[English follows Gaelic]

Feasgar math,

Cuimhnich gu bheil faidhle-fuaime na cuairt-litreach seo air Soundcloud, dh’fhaodadh tu èisteachd rithe aig an aon àm. Ma leughas tu a’ chuairt-litir seo air do choimpiutair gheibh thu teacsa Beurla ann an colbh ri taobh an teacsa Gàidhlig. Bidh an dà rud seo cuideachail airson do sgilean Gàidhlig a leasachadh.

Ciamar a tha cùisean agad an t-seachdain sa? A bheil thu air a bhith trang? Innis dhuinn na rinn thu. Bha sinn a-muigh airson biadh agus nach e a bha neònach a bhith ann an taigh-bìdh còmhla ri daoine a-rithist!

An t-seachdain sa, bha taghadh ann an Alba. An deach thu airson bhòt a chur a-steach? Ma tha thu ag iarraidh bruidhinn air, tha liosta againn ann am Fichead Facal le faclan a bhios feumail airson bruidhinn air an taghadh. 

Am faca tu an Q&A a bh’ againn air Instagram an t-seachdain sa? Bidh sinn ga dhèanamh gach trì no ceithir seachdainean agus faodaidh tu ceist sam bith ceangailte ri Gàidhlig a chur oirnn. Ma tha thu air Instagram, cuir ceist thugainn an ath-thuras! 

Fhuair sinn ceist chumanta Dimàirt air cuin a bhios tu a’ cleachdadh ‘an’, ‘am’, agus ‘a’’ airson an alt cinnteach (the). A bheil fhios agadsa cuin a chleachdas tu iad? Tha earrann againn air an làraich-lìn ann an Little by Little a mhìnicheas seo agus tha e a’ toirt dhut eisimpleirean airson gach fear. Carson nach feuch thu seantans a’ cleachdadh ‘a’’, ‘an’ agus ‘am’?

Sin agad e, a charaid. Bho do charaidean aig LearnGaelic. 

[English]

Good evening,
 
Remember there is an audio file for this newsletter on Soundcloud, you could listen to it at the same time. If you read this on your computer, you’ll get the English text in a column beside the Gaelic text. These two things will be helpful to develop your Gaelic skills.

How are things with you this week? Have you been busy? Tell us what you did. We were out for food and wasn’t it strange to be in a restaurant with people again!

This week, there was an election in Scotland. Did you go to put a vote in? If you want to talk about it, we have a list in Twenty Words with words that are useful for talking about the election. 

Did you see the Q&A we had on Instagram this week? We do it every three or four weeks and you can ask us any question related to Gaelic. If you’re on Instagram, send us a question next time! 

We got a common question on Tuesday on when you use ‘an’, ‘am’, and ‘a’’ for the definite article (the). Do you know when you use them? We have a section on the website in Little by Little that explains this and it gives you examples for each one. Why don’t you try a sentence using 'a’', 'an' and 'am'?

That’s all for now, pal. From your pals at LearnGaelic.

Cuairt-litir LearnGaelic: An Taghadh | LearnGaelic Newsletter: The Election

“An làmh a bheir, ’s i a gheibh” (The hand that gives, is the one that gets). An cuala tu sin a-riamh? ’S e seanfhacal Gàidhlig mu dheidhinn caoimhneas a th’ ann. Gu tric, bidh seanfhaclan a’ toirt comhairle dhuinn air gum bu chòir agus nach bu chòir dhuinn dèanamh agus a ràdh.
 
’S ann glè thric a bhios iad a’ toirt seòrsa de gheàrr-chunntas air brìgh nàdar daonna le dìreach beagan fhaclan. “Cha sgeul-rùin e ’s fios aig triùir air” (It’s no secret if three people know). A bheil am fear sin a’ bualadh ort? No dè mu dheidhinn, “Ma tha thu airson do mholadh, bàsaich; ma tha thu airson do chàineadh, pòs” (If you want to be praised, die; if you want to be criticised, marry). Ma fhuair thu tro latha na bainnse agad gun gearan bho dhuine sam bith, ’s e do sgeul-rùin fhèin a tha a dhìth oirnn!

Tha amannan ann nuair a tha seanfhaclan doirbh do luchd-ionnsachaidh, oir tha feadhainn ann nach eil buileach ag obair ann an eadar-theangachadh. Mar eisimpleir, saoil an obraicheadh “a little goes a long way” nan dèanadh tu eadar-theangachadh facal air fhacal air gu Gàidhlig? Tha abairt foirfe againn aig a bheil faclan gu tur eadar-dhealaichte ach an dearbh bhrìgh, còmhla ri ceangal làidir ri dualchas na Gàidhlig na lùib - “Nì clachan beaga tric, càrn mòr uaireigin”, (Many a mickle makes a muckle, lots of little things together make a big thing). Chan eil càil nas cinntiche na sin, eh! 
 
Ma tha thu airson barrachd seanfhacal Gàidhlig ionnsachadh, tha bhidio gu math feumail againn air LearnGaelic.scot. Thèid dhan taba “Coimhead & Èist” > “Look @ LearnGaelic” > “Monologan” agus brùth air “Seanfhacail”.

Rudeigin ri smaoineachadh air an t-seachdain seo: “Beul a labhras, ach gnìomh a dhearbhas” (Actions speak louder than words). A bheil thu ag easaontachadh ri seo idir? Cuir thugainn do bheachdan air post-d no air na meadhanan sòisealta againn! Fhad ’s a tha thu aige, dèan cinnteach gun inns thu dhuinn an seanfhacal Gàidhlig as fheàrr leat!
 
Sin e bhuainne airson seachdain eile. Bho do charaidean aig sgioba LearnGaelic, mar sin leat.

Seanfhaclan Gàidhlig | Gaelic Proverbs

Hi a charaid,

Làithean geala. Bidh sinn a’ cleachdadh na h-abairt seo ann an Gàidhlig nuair a bhios sinn a’ bruidhinn air deagh chuimhneachain air na làithean a dh’fhalbh. Gu litireil, tha e a’ ciallachadh white days. Carson a tha seo? Chan eil sinn buileach cinnteach. Dè do bheachd fhèin? Co-dhiù, tha sinn air a bhith a’ smaoineachadh air na làithean geala a th’ air a bhith againn fhèin. 

Airson feadhainn dhiubh, bidh iad a’ coimhead air ais air an òige nuair a bhiodh iad a-muigh agus a-mach. Do mhòran air a’ Ghàidhealtachd, 's e iasgairean no tuathanaich a bh’ ann an athraichean agus an seanairean nuair a bha iad a’ fàs suas. Bha seo a’ ciallachadh oidhcheannan fada samhraidh aig muir, no madainnean tràth air a’ mhòinteach. Abair saorsa a bh’ aca!  

Dè mu dheidhinn làithean sgoile? An do chòrd iad riut? ’S dòcha gun robh tidsear ann a b’ fheàrr leat, no cuspair? Dè mu dheidhinn tursan-sgoile? An deach thu dhan tràigh, no dhan taigh-tasgaidh?  Tha sinn cinnteach gun robh thu fhèin modhail fad an t-siubhail cuideachd, 's mar sin nach do chaill sibh a-mach air an spòrs idir!

Bidh cuid a’ smaoineachadh air na h-amannan a chuir iad seachad ann an dachaighean charaidean no nàbaidhean. Bha fàilte bhlàth an-còmhnaidh a’ feitheamh orra, agus balgam teatha cuideachd. Dh’fhaodadh tu tadhal airson cèilidh uair sam bith — cha robh guth air gnogadh air an doras! 'S dòcha gun robh òrain traidiseanta a’ cluich air an rèidio, no sgeulachdan èibhinn a' dol mun cuairt. Cuimhneachain prìseil gu dearbh.

Airson còmhradh fhaicinn mu làithean geala, nach tèid thu gu LearnGaelic.scot, Coimhead & Èist, Coimhead Gàidhlig agus brùth air Tha e san fhuil.

Seadh, dè a tha ‘làithean geala’ a’ ciallachadh dhutsa? Nach leig thu fios thugainn tro phost-d no air na meadhanan sòisealta! 

Sin e bhuainne airson seachdain eile. Bho do charaidean aig sgioba LearnGaelic, mar sin leat.

Làithean geala | Happy days

Hi a charaid,
Celtic Connections – seo an t-àm air a shon! Bidh an fhèis a’ ruith bho mheadhan an Fhaoillich gu toiseach a’ Ghearrain ann an Glaschu gach bliadhna. Bidh còrr air 2000 luchd-ciùil a’ siubhal bho rìoghachdan air feadh an t-saoghail a bhith an làthair aig an tachartas. 
Am-bliadhna, thòisich e air 18mh latha den Fhaoilleach agus bidh e a’ ruith gus an 4mh latha den Ghearran. Tha an t-uabhas air a bhith a’ dol – b’ fheàrr leinn gum b’ urrainn dhuinn a dhol gu na tachartasan gu lèir! Bho Americana gu Jazz, Gàidhlig gu Orcastra, tha rudeigin ann airson a h-uile duine. 
Nach eil e inntinneach mar a tha ceòl a’ ciallachadh rudeigin eadar-dhealaichte ris a h-uile duine? Thèid faireachdainnean de thoileachas agus de bhròn a dhùsgadh, de dhòchas agus de mheòrachadh. ’S e drochaid a th’ ann ri na làithean a dh’fhalbh, ris na cuimhneachain sona agus na leasanan doirbh a dh’ionnsaich thu air an t-slighe. Chì sinn aig Celtic Connections fhèin mar a tha e a’ togail agus a’ neartachadh dàimhean eadar cultaran eadar-dhealaichte. 
Abair gu bheil e cuideachail a bhith ag èisteachd ri òrain nuair a tha thu ag ionnsachadh cànan cuideachd - gu h-àraidh a’ Ghàidhlig! Cha chreideadh tu a leithid a bhios tu a’ toirt a-steach dìreach le bhith ag èisteachd ri sèist… a-rithist agus a-rithist agus a-rithist!
Airson òran Gàidhlig ionnsachadh an-dràsta fhèin, theirig gu LearnGaelic.scot > Ionnsaich > Ionnsaich Òran agus tagh ’S iomadh rud a chunna’ mi. 
A bheil thu fhèin air a bhith aig gin de na tachartasan a th’ air a bhith aig Celtic Connections? Tha fios againn gu bheil e doirbh taghadh a dhèanamh uaireannan! Ma tha, dè an rud a b’ fheàrr leat mu dheidhinn? Leig fios thugainn le post-d no air na meadhanan sòisealta againn! 
Agus cuimhnich, mur eil e comasach dhut a bhith an làthair aig na tachartasan fhèin, ’s urrainn dhut cuid de na cuirmean-ciùil a ghlacadh air BBC ALBA agus BBC iPlayer! 
Sin e bhuainne airson seachdain eile. Bhuainn uile aig LearnGaelic, chì sinn an ath sheachdain sibh!

Cuairt-litir LearnGaelic | Celtic Connections 2024

Sin thu a charaid,

Mìmean – no ‘memes,’ mar a chanas iad sa Bheurla. Dè a th’ annta? Seo am mìneachadh a tha a’ nochdadh air Google: ‘ìomhaigh, bhidio, pìos teacsa, msaa, èibhinn ann an nàdar mar as trice, a tha air a chopaigeadh agus air a sgaoileadh gu luath le luchd-cleachdaidh an eadar-lìn, gu tric le atharrachaidhean beaga’.

