DIE LEWE TUSSEN TWEE TUINE

•	Lewe tussen Eden en hemel – ‘n frustrasie, ‘n stryd, ‘n soeke – ‘n verlange na die beeld en gelykenis van Christus.
•	Sonde veroorsaak hierdie frustrasie.

ONS HET ‘N VYAND – DIE DUIWEL

Genesis 3:14 (DB) Die Here God sê toe vir die slang: “Omdat jy dit gedoen het, is jy vervloek. Van al die wilde diere, ja, van almal in die dierewêreld sal dit met jou die heel slegste gaan. Op jou maag sal jy seil en stof sal jy eet jou hele lewe lank.”


DRIE KEUSES VAN STOF

•	Glas
•	Yster
•	Grond

JOU STOF KAN GEBRUIK WORD

2 Korintiërs 4:5-7 (NLV) Ons verkondig nie onsself nie, maar Jesus Christus as die Here, en onsself as julle diensknegte ter wille van Jesus. God het gesê: “Laat daar lig skyn uit die duisternis.” So het Hy ook in ons harte ’n lig laat skyn om ons te verlig met die kennis van die heerlikheid van God wat uit die gesig van Jesus Christus straal. Ons het hierdie skat egter maar net in breekbare kleipotte – die allesoortreffende krag kom van God en nie van ons nie.


GEE JOU STOF VIR DIE DRIE TUINE IN DIE MIDDEL

Trane, sweet, bloed, Heilige Gees, opstandingskrag 

2 Korintiërs 5:16-19a (NLV) Van nou af beoordeel ons niemand meer volgens ’n menslike maatstaf nie. Al het ons Christus ook vroeër volgens ’n menslike maatstaf beoordeel, oordeel ons nou heeltemal anders oor Hom. Daarom – iemand wat aan Christus verbind is, is ’n nuwe skepping. Die ou dinge is verby, kyk, die nuwe is hier! Hierdie hele nuwe werklikheid kom van God af, wat ons deur Christus met Homself versoen en aan ons die bediening van die versoening gegee het. Die boodskap van versoening bestaan daarin dat God deur Christus die wêreld met Homself versoen het en nie die mense se oortredings teen hulle hou nie.

Sondagoggend Erediens - 26 Januarie 2020

Ons is geskape vir ononderbroke gemeenskap met God en mekaar.
Sonde breek gemeenskap.
Babel: tipe van verkeerde fondasie-eenheid.
Selfs verwarring was genade.

GOD BRING DEUR CHRISTUS NUWE LEWE EN NUWE NATUUR

Markus 12:30-31 (NAV) “’Jy moet die Here jou God liefhê met jou hele hart en met jou hele siel en met jou hele verstand en met al jou krag.’  Die tweede is: ‘Jy moet jou naaste liefhê soos jouself.’ Geen ander gebod is groter as dié twee nie.”

Handelinge Kerk 
•	Prys van redding astronomies 
•	Kerk (community) word hulle familie
•	Middelpunt van hulle bestaan 

Individu
•	Voor 19de eeu - geen woord vir individu nie. 
•	Na die Tweede Wêreldoorlog word die individu gedryf. Humanisme vra: "Wat kan ek hieruit kry?"

21ste Eeu
•	Selfone - media, tegnologie: vernietig verhoudings
•	Statisties is mense alleen
•	Ironie - ons individualisme maak ons leeg
•	Kompeteer vs. komplimenteer

God se antwoord is fellowship en community. As kerk word ons na Hom getrek en nader aan mekaar in een liggaam.

1 Korintiërs 12:12 

JESUS SE UITDAGING AAN ONS: HEELTYD NEERLÊ VAN DIE SELF

•	Kruis opneem en My volg
•	Verkoop alles wat jy het en volg My
•	Lewe verloor sal dit wen en dié wat die lewe vashou sal dit verloor

ALLES DRAAI OM CHRISTUS/LIGGAAM/KERK

•	Verkeerde fokus raak afgodery

GOD SE PLAN IS ONONDERBROKE GEMEENSKAP MET HOM EN SY LIGGAAM

Sondagoggend diens 2 Februarie 2020

EGTE LIEFDE IS:

1 Johannes 4:9-10 (NAV) Hiérin is God se liefde vir ons geopenbaar: sy enigste Seun het Hy na die wêreld toe gestuur sodat ons deur Hom die lewe kan hê. Werklike liefde is dít: nie die liefde wat ons vir God het nie, maar die liefde wat Hy aan ons bewys het deur sy Seun te stuur as versoening vir ons sondes. 

