Сонца вясной грэе не надта,
Cнег за вакном ці гэта вата?
Халодны вецер вырваў птушку з гнязда
І кінуў у неба - такая вясна.

Сістэма што ёсць моцы цісне на стабілізатар,
Як ты не хавайся ва ўнутраны Ўлан-Батар.
Allzumenschliches коціцца ў яму
І Сізіф унутры не вывозіць ні граму,

Але восенню, летам, зімой і вясной
Галоўнае захоўваць пазітыўны настрой

Жыццё як гопнік ў падваротні з трубой?
Насі з сабой манціроўку й пазітыўны настрой   
У клазетах, і ў галавах дамастрой?
Прафесар, захоўвайце пазітыўны настрой
Вечарамі віно разбаўляеш слязой?
Пі тэкілу й захоўвай пазітыўны настрой
Какакаску насі, пад стралою не стой
І захоўвай-захоўвай-захоўвай настрой

Вось бы нам сеанс машстабнай псіхатэрапіі,
Каб туды маглі патрапіць са сталіцы і з перыферыі,
На гіганцкую кушэтку каб мільёны тры залезла
І гіганцкі доктар у белым побач сеў у сваё крэсла:
Кажаце, кукуха часам едзе ад падзеяў?
Кажаце, не трэба болей вам такіх хакеяў?
Фізічна і маральна кажаце вам цяжка?
Вы ж ведаеце што у любой хваробе важна?

Цікава, ці мыла бы мама раму
Без галаперадолу і дыязепаму?

Усяго на тры дні закупіўся мукой?
Тры бульбу й захоўвай пазітыўны настрой			
Плывеш па капусту з ваўком і казой?
Грабі і захоўвай пазітыўны настрой
Прачнуўся ў труне пад магільнай плітой
Капай і захоўвай пазітыўны настрой
Закрылі кіёск з шаурмой ля вакзала?
Захоўвай настрой і еш хатняе сала.

Пазітыўны настрой

Я грамадзянін Рэспублікі бедаў
  Я грамадзянін Рэспублікі слёзаў 
  Мой пашпарт хіба што як корку ад хлеба,
  Любіць ці ў дзяцінстве, ці ў старасці можна
  
  Я грамадзянін Рэспублікі болю
  Дзе звыклі цярпець усе наезды і кпіны,
  Мае гарады пазасыпалі соллю
  Я ураджэнец транзітнай краіны

Колькі ліць у кактёйль бензін, як пры стральбе не збіць дыханне
Больш за тыдзень мне даносіць мая стужка ў інстаграме
Колькі бежанцаў з усходу запусцілі малдаване
Калі доўгая сірэна - лепш ляжаць хавацца ў ванне

І пакуль былы мой сябра шчокі дзьме і дроча ў Сочы
іншы эмігрант з Данецку ў Кіеве не спіць у ночы.
За ўсіх тых хто у метро спіць на голым чамадане
Прачытаю перад сном памяркоўнае літанне

Хто на Кіеў у бэтээры едзе ў ночы
Хай вернецца ў Растоў, але не вернуцца вочы.
Хай хлопец зауральскі абдыме дома мамку
А ногі хай пакіне пад Сумамі ў танку

Хай збіты пад Харькавам ў верталёце
Калі зможа, то напіша: абгарэў на рабоце
Хай чорнае мора пяскамі пазасыпе
Астраханскага духа ў самым поўным экіпе

  Я грамадзянін Рэспублікі бедаў
  Я грамадзянін Рэспублікі злосці 
  Як быццам бы стронцый з чарнобыльскіх вежаў
  Нянавісць асела глыбока ў косці
  І покуль там смерць пагражае з нябёсаў
  Хай топчуць мой пашпарт у брудзе і гноі
  З двайным грамадзянствам краіны начосаў
  І     незалежнай рэспублікі мроі

Грамадзянін Рэспублікі Б - Памяркоўнае літанне

Башлыкевіч (Leibonik) - Дзядзька (на пахаванне Рыгора Барадуліна)

Hramadzianin

Biełarusami

Genatsvale

Satyāgraha - feat Recha

Cicha nič

Naviny

Slimak

Hastroli

Emigrant Song

Oj zakuj

Башлыкевіч — Fanø

Video for this song: https://www.youtube.com/watch?v=VjQBPO159DI

Башлыкевіч - Брагін (Teo/Madcon/Four Seasons cover)

Leibonik - Дзікае Паляванне Караля Стаха [2014, Mp3]

Патрыётам.


Перацёрся на кабыле падсядзёлак, 
У дарозе тыдзень, за золкам золак,
Ты крыжак ня смейся, што на зброю не багаты -
Дзеці мае сытыя, хоць і не магнаты
Па засценках шляхтай рос і гадаваўся,
Хоць не селянін, ды работы не цураўся
Рыцар, ты ня смейся з маiх заплатаў -
Гэта жонка мая шыла ў змроку курнай хаты.

Ох трымай, кабылка мая, трымай -
Наважаю ў канюшыну, не ў малачай...
Ох не дрыжы ты, маё кап’ё -
Стала ты радней мне, чым касіўё...
І няхай са сцягами ляціць увыш
Крыж Ягелонаў, Ярылы крыж!

Мне шукаць бы дома шчасця, а не смерць у полі,
Пеставаць бы дочак станам тонкіх як таполі,
З сынам стог складаць, каб корм не змок пад перунамі,
Ды і у цябе, напэўна, дома немка з немчукамі.
А хочаш, рыцар, яблык? У мяне іх цэлы кош - 
Сын натрос у садзе, там дзе ходзяць басанож,
Дзе ж ты такі смак яшчэ адчуеш?
Навошта ж ты меня і сябе са мной губіш?

Ох трымай, кабылка мая, трымай -
Наважаю ў канюшыну, не ў малачай...
Ох не дрыжы ты, маё кап’ё -
Стала ты радней мне, чым касіўё...
Няхай са сцягами ляціць увыш
Крыж Ягелонаў, Ярылы крыж!

Ну, крыжак, трымайся! Не забыўся памаліцца?
Хопіць заляцацца як дзявочая спадніца!
Я адзін і ты адзін, не дапаможа зграя,
Хай смяротнай песняй нас жалеза ўкалыхае!
Сутыкнулісь коннікі, заспявала зброя...
Рыцар, ты прабач, але ж не быць табе героем.
Смерць твая і мне таксама не прайшла дарма - 
Ліецца за каўнер струмень чырвонага цяпла...

Ох трымай, кабылка мая, трымай -
Наважаю ў канюшыну, не ў малачай...
Ох не дрыжы ты, маё кап’ё -
Стала ты радней мне, чым касіўё...
Няхай са сцягами ляціць увыш
Крыж Ягелонаў, Ярылы крыж!

Jaryły Kryž

Да гэтай пары ляжыць у кішэні
Гузік, сарваны з кашулі ў слэме.
...
Дзякуй дарагому "Графіці" за шматлікія гарачыя канцэрты і любай "Арт-Сядзіба" за нагоду звярнуцца да гэтай песні.
...
#новаедыханне #сашатут

Гузік (Neuro Dubel)

Песня-пляска: Leibonik
Запіс бубнаў: Паша Яноўскі
Mix/master: Паша Сініла
Вокладка: Віталь Рыжкоў

Leibonik

Popular tracks