Tha iad anns a h-uile h-àite na làithean seo, nach eil? Bidh mìmean a’ cur bheachdan domhain an cèill ann an dòigh shìmplidh agus a’ toirt sealladh èibhinn dhuinn air cùisean an latha. ’S urrainn dhuinn an cleachdadh airson cumail suas ri teaghlach is caraidean gun fiù ’s facal a ràdh! Chunnaic sinn mìmean bho SpeakGaelic an t-seachdain sa chaidh a thug gàire oirnn, agus thòisich sinn a’ smaoineachadh rinn fhèin... dè a th’ ann an deagh mhìm? Seo beachd no dhà co-dhiù!

Feumaidh iad a bhith spòrsail agus freagarrach airson na tha a’ dol anns na naidheachdan agus ann am ‘pop culture’.   

Faodaidh iad a bhith caran connspaideach an-dràsta ’s a-rithist gus d’ aire a ghlacadh – ach cha chuala tu sin bhuainne! 

Dèan cinnteach gun tèid iad a-mach cho luath ’s a ghabhas, cha toir na ‘trends’ fada ri dhol seachad! 

Faighnich dhut fhèin, ‘am bithinn-sa airson seo a shealltainn ri mo charaidean’? 

Chan fheum thu mòran fhaclan gus teachdaireachd làidir a chuir an cèill!

Dathan agus dealbhan tarraingeach – ’s toil leinn sin! 

Tha e doirbh cumail suas ri cho luath ’s a tha cùisean a’ gluasad sna làithean didseatach a tha seo, nach eil? Mìmean, Reels, Tiktoks, Shorts... saoil dè an ath rud? Gun teagamh sam bith, tha na meadhanan sòisealta air atharrachadh mar a tha daoine a’ faighinn eòlas air cànanan ùra, agus tha sin gu math follaiseach ann an saoghal na Gàidhlig cuideachd. 

Gus beagan briathrachais co-cheangailte ris na meadhanan sòisealta ionnsachadh, thèid gu LearnGaelic.scot > Reifreans > Fichead Facal agus tagh Na Meadhanan Sòisealta.  

Saoil a bheil mìm ann as fheàrr leat fhèin? ’S dòcha fiù ’s tè sa Ghàidhlig? Ma tha, leig fios thugainn le post-d no air na meadhanan sòisealta againn! 

Sin e bhuainne airson seachdain eile. Bho do charaidean aig Sgioba LearnGaelic, mar sin leat.

Mìmean | Memes

Haidh a charaid!
 
Ciamar a tha cùisean leat fhèin? An t-seachdain sa, tha sinn a’ dol a bhruidhinn mu ainmean-àite! Bheir sinn sùil air ainmean a tha ceangailte ri uisge. Tha na faclan seo gu math cumanta ann an ainmean-àite na h-Alba air sgàth ’s gu bheil tòrr bhailtean air a’ chosta no faisg air aibhnichean. Tha sinn cinnteach gum bi thu eòlach air feadhainn mu thràth!
 
Seo dhut facal no dhà tha a tha gu math cumanta:
 
Inbhir – Mouth of the River

Uaireannan, bidh seo follaiseach anns an eadar-theangachadh. Mar eisimpleir, ’s e 'Inbhir Nis’ a chanas sinn ri ‘Inverness’. Tha amannan eile ann far nach eil e cho soilleir. Chì sinn seo anns an fhacal ‘Thurso’, a tha air eadar-theangachadh mar ‘Inbhir Theòrsa’ sa Ghàidhlig.
 
Loch - Loch, Lake

Chì thu am facal seo glè thric, agus bidh daoine ga chleachdadh ann am Beurla cuideachd. Mar eisimpleir, cleachdaidh sinn ‘Loch’ anns an dà chuid ‘Loch Nis’ agus ‘Loch Ness’.
 
Abhainn – River

Tha tòrr aibhnichean ann ris an canar ‘Avon’, no, anns a’ Ghàidhlig, ‘Abhainn’. Ged a tha daoine ag ràdh ‘River Avon’ ann am Beurla, bhiodh sin a’ ciallachadh ‘Abhainn aibhne’ anns a’ Ghàidhlig!
 
Allt – Burn, Stream

Chì thu ‘Allt’ ann an iomadh ainm-àite ann an Alba. Mar eisimpleir, lorgaidh tu ‘Allt na h-Eirbhe’ (Altnaharra), ‘Allt nam Breac’ (Altnabreac), agus cuideachd ainmean mar ‘Taigh an Uillt (Taynuilt)’. Uillt = Allt anns an tuiseal ginideach.
 
Aiseag – Ferry

Mu dheireadh, tha àite anns an Eilean Sgitheanach leis an ainm Aisig (Ashaig).

Gus ainmean-àite eile fhaicinn sa Ghàidhlig agus mar a bhruidhneas tu mun deidhinn, thèid gu LearnGaelic.scot > Ionnsaich > Speaking Our Language agus tagh Ag innse cò às a tha thu. 

An do smaoinich thu air ainm-àite sam bith eile leis na faclan seo annta? Nach leig thu fios thugainn le post-d no air na meadhanan sòisealta! Tha a’ chuid as motha den Sgioba SpeakGaelic air a bhith ann an Alba Nuadh thairis air an t-seachdain a chaidh seachad, agus tha sinn a’ coimhead air adhart ri bhith a’ faighinn a-mach bhuapa a bheil iad air ainmean-àite mar seo fhaicinn thall an sin cuideachd! 
 
Sin e bhuainne airson seachdain eile. Bho do charaidean aig LearnGaelic, mar sin leat.

Ainmean-àite: Beagan uisge | Place names: A little water

Haidh a charaid, 
Gun teagamh sam bith, tha e math dhuinn uile a bhith a-muigh agus a-mach. An toil leat a bhith ag obair anns a’ ghàrradh? ’S dòcha gu bheil lusan agad a’ fàs air cùl an taighe, no ann an lot sa bhaile? Às dèidh tòrr obair chruaidh anns na mìosan roimhe, tha an cothrom a-nis aig gàirnealairean biadh blasta ithe a chaidh fhàs air an stairsnich aca fhèin. Tha gàrraidhean làn de chomas, agus tha sinne a’ dol a thoirt sùil air rud no dhà as urrainn dhut a dhèanamh leotha.
’S urrainn dhuinn mòran de rudan a bhuain as t-samhradh a bhios blasta dha-rìribh ann am brot. Mar eisimpleir, tha glasraich mar churranan agus buntàta milis deiseil mun àm seo. Chan eil sinne a’ smaoineachadh gu bheil càil nas fheàrr ann na bobhla teth air latha fliuch (is bidh gu leòr againn ann an Alba, fiù ’s as t-samhradh!). A bheil thu fhèin dèidheil air brot? Ma tha, a bheil reasabaidh ann as fheàrr leat?
Feumaidh tu rudeigin milis airson às dèidh làimh cuideachd. Dè mu dheidhinn rudeigin le rùbrab? ’S urrainn dhut an t-uabhas a dhèanamh leis, agus tha e sgoinneil le uachdar-reòite. Saoil a bheil reasabaidh agad fhèin far a bhios tu a’ cleachdadh rùbrab? Mur eil e dìomhair, chòrdadh e rinn gu mòr nam b’ urrainn dhut sin a chur thugainn! 
Agus dè mu dheidhinn na rudan nach bi sinn ag ithe (tha sinn an dòchas, co-dhiù)! A bheil dìtheanan dathte sam bith agadsa a tha air fàs o chionn ghoirid? Tha sinne dèidheil air lus na tùise... àlainn, feumail airson iomadh rud agus abair gu bheil fàileadh eireachdail bhuapa! 
Gus cuid den bhriathrachas seo a chluinntinn is fhaicinn ann an còmhradh, thèid gu LearnGaelic.scot > Ionnsaich > Beag air Bheag agus tagh Luchd-tòiseachaidh (a1) - Aonad 22 - Anns a’ Ghàrradh. 
A bheil dad sam bith a’ fàs anns a’ ghàrradh agad fhèin an-dràsta? Ma tha measan is lusan agad, am bi thu gan cumail dhut fhèin no gan reic? Feuch gun leig thu fios thugainn le post-d no air na meadhanan sòisealta againn!
Sin e bhuainne airson seachdain eile. Bho do charaidean aig sgioba LearnGaelic, mar sin leat.

Anns a' Ghàrradh | In the Garden

Haidh a charaid, 
An t-Iuchar, mu thràth! 'Iuchar'... gu litireil, an ‘iuchair’ don dàrna leth den bhliadhna. Mìos gu math trang airson tòrr dhaoine, le rud mu seach a’ dol. Tha na sgoiltean dheth, is ’s e àm a th’ ann airson spòrs is saorsa. Seo dhut dìreach sealladh luath air cuid de na rudan a bhios daoine ris thairis air a’ mhìos:
Abair gum bi spòrs gu leòr a’ tachairt air feadh na Roinn Eòrpa. Tha na Euros air còrdadh rinn gu mòr gu ruige seo, agus tha sinn air ar dòigh glan gu bheil cola-deug eile ann ri dhol! Bidh Tour de France a’ tachairt eadar 29mh Ògmhios – 20mh Iuchar. Tha sinn a’ creidsinn gum bi sinn a’ faireachdainn sgìth dìreach le bhith ga choimhead! Shìos ann an Lunnainn, tha Wimbledon a’ ruith eadar 1mh – 14th Iuchar. Ma bhios tu an làthair, tha sinn an dòchas gun ith thu suibheagan is uachdar ann am pailteas. Ma bhios tu ga choimhead aig an taigh, tha sinn an dòchas gun ith thu leòr an sin cuideachd! Mu dheireadh, bidh ar sùilean uile air Paris eadar 26mh Iuchar – 11mh Lùnastal. Na Geamaichean Oilimpigeach, chì sinn a dh’aithghearr thu!
Am bi thu a’ siubhal thall-thairis? Tha tòrr ann ri smaoineachadh air, nach eil? Itealain, aodach, taighean-òsta, biadh... chan eil e a’ sgur! An toil leat làithean-saora air an tràigh... can ann an àite mar Corfu no Majorca? Dè mu dheidhinn beagan làithean ann am baile mar An Ròimh, no Pràg? Ma tha thu a’ lorg beagan cultair, cha bhi dad a dhìth ort sna h-àiteachan sin. ’S dòcha gun fheàrr leat a bhith a-muigh is a-mach, a’ coiseachd nam beann ann an Nirribhidh, no Ailpeannan na h-Eilbheise? Dh’fhaodadh gum bi thu a’ gabhail làithean-saora faisg air an taigh fhèin, agus tha sinn an dòchas gun cord sin riut gu mòr.
Tha sinn air beagan ùine a chur seachad an-diugh a’ toirt sùil air spòrs. Gus briathrachas feumail fhaicinn mun chuspair seo, thèid gu LearnGaelic.scot > Coimhead & Èist > Look @ LearnGaelic is tagh Spòrs. 
Dè bhios tu fhèin ris san Iuchar? Feuch gun leig thu fios thugainn le post-d no air na meadhanan sòisealta againn!
Sin e bhuainne airson seachdain eile. Bho do charaidean aig sgioba LearnGaelic, mar sin leat.