God se liefde het ’n naam: Christus. Liefde kos Hom ’n kruis. Sy liefde is sigbaar. Dit is opofferend. Dit is onvoorwaardelik. Dit is nuwe dade. Dit is nuwe verhoudings. Dit is gee en ontvang. Dit is lojaliteit van begin tot einde.

PRAAT EN DOEN DIE (VYF) TALE VAN DIE LIEFDE IN DIE HERE SE DIENS

Paulus praat al die tale van die liefde - vanaf woorde, tot dade van omgee, tot by kontak met mense, tot om ’n lewende geskenk te wees, tot prima tyd uitkoop saam met gelowiges.

* 	Leer die regte woorde van die liefde aan deur reg te dink en reg te praat: 

Filippense 4:8-9 (NAV) Verder, broers, alles wat waar is, alles wat edel is, alles wat reg is, alles wat rein is, alles wat mooi is, alles wat prysenswaardig is – watter deug of lofwaardige saak daar ook mag wees – daarop moet julle julle gedagtes rig. En wat julle van my geleer en ontvang het, en gehoor en gesien het, dit moet julle doen. En God wat vrede gee, sal by julle wees.

Praat met respek. Praat opbouend. Praat lofwaardig. Gee erkenning. Praat mooi. 

* 	Dien ander: 

Handelinge 20:31-35 (NAV) Wees waaksaam. Onthou dat ek elkeen van julle drie jaar lank onderrig het, aanhoudend, dag en nag, baie keer met trane. Maar nou vertrou ek julle aan God toe en aan die woord van sy genade. Die woord is magtig om julle op te bou en julle in die seëninge te laat deel wat Hy aan al die gelowiges as erfdeel belowe het. “Ek het niemand se geld of klere begeer nie. Julle weet self dat ek vir myself en vir die mense wat saam met my was, gesorg het deur met hierdie twee hande van my te  werk. Deur my voorbeeld het ek in elke opsig vir julle gewys dat ons hard moet werk sodat ons die armes kan help. Onthou die woorde van die Here Jesus. Hy het self gesê: Om te gee, maak 'n mens gelukkiger as om te ontvang.”

Wys vir ander hoe om Jesus te volg deur jou eie dienende voorbeeld. Werk hard sodat armes kan eet. Maak Jesus se woorde jou lewensleuse: “Dit is beter om te gee as om te ontvang.” 

* 	Maak fisiese kontak met ander: 

Handelinge 20:36-38 (NAV) Nadat Paulus dit gesê het, het hy saam met hulle almal gekniel en gebid. Almal het baie gehuil en hom omhels en gesoen. Hulle was veral hartseer omdat hy gesê het dat hulle hom nie weer sou sien nie. 

Gesonde fisiese kontak is die pad van die liefde. Bid saam. Kniel saam. Omhels. Huil saam. Lag saam. Leef saam.

* 	Ontvang en behandel mense soos geskenke van die Here: 

Efesiërs 4:11-14 (NAV) En dít is die “gawes” wat Hy “gegee het”: apostels, profete, evangeliste, en herders en leraars. Sy doel daarmee was om die gelowiges toe te rus vir hulle diens en vir die opbou van die liggaam van Christus. So sal ons uiteindelik almal kom tot die werklike eenheid in ons geloof en in ons kennis van die Seun van God. Dan sal ons, sy kerk, soos 'n volgroeide mens wees, so volmaak en volwasse soos Christus. Dan sal ons nie meer kinders wees nie; ons sal nie meer soos golwe op en af en heen en weer geslinger word deur elke wind van dwaalleer as vals leraars ons met hulle slinksheid en listigheid op dwaalweë wil wegvoer nie. 

