّع كل جعان

ياسلاملم يا جدعان
عَ الناس الجنتلمان
ده احنا حَ نتمنجه واصل
وحَ تبقى العيشة جنان

التلفزيون حَ يلوّن
والجمعيات تتكوّن
والعربيات حَ تموّن
بدل البنزين بارفان

وحَ تحصل نهضة عظيمة
وحَ يبقى علينا القيمة
في المرسح أو في السيما
أو في جنينة الحيوان

وحَ تبقى الأشيا زلابية
ولا حوجة لسوريا وليبيا
وحَ نعمل وحدة أرابيا
مع لندن والفاتيكان

والفقرا حَ ياكلوا بطاطا
وحَ يمشوا بكل ألاطة
وبدال ما يسمّوا شلاطة
حَ يسمّوا عبالهم جان

وده كله بفضل صديكي
ديستان الرومنتيكي
ولا حدّش فيكو شريكي
في المسكن والسكان

فاليري جيسكار ديستان - الشيخ امام

ايدك ف ايدنا ساعدنا

دي مهما الموجة تتعافى

بالعزم ساعة جماعة

و بالاصرار نخطيها

 

 مصر يا أمة يا سفينة

مهما كان البحر عاتي

فلاحينك ملاحينك

يزعقو للريح يواتي

اللي ع الدفة صنايعي

و اللي ع المجداف زناتي

و اللي فوق الصاري كاشف

كل ماضي و كل آتي

عقدتين و الثالثة ثابتة

تركبي الموجة العفية

توصلي بر السلامة

معجبانية و صبية

يا بهية

مصر يما يا بهية - الشيخ إمام // صوت نقي

Lama Taha

Recent comments

Dana nuha

Related tracks