An t-Iuchar | July

Ciamar a tha an t-seachdain agad a’ dol gu ruige seo? Bho àm gu àm, tha e a’ còrdadh rinn a bhith a’ toirt sùil air rudan iongantach a tha air tachairt tro eachdraidh. ’S e an t-Iuchar a th’ ann a-nis... a bheil cuimhne agad fhèin air tachartasan sònraichte sam bith a tha air tachairt sa mhìos seo? Lorg sinn fhèin rud no dhà a bha glè inntinneach

How’s this week going so far? From time to time, we enjoy looking at interesting things which have happened throughout history. It’s July now... do you remember any significant events which have happened during this month? We’ve found a couple of interesting things

Eachdraidh an Iuchair | History of July

Uill, tha Na Geamaichean Oilimpigeach air thoiseach oirnn a-rithist! Cha tug iad fada ann an tighinn timcheall, an tuig? ’S ann a tha iad a’ tachairt ann am Paris am-bliadhna, eadar 24mh Iuchar – 11mh Lùnastal. A bheil thu fhèin a’ coimhead air adhart riutha? ’S dòcha gum bi thu fiù ’s an làthair ann am Paris fhèin! Gun teagamh sam bith, ’s e tachartas a th’ ann a bhios làn de thoileachas is briseadh-dùil, teinne is deòir. Seo dhut taghadh de dh’fhaclan a tha buntainn do na Geamaichean agus mar a chì thu iad ann an seantans:
Iomradh – Rowing: Bha mi a’ coimhead an iomradh feasgar an-dè, cha robh mòran eadar a’ chiad àite is an dàrna àite. | I was watching the rowing yesterday afternoon, there wasn’t much between first and second place.  
Lùth-chleasachd – Athletics: Cha chreideadh tu cho luath ’s a ruith sgioba Iameuga aig an lùth-chleasachd a-nochd! | You wouldn’t believe how quickly the Jamaican team ran at the athletics last night!
Rothaireachd – Cycling: Cuin a bhios an rothaireachd a’ tòiseachadh a-màireach? | When will the cycling begin tomorrow? 
Buannaiche – Winner: Agus seo i a-nis, buannaiche na farpais! | And here she is, the winner of the competition. 
Pòideam – Podium: Feumaidh mi aideachadh, cha robh mi an dùil gum biodh esan faisg air a’ phòideam! | I must admit, I didn’t think he’d be near the podium! 
Lasair | Flame: Tha an Lasair Oilimpigeach a’ samhlachadh sìth, dòchas is càirdeas. | The Olympic Flame symbolises peace, hope and friendship. 
Bratach – Flag: ’S e bratach dathail a tha sin, nach e? | That’s a colourful flag, isn’t it? 
Gus pàirt den bhriathrachas seo fhaicinn agus gu leòr eile, thèid gu LearnGaelic.scot > Reifreans > Fichead Facal is tagh Na h-Oilimpigs. 
Seadh, dè an rud as motha a tha thu a’ coimhead air adhart ri fhaicinn? Leig fios thugainn le post-d no air na meadhanan sòisealta againn! 

Sin e airson seachdain eile. Bho do charaidean aig sgioba LearnGaelic, mar sin leat.

Na Geamaichean Oilimpigeach | The Olympic Games

Hi a charaid!
 
Ciamar a tha thu an-diugh? Tha ceist againn dhut — dè cho tric ’s a bhios tu a’ taipeadh anns a’ Ghàidhlig? Ma tha thu nad neach-ionnsachaidh, dh’fhaodadh e a bhith nas doirbhe mura h-eil thu cleachdte ris a’ chànan ann an suidheachadh didseatach. Seo beagan cuideachaidh dhut!
 
Tha e uabhasach cudromach stràcan — no ‘grave accents’ — a chur air faclan far a bheil iad a dhìth. Mar as trice, tha stràc air fuaimreag a’ sealltainn gu bheil i nas fhaide na tha i às aonais stràc. Uaireannan, ’s e an stràc an aon diofar eadar dà fhacal a tha a’ ciallachadh rudan gu tur eadar-dhealaichte.

Mar eisimpleir, tha ‘bas’ — gun stràc air an ‘a’ — a’ ciallachadh an àite air an taobh a-staigh do làimh eadar na meòir agus caol an dùirn, no ‘palm’ ann am Beurla. Ach tha ‘bàs’ — le stràc air an ‘a’ — a’ ciallachadh crìoch na beatha, no ‘death’ ann am Beurla! ’S e diofar mòr a tha sin!

Agus chan e sin an aon eisimpleir ann — thoir sùil air an fhaclair againn agus chì thu an diofar ann eadar feadhainn eile, mar ‘bata’ agus ‘bàta’, no bràmair agus bramair.  

Mar sin, ciamar a chuireas tu stràc air fuaimreag nuair a tha thu a’ taipeadh anns a’ Ghàidhlig ma tha? Gu fortanach, tha stiùireadh againn air seo agus tòrr a bharrachd air LearnGaelic airson a h-uile seòrsa coimpiutair agus fòn-làimhe a th’ ann. Thèid gu LearnGaelic.scot > Reifreans > Taipeadh sa Ghàidhlig gus fhaicinn!
 
Carson nach cuir thu teachdaireachd thugainn anns a’ Ghàidhlig air na meadhanan sòisealta? Dh’fhaodadh tu post-d a chur thugainn cuideachd!
 
Sin e airson seachdain eile. Bho do charaidean aig sgioba LearnGaelic, mar sin leat.

Taipeadh sa Ghàidhlig | Typing in Gaelic

Hi a charaid,
Nach eil e doirbh a chreidsinn gu bheil toiseach mìos eile againn mu thràth? Tha an t-uabhas de dhaoine dèidheil air an Dàmhair, nach eil? ’S e mìos a th’ ann a bhios a’ toirt oirnn smaoineachadh air blàths an teine agus biadh blasta gu leòr. Seo dhut rud no dhà a tha sinne a’ coimhead air adhart ris am mìos seo... carson nach gabh thu spòrs còmhla rinn?
Tha fèill mhòr air togail peapag na làithean seo! Ma tha paidse peapaig faisg ort, carson nach tèid thu ann airson turas còmhla ri do charaidean no do theaghlach? Bidh daoine a’ ceangal pheapagan ri Oidhche Shamhna, ach tha iomadh feum eile aca cuideachd. ’S dòcha gun sgrìobh sinn mu dheidhinn sin turas eile!
Dh’fhaodamaid fad latha a chur seachad a’ coimhead air nan duilleagan soilleir air na craobhan aig an àm seo den bhliadhna! ’S urrainn dhut dìreach an toirt a-steach le do shùilean fhèin, no dh’fhaodadh tu dealbhan a thogail gus toileachas a thoirt do dhaoin’ eile. Agus, abair gu bheil e a’ còrdadh ris na coin a bhith a’ cluiche nam measg... fada nas fheàrr na dèideag sam bith! 
Leis gu bheil na h-oidhcheannan dorcha againn a-nis, bidh e furasta gu leòr dhuinn na rionnagan fhaicinn mun cuairt oirnn! A bheil teanta agad? Ma tha, carson nach cur thu aodach blàth ort agus oidhche a chur seachad a’ reuladaireachd? Tha pailteas de ghoireasan air-loidhne ri fhaotainn nan làithean seo a dh’innseas dhut dè tha thu a’ coimhead air. Ma tha thu fortanach, ’s dòcha gum faic thu Na Fir-chlis! 
A bheil thu dèidheil air geamannan bùird? Bidh sinn an-còmhnaidh a’ dol air ais gu na geamannan clasaigeach, nach bi? Dh’fhaodadh tu cèilidh a chur air dòigh còmhla ri do charaidean gus na geamannan as fheàrr leibh a chluiche còmhla. No, carson nach fheuch thu geama ùr gus cùisean atharrachadh?
Airson beagan fois, thèid gu LearnGaelic.scot > Coimhead & Èist > An Litir Bheag agus tagh 955: Am Foghar. 
Seadh, dè an rud as motha a tha thu fhèin a’ coimhead air adhart ris mun Dàmhair? Leig fios thugainn le post-d no air na meadhanan sòisealta againn!
Sin e airson seachdain eile. Bho do charaidean aig Sgioba LearnGaelic, mar sin leat.

An Dàmhair | October

Fàilte don t-Samhain | Welcome to November

Gàidhlig 

Hi a charaid,

An t-Samhain... ’s dòcha gu bheil thu fhèin ga chreidsinn, ach chan eil sinne! Abair gu bheil an dorchadas a’ tighinn mun cuairt gu math luath a-nis. Tha e gar fàgail gu math leisg ag èirigh anns a’ mhadainn! Ach, tha e a’ ciallachadh gu bheil e a’ toirt toileachas a bharrachd dhuinn nuair a tha duilleagan an fhoghair a’ deàrrsadh anns a’ ghrèin. 

An do nochd mòran shamhnairean aig an doras agad an t-seachdain sa chaidh? No ’s dòcha gun robh thu fhèin a-muigh a’ gìsearachd? Tha sinn cinnteach gu bheil na stuthan milis air falbh a-nis, ach bidh gu leòr air fhàgail de aon rud... peapag!

Tha an t-uabhas den mheas seo a’ dol gu sgudal gach bliadhna. Ach, an robh fios agad gu bheil iomadh feum ann air a son? Bho bhrot gu paidhean, tha i blasta ann an tòrr reasabaidhean. Tha e coltach gu bheil i uabhasach math airson do chraiceann, dh’fhaodadh tu masg aodainn a dhèanamh leatha! Cuideachd, tha peapag a’ còrdadh ris na h-eòin gu mòr. Carson nach tog thu bòrd-eun anns a’ ghàrradh agad?

Bha tachartas mòr eile againn a-raoir, nach robh? Tha Oidhche nan Gealbhan na pàirt chudromach de mhìosachan An Rìoghachd Aonaichte. Tha e a’ comharrachadh ceann-bliadhna na h-oidhche a dh’fheuch Guy Fawkes agus a charaidean ri Taighean na Pàrlamaid a spreadhadh air 5mh den t-Samhain 1605. Bidh daoine a’ dèanamh theintean-aighir a-muigh airson an fheasgair agus a’ togail an Guy aca fhèin... mar as trice le tòrr phàipearan-naidheachd agus aodach a tha a’ tuiteam às a chèile! Tha na cleasan-teine dìreach air leth, chan eil mòran nas fheàrr na bhith gan coimhead le seòclaid teth nad làimh! 

Gus litir a leughadh a tha uabhasach fhèin freagarrach airson an ama seo den bhliadhna, thèid gu LearnGaelic.scot > Coimhead & Èist > An Litir Bheag agus tagh 930: Teintean rainich air Oidhche Shamhna.

A bheil dealbhan agad fhèin bho Oidhche nan Gealbhan? Ma tha, cuir thugainn iad le post-d no air na meadhanan sòisealta againn! 

Sin e bhuainne airson seachdain eile. Bho do charaidean aig sgioba LearnGaelic, mar sin leat.












Beurla 

Hi there pal,

November... you might believe it, but we don’t! The darkness certainly comes round very quickly now. It leaves us very lazy getting up in the mornings! But, it makes us appreciate it all the more when the autumn leaves shimmer in the sun.

Did many guisers appear at your door last week? Or maybe you were out guising yourself? We’re sure that the sweet things have gone now, but there’ll be plenty left of one thing... pumpkin! 