Ons is lewende geskenke van die Here aan mekaar. Ons is aan mekaar gegee om mekaar op te bou, te dien, te help en by te staan. 

* 	Maak prima tyd vir mekaar as deel van jou liefdestaal: 

Efesiërs 5:16 (NAV) Maak die beste gebruik van elke geleentheid, want ons lewe in 'n goddelose tyd.

Sondagoggend Erediens - 9 Februarie 2020 Converted

DIE LEWE TUSSEN EGIPTE EN DIE BELOOFDE LAND
1 Korintiërs 10:1-13 (DB) Liewe vriende, kyk weer na wat in ons geskiedenis gebeur het en leer daaruit. Toe ons voorouers deur die woestyn getrek het, was hulle heeltyd onder ’n wolk. Hulle het ook deur die water van die see gegaan. Hulle het dus gedurig water om hulle gehad. ’n Mens sou dus kon sê dat hulle as Moses se volgelinge gedoop is deur die water van die wolk en die see. Net so het hulle almal van die kos geëet wat God spesiaal vir hulle gegee het en van die water gedrink wat God vir hulle uit die rots laat kom het. Eintlik sou ’n mens kon sê dat hulle ’n geestelike rots gehad het wat saam met hulle gegaan het en dat Christus die rots is. Al is hulle “gedoop” en al het hulle die geestelike kos geëet, was God nie tevrede met die manier waarop die meeste van hulle geleef het nie. Daarom is hulle in die woestyn dood sonder om in die Beloofde Land in te gaan. Laat dit wat met hulle gebeur het vir ons ’n voorbeeld en waarskuwing wees. Dieselfde gaan met ons gebeur as ons ook heeltyd net in die verkeerde dinge belangstel soos party van hulle. Los die afgode uit. Die verhaal is mos neergeskryf: “Die volk het lekker gesit en feesvier, maar toe het hulle sulke vieslike dinge begin doen wat op geen manier by ’n kind van God pas nie.” Ons moet oppas om ons nie so sleg te gedra soos party van hulle by daardie fees gedoen het nie. Kyk wat het met hulle gebeur: God het 23 000 van hulle op een dag laat doodgaan. Ons moet nie kyk hoe ver ons Christus kan tart voordat Hy sy geduld met ons verloor nie, soos sekere van ons voorouers gedoen het. Ons weet wat het toe met hulle gebeur: hulle is deur slange doodgebyt. Moet ook nie waag om te sê dat God ’n fout gemaak het nie, soos party van hulle gedoen het. God het die engel wat net verwoesting agterlaat na hulle toe gestuur, en nou is hulle dood. God het hulle ’n voorbeeld vir ons gemaak. Ons kan dus nie sê dat ons nie gewaarsku is nie. Dit staan lewensgroot in die Skrif geskryf vir ons wat in die tyd leef net voor die Here weer kom. In dié tyd sal dit nie met die Christene net goed gaan nie. Wees daarom geestelik wakker. As jy gerus begin word en dink dat niks jou geestelik van stryk kan bring nie, val jy miskien juis in die kloue van versoekings en sonde. Nou praat ek nie van buitengewone versoekings nie. Die versoekings wat oor julle kom, is dieselfde as wat enige ander mens teëkom. God sal julle nie in die steek laat nie, maar doen wat Hy gesê het. Hy het mos gesê dat Hy nie dinge met jou sal laat gebeur wat jou as Christen van balans af sal gooi nie. As daar dan dinge gebeur wat jou van God se pad wil afkry, sal God jou help om die regte besluit te neem en jou dan die krag gee om te doen wat jy besluit het.

1.	Pasop vir afgode.
2.	Pasop vir oormaat plesier.
3.	Pasop vir dink jy weet beter.
4.	Pasop vir alles moet goed gaan.
5.	Bly geestelik wakker, moenie gerus raak nie.

