[English follows Gaelic]

Feasgar math,

Cuimhnich gu bheil faidhle-fuaime na cuairt-litreach seo air Soundcloud, dh’fhaodadh tu èisteachd rithe aig an aon àm. Ma leughas tu a’ chuairt-litir seo air do choimpiutair gheibh thu teacsa Beurla ann an colbh ri taobh an teacsa Gàidhlig. Bidh an dà rud seo cuideachail airson do sgilean Gàidhlig a leasachadh.

Ciamar a tha cùisean agad an t-seachdain sa? A bheil thu air a bhith trang? Innis dhuinn na rinn thu. Bha sinn a-muigh airson biadh agus nach e a bha neònach a bhith ann an taigh-bìdh còmhla ri daoine a-rithist!

An t-seachdain sa, bha taghadh ann an Alba. An deach thu airson bhòt a chur a-steach? Ma tha thu ag iarraidh bruidhinn air, tha liosta againn ann am Fichead Facal le faclan a bhios feumail airson bruidhinn air an taghadh. 

Am faca tu an Q&A a bh’ againn air Instagram an t-seachdain sa? Bidh sinn ga dhèanamh gach trì no ceithir seachdainean agus faodaidh tu ceist sam bith ceangailte ri Gàidhlig a chur oirnn. Ma tha thu air Instagram, cuir ceist thugainn an ath-thuras! 

Fhuair sinn ceist chumanta Dimàirt air cuin a bhios tu a’ cleachdadh ‘an’, ‘am’, agus ‘a’’ airson an alt cinnteach (the). A bheil fhios agadsa cuin a chleachdas tu iad? Tha earrann againn air an làraich-lìn ann an Little by Little a mhìnicheas seo agus tha e a’ toirt dhut eisimpleirean airson gach fear. Carson nach feuch thu seantans a’ cleachdadh ‘a’’, ‘an’ agus ‘am’?

Sin agad e, a charaid. Bho do charaidean aig LearnGaelic. 

[English]

Good evening,
 
Remember there is an audio file for this newsletter on Soundcloud, you could listen to it at the same time. If you read this on your computer, you’ll get the English text in a column beside the Gaelic text. These two things will be helpful to develop your Gaelic skills.

How are things with you this week? Have you been busy? Tell us what you did. We were out for food and wasn’t it strange to be in a restaurant with people again!

This week, there was an election in Scotland. Did you go to put a vote in? If you want to talk about it, we have a list in Twenty Words with words that are useful for talking about the election. 

Did you see the Q&A we had on Instagram this week? We do it every three or four weeks and you can ask us any question related to Gaelic. If you’re on Instagram, send us a question next time! 

We got a common question on Tuesday on when you use ‘an’, ‘am’, and ‘a’’ for the definite article (the). Do you know when you use them? We have a section on the website in Little by Little that explains this and it gives you examples for each one. Why don’t you try a sentence using 'a’', 'an' and 'am'?

That’s all for now, pal. From your pals at LearnGaelic.

Cuairt-litir LearnGaelic: An Taghadh | LearnGaelic Newsletter: The Election

Full bilingual translation available at https://mailchi.mp/learngaelic/soraidh-slan


Halò a charaid,
Cuimhnich gum faigh thu faidhle-fuaime na cuairt-litreach seo air Soundcloud. Nach èist thu rithe fhad ’s a tha thu a’ leughadh? Cuideachd, ma leughas tu a’ chuairt-litir seo air a’ choimpiutair agad, gheibh thu teacsa Beurla ann an colbh ri taobh na Gàidhlig - dh’fhaodadh seo a bhith cuideachail dhut.
’S fhada on uair sin. Mar as trice, ‘s e Muireann a bhios a’ clàradh na cuairt-litreach, ach an turas seo, ’s e mi fhìn, Eilidh, a tha ga clàradh – na gabh dragh, bidh Muireann air ais còmhla riut an-ath-sheachdain. Am faca tu na puist sòisealta ùra a chaidh a-mach air na cunntasan sòisealta againn? An t-seachdain sa chaidh, chaidh fear a sgaoileadh bhon Litir Bheag ochd ceud naochad ’s a trì mun abairt Soraidh Slàn? Uill, an dèidh dà bhliadhna deug ag obair air LearnGaelic, feumaidh mise soraidh slàn a ràdh ris a h-uile duine. Bha an t-saoghal didseatach gu tur diofraichte agus cha robh fiù ’s ùrlaran sòisealta againn – a-nise, tha sinn air Facebook, Twitter agus Instagram. 
Ged a bha an sgioba an-còmhnaidh gu math beag, tha mi smaointinn gun d’ fhuair sinn cothroman tòrr rudan matha a dhèanamh còmhla ri sgiobaidhean agus buidhnean diofraichte. Aig an uair a bha sin, cha robh co-fhaclair ann, no faclair Gàidhlig le faidhlichean-fuaime. Chuir sinn Speaking our Language air-loidhne agus bha sinn ag obair le diofar bhuidhnean leithid Clì gus fiosrachadh a sgaoileadh. Thairis air na bliadhnaichean, tha sinn air diofar seòrsa rudan a dhèanamh. Chuir sinn goireasan bhon a’ BhBC air an làraich, leithid Little by Little, Litir do Luchd-ionnsachaidh agus an Litir Bheag nuair a dh’atharraich am BBC an dòigh far an robh iad ag obair air-loidhne. Tha sinn air nithean diofraichte a chur ris an làraich gach bliadhna agus iomairtean eile air feadh an àite: air-loidhne agus air an stairsnich.
Thoisich a’ chuairt-litir seo ann an dà mhìle 's a còig-deug. Thòisich mi fhìn seo oir bha mi fo iomagain mu sheann daoine nach robh measail air na meadhanan sòisealta: tha fios againn gu bheil mìltean ga leughadh agus ga freagairt gach seachdain. Tha mi làn earbsa san sgioba a tha air cùl a’ bhrannd seo agus SpeakGaelic a-nise – tha mi cho, cho moiteil asta uile. Ma tha beachd agad mu dad sam bith, dìreach cuir fios thuca. Thàinig na leasachaidhean as fheàrr a tha againn bho na luchd-cleachdaidh againne – fiù ’s am faidhle-fuaime a tha a’ dol leis a’ chuairt-litir seo.
Bha e na onair a bhith ag obair còmhla riut, a leughadair chòir.
Bho do charaidean aig LearnGaelic agus bhuamsa, Eilidh,
Mar sin leat.

Cuairt-litir na seachdain - Soraidh slàn | LG Newsletter: Goodbye

LearnGaelic is your constant companion on your learning journey. Visit LearnGaelic.scot for online courses, an online dictionary, course finder, and more. These files provide audio support to the weekly newsletter.

Cuairt-litir na seachdain - Soraidh slàn | LG Newsletter: Goodbye

LearnGaelic

Related tracks