Loads of this fruit goes to waste each year. But, did you know that there are many uses for it? From soup to pies, it’s tasty in lots of recipes. It seems that it’s very good for your skin, you could make a face mask from it! Also, the birds really enjoy pumpkins. Why not build a bird table in your garden? 

We had another big event last night, didn’t we? Bonfire Night is an important part of the calendar in the United Kingdom. It marks the anniversary of the night Guy Fawkes and his friends tried to blow up the Houses of Parliament on 5th November 1605. People make bonfires outside for the evening and build their own Guy... most often with lots of newspaper and clothes which are falling apart! The fireworks are just spectacular, there aren’t many better things than watching them with a hot chocolate in hand!

To read a letter that’s very appropriate for this time of year, go to LearnGaelic.scot > Watch & Listen > The Little Letter and choose 930: Fern fires on Hallowe'en. 

Do you have photos from Bonfire Night? If so, send them to us by email or on our social media!

That’s it for another week. From your friends at LearnGaelic, bye for now.


Fàilte don t-Samhain | Welcome to November

Haidh a charaid,
 
Ciamar a tha thu? A bheil thu a’ dèanamh fiughair ri Là na Nollaig? Tha sinne air a bhith trang a’ dol mun cuairt nam bùthan, agus tha sinn a’ smaoineachadh gu bheil sinn air tiodhlacan a cheannach dhan a h-uile duine a-nis. Saoil a bheil ‘Secret Santa’ air a bhith agad còmhla ri do charaidean, no do cho-obraichean? Gu dearbh, tha sinn air cluinntinn air tiodhlacan uabhasach fhèin cruthachail! 
 
An t-seachdain sa, ged a tha an Nollaig a’ teannadh dlùth, tha sinn airson bruidhinn mu latha eile a tha gu math cudromach ann am mìosachan nan Gàidheal – Oidhche nan Seachd Suipearan.
 
Seadh, tha sin ceart, Oidhche nan Seachd Suipearan. A bheil beachd agad dè th’ ann? ’S e an oidhche as fhaide den bhliadhna, ann am meadhan a’ gheamhraidh a th’ ann. Mar sin, bidh Oidhche nan Seachd Suipearan againne Disathairne.  ’S e grian-stad a' gheamhraidh ainm eile a tha air an oidhche. Ann an Alba, gu sònraichte sna h-eileanan is air a’ Ghàidhealtachd, tha na h-oidhcheannan uabhasach fhèin fada. Ach, am b’ urrainn do chuideigin seachd suipearan ithe ann an aon oidhche?
 
Ma tha thu airson barrachd ionnsachadh mun oidhche seo, tha Litir do Luchd-ionnsachaidh aig Ruairidh MacIlleathain air an dearbh chuspair - litir còig ceud, seachdad ’s a seachd, no tha litir nas soirbhe ri fhaotainn anns An Litir Bheag dà cheud seachdad ’s a trì.
 
Tha sinn an dòchas gun còrd an oidhche riut agus gum bi thu fhèin cho làn ri ugh. Ma tha thu airson innse dhuinn mu na rudan blasta a bhios tu ag ithe aig an àm seo den bhliadhna, leig fios thugainn le post-d no air na meadhanan sòisealta againn! 
 
Sin agad e, a charaid. Bho do charaidean aig LearnGaelic, mar sin leat.



Beurla

Hiya pal,
 
How are you? Are you looking forward to Christmas Day? We’ve been busy going around the shops, and we think that we’ve bought gifts for everyone now. Have you had a ‘Secret Santa’ with your friends, or colleagues? Indeed, we’ve heard of some very creative presents!

This week, although Christmas is drawing near, we want to talk about another day that is really important in the Gaels’ calendar – The Night of the Seven Suppers.

Yup, that’s right, The Night of the Seven Suppers. Do you know what that is? That is the longest night of the year, in the middle of winter. As such, The Night of the Seven Suppers will be on Saturday. Another name for it is the Winter Solstice. In Scotland, especially in the Highlands and Islands, the nights are very, very long. But could anyone eat seven suppers in one night?
 
If you want to learn more about this night, Roddy MacLean has a letter in Letter to Gaelic Learners on the very subject – letter 577 or there is an easier letter available at The Little Letter 273.

We hope that you enjoy the night and you will be as full as an egg. If you want to tell us about the tasty things that you eat at this time of years, let us know by email or on our social media!
 
That’s it, pal. From your chums at LearnGaelic, bye.


oidhche-nan-seachd-suipearan

Eachdraidh a' ghearrain | The history of February

Hi a charaid,
Uill, nach eil an tìde a’ dol seachad... tha Am Màrt a’ tòiseachadh Dihaoine! Ciamar a tha toiseach na bliadhna air a dhol dhutsa? Ann an dòigh, tha e a’ faireachdainn mar gu bheil an t-saoghal a’ dùsgadh bho norrag uabhasach fhèin fada! A bheil dad sam bith ann a tha thu a’ coimhead air adhart ris sa mhìos air thoiseach oirnn? Seo rud no dhà bhon taobh againne:
Nach bi e snog na dìtheanan fhaicinn sa h-uile h-àit’? Eadar na blàthan sna craobhan agus na neòineanan san fheur, tha na dathan a’ nochdadh ann am pailteas. Abair cothrom sgoinneil a bhios ann dealbhan àlainn a thogail, no fiù ’s dealbhan a pheantadh thu fhèin! 
Ma thu measail air beagan uaine, cha toir Là Fhèill Pàdraig fada tighinn! Am bi thu fhèin a’ comharrachadh an latha seo? Tha dlùth-cheangal eadar na Gàidheil agus na h-Èireannaich, agus mar sin bidh gu leòr againne a’ gabhail pàirt ann an spòrs agus fealla-dhà air an 17mh den Mhàrt a h-uile bliadhna! 
’S dòcha gun nochd cuthag no dhà - a bheil gaol no gràin agad air an fhuaim a bhios iad a’ dèanamh? Cluinnidh tu iad mus faic thu iad, gun teagamh sam bith! An robh fios agad gur e bratagan faltach am biadh as fheàrr leis a’ chuthaig?
Bidh na clocan a’ dol uair a thìde air adhart air an latha mu dheireadh den mhìos. Chan eil sinn cho cinnteach gu bheil sinn a’ coimhead air adhart ri sin, oir tha e a’ ciallachadh gun caill sinn uair a thìde de chadal!
Gus na làithean, seachdainean agus mìosan na bliadhna a chumail nad chuimhne, thèid gu LearnGaelic.scot > Reifreans > Fichead Facal agus tagh Cinn-latha.
A bheil càil sònraichte a’ dol agad fhèin an t-seachdain sa? ’S dòcha gu bheil planaichean spòrsail agad airson an deireadh-sheachdain? Ma tha, nach leig thu fios thugainn le post-d no air na meadhanan sòisealta? 
Sin e bhuainne airson seachdain eile. Bho do charaidean aig Sgioba LearnGaelic, mar sin leat.


Am Màrt | March

Hi a charaid,

Dè tha dol? Tha oidhche uabhasach fhèin spaideil air thoiseach oirnn ann an saoghal na Gàidhlig... na Duaisean FilmG! Tha iad a’ tachairt Dihaoine an 7mh den Mhàrt aig an SEC ann an Glaschu. Am bi thu fhèin an làthair? Tha sinn cinnteach gum bi frogannan snasail agus sàilean àrda gu leòr mun cuairt! 

’S e farpais bhliadhnail film-goirid a th’ ann am FilmG, agus tha e comasach do dhaoine filmichean a chruthachadh mu chuspair sam bith fhad ’s a tha e tro mheadhan na Gàidhlig. Tha duaisean ann do dhaoine a tha fo agus thairis air ochd bliadhna deug a dh’aois. Gun teagamh sam bith, tha tàlant gu leòr ri fhaicinn anns gach roinn!

An robh thu fhèin riamh an-sàs ann a bhith a’ cruthachadh film? Ma tha, bidh fios agad gu bheil tòrr obrach an lùib. Ma tha thu nad chleasaiche, feumaidh tu na loidhnichean agad a chuimhneachadh agus smaoineachadh air mar a lìbhrigeas tu iad. No ma thu air cùl ghnothaichean, bidh thu ag obair air rudan mar stiùireadh, deasachadh, solais no sgrìobhadh. ’S e pìos ealain a th’ ann an gach film, agus tha an t-uabhas de luchd-ealain a’ tighinn còmhla gus an dealbh mòr a thoirt chun sgrion mhòr! 

A bheil thu an dùil film fhaicinn an t-seachdain sa? Tha abairtean feumail againn dhut aig LearnGaelic.scot > Ionnsaich > Cùrsa Tòiseachaidh > Ag innse na h-uarach, agus tagh Criomag 5 – Cuin a tha am film air?

Am faca tu fhèin cuid de na h-inntrighean a th’ ann airson FilmG? Ma tha film ann as fheàrr leat, nach leig thu fios thugainn le post-d no air na meadhanan sòisealta? 

Feuch gun cùm thu sùil a-mach air an oidhche airson dithis a th’ air a a bhith ag obair air LearnGaelic thar nam bliadhnaichean. Bidh Siobhan Shutharlanach a’ preasantadh, agus bidh Muireann Bhochanan a’ toirt seachad duais!
Sin e bhuainne airson seachdain eile. Bho do charaidean aig Sgioba LearnGaelic, mar sin leat.


Duaisean FilmG | FilmG Awards

Hi a charaid,
Tha sneachda a’ gheamhraidh air an t-slighe a-mach, agus sneachd beag breith nan uan air an t-slighe a-steach... tha an t-Earrach an seo! Eadar ‘meeehhs’ nan uan agus ceilearachd nan eun, tha an ràith seo loma-làn de bheatha ùr. Nuair a bhios tu a’ smaoineachadh air an Earrach, dè na faclan a bhios a’ tighinn gu cuimhne? Seo cuid de na rudan a smaoinich sinn fhèin air:
isean : Seall cho solta ’s a tha an t-isean, b’ fheàrr leam gum b’ urrainn dhomh a toirt dhachaigh leam.  
uan : A bheil sealladh nas fheàrr ann na uan a’ cluich anns a’ ghrèin?  
seillean : Bidh uabhasach fhèin stòlda, tha seillean a’ snàgadh air do ghualainn.
blàth : Tha fàileadh brèagha air craobh ann am blàth. 
dìtheanan : Nach eil na dìtheanan a’ coimhead àlainn?  
burras : Cha mhòr nach do mhothaich mi am burras, tha an aon dath air ris an duilleig.
nead : Thog an t-eun an nead a-mach à geugan beaga.  
sìol : Saoil dè a dh'fhàsas bhon t-sìol? 
Gus èisteachd ri na faclan seo agus grunnan eile, thèid gu LearnGaelic.scot, Reifreans, Fichead Facal agus tagh An t-Earrach. 
A bheil thu fhèin dèidheil air a bhith a-muigh is a-mach? Ma tha, dè na rudan a tha thu a’ coimhead air adhart ris a-nis gu bheil na làithean nas fhaide agus an t-sìde nas blàithe? Feuch gun leig thu fios thugainn le post-d no air na meadhanan sòisealta!
Sin e bhuainne airson seachdain eile. Bho do charaidean aig Sgioba LearnGaelic, mar sin leat. 


An t-Earrach, mu thràth? | Spring, already?

