محمد

من كتر ما قولت
احييني النهارده وموتني بكرة.. 
مفيش نهارده لحقت اعيشه ...
وكل بكرة 
كنت فيه بموت.

مشيت جبان
و مشيت جرئ
و مشيت غبي وسط البيوت
فتشت كل شبر أبحث عن حنان
و جريت وأنا بلهث 
زي كلب 
فقد الأمان
وحاوطت قلبي .. بدراعيني المرعوشين .. وسألت.
يا ترى يا قلبي
لسة قلبي؟
ولا خونت الجتة أنت كمان؟

سألت وعنيا الدموع تملاها.
يا ترى اللي جاي قد اللي راح مني؟
يا ترى اللي راح بالفعل راح مني؟
ليه كل البشر ديّا ما راحمينني؟
سألت وعنيا الدموع سايباها.
ووشوش غريبة من آلاف الأماكن 
بتمُر جنبي
بتمُر كل عيون في ألف متاهة
ستين من الأيام تعيش حواليا
ستين من الأيام أتوه جواها
يقروا الجيوب 
و أقرى العيون
أنا الصديق المختفي وسط اللي ظهروا
في البداية
أنا الصديق الي زهد كل اللي عبروا
للنهاية 
أنا الصديق اللي صبر
لما مل الصبر منه
ولا مرة نال
 زي اللي صبروا
 طبع الغواية.
 
 يهتز بيا الريح على كفه السنون
 ألف مرة غشيم و نص حنون
 يرج عقلي في كل حتة، وطرف  
 زي أوضة صغيرة
  جواها ميت مجنون
  أهدى وأثور.
  أنعِم و أجور 
  ووقفت على طرف الورق ولقيت
  قلمي ف ايدي 
  وقلبي على شُعلة وابور
  وكتبت زي ما قال حداد وبكيت
  في أثر للعِشرة 
  في أثر للعشرة مهما تهون
  ووضعت ايدي في شق فيه تعبان
  ورضيت هوان الخسيس وآه م الهوان
  وقال حكيم بيمُر على قورتي بخشونة
  فتش في قلبك تلقى حكمة وصبر
   و صديقتي كانت قاسية أو كانت حنونة
  مصيرها تعرف، لما تفهم.
  يعني ايه إنسان.
  
  كات إيدي دايما ع الرحايا
  وقلبي دايما مش معايا
  دلوقتي قلبي على الرحايا
  وإيدي مقطوعة ومفيش
  بيعُض لحمي الليل ميألمنيش
  و يبص بس لقلبي أعيّط دم 
و ابص أنا وعينيا تنشع هم
مش دي ملامحي 
ولا دي ايديا 
ولا دي كمان نظرة عينيا .. لأي شئ
مش ده حسن
 اللي كان 
 بيفيض براءة
ولا حتى حسن الجيّ .. نُص برئ 
مش ده أنا 


كل المعاني غريبة قدامي 
وكأني لسة من ساعات مولود
وكأني بعد ساعات هكون مفقود
آدي الحياة لما تقع فيها الفريسة
آدي الضلوع لمّن تكون هي الحبيسة
و آدي الونيسة
بتنسى كل الذكريات 
وأنت...
وبتبدي تقرا الحياة طوالي
امشي واطوّح ايدي وأنعي.
أمتى يا زمن تصفالي؟
و أبكي
 وأغني
 وأغني 
 وأبكي .
 وأقول في موالي 

" كسى قلبي بالمُر وراح
أتعب من يومها ويرتاح
و يعيش كل الناس ليل واحد
وانا ليلي ما يطلعله صباح " 

ويصقفلي الرايح والجاي.
من كل ما أقول أنا مرة الآه
بيقولوا الله
 الواد شاعر
وغويط جوفه
وقلم واعر .. لما تشوفه 
 تلقاه البطن بتنضح بمعاني
و الله وعَز جلال حلفانه 
والله ورحمة ما خسرته وما اعظم شانه.
بكتب مش مستني التصقيف 
ولا لجل انتشي لو هَتَف الهّتيف
بكتب علشان والله يا ناس
 قلبي مِعاني.
 بكتب عشان اللي ما يعرفش الطريق
  يقدر يشوف
   ما يسيبش نفسه يتسحب من ديله 
    فار تجارب 
     شمعة
 من قبل اختراع ضي الكهارب
 بتسيح عشان ما بتقدرشي تقرا الحروف
 هارب من أشياء منططقية لشئ مألوف
 بكتب عشان تقدر تقارن 
 خوف ب خوف
 يعني اللي خوفه تمللي من قلبه
 ازاي تقارنه
 باللي خوفه من الظروف؟
 يعني أنا ..  كمثال
 أوقات بخاف علشان ..
  لازم أخاف
 مش لجل شئ متشاف 
 خوّفني ..
 أوقات بترجُف إيدي 
  مش من خضة
  ولا من برد 
  ولا شوفت شئ يصعب على القلب البرئ الني
   أوقات بخاف لجل انه بس
   لجل انه بس
   الخوف
   يعرفني ..
   إزاي نقارن بس خوف ممكن يموت
   بخوف حتى لو مرة مات 
   بيفضل حيّ
   إزاي تقارن خوفي بس بأي خوف تاني 
   إزاي تقارن حد يعني.
في مرة عانى
   بحد طول الوقت 
   مستني
    يعاني 
مجاني يا قلبي الألم
 مجاني
والراحة تسوى ألوف كتيرة مش معايا
  
آدي الحكاية 
مهزومة باكية ما بين إيدين راوي الحكاية
مكانتش تملك إيدي غير طرف البداية
ونص وقة صبر 
مبقتش تملك إيدي غير طبع النهاية
  
