ya kullo ya balash

vocals by stormtrap
scratches by kolonel bleep

ya kullo ya balash

Some of the tunes that Re-Volt Radio Recommends !

SHADIA MANSOUR - El Kofeyye Arabeyye Shadia Mansour featuring  M-1 of Dead Prez - 1

On the lovely occasion of the never-happening peace between the Palestinian parties.
Music Video here: http://www.youtube.com/watch?v=k5FLoF4a8LA

Khabar Ajel (Music Video Edit)(نسخة الفيديو) خبر عاجل

جيمي في بلاد العرب
Prod. by Munma
When we take a break we rise the middle finger to orientalism, from Amman to Beirut.
شايفينك وله


الرأس والفرعي-است/شراك El Rass & El Far3i-E-stichrak

Shadia Mansour - Assalamu Alaikum

Prod. by Munma.
لما امسك القلم واكتب عن الشام ايدي بترتجف
لما يقرب الوجع من العظام سهلة تنجرف
لما كنت طفل وكان حاكمنا غازي كنعان
علمني بيي فرق بين النظام والإنسان
لما الحريري مات السيارات المفيمات ذاتها
اللي عالتشفيط لبشار كانت تصرف بنزيناتها
صار 14 آذار محور حياتها وضلت تقبض مصرياتها
لو حكمهم السنيورة كانوا انفلجوا السوريّة
ولما قاموا عبشار قاموا كرمال الحرية
والعم سام آخر همه أحلامنا
كرمال عيون السود لدولارات آل سعود
بكره بيلبس عمامة واللي بعده بيعمل إمامنا
الثورة خلعت بواب الحرية
ورح يتسلل من هالباب يهود واخونجية تيخطولوا لبشار جلباب الضحية
وعباية مطرزة بخيوط من لون قضبان المزة
عضهرها مكتوب بالدم، أنا إله العلمانية
بالمختصر حكيم النظر معه مد بصر
بيشوف البعيد أحسن من القريب غريب
أسد بياكل جزر، مستعد يتفاوض مع صهيوني بس الشارع السوري شايفه مندس ومريب
كيلو الممانعة بالفين لأنه الحكي ببلاش
دعم المقاومة بلبنان تجارة بحقوق الناس معليش

فلسطين حق الشعب
والشعب حقه الكرامة الكرامة بيحميها الحاكم والحاكم بقصره نايم 
نايم عجثث الشعب والشعب بده فلسطين
فلسطين بدها الأحرار والأحرار اختاروا الثورة عالنظام
الاستقرار بالموت موت باستمرار ارفع الصوت
مش بحاجة للجزيرة الصورة واضحة من بيروت
يما مويل الهوى يما مويليا ضرب الخاجر ولا حكم الخسيس فيا
اسأل عروبتك من تناصر هي؟ مش عبد الناصر هو
اسأل كيف على كرسي الحكم هوى
كيف هني واليهود دفنوا الجولان سوا
جحيم كلام صار الإعلام
وصاروا الأراء قد المارة عجسر سليم سلام
ما بيعيش إلا الأحلام
ومجلس الأمن جايي زمن يدفع التمن
العقول الحالمة مدركة إنه العفن بالنظام العالمي
أميركا علقة بتعيش على المي الآسنة
من كل جسم حي بتلزق تتمص الدم للأمانات خائنة
ابتعد عنها يا ابن العم
رأس المال لكل ثورة سم مميت
الدعم الأميركاني الوحيد بتاخدوا من العنيد بوول ستريت
كون الطوفان وسمع صوتك للكون
كون نبض انقلاب على موسى وعفرعون
وجهين لعملة وحدة
هني الجرذ والطاعون
نحن الجذر والباقون
متل الزعتر والزيتون
أرضي وحدة من الجليل لقاسيون
وأمة الظلم واحدة  
ديكتاتور وابن صهيون

الرأس ومونما - أمة الظلم

Prod. By Munma
Street Art by Ali Rafei on the streets of Tripoli.

وحش قلعة طرابلس ليس بنائم
بيدها تطعمه دماءنا العمائم، بكل الوانها دسائس
سياسات الافاعي كمائن
الوحش كان طائرا جميلا  جناحه يظلل المدينة أصيلا
ورأسه بالعلم كان طاهرا ثقيلا، على الجهل يرمي حجارة سجيلا
أقدامه كانت من شجر الليمون جذورها ضاربة في الأرض
والغصون إلى السماء صاعدة
لكنهم عذبوه، غربوه على الظلام عودوه فحولوه
إلى مسخ مسعور بالأسعار كبلوه
هم الذين خانوه، تلك البطون اللعينة
التي تقتات من لحم المدينة
هم الذين استثمروا في ظهره سكينا
هم الذين سوروا الفيحاء بالضغينة
قالوا له: ميناؤنا بيروت، وأنت لن تموت
سنطعمك إن شئنا وشرطنا السكوت
أقنعوه بمنصب المومياء وأقفلوا التابوت
أحرقوا كل كتبه وبدلوها بشعر ركيك
مرجعه في كتابة التاريخ، صياح ديك