Hi a charaid,
Là na Gogaireachd, cothrom airson beagan plòigh is gàire. Tha feum againn uile air a sin, nach eil? An e latha mòr a th’ ann dhut fhèin? ’S dòcha gu bheil thu ag ullachadh cleas iongantach a chluicheas tu air caraid, no air do mhàthair! No... ’s dòcha gu bheil cuideigin a’ dèanamh an dearbh rud ort fhèin! Feumaidh sinn aideachadh nach eil mòran bheachdan againn dhut mu chleasan, ach gun teagamh sam bith, tha rud no dhà againn dhut a bheir gàire ort. Seo dhut:
Carson nach toir thu sùil air an litir seo gus leughadh mu... uill, gàire. ’S e Gàire is Fiamh-ghàire an tiotal a th’ air an litir, ach tha sinn a’ smaoineachadh gu bheil e uabhasach fhèin inntinneach gu bheil a leithid de bhriathrachas eile ann a tha a’ buntainn ri na faclan seo cuideachd. Agus, cò nach eil ag iarraidh turas gu Paris!
Mur eil thu air mothachadh ron a seo, tha sinn uabhasach fhèin dèidheil air coin aig Sgioba LG! Tha sinn a’ smaoineachadh gun toir iad gàire do dhuine sam bith. Agus fiù’s ged nach eil thu cho mòr orra, tha sinn a’ smaoineachadh gun atharraich Ollie d’ inntinn! Nach eil e air a dhòigh glan a choimhead le na prèasantan aige is ‘puppuccino’? Meal do naidheachd Ollie, bhuainn uile! 
Cha chur e iongnadh sam bith ort gu bheil òran spòrsail againn dhut cuideachd! Tha an t-òran seo gu math aotrom, agus ’s urrainn dhut dannsa ris cuideachd. Tha e an-còmhnaidh snog a bhith a’ smaoineachadh air na rudan beaga, sìmplidh a tha a’ toirt toileachas dhut, nach eil? ’S e sin dìreach a tha an t-òran seo mu dheidhinn... buntàta ’s ìm, duine sam bith? 
Seadh, a bheil thu fhèin a’ coimhead air adhart ri Là na Gogaireachd? Ma tha beachdan sam bith agad dhuinn mu chleasan (as urrainn dhuinn cluiche air a chèile!), feuch gun leig thu fios thugainn le post-d no air na meadhanan sòisealta againn! 
Sin e airson seachdain eile. Bho do charaidean aig LearnGaelic, mar sin leat! 


Là na Gogaireachd | April Fools' Day

Haidh a charaid! 

Mu dheireadh thall, tha e coltach gu bheil an t-earrach an seo ann an Alba! Tha an aimsir a' fàs nas blàithe ach uaireannan bidh frasan fhathast ann. Tha a' ghrian a' deàrrsadh agus na làithean a' fàs nas fhaide.  

Ann e an t-earrach an t-àm den bhliadhna as fheàrr leat fhèin? ’S e an ràith as fheàrr leinne airson iomadh adhbhar. 

A’ chiad adhbhar: an aimsir. An e an aimsir no an t-sìde a chanas tusa? Tha an dà chuid ceart cho math agus feumaidh sinn aideachadh gum bi sinn a’ cleachdadh an dà rud. Ach co-dhiù, tha i air a bhith ciùin is grianach ann a sheo agus abair thusa tha e air a bhith math. Tha duilleag againn ma tha thu feumach air briathrachas airson deagh aimsir. https://learngaelic.scot/fichead-facal/ff-deagh-aimsir.jsp 

An dàrna adhbhar: ’s e àm breith nan uan a th’ ann agus tha iad cho beag, beòthail is dòigheil! 

An treas adhbhar: Nach eil dathan na ràithe dìreach eireachdail? Uaine, buidhe, purpaidh, dearg is geal agus dè tha ag adhbharachadh sin? 

An t-adhbhar mu dheireadh: Na flùraichean, no dìtheanan. Eadar lus a’ chrom-chinn, bròg na cuthaige, cròcas, tiuilip is a’ ghealag-làir, tha e cho doirbh flùr as fheàrr a thaghadh. Dè am flùr as fheàrr leat fhèin? Tha barrachd fhacail againn mun earrach. 

Uill, uill, sinn e bhuainne airson seachdain eile. Carson a tha thu fhathast an seo? Thalla a-mach is seall air na dathan, flùraichean is uain. Chun na h-ath sheachdaine, mar sin leat. 



 

Hi pal, 

Spring finally seems to be here in Scotland! The weather is getting warmer but there are still occasional showers. The sun is shining and the days are getting longer. 

Is spring your favourite time of year? It’s our favourite season for many reasons. 

The first reason: the weather. Do you call it an aimsir (the weather) or an t-sìde (tthe weather)? Both are equally correct and we must admit that we use both. But anyway, it’s been calm and sunny here and you bet it’s been good. We have a page if you need some good weather vocabulary. 

The second reason: it’s lambing time and they’re so small, lively and cute! 

The third reason: Aren't the colours of the season just gorgeous? Green, yellow, purple, red and white and what makes them so? 

The final reason: The flowers. Between daffodils, buebells, crocuses, tulips and snowdrops, it's so hard to choose the best flower. What's your favourite flower? We have more words about spring. 

Well, well, let's leave it for another week. Why are you still here? Go outside and look at the colours, flowers and lambs. Until next week, goodbye. 

Flùraichean, Dathan is deagh aimsir | Flowers, colours and good weather

Sin thu a charaid, 

Tha sinn an dòchas gu bheil thu ann an deagh thriom an t-seachdain sa! ’S e àm na Càisge a th’ ann aig an deireadh-sheachdain… nach eil an tìde a’ dol seachad? Bidh làithean dheth againn uile airson na Càisge aig Sgioba LG, agus mar sin tha sinn a’ coimhead air adhart ri beagan foise is spòrs. Tha sinn cinnteach gum bi planaichean eadar-dhealaichte aig a h-uile duine, agus seo cuid de na rudan as cumanta a bhios daoine a’ dèanamh thairis air an deireadh-sheachdain seo: 
 
Uighean… tha an t-uabhas ann as urrainn dhut a dhèanamh leotha! Faodaidh iad a bhith air am peantadh, air an ithe agus air an lorg. A bheil thu fhèin gu feum sam bith le bruis-pheantaidh? Ma tha thu ag obair ann am bun-sgoil, tha sinn cinnteach gu bheil uighean de gach seòrsa mun cuairt ort an t-seachdain sa! Tha grunnan uighean na Càisge againne sa phreasa an-dràsta… chan eil sinn cinnteach an tòisich sinn leis an fheadhainn bheaga, no leis an fheadhainn mhòra! 

Bidh cuid de dhaoine a’ dol dhan eaglais aig an àm seo. ’S e cothrom a th’ ann dhaibh fois a ghabhail agus meòrachadh air gnothaichean spioradail. An e seo rudeigin a bhios tu fhèin a’ dèanamh, ’s dòcha leat fhèin no còmhla ri teaghlach is caraidean?  
 
Tha tòrr againn measail air a bhith a’ cruinneachadh còmhla ri na daoine a tha faisg oirnn airson biadh agus deoch blasta thairis air deireadh-seachdain na Càisge. Eadar ceòl agus geamannan, tha dachaighean air feadh na dùthcha làn de ghàire is fealla-dhà. A bheil thu dèidheil air a bhith a’ còcaireachd ’son sluagh sa chidsin agad fhèin? Ma tha, a bheil reasabaidhean sam bith agad dhuinn?  
 

Ge bith dè bhios tu ris, tha sinn an dòchas gum bi fìor dheagh dheireadh-sheachdain agad! Ma tha tachartasan sònraichte sam bith a’ dol agad, feuch gun leig thu fios thugainn le post-d no air na meadhanan sòisealta!  

Sin e bhuainne airson seachdain eile. Bho do charaidean aig Sgioba LearnGaelic, mar sin leat. 
 
Beurla 
 
Hi there pal, 

We hope that you’re in good spirits this week! It’s Easter time at the weekend... isn’t the time going by? We’ll all have days off for Easter at Team LG, so we’re looking forward to a little fun and relaxation. We’re sure that everyone will have different plans, and here’s some of the most common things that people get up to over this weekend:   
 
Eggs... there’s loads you can do with them! They can be painted, eaten, and searched for. Are you of any use with a paintbrush? If you work in a primary school, we’re sure that you’ve been surrounded by all different kinds of eggs this week! We have a handful of Easter eggs in the cupboard just now... we’re not sure if we’ll start with the big ones, or the little ones!  

Some people go to church during this time. It’s an opportunity to rest and reflect on spiritual matters. Is this something you do, maybe on your own or with friends and family? 
 
Many of us like gathering with those who are close to us for tasty food and drink over Easter weekend. Between music and games, homes around the country are full of laughter and fun. Do you like cooking for a crowd in your own kitchen? If so, do you have any recipes for us? 
 
 
Whatever you’ll be getting up to, we hope you have a great weekend! If you have any special events happening, make sure you let us know by email or on social media!  

That's it from us for another week. From your friends at the LearnGaelic Team, bye for now. 


Àm na Càisge | Easter Time

Dè tha dol? Chan eil fios againn mud dheidhinn-sa, ach tha an t-àm seo den bhliadhna a’ còrdadh rinn gu mòr. Tha na craobhan còmhdaichte le blàthan ge bith càit a choimheadas tu, agus dh’ fhaodainn coimhead orra fad an latha! Chì thu na h-uain a’ leum fodhpa, cho sona sa ghabhas. 

Tha sinn a’ dol air cuairtean socair agus cuirmean-cnuice sa phàirc còmhla ri ar caraidean, mus tòisich mìosan tranga an t-samhraidh. Aidh, tha tòrr rudan ann a tha sinn dèidheil air mun Chèitean! Tha tòrr rudan inntinneach air tachairt rè na mìosa seo tro eachdraidh... seo dhut dìreach rud no dhà:

1mh Cèitean (a h-uile bliadhna) – Dè eile, ach Là Buidhe Bealltainn! 'S e seann fhèis teine Cheilteach a th' ann am Bealltainn. Bha na Ceiltich a' faicinn Bealltainn mar thoiseach an t-samhraidh agus àm làn bheatha is torachais. Chaidh a chomharrachadh le mòran chleachdaidhean eadar-dhealaichte, gealbhan am prìomh fhear. 

Lorg Crìsdean Columbus Iamaica fhad ’s a bha e a’ siubhal timcheall an t-Saoghail Ùir airson an dàrna turas air 4mh Cèitean 1494. (ceithir ceud deug naochad ’s a ceithir) 
Rugadh Florence Nightingale, banaltram Breatannach agus neach-iomairt slàinte poblach, air 12na Cèitean 1820 (ochd ceud deug ’s fichead) ann am Florence san Eadailt. 

Air 18mh Cèitean 1980, (naoi ceud deug 's a h–ochdad) spreadh bholcàno Beinn Naomh Helens ann an Stàit Washington. Sgaoil seo mìltean de smùid is luaithre suas dhan adhar. B’ e seo a’ chiad spreadhadh mòr bho 1857(ochd ceud deug caogad ’s a seachd).

Air 20mh Cèitean 1932, (naoi ceud deug trithead ’s a dhà) b’ i Amelia Earhart a’ chiad bhoireannach a sgèith leatha fhèin thar a’ Chuain Siar. Dh’fhalbh i à Talamh an Èisg, Canada, aig 7f, agus thàinig i air tìr ann an Èirinn a Tuath cha mhòr còig uairean deug a thìde às dèidh làimhe. 
Rugadh ùghdar Sherlock Holmes, Arthur Conan Doyle, air 22na Cèitean 1859 (ochd ceud deug caogad ’s a naoi) ann an Dùn Èideann, Alba. 

