grabe napaka lalim sobrang solid huhu 💎

Beat produced by: Chuki beats
Mixed and mastered by: FTD
Cover art by Bj Castillano
Flow Minister

1st Verse:
Sa pagkagat ng dilim, kasabay ng aking paglingon 
Sa alapaap ay dumanak ang dugong kulay itim 
At para bang ang araw ay binalot ng piring 
Ngunit ganun pa man, hindi nagbago aking pagtingin 
Dahil nagkalat, sa himpapawid mga kristal na marahil 
Marami pa sa buhangin sa dagat, 
Salamat sa langit na nagsilbi nating liwanag 
Libong tala ang pinagtagni-tagni ko 
At dito nabuo kumukutitap na ngiti mo 
Animo ako'y nasa isang paraiso 
Nakahiga habang nakatingala sa virgo 
Nakahandusay, buhok mo ay naka lugay sa'king bisig 
Ating luha'y nangingilid 
Pinanunuod ang pagsabog ng mga kulay sa paligid 
Mga puso ay busog sa pagsasalo sa'ting tunay na pag-ibig 

Bridge:
Mahuhulog ka ba sakin para mabuo ang mundo kong umiikot sayo 
O mahuhulog ka sa mundo kong umiikot sayo para ito ay wasakin 

Hook:
Makita ko na sana ang tunay mong liwanag, 
hindi lang repleksyon, pagkat nababagabag
 baka ilusyon lang ang nababanaag, 
sana balang araw, sana balang araw, makita ko na sana.

2nd Verse:
Plano ko lang naman, ay ika'y makahawak 
Kamay sa oras kung kelan malakas ang hatak
Doon sa tubig alat, naglalakad habang pinagmamasdan
kung pano tayo sundan ng buwan 
Natabunan na ng buhangin 
Mga pangalan nating nakasulat sa baybayin 
Hindi bali sa tabi ko'y mas maganda ang tanawin 
Laylayan nya'y sinasayaw ng hangin 
At sumasabay sa agos 
Nakangiti habang sa akin sya'y umiikot 
Sa ganda ng pangyayari ay muntik nang makalimot 
Lahat ng ito pala ay malapit nang matapos 
Hanggang dito nalang oras natin na nakaw 
Mawawala ka rin pala pagdating ng araw 
Magaabang nalang kasabay ang mga alon 
Magkita nalang tayo sa paglipas ng dapit-hapon 

Bridge:
Mahuhulog ka ba sakin para mabuo ang mundo kong umiikot sayo 
O mahuhulog ka sa mundo kong umiikot sayo para ito ay wasakin 

Hook:
Makita ko na sana ang tunay mong liwanag, 
hindi lang repleksyon, pagkat nababagabag
baka ilusyon lang ang nababanaag, 
sana balang araw, sana balang araw, makita ko na sana.

Comments

tin_ducabo

Jb Capinig

INRI

aaron

Val

z6enesis