فابتسم الاقطاعي الذي شلّ ذراعي
أحرق الموسم الزراعي، شرد الراعي
ثم صرخ في الناس: موتوا من الجوع أو كونوا من اتباعي
وكبريات عائلاتنا الكريمة مشغولة
بتزويج البنات من شبان الشتات
مشغولة بصناعة النفاق
الصلاة في طرابلس والرقص في البترون
كل همهم أن يبعدوا الفقير عن العيون
وأنا يراودني الجنون كيف نكون؟

غنّي بين الجثث بركي الأشلاء بتسمع/نادي علشهيد، بركي الشهيد بيرجع/ صرّخ بالصحاري يمكن هالرمل يدمع/شو بيمنع؟ شو بيمنع؟

وأنا اللي كان بدي زين جدران المدينة/رسمت البسمة علحيطان وملامحي صارت حزينة/ الوحش جايي/ ضلك عيد نفس الحكاية/ توتر أمني صرت خايف لاقي سلفي بالمراية/خايف يصير هدفي بالنهاية لاقي حماية من قلوب بالظلم والحرمان معباية وعقول عن العلم والأحلام مخباية/بالجوع وتجارة الأديان والصرماية/للجهاز الموقر/بطل من كرتون عاش الرفيق جونغر/وانت خليك علزعتر/الجنة للمعتر.

طرابلس مدينتي وشوارعها قريحتي/طرابلس محبوبتي عروستي وعروبتي/طرابلس جنوني قصيدتي وجدبتي/ طرابلس لهجتي اللي طرّتها غربتي/طرابلس حريتي محبتي وأزمتي/طرابلس موسيقتي قلقي بعتمتي/طرابلس الحبيبة وبي امات هاني شاكر/ختيارية بقهوة موسى جايين من زمن آخر/علي بياع الشكلس بالأحياء الغنية بيعرفكن بالأسماء من ورا سنانه المهرية/ريحة أكل العصافير بأول الزاهرية بياع الكتب القديمة عرصيف الماشية/ كان يتركلي عجنب كل الكتب الصوفية/ويهرب من الدورية.القهوة عفانات راس الصخر والسنسول/شي ميت علبة جيل على شعرات الشب الكول/شحاد شاعر نايم بالشارع مغطى بكيس زبالة تحت صورة المسؤول/جاري الملتزم  بشق عأهلي بغيابي/جاري التاني السوكرجي مضيع بابن وبابي/الدكان اللي بشتري منه من سنين دخان/كل مره بيقلي بطل/ شو عصامي هالإنسان/شوفورية السرفيس بياعين التياب/ عمّال وطلاب تجار وملّاك/فقير بيتدين تيدينك/ فداك! ومريّش بدينك تيغيرك/ كذاب!/بكل صفحة من طرابلس سبعين ألف كتاب. 

الوحش اللي بالقلعة لازم يرجع كما كان/فينيق من كنعان وبراق من عدنان/عجوانحه ألوان وعجبينه عنوان/علم للجميع دون أي مقابل ممنوع بالمدارس تتغذى روح القبائل/ممنوع ترك العلم إذا خطيبها هيك بده/وهي ما بدها خطيبها/طرابلس امرأة/نحن قدرها ونصيبها/بدل ما تكون حابسها/تعلم تكون حبيبها/كون راهب بمعبدها مش عابد لترهيبها

غنّي بين الجثث بركي الأشلاء بتسمع/نادي علشهيد، بركي الشهيد بيرجع/ صرّخ بالصحاري يمكن هالرمل يدمع/شو بيمنع؟ شو بيمنع؟


الرأس و مونما - في قلعة طرابلس

Uploaded by : Alrakami.Net - EbN.FaLaSteN

DAM - Men Erhabi مين ارهابي

Music by Munma
Vocal recording and mixing by the Munaqresh (Stronghold)



عمو وين بتروح الناس لما تموت؟
هلق عن جد أمي وبيي بالجنة؟
سألته وما جاوبني حاطط راسه بين ايديه وعم يغني
غنية بتبكي قلبي عم يتفكّك
عمو فارس كان بيته حد بيتنا
ويا ريتنا ما سكنا حده
يوم ما رجع البابا عالبيت أزرق خدّه
عمو بكي دمّ عالمخدة ما عاد هبده يهاجر
خاله بفرنسا عنده محل فلافل
يومها اشترالي فستان وقلّي خلص منّي فالل
مين أحلى قل لي: الجنة ولا فرنسا؟
لأنه البابا مات مقهور وأنا ما عم اقدر انسى
والماما كانت تقول: إذا إجى الصاروخ
الملائكة بترده
عمو كام شقفة من جتة إمي قدرته تعده؟