Gus litir inntinneach a leughadh mu dheidhinn Là Buidhe Bealltainn, thoir  sùil air LearnGaelic.scot > Coimhead & Èist > Litir do Luchd-ionnsachaidh agus tagh 1137: Fèill na Bealltainn (1). 
Dè na rudan a tha a’ còrdadh riut fhèin mun Chèitean? A bheil dad sam bith ann a tha thu a’ coimhead air adhart ris am mìos seo? Feuch gun leig thu fios thugainn le post-d no air na meadhanan sòisealta againn! 


How’s it going? We don’t know about you, but we really enjoy this time of year. The trees are covered in blossoms wherever you look, and we could look at them all day! You can see the lambs jumping underneath them, as content as can be. We’re going for gentle walks and picnics in the park with our friends, before the busy summer months begin. Aye, there are a lot of things that we like about May! Many interesting things have happened during this month throughout history... here’s just a couple of things:

1st May (every year) - What else, but Beltane – or May Day! Beltane is an ancient Celtic Fire Festival. The Celts saw Beltane as the beginning of summer and a time full of life and fertility. It was celebrated with many rituals, bonfires being the main one. 

Christopher Columbus discovered Jamaica while he was travelling round the New World for the second time on 4th May 1494.

Florence Nightingale, the British nurse and public health activist, was born on 12th May 1820 in Florence, Italy.

On 18th May 1980, Mount St. Helens volcano erupted in Washington State. This spread miles of steam and ash into the sky. This was the first major eruption since 1857.

On 20th May 1932, Amelia Earhart became the first woman to fly solo across the Atlantic Ocean. She departed Newfoundland, Canada at 7pm, and landed in Northern Ireland almost fifteen hours later. 

Sherlock Holmes author Arthur Conan Doyle was born on 22nd May 1859 in Edinburgh, Scotland.
To read an interesting letter about Beltane, have a look at LearnGaelic.scot > Watch and Listen > Letter to Learners and choose 1137: Fèill na Bealltainn (1).






Cuairt-litir LearnGaelic: Eachdraidh a’ Chèitein – History of May

Hi a charaid,
Ciamar a tha cùisean leat fhèin? Tha sinn an dòchas gu bheil thu air a bhith a’ faighinn a-muigh is a-mach anns an t-sìde àlainn a th’ air a bhith againn an t-seachdain sa – ann an Alba co-dhiù! Ma tha thu fortanach gu leòr gàrradh no lot a bhith agad, cha leig thu leas a dhol fada. Tha fios againn gur e ràith gu math trang a tha seo do dhaoine aig a bheil corragan uaine! Seo beagan briathrachais a bhios feumail dhut:
Gàirnealaireachd - B’ e gàirneilearachd an cur-seachad as fheàrr le mo sheanmhair... rinn i brot dhuinn gach Dihaoine!
Dìtheanan – Bha mo chuilean a’ leumadh anns na dìtheanan agam. Cha b’ urrainn dhomh stad a chur air, bha e cho toilichte!
Glasraich - Tha fios ’am gu bheil iad math dhut, ach feumaidh mi aideachadh nach eil mi uabhasach dèidheil air glasraich uaine. 
Curranan - Am bu chòir dhuinn na curranan a ghluasad? Tha mi a’ smaoineachadh gu bheil feum aca air beagan a bharrachd ghrèine.
Gàirnealair - Cha robh na piobaran a’ fàs cho luath ’s a bha mi an dùil, ach thug an gàirnealair shìos an t-sràid deagh chomhairle dhomh.
Càl - Tha mi a’ smaoineachadh gu bheil càl dearg math agus math dhut, bidh e blasta leis an ròst againn air Là na Sàbaid! 
Lusan - Tapadh leat airson sùil a chumail air na lusan fhad ’s a bha mi air saor-làithean, tha mi fada nad comainn! 
Gus èisteachd ri na faclan seo agus am faicinn ann an còmhradh, thèid gu LearnGaelic.scot > Ionnsaich > Beag air Bheag agus tagh Luchd-tòiseachaidh (A1) - Aonad 22 - Anns a’ ghàrradh.
Seadh, a bheil do bheatha fhèin làn sìl is spaideachain an-dràsta? Ma tha, dè na seòrsa rudan a tha thu a’ fàs? Leig fios thugainn le post-d no air na meadhanan sòisealta againn!
Sin e airson seachdain eile. Bho do charaidean aig LearnGaelic, mar sin leat. 




Beurla
Hi there pal,
How are things with you? We hope that you’ve been getting out and about in the lovely weather that we’ve had this week – in Scotland anyway! If you’re fortunate enough to have a garden or allotment, you don’t need to go far. We know that this is a very busy season for people with green fingers! Here’s some vocabulary that will be useful for you:
Gàirnealaireachd | Gardening – Gardening was my granny’s favourite hobby... she made soup for us every Friday! 
Dìtheanan | Flowers – My dog was jumping in my flowers. I couldn’t stop him, he was so happy!
Glasraich | Vegetables - I know that they’re good for you, but I must admit that I’m not a big fan of green vegetables. 
Curranan | Carrots – Should we move the carrots? I think they need a little more sun.
Gàirnealair - Cha robh na piobaran a’ fàs cho luath ’s a bha mi an dùil, ach thug an gàirnealair shìos an t-sràid deagh chomhairle dhomh. | Gardener – The peppers weren’t growing as quickly as I’d expected, but the gardener down the street gave me some good advice. 
Càl | Cabbage – I think that red cabbage is good and good for you, it’ll be tasty with our roast on Sunday! 
Lusan | Plants – Thank you for keeping an eye on the plants while I was on holiday, I’m indebted to you! 
To listen to these words and see them in conversation, go to LearnGaelic.scot > Learn > Little by Little and choose Luchd-tòiseachaidh (A1) - Aonad 22 - Anns a’ ghàrradh.
So, is your own life full of seeds and spades just now? If so, what kinds of things are you growing? Let us know by email or on our social media! 
That’s it for another week. From your friends at LearnGaelic, bye for now. 


Corragan uaine | Green fingers

Haidh a charaid,
Dè tha dol? ’S e àm gu math cudromach a th’ ann do mhòran dhaoine ann an Alba an-dràsta... àm nan deuchainnean! Ma tha thu fhèin trang ag ullachadh airson deuchainnean is measaidhean an-dràsta, tha sinn a’ smaoineachadh ort! Tha fios againn gu bheil tòrr uallaich ort, ach seo dhut beagan chomhairle bho chuid den sgioba againn gus an t-àm seo a dhèanamh nas fhasa dhut: 
Tha Iona ag ràdh gu bheil am 'Pomodoro method' cuideachail. Tha seo a' toirt a-steach a bhith a' gabhail ùine a-mach ann an dòigh cunbhalach. A bharrachd air an sin, dèan cinnteach gu bheil thu a' dèanamh d' obair ann an àite sònraichte - aig deasg an àite do leabaidh! Fiù 's ged a tha thu a' faireachdainn claoidhte, tha e nas fheàrr sgaradh a bhith ann eadar àite son fois a ghabhail agus àite son sgrùdadh a dhèanamh.
Thoir an aire ort fhèin, tha Eilidh ag ràdh. Dèan cinnteach gum bi thu ag ithe biadh fallainn, ag òl uisge, a’ gabhail ùine dheth airson rudan eile agus gu bheil thu a’ dol dhan leabaidh tràth. Uaireannan, nuair a bhios tu fo uallach, tha e ro fhurasta a bhith ag òl cus cofaidh agus ag ithe cus suiteis. Ach, bidh sin dìreach a’ cur d’ eanchainn agus do bhodhaig fo barrachd uallaich.
A’ chomhairle as fheàrr a th’ aig Rona: Thalla a-mach airson cuairt! Bidh thu a' faireachdainn nas fheàrr air a shon, gun teagamh sam bith. Tha e fada nas fhasa fiosrachadh a ghlèidheadh nuair a tha d' inntinn soilleir. Fiù ’s ma tha beagan uisge ann, cha dèan còig mionaidean cron sam bith ort!
Gus litir a leughadh mu dheidhinn foghlam, thoir sùil air LearnGaelic.scot > Coimhead & Èist > Litir do luchd-ionnsachaidh agus tagh Ag Ionnsachadh Gàidhlig. 
Ma tha thu ag ullachadh airson deuchainnean no ag obair air measaidhean an-dràsta, tha sinn a’ guidhe gach soirbheachas dhut! Ma tha deagh chomhairle agad fhèin, feuch gun leig thu fios thugainn le post-d no air na meadhanan sòisealta againne! 
Sin e airson seachdain eile. Bho do charaidean aig LearnGaelic, mar sin leat. 






Beurla
Hiya pal,
What’s happening? It’s a very important time for many people in Scotland just now... exam time! If you’re busy preparing for exams and assignments just now, we’re thinking of you! We know that you’re under a lot of strain, but here’s some advice from a few of our team to make this time easier for you:
Iona says that the ‘Pomodoro method’ is helpful. This includes taking time out in a consistent way. Apart from that, make sure that you do your work in a specific place – at a desk instead of your bed! Even if you’re feeling exhausted, it’s better to have a separation between a place for relaxing and a place for studying. 
Take care of yourself, Eilidh says. Make sure that you’re eating healthy food, drinking water, taking time off for other things and going to bed early. Sometimes, when you’re stressed, it’s too easy to drink too much coffee and eat too many sweets. But, that just puts your brain and body under more strain. 
Rona’s best advice: Go out for a walk! You’ll feel the better of it, without a doubt. It’s much easier to retain information when you have a clear mind. Even if there’s a little rain, five minutes won’t do you any harm! 
To read a letter about education, have a look at LearnGaelic.scot > Look & Listen > Letter for learners and choose Ag Ionnsachadh Gàidhlig.
If you’re preparing for exams or working on other assignments just now, we’re wishing you all the best! If you have any good advice yourself, let us know by email or on our social media! 
That’s it for another week. From your friends at LearnGaelic, bye for now. 