EK BESLUIT HOE LEWE EK TUSSENIN
Moses, die volk, Josua of Kaleb

Sondagoggend Erediens 16 Februarie 2020

BLY GEESTELIK WAKKER
Kan geestelike beginsels en ‘n verhouding met die Godheid regtig help vir fisiese frustrasies?
DIE LEWE TUSSEN ADAM EN DIE DOOIE SEE
Josua 3:1-17 (DB) Vroeg die volgende môre het Josua en die Israeliete hulle goed opgepak en van Sittim af getrek tot by die Jordaan. Daar het hulle kamp opgeslaan terwyl hulle gewag het om die rivier oor te steek. Drie dae later het die beamptes deur die kamp gegaan en vir die mense gesê: “Wanneer julle sien dat die Levitiese priesters die verbondsark van die Here julle God dra, moet julle oppak en hulle volg. Hulle sal vir julle wys waarheen om te gaan omdat julle nog nie voorheen hierlangs getrek het nie. Maar sorg dat daar ’n behoorlike afstand tussen julle en die verbondsark is, ten minste 900 meter.” Toe sê Josua vir die volk: “Bely julle skuld voor die Here en sorg dat julle verhouding met Hom reg is, want môre gaan die Here wonders onder julle doen.” Die volgende môre het Josua die priesters beveel om die verbondsark op te tel en die volk die land in te lei. Toe sê die Here vir Josua: “Wat Ek vandag gaan doen, sal maak dat al die mense na jou sal opsien as ’n groot leier. Hulle sal weet dat Ek by jou is soos Ek by Moses was. Sê vir die priesters wat die verbondsark dra dat hulle by die Jordaan se kant, in die rivier, moet wag as hulle daar aankom.” Josua roep toe die Israeliete nader en sê vir hulle: “Kom hoor ’n bietjie wat die Here julle God vir julle te sê het. Soos julle die land intrek, sal Hy die Kanaäniete, Hetiete, Hewiete, Feresiete, Girgasiete, Amoriete en Jebusiete voor julle uitdryf om vir julle plek te maak. Dan sal julle weet dat die lewende God saam met julle is. Die verbondsark van die Here wat oor die hele aarde heers, wat voor julle uit deur die Jordaanrivier gaan, bewys dit. Intussen moet julle solank vir julle twaalf mense as julle verteenwoordigers kies, een uit elke stam. Sodra die priesters wat die verbondsark dra hulle voete in die water sit, sal die Jordaan ophou vloei. Dan sal die rivier aan die een kant opdam.” Die volk het kamp opgebreek en gereedgemaak om deur die Jordaan te trek, met die priesters wat die verbondsark dra aan die voorpunt. Soos gewoonlik in die oestyd was die Jordaan tot oorlopens toe vol. Toe die voete van die priesters wat die ark van die ooreenkoms met die Here gedra het, aan die water raak, het die water dadelik opgehou vloei. Dit het aan die bopunt by Adam, die dorp naby Sartan, begin opdam. Aan die onderpunt van die Jordaan het die water bly wegvloei na die Dooie See toe totdat die rivier opgedroog het. Daarna het die volk regoor Jerigo deur die rivier begin trek. Intussen het die priesters wat die verbondsark van die Here gedra het in die middel van die droë rivierbedding bly staan terwyl die volk deurgetrek het. Hulle het daar bly staan totdat almal uiteindelik deur die Jordaan gestap het.
Romeine 5:12 (DB) Dit is net een mens se skuld dat hierdie wêreld in so ’n groot gemors is: Adam. Dit is hy wat die sonde en die dood in die wêreld ingebring het. Omdat hy nie na God wou luister nie, het hy die hele wêreld saam met hom in die sonde en die dood ingesleep. Daarom is ons almal nou sondaars.
ADAM MOET ‘N DRAAI MAAK
Romeine 5:17-18 (DB) As dit waar is dat die dood oor die hele wêreld geheers het deur een man se sonde, dink dan net wat een Man se offer tot gevolg sal hê: ’n splinternuwe lewe! Elkeen wat God se oorvloedige goedheid en sy vryspraak deur Jesus Christus ontvang, sal soos ’n koning saam met Hom heers. Een man se sonde het gemaak dat almal skuldig staan voor God se regbank. Maar een daad van gehoorsaamheid van ’n ander Man het gemaak dat almal nou onskuldig by God se hofsaal kan uitstap. Sy gehoorsaamheid bring ware lewe vir ons almal.

LewenSentrum Alberton

Popular tracks