ليش براسي عجقة، وعجقة عالشحن؟
نار بقلوب نص الضيعة، النص التاني صاروا فحم
وين آخذنا الطريق الطويل بدي انزل بقا خلص
ما فيي اسمع عويل، اوف اوففف
شعري بايدي كمشات عميهرّ أفعى فزع على بطني عم تلتفّ
بدّي إرجع على الصفّ، بس مين بيدافع عنّي إذا الناظر ضربني كفّ؟
كلّن ماتوا، دي موت
عمو ليش وقف الشحن؟ من وين هيدا الصوت؟
وصلنا قال لوين؟ على مركز لاجئين
فجأة مسكني واحد، حسيت بحلقي سكين
سألني عن عمري،قلي إنت بنت مين؟
لما عرف أهلي ماتوا قال في خيمة لليتيم
جمعونا بنفس المطرح مع 30 صبي وبنت
ما خفت اختنقت صرت فكّر بدي إهرب
دورت بس ما لقيت حيط فيه براسي إضرب
حانفجر حاسة عمري من دينيّي عم ينسكب
عمشوف أحرف موت علوجوه عمتكتب

 تعبت فاتوا 2 ختيارية على الخيمة
واحد ضحك سنه دهب ريحة كبريت من تمه
في بنظراته جبل لهب طلع شيكات من كمّه
التاني شكله شيخ وكرشه مترين منفوخ
عميتذلل للأول لسانه مترين ممدود
أشّرله عليي صار صدري مسدود
لما طلعه لبرا في صبي أكبر منّي قام عن كرسته وجرا

قلي قعدي، ما بدي قال اصطفلي قمت قعدت
حط عينه بنص عيني، كأنه قال عليك شفقت
بتعرفي شو بدن؟ قمت هزيتله الراس
قال حيطلعك من هون، بس كرامتك رح تنداس
رح يتزوجك ويذلك، كل ما اشتكيتي يقلك
أنا اللي خلصتك،
يتزوجني؟ هيدا الوحش؟ لك أنا عمري 15
بدي أهرب رح احفر بالتراب نفق بحش
بتعلمني؟ بتعلّم
بتساعدني؟ بساعدك بالليل لما تعتّم
لما انتحرت الشمس زحفنا بلا ضو عمنشوف باللمس
بعدنا عن الخيم قمنا نحن التنين نركض
نضحك نغني فكرنا الوجع عم يبعد
ما عرفنا إنّا اجتزنا الحدود
ما شمّينا بالجو ريحة جوع وبارود
طلع رشق رصاص شفته هوى قدامي
طلع الطلق التاني فتح براسي جرح عمتطير أحلامي
صارت بايخة الأسامي الحياة ووحلها
عمو فارس طمنّي...أكيد الجنة أحلى؟

عم دور بالغرفة متل المجنونة
حريق، صوت  صريخ
ولاد مربطني متل جدولة
الخوف ورا الباب
الدرج بحر غميق
الحيط ملون بوجوهن
أجسامن مزينة الطريق
عم اغرق لون السما عم يغمق
بين اللجوء والبيت عم اعلق
يا موت يا بهجر
نازلة عالدرج رح افجر
لو كل زوايا بيتي بيغمروني وبغمر
عكل قذ يفة اعبر
خمسين حاجز
تلاتين رصاصة وموال
أنوثتي عم تكرهني
كل ما اسمع أنه الحرب للرجال
أساور على إيدي
عم تقطع وريدي
مكبلة بخيطان عم اغزل
سماء جديدة.. حرفيا
كون حرة اكسر الجرة
قبل ما تطبا
بدي امسح الصحرا بخصبي
مو رتل حكي بعبك
دقوا عالسيارة فيقونا
عرضوا كتافن بس ديقونا
كل وحدة بخيمة..
في برا خوف
وأنا روحي معلقة ببتي.. وتحته غيمة..
شعري لسا منشور
على أغاني الميمة..
في برا حكي عن العرض..
عن حكم تاء التأنيث ما بين السنة والفرض
عن الحريم وانا حرة مو حرمة
انا امرأة مو أمة
لازم تتدفى بعيوني مو تفرض عليي العمى!
العمى!
كيف مفكرني ارضى؟
بملي عيوني رمل
وما لحظة بحضنه أفضى
لابس قبة ومخنوق..
وعم يحكي عن اللجوء
ألف فكرة جوا راسي
ألف جني عم بيسوق
دخت اشتقت لتختي
لحكاياتي أنا وأختي
لعيون ستي العتيقة
لكاس العرق والمتة
قاطعني
قلي روقي
صرخت لك قوم اتركني
مسكلي ايدي نترتا بزقت افلتني
أنا حرف مربوط بدي شاعر ليعربني
اذا ابن ابوك اضربني!