An t-ionnsachadh òg, an t-ionnsachadh bòidheach | To learn young is to learn well

Gàidhlig
Hi a charaid,
Na fèisean! Tha iad uile eadar-dhealaichte, nach eil? Tha cuid anns a’ bhaile mhòr, agus cuid eile san dùthaich. Tha amannan ann nuair a tha a’ ghrian a’ deàrrsadh, agus aig amannan eile tha tuil ann. Bidh ceòl agus tachartasan eadar-dhealaichte a’ tachairt aig gach tè, agus chan eil e an-còmhnaidh furasta taghadh a dhèanamh eatorra! Seo sealladh air fèis no dhà a tha romhainn far a bhios beagan Gàidhlig ri lorg:
An-ath-sheachdain, bidh The Reeling a’ tachairt ann am Pàirc Rouken Glen, Glaschu. Air an 6mh - 8mh den t-Ògmhios, bidh ceòl traidiseanta ri chluinntinn aig gach ceàrn. Tha sinn an dòchas gum bi na speuclairean-grèine a-mach... ach ’s e Alba a th’ ann, cò aige tha fios! 
Tiriodh – abair àite airson fèis! An t-eilean as fhaide siar anns na h-Eileanan a-staigh, tha grian is gaoth ann am pailteas. Eadar 11mh – 13mh den t-Iuchar, chì thu sguad air leth de luchd-ciùil aig Fèis Chiùil Thiriodh (TMF). Bidh Gàidhlig gu leòr ann, ’s e gealladh a tha sin! 
Fèis Cheilteach Innse Gall – ainmeil airson teanta ghorm a tha uabhasach fhèin mòr! Shuas ann an Leòdhas, tha an fhèis seo a’ tàladh mìltean de luchd-tadhail gach bliadhna. Ma bhios tu mun cuairt air 16mh – 19mh den t-Iuchar, bidh spòrs is dath gu leòr a’ feitheamh ort!
Chan urrainn dhuinn dìochuimhn’ a dhèanamh air Belladrum! Suidhichte faisg air baile Chill Targhlain air a’ Ghàidhealtachd, ’s e fèis shònraichte a tha seo anns a bheil rudeigin airson a h-uile duine bhon latha mu dheireadh den t-Iuchar – 2na den Lùnastal, stob anns an leabhar-latha e!
Gun teagamh sam bith, bidh bogsa no dhà aig na fèisean seo. Airson briathrachais cuideachail, thèid gu LearnGaelic.scot > Coimhead & Èist > Look @ LearnGaelic agus tagh A' Cluich a' Bhogsa.
Agus mu dheireadh, an rud as spòrsaile... Bidh Sgioba SpeakGaelic mun cuairt aig The Reeling agus Belladrum! Chòrdadh e riutha d’ fhaicinn gu mòr, feuch gun can thu ‘halò’ ma ghlacas tu iad!
Seadh, a bheil thu fhèin a’ dol gu fèis no dhà as t-samhradh? Tha sinn an dòchas gum bi a’ ghrian a’ deàrrsadh agus nach bi feum sam bith ann airson nam bòtannan! Ma tha cuideigin sònraichte ann a tha thu a’ coimhead air adhart ri bhith ag èisteachd ris, nach leig thu fios thugainn le post-d no air na meadhanan sòisealta? 
Sin e bhuainne airson seachdain eile. Bho do charaidean aig sgioba LearnGaelic, mar sin leat.





Fèisean Ciùil an t-Samhraidh | Summer Music Festivals

Hi a charaid,
Sia mìosan seachad, sia ri dhol... cò shaoileadh e? Tha a’ chiad leth den bhliadhna air a dhol seachad ann am priobadh na sùla. Ged a tha deagh bhliadhna no bliadhna dhoirbh air a bhith agad gu ruige seo, tha sinn an dòchas gu bheil thu air sonas fhaighinn bho na rudan beaga. Tha an t-Ògmhios a’ toirt a-steach toiseach an t-samhraidh, ràith a tha socair is trang aig an aon àm. A bheil thu fhèin dèidheil air cros-dhàn? Seo dhut fear airson a’ mhìosa  seo:
Òran no dhà aig na fèisean! Dè an t-òran as fheàrr leat fhèin? 
Grian gu leòr... tha sinn an dòchas. Tha Alba àlainn co-dhiù, ach abair gu bheil i eireachdail ceart nuair a chì thu a’ ghrian ag èirigh os cionn nam beanntan. Feumaidh tu a bhith an àrd tràth sa mhadainn gus seo fhaicinn, ge-tà!
Measan uabhasach fhèin blasta. A bheil thu dèidheil air sùbhan-làir, no rùbrab? Seo an t-àm far a bheil iad ri fhaotainn ann am pailteas. Eadar pàidhean agus silidh, ’s urrainn dhut an t-uabhas a dhèanamh leotha!
Hò-rò gheallaidh, ’s dòcha? Seo an t-àm den bhliadhna far a bheil sinn uile eòlach air cuideigin a tha a’ pòsadh! 
Itealach, ma tha thu a’ falbh air làithean-saora! Tha a h-uile duine eadar-dhealaichte nuair a tha e a’ tighinn gu làithean-saora. Bidh cuid againn a’ coimhead air adhart ri seachdain air an tràigh, agus ’s fheàrr le cuid eile a bhith a’ tadhal air na bailtean-mòra. A bheil thu fhèin a’ dol a dh’àite sam bith?
O chionn naochad 's a còig bliadhna air ais, rugadh Anne Frank air a' mhìos seo!
Spòrs, gu leòr dheth! Bho ball-coise gu teanas gu ball-basgaid, tha rudeigin ann dhan a h-uile duine!
Gus briathrachas fhaicinn a bhios feumail dhut sa mhìos a tha romhainn, thoir sùil air LearnGaelic.scot > Ionnsaich > Cùrsa Tòiseachaidh agus tagh air Ag innse càit an deach thu. 
Dè an rud as motha a tha thu a’ coimhead air adhart ris mu dheidhinn an t-Ògmhios? Leig fios thugainn le post-d no air na meadhanan sòisealta!
Sin e airson seachdain eile. Bho do charaidean aig LearnGaelic, mar sin leat. 


Beurla
Hi there pal,
Six months over, six to go... who’d have thought it? The first half of the year has passed in the blink of an eye. Whether you’ve had a good year or a difficult one so far, we hope you’ve found joy in the little things. June brings in the start of summer, a season that’s calm and busy at the same time. Do you like acrostics? Here’s one for this month:
Òran| A song or two at the festivals? What’s your favourite song?
Grian gu leòr... | Plenty of sun... we hope. Scotland is beautiful anyway, but it really is spectacular when you see the sun rising above the hills. You need to be up early in the morning to see this, though!
Measan uabhasach fhèin blasta. | Some very tasty fruits. Are you a fan of strawberries, or rhubarb? This is the time where they’re available in abundance. Between pies and jam, there’s loads you can do with them!
Hò-rò gheallaidh, ’s dòcha? | A hò-ro gheallaidh, maybe? This is the time of year where we all know someone that is getting married!
Itealach, ma tha thu a’ falbh air làithean-saora! | Flying, if you’re going away on holiday! Everyone is different when it comes to holidays. Some of us look forward to a week on the beach, and other prefer visiting big cities. Are you going anywhere?
O chionn naochad 's a còig bliadhna air ais, rugadh Anne Frank air a' mhìos seo! | Ninety-five years ago, Anne Frank was born on this month!
Spòrs, gu leòr dheth! | Sports, plenty of it! From football to tennis to basketball, there’s something for everyone!
To see some vocabulary that will be handy for you in the month ahead, go to LearnGaelic.scot > Ionnsaich > Beginners’ Course and select Ag innse càit an deach thu.
What are you most looking forward to about June? Let us know by email or on our social media!
That’s it for another week. From your friends at LearnGaelic, bye for now. 


An t-Ògmhios | June

Hi a charaid,

Dè tha dol? Tha sinne aig sgioba LearnGaelic dìreach air bhioran airson làithean-saora is làithean a-muigh sa ghrèin. Ach, tha fios againn gu bheil e uaireannan doirbh cuimhneachadh air an stuth a dh’fheumas tu a thoirt leat. Tha seo gu h-àraidh fìor ann an Alba far nach eil sinn cleachdte ri sìde ghrianach! Mar sin, tha sinn air liosta de rudan riatanach a chur air dòigh gus do chuideachadh:

Uachdar-grèine - Sun cream: An rud as cudromaiche an toiseach! Tha do chraiceann prìseil, coimhead às a dhèidh!

Deise-shnàimh – Swimsuit: Feuch nach dìochuimhnich thu seo, chan eil e idir cofhurtail a bhith a’ snàmh ann an lèine-t! 

Speuclairean-grèine – Sunglasses: Uabhasach fhèin feumail nuair a tha thu a’ dràibheadh gus dol fodha na grèine fhaicinn!

Ad – Hat: Bidh do cheann is d’ fhalt taingeil air a son! Cuideachd, cuiridh ad shnasail crìoch air ‘fit’ sam bith! 

Briogais-ghoirid - Shorts: Ma tha thu dèidheil air sreap bheanntan, chan fhaigh thu fada gun bhriogais-ghoirid air latha teth!

Searbhadair - Towel: Searbhadairean striopach, searbhadairean flùrach... tha taghadh gu leòr agad! 

Botal uisge - Water bottle: Chan urrainn cus uisge a bhith agad san teas! 
Plaide cuirm-cnuic - Picnic blanket: Cha bhiodh feasgar samhraidh sa phàirc an aon rud às aonais tè! 

Gus èisteachd ris a’ bhriathrachas seo is gu leòr eile, thèid gu LearnGaelic.scot > Reifreans > Fichead Facal agus tagh An Samhradh. 
A bheil sinn air dad a dhìochuimhneachadh? Leig fios thugainn le post-d no air na meadhanan sòisealta againn!
Sin e airson seachdain eile. Bho do charaidean aig LearnGaelic, mar sin leat.

Beurla 
Hi there pal,
How’s it going? The LearnGaelic team is so excited for holidays and days out in the sun. But, we know that it’s sometimes hard to remember all the stuff that you need to take with you. This is especially true in Scotland, where we’re not used to sunny weather! So, we’ve made a list of essential things to help you:

Uachdar-grèine - Sun cream: The most important thing first! Your skin is precious, look after it!

Deise-shnàimh – Swimsuit: Make sure you don’t forget this, it really isn’t comfy swimming in a t-shirt! 

Speuclairean-grèine – Sunglasses: Very handy when you’re driving to see the sunset!

Ad – Hat: Your head and hair will be thankful for it! Also, a snazzy hat will complete any ‘fit’!

Briogais-ghoirid - Shorts: If you’re keen on hill walking, you won’t get far without shorts on a sunny day!

Searbhadair - Towel: Stripey towels, flowery towels... you’ve got plenty of choice!

Botal uisge - Water bottle: You can’t have too much water in the heat!
Plaide cuirm-cnuic - Picnic blanket: A summer evening in the park wouldn’t be the same without one!

To listen to this vocabulary and plenty more, go to LearnGaelic.scot > Reference > Twenty Words and choose The Summer. 

Have we forgotten anything? Let us know by email or on our social media! 

That’s it for another week. From your friends at LearnGaelic, bye for now! 


Rudan riatanach an t-samhraidh | Summer essentials

Hi a charaid,

Dè tha dol? Tha cuid den sgioba air a bhith air làithean-saora bho chionn greis, agus abair gu bheil na làithean grianach air còrdadh rinn. Làithean làn de spòrs, caraidean... is biadh! Pasta san Eadailt is pain au chocolat san Fhraing, tha sinn air a bhith air ar milleadh! Bha sinn a’ smaoineachadh rinn fhèin, dè am biadh a tha a’ samhlachadh ‘samhradh’ rinn? Tha taghadh gu leòr ann, ach ’s e sùbhan-làir a thàinig gu h-inntinn. Tha iad milis, aotram is blasta! ’S dòcha gu bheil ‘Wimbledon Brain’ oirnne fhathast, ach tha sinn den bheachd gur e samhradh neònach a bhiodh ann às aonais am meas beag, dearg seo! 

Bha sinn den bheachd gum biodh e snog smaoineachadh air na mìlseanan eadar-dhealaichte as urrainn dhut a dhèanamh le sùbhan-làir, dìreach gus cùisean a chumail inntinneach. Seo na beachdan a bh’ againne: 

Sùbhan-làir le seòclaid - Teasaich an seòclaid, agus bidh mìlsean gu math blasta (agus luath) agad!

