لتلتة ...
اللحن :وتر 

المقطع الأول (وتر): عم امشي عكسك
بس معي الحق
دوبي
عم اسقط حكام
ما عم الحق
مو ليكون عنا مستقبل
حتى الحق
لهيك عندي سبب منطقي
لقلك إرحم
أرجل.. خليك مسند كتفك
قلمي أبيض لهيك عالأرض كتبتك
لكون عكسك بالعرض صلبتك
رسمت فوق تالت اصبع
وصلت لهون ما تتخيل انه ممكن ارجع
اذا الوطن البحر لاسبح
إذا بـِ حُرّ لأسمح
إذا بيقر باسمك الشعب
لإقرا اسمك
لأبني منفذ لأمشي مع الدم والصرخ
لإمسك أول منبر حتى صرح
لإطبع أول دعوة حتى وقع
لإسمع أول نعوة وودع
لتطلع اول كلمة وسطر عالقبر آية وكرسي
لعبي صوتي يسقط كلشي
لقول لامي امسحي الدمعة
عالأرض الطاهرة بكرا الرجعة
بس تراب الأرض أحمر
بست تراب الأرض
لبست تياب العرض أسود
لاحضر جنازة الوطن يلي عم يحتضر
جنازة الابن الماله صدر ام ليحتضن
جنازة الطفل يلي ماله جنازة حتى يحضرا
........
المقطع الثاني (درويش) :شلحت
البدلة والصدرية دخلت معصب
استاذ القومية كان عامل ضابط مدرب
اتطلعت بعيون أبي قلتله الوطن بيذل
اتعودنا نشوف السما من فتحة بوط عسكر
منحب الموت أسمر.. الوقت بيمر
نشيد الوطن جوا الفرع مسجل بالمحضر
مطمش عيونه المحقق حتى يقر
من وين جايب الدفتر.. والأخطر
بدن ياني دق الأرض برجلي لما غنيه
ولك كيف علمي بدي عليه؟
وراسي مغمس بالأحمر...
نظام منضم مصفوف
متل بداية مقبرة جماعية
المسطرة متل الروسية
المدير عامل ضابط الأساتذة
عناصر اطراف حيط المدرسة
عبيانة قزاز مكسر
خطاب الصبح محضّر..
مزيج دين و عسكر..
غرفة الفيران.. جزء من طفولتي مكرر
فكيت عني الرسن.. شلت كتافي من الهودج
رفض كون حيوان..
عالحيط اتعربشت كالعوسج....
عليت صوتي يسقط..
سقطت فوراً
عالمنبر..
بس قبل ما أوقع صرخت...
انتوا أكبر!
...........
المقطع الثالث (بو كلثوم ) : باسم
الغضب عم نتف الزفت بسناني
الوضع زاعجني كتير عم عانق الطين
تركوني لحالي أنا و الأرض اللعوب
إخلع تيابي .. سيادة السادي اتوضا قبل ما تلمس جيابي
رضعت الغضب من جدادي .. صدى الرصاص لحفادي
صدّروا رصاص لبلادي .. صدر و رصاص لولادي
لبست القصاص من زمن الرصاص زمن عرصات
قبر و بساط إقبر صلاة جلادي .. لح نطفوا يا شعب
امسك أطراف جلبابي لنتسلق أنقاض الوطن
لنوصل لقمه .. اتركوا الوادي اللي بدو الشمس بيتحمل حروقا
في ريحة جمر بالجو من سخونة الدم ما عاد نتحمل عبوءا
شعشعت أم الشموس فاتحملوا فاتحمّلوا شروقا
و تبقى الشام أم الشعوب فتمسّكوا بتوبا
توبة الحق عن الصمت .. توبة العبد و توبه
توبة هلال في المنفى .. توبة صليب بباب توما
فتحوا باب توبا شقوا القمر بالنص للشمس ليبان نورا
اطلب الوصال من الرب لنطفي بالقلب لوعه لو عالموت
لاعوا القضيه بحروف عاللوح ... فشوفها
..........