عمننقل صوت انثى اندفن الحق بسرها
عمنربط العقل والكرامة بحبل سرة

لأنه لوجع أكبر من الورقة برقص
لأنه السجع ما بيكفينا لما الأنوثة تنقص

عمحرر ت مربوطة عغرد للانوثة 
من السلمية للغوطة لجباه ما بتوطى

لأنه رحم لأرض رحب لا تتخبي ببيت المونة
أنتِ لأنثى وأنت الشعب حقول الناصرة واليمونة

عم اهديك جنوني وكرسلك املي
عم قدسك مقياس للبلاغة جوا جملي
ثورة انتفاضة كرامة
شجرة شمس حمص رقصة خرس
عدف شامي
الشرف مش دم حمامة
شرف الثورة اضعفها
يكون مرفوع الهامة

الرأس و السيد درويش و مونما - ثورت

Boov -LaTlateh / لتلتة - بووف

إلى الرازحين تحت الألم. ايماننا بقدراتنا وقودنا الذي لا ينضب
هيدا مش أمل. هيدا عمل.

كيف بدي كون كيفما بدك ياني كون
كيف كيف بدي كون؟ شو ما بدك ياني كون؟

بدي كون وقادر كون شو ما بدي قادر كون حر بوجه دولة مستبدة
قادر كون متفائل لأنه الواقع جريح وحده الرب كامل
قادر كون سلاح حق شامل للحلم حامل 
مسافر كالسندباد من بغداد ماله ريش كيف بيطير؟
قادر كون بساط الريح للضمير ناصر المقهور وين ما كان فيه تعتير
فيه تعتيم فصار لازم كون لمبة قول لجبران باسيل أنا الشمس بنام جنبها
قادر كون مياوم مقاوم مداوم علعلم ملازم للألم
 أنا القلم العاري ما تلفوني بعلم عقسم انقسم
شو بعمل بهوية لوطن ما انحسم كالسمك اكتسى بالقشر
واكتفى من الفكر بالفرار من الأسى واحتسى خمر اللحظة حتى الظلم انتسى
انتشى ثم اختشى لما تفشت أمراضه قال الجنة الك اذا كنت الأم راضية
ولكن أمي خايفة وعيون الخوف لعيون الجهل مرادفة مش بالعقل بالعاطفة
قادر كون عاصفة لما تكون الأمة غافية قادر كون فلتر حتى تشرب مي صافية
مش للوازم القافية. فكري اجره حافية حامية عحجر أرضي دامية تاترك أثر كالغجر
قادر كون رحال دون ما كون ممن هجر قادر كون الأقوى وعن اخطائي اعتذر
قادر كون صبر مثل البذر اذا طلع فوق التربة قبل ما يقسى بيندعس وداخله بينفجر
خلي الجاهل يفتخر والعالم يتواضع لما صار العلم دين بلش العقل يتراجع
قادر قول ما بعرف وبعرف قول مش قادر. قادر كون جندي صوفي كالأمير عبد القادر.
قادر كون نادر مثل حرية بتجي دغري أو كون متوافر مثل الكيف بالمغرب
قادر كون نهج مثل شوارع تونس، قادر كون شبيهك مثل الكزبرة والبقدونس.
قادر كون نقيضك مثل فطرة الأخلاق وفكرة الفريضة. لهجة الرسالة ومطلب العريضة.
جماليات الذهب فقر الفئات العريضة. اسمع شو بنقول للعقول المريضة.

 كيف بدي كون كيفما بدك ياني كون؟
كيف كيف بدي كون؟ شو ما بدك ياني كون؟

تبسموا توسموا على الوجوه ارسموا سحر سماة السماء
تبشبشوا وباشروا وشاوروا البشر بالحلم والصفاء
أو اغضبوا وراودوا النيران في البطون وحاربوا الظلم بالعقل الصعب يهون
الحر لا يهان كونوا أحياء لا على قبر أجداد أغصان ريحان
كرروا السؤال كسورة الرحمن: فبأي آلاء ربكما تكذبان؟
وبأي عين في الكتاب تقرأون؟ الساهون يتبعون الماعون أي لا يحكمون في الزمان العقول
لا يدرك المجهول إلا بسيف النور. والنور في التفكير في التفكيك
مثل انصهار ذرة كالخبز في التنور.
حراك فحرارة فغذاء فدواء.
واحتم من نارك بقليل من عسل. 
ببعض حماسة في الصبر قد اغتسل.
تبسموا فالحياة استثناء الوجود. وحاوروا الإنسان والجبال والورود
كالحلاج لن يزيدك الورد إلا عطشا للحق تأملا في رقصة النرد
أحبوا كالنحل. وكونوا في المطر ثمارا تنتظر الوحل.
بياضا في قلوب أم الفحم.
لا كنوز ملوك مجوس بل أطفال بيت لحم.