Reòiteag sùbh-làir – Reòiteag le measan... tha e math is math dhut! 

Cèic-càise sùbh-làir – Chan eil càil nas fheàrr na cèic-càise an dèidh ròst! 

Mìlsean-measgaichte sùbh-làir – A bheil deagh reasabaidh agad fhèin airson mìlsean-measgaichte? Tha sinne airson fheuchainn! 

Paidh sùbh-làir – Tha fios againn gu bheil ar caraidean sna Stàitean Aonaichte uabhasach fhèin dèidheil air paidhean! 

Sùbhan-làir le uachdar – Simplidh, ach chan urrainn dhut a dhol ceàrr! 

Pigheann sùbh-làir – Ma tha comhairle agad airson mar a nì sinn deagh phastraidh, leig fios! 

Gus sùil a thoirt air na faclan a th’ againn airson measan sa Ghàidhlig, thèid gu LearnGaelic.scot > Reifreans > Fichead Facal agus tagh Measan.

A bheil thu fhèin air gin de na mìlseanan seo fheuchainn an samhradh seo? ’S dòcha gu bheil thu air a bhith a’ fuine, no dìreach ag ithe! Ma tha dealbhan sam bith agad, feuch gun cur thu thugainn iad le post-d no air na meadhanan sòisealta againn! 

Sin e airson seachdain eile. Bho do charaidean aig LearnGaelic, tìoraidh an-dràsta! 

Beurla
Hiya pal,
How’s it going? Some of our team members have been on holiday lately, and we’ve certainly enjoyed the sunny days. Days full of fun, friends... and food! Pasta in Italy and pain au chocolat in France, we’ve been spoilt! We were thinking to ourselves, what food symbolises ‘summer’ to us? There’s plenty of choice, but it was strawberries that came to mind. They’re sweet, light and tasty! Maybe we’ve still got Wimbledon Brain, but we think it’d be a strange summer without this little red fruit!
We thought it’d be nice to think of the different desserts we can make with strawberries, just to mix things up. Here are our ideas:
Chocolates with strawberries: Heat up the chocolate, and you’ll have a very tasty (an quick) dessert!
Strawberry ice cream: Ice cream with fruit... it’s good and good for you! 
Strawberry cheesecake – There’s nothing better than a cheesecake after a roast!
Strawberry trifle: Do you have a good trifle recipe? We want to see it!
Strawberry pie – We know that our friends in the United States are very fond of pies!
Strawberries with cream – Simple, but you can’t go wrong!
Strawberry tart: If you have any advice on how to make a good pastry, let us know!
To have a look at the words that we have for fruit in Gaelic, go to LearnGaelic.scot > Reference > Twenty Words and choose Fruit. 
Have you tried any of these desserts this summer? Maybe you’ve been baking, or just eating? If you have any photos, make sure you send them to us by email or on our social media! 
That’s it for another week. From your friends at LearnGaelic, bye for now!


Mìlseanan Sùbh-làir

Haidh a charaid,
 
Dè tha dol? A bheil thu aig an taigh, no air falbh? ’S dòcha gu bheil thu nad laighe air tràigh san Spàinn, no ag ullachadh airson àine-chaoire aig an taigh. Abair àm spòrsail den bhliadhna a th’ ann! Bha tòrr spòrs aig cuid de Sgioba SpeakGaelic an t-seachdain sa chaidh… am faca tu aig Belladrum iad? Mur eil thu eòlach air Belladrum, ’s e fèis a th’ ann a tha a’ tachairt sa Ghàidhealtachd gach samhradh. Ceòl air leth agus seallaidhean eireachdail... chan iarradh tu an còrr!  
 
Chòrd e ris an sgioba gu mòr a bhith a’ cabadaich còmhla ris an t-uabhas de dhaoine thairis air an fhèis! Chan eil mòran nas fheàrr na bhith a’ coinneachadh ri caraidean ùra agus a’ cabadaich anns a’ chànan as bòidhche san t-saoghal… a Ghàidhlig! Gun teagamh sam bith, chan eil dòigh nas fheàrr ann cànan a dh’ionnsachadh is a ghlèidheadh - cleachd i no caill i, mar a chanas iad! 
 
A bheil thu fhèin a’ lorg barrachd chothroman airson cabadaich sa Ghàidhlig? Tha beagan fiosrachaidh againn mu chlasaichean Gàidhlig ùra! Bidh clas ùr a’ tòiseachadh ann an Dùn Dè air a’ mhìos seo, agus tha clas ùr cuideachd a’ tòiseachadh ann an Àth Tharracail an-ath-mhìos. A bharrachd air an sin, chuala sinn gu bheil cearcall còmhraidh sgoinneil a’ tachairt gach seachdain ann an Dùn Bheagain... carson nach tèid thu ann airson srùbag ma tha thu a’ fuireach air an Eilean Sgitheanach no ann air làithean-saora? 

Ma tha barrachd fios a dhith ort, thèid gu LearnGaelic.scot > Ciamar & Carson is tagh Lorg Cùrsa. 

A bheil thu fhèin a’ ruith chlasaichean Gàidhlig? Feuch gun cuir thu fios thugainn, bhiodh e feumail dha-rìribh!

Saoil dè na rudan as toil leat fhèin a bhith a’ cabadaich mu dheidhinn sa Ghàidhlig? Leig fios thugainn le post-d no air na meadhanan sòisealta againne! 

Sin e airson seachdain eile. Bho do charaidean aig Sgioba LearnGaelic, mar sin leat! 

Beurla

Hi there pal,

How’s it going? Are you at home, or away? Maybe you’re lying on a beach in Spain, or preparing for a BBQ at home. What a fun time of year it is! Some of the SpeakGaelic team had fun last week... did you see them at Belladrum? If you’re unfamiliar with Belladrum, it’s a festival that takes place in the Highlands each year. Outstanding music and spectacular views... you couldn’t ask for more! 

The team really enjoyed chatting with lots of people over the weekend! There aren’t many better things than meeting new friends and chatting in the most beautiful language in the world... Gaelic! Without a doubt, there isn’t a better way to learn and preserve a language – use it or lose it, as they say! 

Are you looking for more opportunities to chat in Gaelic? We have some information about new Gaelic classes! A new class will start in Dundee this month, and a new class will begin in Acharacle next month. In addition to that, we heard that a great conversation circle takes place weekly in Dunvegan... why not head along for a ‘srùbag’ if you live on the Isle of Skye or are there on holiday?

If you need more information, go to LearnGaelic.scot > How & Why and choose Course Finder. 

Do you run Gaelic classes? Make sure you let us know, it’d be very handy! 

What do you like to chat about in Gaelic? Let us know by email or on our social media! 

That’s it for another week. From your friends at LearnGaelic, bye for now! 


Cabadaich sa Ghàidhlig | Chatting in Gaelic

Dè tha dol? Sin na sgoiltean air ais ann an Alba a-nis. Tha a’ chlann air a bhith a’ cabadaich mu na làithean-saora aca, is tha bliadhna eile de dh’ionnsachadh a-nis air thoiseach orra. ’S aon rud cinnteach, chan eil sinn a’ stad a bhith ag ionnsachadh – fiù ’s ged a tha bliadhnaichean mòra air a dhol seachad bho na làithean sgoile againne! ’S dòcha gu bheil thu fhèin san oilthigh an-dràsta, no gu bheil feum agad smaoineachadh air na dh’fheumas do chlann fhèin. Seo dhut dìreach cuid de na rudan a bhiodh feumail dhut cuimhneachadh air:

poca-droma - backpack: Bidh feum agad air poca-droma gun teagamh sam bith… chan urrainn dhut a h-uile càil a thoirt leat san dà làimh agad!

botal-uisge - water bottle: Cha bhi an Lùnastal seachad airson greiseag fhathast, agus tha botal-uisge deatamach airson nan  làithean teth! 

bogsa-bìdh - lunchbox: Dè na rudan a bhios tu fhèin a’ cur dhan bhogsa-bhìdh agad? 

rùilear - ruler: Uabhasach fhèin feumail nuair a dh’fheumas tu loidhnichean a bharrachd airson na sgeulachd agad!

peansail - pencil: ’S dòcha gur e deagh bheachd a th’ ann fear no dhà a cheannach, bidh iad an-còmhnaidh a’ dol air chall! 

peann - pen: Nuair a bhios tu a’ sgrìobhadh sìos rudan cudromach, tha e nas fheàrr peann a chleachdadh. 

suathan - rubber: Bidh sinn uile a’ dèanamh mhearachdan, ach ceartaichidh suathan cùisean sa bhad. 

àireamhair - calculator: Tha matamataig doirbh gu leòr uaireannan… chan eil thu airson a bhith às aonais àireamhair, idir!

geuraiche - sharpener: Chan eil mòran nas miosa na bhith a’ sgrìobhadh le peansail nach eil geur!

leabhar-nòtaichean - notebook: Dè an dath a tha an leabhar-nòtaichean agad fhèin?
Fhad ’s a tha sinn a’ bruidhinn air ionnsachadh... ’s urrainn dhut Gàidhlig ionnsachadh uair sam bith! ’S e ‘LearnGaelic’ an t-ainm a th’ oirnne  co-dhiù! Gus faighinn a-mach carson a tha còir agad Gàidhlig ionnsachadh, thèid gu LearnGaelic.scot > Ciamar & Carson is tagh Adhbharan ionnsachaidh.
Dè na rudan a tha sinn air dìochuimhneachadh? Leig fios thugainn le post-d no air na meadhanan sòisealta againn! 
Sin e airson seachdain eile. Bho do charaidean aig LearnGaelic, mar sin leat! 

Beurla
Hi pal,

What’s doing? That’s the schools back in Scotland now. The kids have been chatting about their holidays, and another year of learning is ahead of them. One thing’s for sure; we never stop learning – even if years have gone by since our school days! You might be in university just now, or you need to think about what your own children need. Here are just some of the things that would be helpful to remember:
poca-droma - backpack: Bidh feum agad air poca-droma gun teagamh sam bith… chan urrainn dhut a h-uile càil a thoirt leat san dà làmh agad! | You’ll need a backpack without a doubt... you can’t carry everything in your two hands!

botal-uisge - water bottle: August won’t be over for a wee while yet, and a water bottle is essential for the hot days! 

bogsa-bìdh - lunchbox: What do you put into your packed lunch?

rùilear - ruler: Very handy when you need more lines for your stories!

peansail - pencil: It might be a good idea to buy one or two, they always go missing!

peann - pen: When you’re writing down something important, it’s better to use a pen.

suathan - rubber: We all make mistakes, but a rubber will correct things instantly. 

àireamhair - calculator: Maths is hard enough sometimes... you don’t want to be without a calculator!

geuraiche - sharpener: There’s nothing worse than writing with a blunt pencil!

leabhar-nòtaichean - notebook: What colour is your own notebook?
Whilst we’re on the subject of learning... you can learn Gaelic any time! LearnGaelic is our name after all! To find out why you should learn Gaelic, go to LearnGaelic.scot > How & Why and choose Reasons to Learn.
What have we missed out? Let us know by email or on social media!
That’s it for another week. From your friends at LearnGaelic, bye for now!


Air ais dhan sgoil | Back to school

LearnGaelic is your constant companion on your learning journey. Visit LearnGaelic.scot for online courses, an online dictionary, course finder, and more. These files provide audio support to the weekly newsletter.

LearnGaelic

Popular tracks