Naaalala mo pa ba 'yong mga panahon na usung-uso pa ang mga "flash mob proposal"? Iyon rin ang mga panahon na binibiro ng iba kong mga pinsan ang pinakamatatanda naming mga pinsan tungkol sa edad nila na wala na sa kalendaryo.
Ideya mula sa mga kantiyaw at kagustuhang makapagsulat ng kantang tagalog na maaaring gamitin sa flash mob.
At iyon mga bata, ang istorya kung paano nabuo ang "KLB". (Sobrang pamigay na iyan, baka may magtanong pa kung anong ibig-sabihin ng pamagat)

Date: February  19, 2013
Time: 8:21pm

Verse:
'Di ka ba nag-iisip kung bakit ako nanliliit
'Pag ika'y papalapit lugar ko'y sumisikip
'Di ka ba nagtataka kung bakit ako nag-iiba
Kapag kausap na kita bigla akong namumula

Hindi ko maipaliwanag ang aking mga pangitain
Tungkol sa ating dalawa
Na parang ikaw daw ang aking makakapiling
'Yong tipong pang-habambuhay na

Chorus:
Huwag kang magtataka
Kung bukas o bukas makalawa
Ang pangalan mo'y iba
Ang apelyido ko ay nakuha mo na
Gusto kitang makasama
Hindi lang ngayon bukas o sa susunod na dekada
Kahit edad ko'y wala na
Sa kalendaryo, sa lotto, o kahit sa bingo pa

Verse:
'Di ka yata nagtatanong kung bakit ba hanggang ngayon
Nanliligaw pa rin ako kahit nakuha ko na ang "Oo"
'Di ka yata natatawa kahit ako'y nahihiya
Sa tuwing hinahawakan ang mukha at tinititigan mo sa mata

Hindi ko maipaliwanag ang aking mga pangitain
Sa tuwing ginagawa mo iyan
Na parang gusto mong tunawin ang aking damdamin
Kahit tuwang-tuwa naman

(Repeat Chorus)

Bridge:
Wala naman akong masyadong papalitan
Pero baka puwede kahit 'yong pangalan mo lang
kahit ilang taon pa ang dumaan
Walang kukupas sa ating pagmamahalan

May numero sa kalendaryong aabangan
Sa lotto ay lagi ko ring tatayaan
Kung ako ay iyo lamang pakasalan
Sinasabi ko sa 'yo
Bingo na... ako!

(Repeat Chorus)

Isang paraan upang ipaalala kung bakit ipinagdiriwang ang Araw ng Kalayaan.

Para sa lahat ng inosenteng naging biktima, para sa lahat ng mga nagbuwis ng buhay, at para sa lahat ng hindi nakaranas ng "kalayaan thingy" na tinatamasa nating lahat ngayon.

Facebook: goo.gl/cZ2y3B
YouTube: goo.gl/0EPNzc

Lyrics:

Galing sa trabaho ako'y papauwi
May sasakyan na tumigil sa aking gawi
May mga bumabang mga kalalakihan
Isa-isang dumampot ng mga baril na naglalakihan

"Ito 'yon!", sabi ng isa
Sabay hawak ng dalawa
Sa akin at bato sa likod ng sasakyan
May nakatali't nakapiring ang mata
Sa bilang ko, mga labinlima
'Di nagtagal ako naman ang piniringan

Ano kayang kailangan sa akin
Saan nila ako balak dalhin
Ano kaya ang aking kasalanan
Para silang may likas na galit
Panay ang sigaw ng lait
Biglang may pumitik
Sa aking bumbunan

Nang ako'y magising nakatali sa upuan
Wala na akong damit at ako'y duguan
Sa bilis ng pangyayari wala na akong nasabi
May inipit sa aking ari at tila ako nadali

Ng kidlat ramdam ko ang dagitab
Sukdulan ang lala ng hilab
May mga tanong sila na wala akong alam
May grupo raw na nagpapakalat ng sulat
Naglalaman ng ipinagbabawal na ulat
Huwag na raw akong tumanggi't
Alam nila ang lahat

Sige na, ako na'y aamin
Sa akin na lang nanggaling
Huwag lang lagyan ng taning ang aking buhay
Bakit lalong nagngalit
Biglang dampot ng gamit
Hawak sa aking binti't binunutan

Ako ng kuko isa-isa
Pilit nila akong pinapakanta
Paano gagawin kung wala nang salita