الرأس و مونما - نفَس

إنتاج : مونما
أداء و كلمات: الفرعي
تسجيل و هندسة صوت: تسجيلات الجهاز
رسومات : أحمد برقاوي
تمثيل : لمى زخريا
El Far3i
https://www.facebook.com/A5ook.El.Far3i
https://twitter.com/El_Far3i
http://www.reverbnation.com/elfar3i
Produced by : Munma
http://myspace.com/munma
http://soundcloud.com/munma
https://www.facebook.com/pages/Munma/143904608985725?fref=ts
Recorded at: El Jehaz Records
https://www.facebook.com/ElJehaz?fref=ts
https://twitter.com/ElJehazRecords
Art Work : Ahmed Barqawi
http://ahmadbarqawi.deviantart.com/
Acting Skit: Lama Zakharia
شو بدّك 2013؟
نفسي نقعد نفكّر و نخطّط لقدّام
نفسي نبعد , نكرّر , نخبّط نكسر الحيطان
نفسي حرب الحضارات ما تكون على أرض الشام
نفسي أعمل زرب من روس كل هالنعام!
نفسي أوسّخ بالكلام أحكم عليهم بالإعدام
و لما أخلّص تقولوا عنّي مسالم بشكل عام
نفسي نسوّي للحوم الفاسدة جرد و تقبين
نفسي أحرّر حالي و همّ إيبطّلوا عن فلسطين
نفسي ما إيكون نفسي بس أتنفّس و أنافس
أوفّق على الدور بإحترام أطخّك براسك لما ترافص
نفسي أضل , نفسي أروح , نفسي أكتم , نفسي أبوح
نفسي تفهم إني متكركب لإني إنسان طموح
ما برضى بالخضوع ولا عندي "بارانويا" الجوع
لإنهم بدّلوا دينار الذهب الإسلامي بورق مطبوع
جيلي عاشر إبليس أكثر من إلي قبله بأضعاف
و جيل أهالينا بربى البنك الإسلامي مخدوع
نفسي إلي بسكر- بضاجع- براجع -بعدين بصحصح
قهوته ما تكون طلقة بشعبي عم تذبح
نفسي أوضّح قبل ما يوجّهوا عليّ الإنتقاد
نفسي أصلّي أصوم أزكّي بدون ما أغترش عن الجهاد
نفسي الخليج يشوف إنه النفط بيخرج من الصخور طاقة
مش عشان يسيء إستعماله إلي سيطر على نطاقك
رسالتي صالح لثمود و لمّا دوّروا على المولود
الفرعي أشقر , أصهب ..بس إنتوا إلي عقرتوا النّاقة!
__   __ 
نفسي أزيد البلاغة و التشبيهات بشعري و الأغاني 
بس إلي عم بصير بزماني ما بيشبه أي إشي ثاني
نفسي ترقّصكم المشاعر السلبية إلي في هذا الراب
و تفهموا إنه إلي بغنّي عن الحياة الكريمة كذاب
نفسي نفضح أسرار الحكّام زي "هديل" و "البطّة"
نفسي تشوفوا صورة الحجّة إلي أعطت شجرة الزيتون عبطة
ستّي لو بيعطوها كل العالم ما بتترك جنين 
نفسي أحطّلها الكرة الأرضية "بشارع المحطّة"!
إلتزموا بالخطّة الحرية بيجي معها هدية
بس تنتصر ثورة سورية رح ننزل على السّعودية
نفسي عزيزة , نفسك بغريزة!
نفسك بالملايين و مستكترين على شعبي البريزة؟!
أدرسني و إنبهر - "دسّني" و إنشهر
دزني! بوقع - بيمسكوني-"بدسّوك" و بنتصر
فاسمعني و إختصر و إذا معني إنتظر :
مين إنت؟ و ليش بهاي الأغنية محتضر؟
نفسي تتأثّر بكلماتي بس إحذروا التقليد!
إحضروا التهديد , إحفظوا النشيد
تواصلوا مع بعض عشان تحبطوا التهويد
الفرعي شيفرة المقاومة إحقنوها بالبريد
نفسي و نفسك تنافسنيش بنفّسك
نفسي يا دار , يا جبل الرّيح ما يهزّك
نفسي بأشياء كثير...بس إنت شو بدّك؟!


El Far3i & Munma - Shu Beddak 2013? الفرعي و مونما - شوبدّك 2013؟

"متى استعبدتم الناس وقد ولدتهم أمهاتهم أحرارا"
متسلح بالافكار هاجم
حلم وواقغ دامج 
لاجم للنشار الجامح بآدان الجامع
كبرى الطامة سلفي جامي مرجئي إخواني
وجه تاني للنظام بتدوير زوايا اميركاني
عنفسه جاني فالولاء آني
غير مصدر التسليح بيتغير اسم الكتيبة عأمير تاني
من الافغاني كان يجي جمال الدين هلق بيجي مجانين وهيرويين
فك الحنين من فك عقل الجنين
بدك ألف سنة لتفكك متفجرات جنين
الجهاد الأول بمكة فلتنفس التحقين بتفضل الرياض تصدر جهاديين بس مش عفلسطين
إذا مش للقبلتين إذا إسلامك لمين؟
لاوعي معقلن استطياب علقم عفلق أسلم
واكتشف صدام انه الله أكبر
أبشر بشار صار بده يستغفر
حاكم بآخر فترة بيصير طالب السترة
بتصير لحيته أطول من جبهة النصر
اللحية فكرته عصرها
بس رح ينتهي بعصرها متل ما بلش بقصرها
الإسلام وهي متل الجمل والجمّال
الأول جزء من الطبيعة
التاني تاجر بده يشتري ويبيعك محصول ربيعك
حبطت تجارتهم وبئس ما قد بيع


الراس و ارمادا بيزرتا - حبطت تجارتهم

2012 Dabke On The Moon

DAM's featuring Trio Joubran, Bachar Khalifé., Nibal Malshi and Ibrahim Sakalla.