1,2,3


وتر :

ما الموسيقا بعدك صارت بزئة بالصحن
كلامك عالبيت مهين متل عزئة بلا برغي عاللحن
بلا صابون بيرغي عاللحم ..بتضاجع الكلام ..مفكر انتاجك الفكري (ضخم)
بلا مكبر فكري طالع من رحم موسيقي
بكفي عبر عن طريقي عطبل افريقي
صيتي واصل من سيد درويش لاخر سيدي
(بنادولي سيدي وقف باستعداد و اضرب وتر دو ري سي مي )
الجو سديمي ...لاحتكاك حميمي جهز ادنك
لأحتقان موسيقي بأول اشهر حملك
في احتمال ضعيف تكون ابن سبعة
فبسرعة بغرفة الطوارق بتطلع من اول عشرة
الغبرة على كتافي لأني ستاند لنفس المايكرفون
مافي حل بسيط لمعادلة القوافي ب صوت لافي
على برد الصوت دافي
مافي تلاقي حل وسط سكوت طافي ع صوت طاغي
ب اسلوب واصل الفكر الفني ببساطة المعاني
منولد موهوبين
ف بالتالي منعاني من العالم ولعانة بفن تاني
الراب بشعر الراس أفكارن بشعر العانة
العلّة بعدة اسباب
بالراب في انقلاب ولاااه....

السيد درويش :

ببساطة ...في تلقيح بيت فالكلام جاهز للإباضة
خطابة
فاستلملي يابا !!
موسيقى مو شامم منا غير باطا
اذا الموسيقى روح أنثى لازم يلجأ للواطى
بالدم شخ تحتو بالفصيح الأخ حاض الأخ باض بيضا كبيرة و عمل رب من أربابا
حل عن رباطة
للسانك في رباطة
تروك الهيب هوب أحسنلك ترقص "لمبادا"
أفكاري لتوصل وصلا مع مخك منقوي العشرة
فكري بيعطي حلول ما بهمني كون من أول عشرة
"عروتانا طرب " مافي طرب بس احتكار
الفن و اهلو بجهلن للموسيقا عملو احتقار
باعد عن التجار
بجهنم رح يصلو نار
صلبو الأبتكار بوادي عبقر مات احيقار
ضربو مبدأ المعاني ...قرروا ما حدا حر بحرفو
كلاب كتاب حر بعـربي ..
رح مر ...بعربي خلي الكلاب تعوي
و صلي للقبلة بموسيقى شرقي .
و علّي صوت الحرب ...و حييّ على الغناء
و سيفي صوت باركلي صوت الأله
بالراب صوفي الأله
بالراب في أنقلاب ولاااه

فتح دان

أيان : 
بوم بوم بام 
ليالي الشام...ما بننام ...بوم بوم بام 
بوم بوم بام ... 
بلاد الشام ...ما بتنام ...بووم بوم باام ....
بو كلتوم : 
مسطح عم أصفن بنص الشارع ...عم اسأل مو بناية الجيران مبارح هون كانت (مبلا ) 
مسطح عم أصفن بنص الشارع ...حدا شفلي جوزة حلقي ؟ و عطرف الرصيف مريح نص أحشائي برا بطني ...و في ارمة جنبي مكتوب عليها ...انتبه شهيد أفشخ من فوقي ... 
مسطح عم أصفن بنص الشارع ...السيارة المرمية ورايي سودة بتزكرها زرقا معقول في مايكرويف يسعها !!!!! 
و لا تزال السردة و لا أزال انا معها ... 
و قفت عرجليي حاسس بخفة بالجسد ...شايف أشلائي قدامي و تاريني غادرت الجسد ... 
و ليكو جاري حنبي رايح بالنص ...... 
كل شقفة منو بمكان من الشارع المشقوق بالنص ... 
و جنبو مرتي ساكتة ...لسا ما لحقتني عم تنازع ...ااعدت و نطرت يلحقوني بقية سكان الشارع ...
أيان : 
بوم بوم بام 
ليالي الشام...ما بننام ...بوم بوم بام 
بوم بوم بام ... 
بلاد الشام ...ما بتنام ...بووم بوم باام ....
وتر : 
بالشام في حي كان كائن بالشام حي .. 
كان بالشام في حي بنفس اللحظة يللي انا كنت فيا حي ..كائن بالشام بليلة بلا ضو ...غير ضو خافت من الشارع يللي في الناس من الشارع خافت 
الجورة واسعة ...عم شوفها بس مستغرب .. 
كيف ما عم شوف باقي جسمي بلاقي بجسمي ...القزاز فايت .. 
اخر شي بتذكر لما كنت رايح عالدكان مشان جيب دخان و شوية خبز بايت 
الموضوع غريب و انا متسائل ... 
في جنبي وحدة ساكتة كانت ساكنة جنبي .. 
ناديتا و ما عم تسمع ...طلعت ادنا سالتة قلت بركي ساردة !!! 
طلعت انا السارد اني عايش ...بعد دقايق ...شفت .. 
نااس ...و كتيير ناس ... 
عم تحمل ناس و يللي حامليني خمسة و واحد شايل كيس شفاف بألبو قلب شتان ما بين الواقع و يللي شايف قدامو الأشخاص أشلاء و غميت ... 
و لهلّأ عأساس انا بكوما فايت طلعت طالع من ناس متجمعة بكومة ناس ... 
و لا تزاال السردة و لا أزال انا معها ......
أيان : 
بوم بوم بام 
ليالي الشام...ما بننام ...بوم بوم بام 
بوم بوم بام ... 