Na lumalabas sa aking bibig
Nauupos sa bawat pantig
Unti-unti nang nilalamig
At may boses na akong naririnig
Bumubulong sumuko na raw
Wala nang silbi ang 'di pagbitaw
'Di ka na rin makakauwi
Sa 'yong tahanan

'Di ba't ako na'y umamin
Sa akin na nga nanggaling
Bakit mayroon pang taning ang aking buhay
Tuloy ang pagngangalit
Pati ang panlalait
Nang may kumalabit upang tuluyan

Ako lang nama'y umamin
Dahil sa ginawa niyo sa akin
Umasa na bubuhayin
Ngunit wala raw
Akong nasabing pangalan
'Pagkat walang kinalaman
Kaya't pinaglaho't kinalimutan


Recorded with:
Behringer C-1
Focusrite Scarlett Solo
Ableton Live Lite 9

Limot - Lazed Nap't

Ito ay kuwentong hango sa kolektibong impormasyon mula sa mga biktima ng pang-aabuso noong panahon ng Batas Militar sa Pilipinas. 

Ang kanta ay naisulat bunga ng pagkadismaya sa pagsasawalang bahala ng ilang mga Pilipino sa mga naranasang pagpapahirap ng marami sa kanilang mga kababayan. 

Pakay ng kanta na mabigyan ng pagkakataong masilip ng iba ang karanasan ng isang taong dinukot, pinahirapan, at pinaglaho.



Lyrics:

Galing sa trabaho ako'y papauwi 
May sasakyan na tumigil sa aking gawi 
May mga bumabang mga kalalakihan 
Isa-isang dumampot ng mga baril na naglalakihan 

"Ito 'yon!", sabi ng isa 
Sabay hawak ng dalawa 
Sa akin at bato sa likod ng sasakyan 
May nakatali't nakapiring ang mata 
Sa bilang ko, mga labinlima 
'Di nagtagal ako naman ang piniringan 

Ano kayang kailangan sa akin 
Saan nila ako balak dalhin 
Ano kaya ang aking kasalanan 
Para silang may likas na galit 
Panay ang sigaw ng lait 
Biglang may pumitik 
Sa aking bumbunan 

Nang ako'y magising nakatali sa upuan 
Wala na akong damit at ako'y duguan 
Sa bilis ng pangyayari wala na akong nasabi 
May inipit sa aking ari at tila ako nadali 

Ng kidlat ramdam ko ang dagitab 
Sukdulan ang lala ng hilab 
May mga tanong sila na wala akong alam 
May grupo raw na nagpapakalat ng sulat 
Naglalaman ng ipinagbabawal na ulat 
Huwag na raw akong tumanggi't 
Alam nila ang lahat 

Sige na, ako na'y aamin 
Sa akin na lang nanggaling 
Huwag lang lagyan ng taning ang aking buhay 
Bakit lalong nagngalit 
Biglang dampot ng gamit 
Hawak sa aking binti't binunutan 

Ako ng kuko isa-isa 
Pilit nila akong pinapakanta 
Paano gagawin kung wala nang salita 

Na lumalabas sa aking bibig 
Nauupos sa bawat pantig 
Unti-unti nang nilalamig 
At may boses na akong naririnig 
Bumubulong sumuko na raw 
Wala nang silbi ang iyong pagsigaw 
'Di ka na rin makakauwi 
Sa 'yong tahanan 

'Di ba't ako na'y umamin 
Sa akin na nga nanggaling 
Bakit mayroon pang taning ang aking buhay 
Tuloy ang pagngangalit 
Pati ang panlalait 
Nang may kumalabit upang tuluyan 

Ako lang nama'y umamin 
Dahil sa ginawa niyo sa akin 
Umasa na bubuhayin 
Ngunit wala raw 
Akong nasabing pangalan 
'Pagkat walang kinalaman 
Kaya't pinaglaho't kinalimutan


Mula sa Diyos. Para sa Diyos.

Limot

SPÑ

Hindi

Tinamaan ng Magaling

Sa Tamang Panahon

España

Litrato ng Pamilya

Mga kantang mula sa isip, sa paligid, at sa Diyos.

Kung hindi mo man gusto, parang ulam lang iyan, puwede kang tumingin sa ibang carinderia. Pero kung gusto mo, kahit hindi mo man araw-arawin, maaari mo namang ulit-ulitin.

Lazed Nap't

Popular tracks