"رسالة من زنزانة"
دام تستضيف تريو جبران، بشار خليفة، نبال ملشي وإبراهيم ساق الله.

تضامناً مع الحركة الأسيرة ومعركة الأمعاء الخاوية
"دام" تطلق أغنية: رسالة من زنزانة بإستضافة الثلاثي جبران وبشار خليفة

تضامناً مع الأسرى الفلسطينيين ومعركة "الأمعاء الخاوية"، تطلق فرقة "الدام" الفلسطينية أغنية بعنوان "رسالة من زنزانة" بإستضافة الثلاثي جبران والموسيقي بشار خليفة وهي أغنية كان من المفترض الاحتفاظ بها لألبوم الفرقة الثاني.
إلا أن تضامناً مع الحركة الأسيرة وإضرابهم عن الطعام منذ 27 أيلول الماضي من أجل نيل حقوقهم داخل السجون الإسرائيلية، تهدي فرقة "الدام" هذه الأغنية التي تجسد معاناة الأسرى وتصفها بشكل شخصي وتعترض على تلخيص هذه المعاناة كمجرد أرقام.
تتكون الأغنية من ثلاث قصص عبارة عن ثلاث رسالة أُرسلت من رطوبة الزنزانة إلى العالم، فنحن كفرقة "الدام"، كأفراد وكشعب مع الأسرى في معركتهم وفي هذه المعركة الكبرى من أجل الحريّة.

ملاحظة: نود شكر مؤسسة "الضمير" على تزويدنا ودعمنا بالمراجع التي تتضمن الكتب، المقالات والقصص كي يكون بمقدورنا ترجمة هذه المعلومات إلى أغنية راب.

اسم الأغنية: "رسالة من زنزانة"
دام تستضيف تريو جبران، بشار خليفة، نبال ملشي وإبراهيم ساق الله.
كلمات: "دام"
إنتاج : "دام" وعنان قسيم
عود: تريو جبران
إيقاع: بشار خليفة

Supporting the Palestinians political prisoners and their straggle
DAM releases: "A Letter From a Prison Cell"

"A Letter From a Prison Cell" is DAM's first single from their new album, featuring Trio Joubran, Bachar Khalifé., Nibal Malshi and Ibrahim Sakallah. We are releasing this song earlier than planned in support of the Palestinian prisoners' hunger strike. We are adding our voices to their call for justice and demands for their legal rights.
"A Letter From a Prison Cell" tells the stories of three prisoners who refuse to be ignored and become another statistic. They have written letters to the outside world and the song voices those words.
We would like to thank the organization for prisoner rights "Addameer - www.addameer.org" for providing us with references such as prisoner letters, articles and books to help us write our song.

"A Letter From a Prison Cell"
DAM ft Trio Joubran, Bachar Khalifé, Nibal Malshi and Ibrahim Sakallah

Written by : DAM
Produced by : DAM & Anan Kusseim
Oud: Trio Joubran
percussions : Bachar Khalifé.


08.DAM - A LETTER FROM PRISON

Shadia Mansour - Kulun 3indun Dababat

For more Shadia Mansour tracks visit us @
www.thabase.net
www.facebook.com/thabasenetwork
twitter.com/thabasenetwork

Shadia Mansour Ft. DAM - Kulun 3indun Dababat

حضرة حرّة/ بن علي طلع برّة/ إذا كانت ليلى مرته بتكون النهضة ضرّة/تونس إمامي والجبة نار لا إسلامي لا يسار كافيار/فلاغة لقاء بين سيدي ريس البحار والاخ سيمون بوليفار/مش ياسمين صبّار/ ومش فرنسا اللي بتختار/أحلامي/الحمامة طلعت وطواط ظلامي بحجة حماية الثورة شكل سلك إجرامي/روبن مساعده بس بالسرّ في قصة حب ممنوعة/كل التطرفات من كبت مصنوعة/من عقل غير راشد رغم اللحية البيضة/مش مهم إذا كان عريض وللأسود حبيب صيد/ فهمت اللعبة؟ عم ناور عالتشابه/ مثلاً كيف دجاجاته هني ذاتن صاروا كلابه؟/ وصلت يا خفيّف؟/ حلوين حفلات المرسى بس بدنا يدعونا الشباب نعمل حفلة بالردّيف/