بوم بوم باام

مقطع للكب وتر وبوكلثوم - لتلتة Verse Recycling Watar & Bu Kolthoum - LaTlateh

https://www.facebook.com/Latlateh
http://www.youtube.com/user/latlateh/videos?flow=grid&view=0

مقطع للكب

مو تراك .... انما ... جلسة موسيقية .. و حبينا نسجلها هي المرة ... 
وتر :غيتار 
بو كلتوم :ما تبقى ...
للتنويه .... 80% ارتجال

https://www.facebook.com/Latlateh
http://www.youtube.com/user/latlateh?feature=watch

جلسة موسيقية - مشتاق لاعيش

الأداء: بو كلتوم 
اللحن: وتر 
السكراتش: ماهر الحكيم

اتركوا التحليل بالصحن للمستبصر
عينك الإعلام فيها أنا أرى بعقلي المبصر
فالنقسم أن الموسيقى نور الأرض تثمر
سيادة رئيس الفرن الطبخه احترقت ( أبشر )
حاج تحملوا السلم لمين ما كان بالعرض
أنا عاطل عن العمل كمانيكان بالزلط
ككافي الناس بتضل جاهل
عنا الحمار مو اللي بيقع بالجوره الحمار اللي بضل واقف
التاريخ بكرر نفسو ععكس تراث البلد
لهيك التاريخ قرر يزيح حيطان البلد
ما تقيدني بسعر العمله مكتوب عليي عيش
أنا طائر حر كرسول سليمان لبلقيس
ليش ما منترحم عالحي إلا ليموت
ليش ما كمان الما بغار عأرضو ديوس
الأنثى وحده مو شرط ما تحب الأنثى لتبوس
قال كان في وحده علّمت حب الأرض لتموت
الحب للأرض كسور سوري باقي بالبلد ليموت
انقعوا الفيزا أنا باقي بالبلد جلمود
صديقي اتأقلمنا الرصاص تراث و ثقافه
إذا الصح نسبي فبنظري الثقافه آفه
خلاع السلك يا فحل و لبيس تياب العرس
تزفك أنثى أرجلك أحسن من سياسي عرص
ما تحط إيدك عكتفي و تهديني
إذا بتفصص بين دينك و ديني
بيني و بينك ؟ شايف بعيونك خط بينك و بيني 
عم يركبوا بالحاره سد من حيط بيتك و بيتي
حلفايا تالله حلفايا بالله رام الله
تل أبيب و الصدى عم ينادي عزة الله
القضيه مو تي شيرت و ان كانت فبقياس واحد
لابس الأسود لشوف الأبيض و القياس واحد
بعمرك لا تطلع عند قاضي و تحكي قصتك
لهيك دائماً خلي إصبع الإتهام وسطى
أنا فهمان غير مثقف سماء الوطن شرشف
عم ازحف مستحي من عجوز الحي عرجا
مسمك الإطار لشوف بكادر أديق
بدي ربي حنية ضهري لأكبر كالمسير
ناشر النشره عالمنشر انشرها ليروح شرا
بنام مفتوح العيون بركي .... ما فقنا بكرا ؟
Category
Music
License
Standard YouTube License


LaTlaTeh

Popular tracks