إتجمّعوا العُشاق فـ سجن القلعة .. إتجمّعوا العُشاق فـ باب الخلق
و الشمس غنوة من الزنازن طالعة .. و مصر غنوة مفرعة في الحلق

إتجمّعوا العُشاق فـ الزنزانة .. مهما يطول السجن مهما القهر
مهما يزيد الفُجر بالسجّانة .. مين الّلي يقدر ساعة يحبس مـصــر

إتجمّعوا و العشق نار فـ الدم .. نار تحرق الجوع و الدموع والهمّ
نار تشتعل لما القدم ينضمّ .. لما الأيادي تفور تلم اللحم
و اللّحم متنتور فـ رملة سينا .. و الكدب بيحجّز على أيادينا
قدم العدو غارسة فـ لحم ترابي .. و الكدب عشّش مخبرين على بابي
و المخبرين خارجين كلاب سعرانة
بيجمّعوا العُشاق فـ الزنزانة .. مهما يطول السجن مهما القهر
مهما يزيد الفُجر بالسجّانة .. مين الّلي يقدر ساعة يحبس مـصــر

مـصــر النهار يطلقنا فـ الميادين .. مصـر البُكا مصـر الغُنا و الطين
مصـر الشموس الهالة مـ الزنازين .. هالة و طارحة بـ دمنا بساتين

مصر الجناين طارحة مين يقطُفها .. مصر الجناين للّي يرفع سيفها

مهما يطول السجن مهما القهر
مهما يزيد الفُجر بالسجّانة .. مين الّلي يقدر ساعة يحبس مـصــر

الشيخ إمام - مين اللي يقدر ساعة يحبس مصر

الجملة الأولى من مسرحية الخال فانيا لتشيخوف وباقي المقطع من رجل مجهول
الموسيقا:Zadboom II: Karen Homayounfar
صوت أحمد قطليش
النص:
أنت تعرف الجميع والجميع هنا يعرفونك، لكنك غريب .. غريب ووحيد.

عندما تهزأ بالأفكار التي تدعي أنك تعرفها كلها، فإنك تبدو أشبه بالجندي الهارب بجبن من ميدان القتال، و لكنه، كي يغطي على خزيه، يسخر من الحرب و الشجاعة. إن الصفاقة تكتم الألم. وفي إحدى قصص دوستوفويفسكى يطأ العجوز صورة ابنته الحبيبة بقدميه لأنه مخطىء في حقها، أما أنت فتسخر بصورة وضيعة مبتذلة من أفكار الحرية و الحق؛ لأنك لم تعد قادرا على العودة إليها. و لك فى ذلك إشارة صادقة و مخلصة إلى سقوطك تُفزِعُك، و لذلك تحيط نفسك عن عمد بأناس لا يجيدون إلا تملق ضعفك.

أنطون تشيخوف- الخال فانيا- رجل مجهول

لغمَك دفين وانفجر فجأة
مين إللي خطى عليه
مين إتنسف
ماقتلش غيرك، للأسف
ودي المفجأة

كنت صاعق في العَلَن
لكن..
شوفت حنّيتك بلون داكن
وانت بتعتذر، وتقوللي مش قاصدك
وكبرنا للجايّات، وقولنا عدّىٰ وفات
وانا كنت سايبك حُر، مش راصدك
وخفيف عشان.. بنقدِّس المسافات

أوقات كتير عارفك، فقيد النور
وتغيب وسايب فتحة جوة السور
تقعد تحاول انت والنوتة
وعشان تقول مابتقفش ف دور
شطرة سنينك لايقة ع الموتة
وبيوت كلامك صخر مش رملة

زعلان انا
زعلان ومتضايق
إكمنّ خَبرَك جالي وانا فايق
وكأني لما اتوحِل في الأرض زي الجحش
تبقى الحياة سهلة ومانقابلش الوحش
واما انوي اتغير في الدنيا دي م الأذى
اصحى أشوف مصطفى شيَّر ميعاد العزا

طحَّان يمكن عشان...
بتطحن مين؟؟
طاحن في نفسك، ولا بني أدمين..!

هات قلم نرسم سوا شكل المُفارقة..
الدنيا عادي ساعات كدا صلوات، وفركة
هات ألم على عيني ما تخليني أشوف
هاسمحلك بإللي مافيش بَشر يتخيلوه
وابني بكرة هيفهمك، ماهو زي أبوه
لا الناس تقول مش شاعري ومنين جابوه؟

هات قلم نرسم سوا شكل المُفارقة..
كنت جامح عن كدا زي الأفارقة
جرالك ايه؟
كبد دُهني وسِمنة زايدة؟
ولا زايدة؟
ولا يعني بلاش مزايدة
كنت أبيض..
قولتلي حبيت حسام.. عاجبك كلامه
وانك مش شايل خلاص لـ عصام وعادل
واننا بنحب فعلًا بعد شَدّة
كنت باسمع نَبرتك شلَّال.. مَودة
كنت نادِل باسمعك وأرمي التِرِيه
قولتلي ف اول ديوان.. قبضت كام
قولتلي ما تبص عندي
مش باعيد نفس الكلام
كنت أصفىٰ من الحليب
وانت أصلب م الرُخام
ياللي جمّعت الرُكام وعملت كُرسي
ياللي رصّيت الكراسي، عملت ناس
كنت أصلي وف الأساس، والباقي فوقك
كنت تقدر تهدم الأشياء، بشوقك
بس ناسك، ماسك بإيديك الفؤاد
كنت محتاج مطرقة بس انت مش حدَّاد
سامحني لو تسمح في اخر فصل مني
اقسم بإني ندمت فعلًا وانت عارف
مش سهل اكتب وقت ما انت تغيب
وانت سِيِد من يرثي أي حبيب
بس انت ادرى بحالي دلوقتي
وقتك اذَن يا احمد
وانا امتى جاي وقتي
علشان هاكون زيك
مرمي ف حياة مش قادرة تستوعب
واما يحين أجلي تزعل وتستعحب
ويقولوا كنا نحبُه
غلبان وكان مُنطوي
طيب ومش مُلتوي
وساعتها، يمكن احِس..
وساعتها..
هازعل أوي.

المفارقة - رثاء احمد الطحان

في دين الحب - غالية بن علي

غالية بن علي - في دين الحب

الموت في لوحات (1)

الموت في لوحات (3)

الموت في لوحات (4)

بكائية ليلية

مزامير (1)

من مسلسل الجماعة - فى حب الله  

العفو منك ألهى .. والذنب جاء منى 
والظن فيُك جميل .. يا رب أنت رجائى 
انت يا مجيب دعائى ...
الله يا رحمن يا رحيم .. يا بر يا قدوس يا حكيم 
دعونى دعونى .. أناجى حبيبى .. ولا تعزلونى فعزلى حرام 
لامونى لامونى فى حبك رمونى .. يا قرة عيونى عليك اذكى السلام 
يا الهى .. يا الهى .. يالهى 
الله حى

لحن عمر خيرت 

مزامير (1)

LightningStar

Recent comments

Saad Saad

Related tracks