حضرة للشابي عملنا حضرة
أنا وارث شعر تونس والقلم حبره حبرها
حضرة للبوزيد عملنا حضرة
أنا جذر الأرض الحيّ صمودي من صبرها
حضرة للكافي عملنا حضرة
أنا سفح الجبل العالي من تاريخي خود العبرة
حضرة للعاشور عملنا حضرة
أنا منبع للإسلام أنا المؤمن بالفطرة
حضرة لجوغورتا عملنا حضرة
أنا اللي عروبتي بوسع مزيجي صدرها
حضرة لبشيرة عملنا حضرة
التونسية الحرّة دار الوطن عخصرها
حضرة لبلعيد عملنا حضرة
الثورة مستمرة والسلطة بعدها بقصرها

نداء تونس أتقل من كتاف موميا/عدوهم مشترك ثورات تونس وسوريا/ نظام أمني قديم وعصابة جديدة سرقت الأصوات باسم الدين/رفع صور بشار بغذي السلفيين/ حنين البعثيين مش بديل عن الإخوان/نوستالجيا الليي كان خيار المحبطين/ خلافة مين يابا؟ تحالف كوكا كولا مع عصابة علي بابا/ من كتر النفاق الملائكة أسست نقابة وبكرا رح تعلن رسمياً إضرابها/ اعتصام بالزيتونة وملاك بيحرق حاله لهلدرجة جننتونا/قد ما بدكن كفرونا/ إذا كان شكري بجهنم فنحن اللاحقون/الشهيد مش قديس بالعيد/ بس القاتل شيطان أكيد/فتوى التكفير والعقل ورا التدبير مش بس الفرد والايد/بتحاسب القواد مش العبيد/ وحشي قتل حمزة بأمر هند بنت عتبة/ عمذكرك بتاريخك شكلك نسيت مين عقبة/ الهوية رحم مش عقدة بالمعدة/العروبة آفاق فوق الأعراق تاخذ بعدها/ أبو لهب بالأساس جار الكعبة/ أبا جهل عطيني كعبة/الراس ردّ اللعبة/مجاهد بلا جعبة/سمّي تدخل سافر شعوذات كافر صوفي عابد مقابر/ بس ما تشبهني بظافر/والعود/ في البدء كانت تونس وإلى تونس نعود

	


الرأس و مونما - حضرة حرّة

إيقاع | السيد درويش و وتر

سكة عرجة، مضرج بدم ال"آخر" لأنها لذة "أخرى"
غزة أختها: نفس اللقيط واقف عالزيق، حرس حدودي خزّيق على الروسي عزّيف
"طاخ" باخ" كله نفسه  وكله أرشيف
الواحد محير خمسين ملة وتعريف
مختلف معك عالفحوى فما رح ناقش بالتحريف
ما فتوى الإيلاج من الأذن بقصد التنظيف؟
تجديف!؟ أكيد هي التهمة بتلبقي، خلي براسك
يتيم صعب يعمل سلم أهلي
شلت سطلي عالنبعة وكنا سبعة
أنا وحمص وقانا وداريا وصبرا وشاتيلا وشبعا!
عم تاكلك الضبعة لأنك تاجرت بالرجعة
طز لما تغرق القارب وتشوف الثورة بدعة
مناضل خدعة، خدله خزعة، ورم خبيث متله متل خدام ورفعت
إزحط.....

منشق ومدروز سابقاً
كما لوحظ شقه مرات عديدة وتدريزه مرات أخرى عديدة
وشنق نفسه خمس مرات في غرفته بخمس أفكار سديدة

حديدة رديئة الصنع، تاريخك ملزق بالصمغ
قوات الردع استعمار باسم النخوة
ايديك عالرشاش رخوة
عزيزي المستمع طبقنا اليومي عدو مشوي
هو نكرة أي لا تطلب تعريفه، شعار المرحلة وظيفي
لا تعتبره مبدأ وبالشأن السوري تغرق لأنها مو نصيحة
قبل ما تمدهن شمهن ريحة إيديك كتير قبيحة.

عشت وأنا عبي دمي بالطشط
لأني وقت حقي بصير هردبشت
قد ما رح تحكي لغات بالحمصي بتضلك "بوشت"
كثافة إنتاج سوء توزيع صلعة ومشط.. دفة
عم حس بخفة! بخفي حنين رجعت عم عبي الوجع بالقفة
عم قفي نثر أجسادهن من بيتي لاطراف الحفة
من التيتة ليما الضفة..... صعب لما تعرف أنه الحكي ما بيكفي!

كفي أحياناً بترجف بس ما بتصافح.. وصارت
في كراسي طارت هالحبل عالجرار مرابط
كلشي بحسابه العدس بترابه زابط
انسى كلامي في صبية فوق عم بتغني ساقط
ضابط وجهك بوجهين فبغشك مرتين
مرة ب"بوطي" ومرة ب"بوتين"
بيكفي تسألني الثورة لمين، رح أضرب حالي برجلي إذا ابني بينسى فلسطين.
أنا بنسف طور سنين، منسف صحيح بس محرّف.
خرّف لبس توب النعجة فكر حاله اتصوّف
اتمسك بحبل الله لما الكل عوّف
عرجعة الإيمان طلع صرح واتخوّف.
أجوف، طبل. ناس ومي وسطل.. شطفة صغيرة للإسطبل
براسي انهي السلطة بشي تحديد للنسل، تجويد سورة النمل
تحطيم قصور أبي جهل. شعوب بلشت تصحى
تفريق النص عن النصل، وهابي سلفي أوبعثي بيشوّه الصورة الأصل
لقد تم اكتشاف العطل... قبطان راكب، عطيار راكد على حصان، بيعشق كرّة..
بتعشق بغل!