والصبر فييين؟
الصبر فين؟
الصبر فين دلوقتي؟

   
   
   
   















الحكاية - حسن محمد & حسام حسن

وتنفسَ الصبـحُ الوضـيء فـلا تسـل *** عــن فـرحــة الأغـصــان والأشـجــارِ 
مــن ذلـــك الآتـــي يـزلــزل ملـكـنـا *** ويــــرى عـبـيــد الــقــوم كــالأحــرارِ
هــــذا مـحـمــد يـاقـريــش كـأنـكــم *** لــــــم تــعــرفــوه بــعــفــة ووقــــــارِ
هـــذا الأمــيــن أتـجـهـلـون نــقــاؤه *** وصــــفــــاؤه ووفــــــــاؤه لـــلـــجـــارِ
هـــذا الـصــدوق تـطـهـرت أعـمـاقـه *** فــأتــى ليـرفـعـكـم عــــن الأقـــــذارِ
يـــا سـيــد الأبـــرار حــبــك دوحــــة *** فـــي خـاطــري صـدّاحــة الأطــيــارِ
يـاسـيــد الأبــــرار أمــتـــك الــتـــي *** حـررتـهــا مــــن قـبـضــة الأشـــــرارِ
وغسلـت مــن درن الرذيـلـة ثوبـهـا *** وصـرفــت عـنـهـا قـســوة الإعـصــارِ
ورفــعــت بـالـقــرآن قــــدر رجـالـهــا *** وسـقـيـتـهــا بــالــحــب والإيـــثــــارِ
ســل صوتـهـا لـمـا تعـالـى هـاتـفـاً *** وشــدى بـألـف قصـيـدة إستبـشـارِ
سل عن حنين الجذع فـي محرابـه *** وعن الحصى فـي لحظـة إستغفـارِ
سـل صحبـة الصديـق وهـو أنيسـه *** فـــي دربـــه ورفـيـقـه فـــي الــغــارِ
سلهم عن الحـب الصحيـح ووصفـه *** فلـسـوف تسـمـع صــادق الأخـبــارِ
حـــب الـرســول تـعـلــق بـصـفـاتـه *** وتــخــلــق بــخــلائـــق الأطـــهــــارِ
حــب الـرسـول حقيـقـة يحـيـا بـهـا *** قــلــب الـتـقــي عـمـيـقــة الآثـــــارِ
إحــيــاء سـنـتــه إقــامــة شــرعـــه *** فــي الأرض دفــع الـشــك بـالإقــرارِ
إحــيــاء سـنـتــه حـقـيـقــة حــبـــه *** في القلب في الكلمات في الأفكارِ
ياسـيـد الأبــرار حـبـك فــي دمـــي *** نـهـر عـلـى أرض الصـبـابـة جـــاري
يـامـن تـركـت لـنـا المحـجـة نبعـهـا *** نــبــع الـيـقـيــن ولـيـلـهــا كـنــهــارِ
سُحـب مـن الإيمـان تنعـش أرضنـا *** بالـغـيـث حـيــن تُـخـلــف الأمــطــارِ
لــــك يـانـبــي الله فــــي أعـمـاقـنـا *** قــمــم مــــن الإجـــــلال والإكــبـــارِ
عـهــد علـيـنـا أن نـصــون عـقـولـنـا *** عــن وهــم مبـتـدع وظــنّ مـمـاري
علـمـتـنـا مـعـنــى الــــولاء لـربــنــا *** والـصـبـر عــنــد تــزاحــم الأخــطــارِ
ورسـمـت للتوحـيـد أكـمــل صـــورة *** نفـضـت عــن الأذهــان كـــل غـبــارِ
فــرجــاؤنـــا ودعـــاؤنــــا ويـقـيـنــنــا *** وولاؤنــــــــا لــلـــواحـــد الـــقـــهـــارِ
"للعشماوي" 

رسول الله

الناجح يرفع ايده

بنت ابويا cover 🎤🔥 Vocal Marlin

عزيزي المـواطِـن .. عزيزي الفَـقيِـر _ يوسف عبدالله

برنامج #سبحانك_ربي
برنامج لمعرفة بعض من نعم ربنا علينا ومدى عظمة الله فيها
 
-------------------------------------
مواعيد البرنامج : الساعة 1:00 بعد منتصف الليل يومياً

إعداد : أماني الجمال
تقديم : عبدالرحمن حماد
هندسة صوت : عبدالرحمن حماد

--------------------
#الموسم_الأول على www.lifemakersgiza.com


برومو برنامج سبحانك ربي

القَبول♥️ إسراء أبوالسعد_هدير علاء

ذهب اليأس طلع الصبح - مصطفى بدر - معسكر وَاصْنَعْ_الفُلْك - صناع الحياة الجامعة

حمزة نمرة _ القطر

غناء و ألحان: أحمد الروبى

كلمات: عبد الرحمن سردينة

توزيع: أكرم عادل

عايشينها ليه ؟ - مشروع بنبنى حياة .. صناع الحياة

بتحب حاجة - حمزة نمرة ، تتر برنامج سحر الدنيا مصطفى حسني رمض(01).mp3

رمضان جانا

 www.abdwap2.com

Madadd حمزة نمره الالبوم الجديد 2018

يامانفسي اعيش انسان

سافر حبيبي ودخل يودعنى😞

والله ما طلبت أهواؤنا بدلا منكم ولا انصرفت عنكم أمانينا

الحساب الرسمى لجمعية رواد صناع الحياة بالفيوم وهى جمعية تنموية واحد فروع مؤسسة صناع الحياة مصر التنموية والتى تهدف الى خدمة المجتمع من خلال المشروعات الصغيرة والمساعدات الطبية والخيرية

رمضان جانا

صناع الحياة الفيوم

Related tracks