تداعي حر | السيّد درويش

بيناتنا بحور بيناتنا حروب، بيناتنا فروق بين شروق وغروب
بيناتنا دم، بيناتنا ثار، بيناتنا مشنقة عمر المختار
آسف عالتكرار، بس الأفكار عدوار الاستعمار
مع إنه المليحة رجعت لبست الخمار
تحته تسريحة وبقبو البيت بار
يا ريت هالبيت ميت بار

بيناتنا تكبّر والصدى تكبير
بيناتنا نسيج واختلط كتير
بيناتنا بلفور توتال وكارفور
بيناتنا بهار استشراق وعطور
بيناتنا جهاد ابو حمزة بلندن
بيناتنا استخدامات الكوندوم
حسين-مكماهون، نحن الذين خنتم
بيناتنا سماء بغداد والفانتوم
بيناتنا فوارق بين نيوتن وكوانتم 
بنك ليبيا المركزي وسؤال:من انتم؟
بيناتنا صليب رسمتوه عالدروع، لتجرحه الأرض اللي بترابها مزروع
بيناتنا مصارف والقمار عالجوع
بيناتنا جيوش تماسيح الدموع
تماثيل الخضوع لتخليد ذكرى جيل عبيد
الصورة توع مبيد تشنج بالمبيض
تحديد للنسل او النوم بالعسل
بيناتنا تبادل خوف وكسل
بيناتنا جوازات سفر عمتولع
بيناتنا هزات جسر عميوقع
بيناتنا حوار مخنوق بالحكم
بيناتنا انفصام الدين والعلم
بيناتنا غريق
بيناتنا انتقال فلسفة اغريق
بيناتنا ثورة بتأثير منحرف
بيناتنا قناص اقتصادي محترف
بيناتنا اوهام إن الآخر المختلف
بيناتنا عبد مربوط بحديد أو مستلف
بيناتنا...صار بيناتكم السلف
نحن العرب معروفين برد جميل وقبيح
لما تثور ضواحيكم عندنا تمويل وتسليح

بيناتنا اوروبا عظهر ثور طارت صارت ميدوزا
قلب قلبها حجر لما واجهت المراية عشط لامبيدوزا


الراس و المهدي- لامبيدوزا El Rass & El Mahdy - Lampedusa

Long Live Palestine 2 - Lowkey ft. D.A.M, The Narcicyst, Shadia Mansour

n 2004 the group was invited by Shateel organization to do a song that talks about the discrimination in the mixed cities in Israel, the Arab neighborhoods suffering from poverty, unemployment and house demolitions by the Israeli government, in Lyd the main entrance to the Arab neighborhoods is through 8 train tracks that you must cross them by walking and as a result of that more than 10 Arabs were killed by the train. The group featured a local Arab R&B singer Abir al Zinati and they created a song called "Kan Noladti – Born Here" as a reference to a known Israeli song by "Dats and Datsa" that said "I was born here, my children were born here and this is where we built our houses with our hands", DAM changed it to "I was born here, my grandparents were born here and this is where you destroyed our houses with your hands". The song was followed by a video clip by the late Juliano Mer Khamis (A Palestinian Jewish actor and director that was assassinated in Jenin's Refugee Camp in front of his Freedom Theatre on 4 April 2011). The Born Here Campaign also featured a bus tour for Israel’s top celebrities in the Arab ghettos in Israel. The campaign created a huge local media outrage. Many artists joined the ride among which were: Moni Moshonov, Aviv Geffen, Ha Yehudim, Yoav Kutner, Gila Almagor and many more. As a result of the video clip and the tour the Israeli government was forced to build bridges above the train tracks and ever since no one was killed by the train. "When we say Hip Hop is a bridge, we mean it metaphorically and Literary" said Tamer on his TEDEX speech at 2012, Nazareth. Tamer maintained to make political and historical tours after that, for schools, local and foreign groups, and for International artists such as Erykah Badu, Ezra Koenig from the American Rock band - Vampire's Weekend, Michael Franti, Gbenga Akinnagbe actor on the TV show The Wire,

The Born Here Campaign with DAM also toured Israel to spread awareness for the campaign, but Abir Zinati did not join the tour due to a threat she got from her cousins and family members claiming that the tour is a disgrace the honor of the family the day before the show. Tamer and Abir’s lives were threatened and thus they decided to cancel Abir’s participation in the tour. Tamer declares now that the incident was the first time that he felt the discrimination against women closely, and that DAM’s message was missing something, and that is women's rights.

HH

Lar_s