صورة ضبابيه ذكريات اختلطت مع الأحلام مع الأوهام مع الحقائق 💔

تحمل تلك الحياة المملة المتقشفة كما تحملت فترة سجني ف انتظار شيئا ما لا اعرفة ولكنني اتوقع  كنت اراقب العالم الذي تركته وكانني ات من عالم اخر

كان لول علي حق ف الدخول الي العالم السفلي يجب أن  يبني  علي سمعة ولم تكن سمعتي حتي هذة اللحظة تؤهلني للدخول من الباب الذي اريدة أن أدخل منة 

أنا لما إبتديت المهمة كنت قادر أشوف كل حاجة بوضوح، كنت متأكد من اللي أنا بعمله، بعد كده بقيت أحس أن أنا بشوف الصورة من ورا لوح إزاز، وبالتدريج إبتدت تتكون طبقة كده زي التراب، والمشكلة أن التراب إبتدى يزيد لدرجة أن أنا مبقتش شايف أي حاجة، صورة ضبابية،

كانت فريدة مهندسة معمارية مدرسة في كلية الفنون الجميلة حاصلة علي الدكتوراة من باريس ولها مكتب هندسي ف نفس المبني  أن انخفاض أسعار المخدرات المطروحة في سوق تلك التجارة التجزئة يعني ببساطة نجاحا متصلا ب أقل قدر من المخاطرة في عمليات التهريب ف لأول مرة 

ي هذه الأيام عشتُ أكثرَ أيام حياتي حيوية إشتعلت جازُها وأشعّت حرارتِها في كُل  حياتي  , كُنتُ أعيشُ حالةً خاصة .. فقد كانَ عِندي تصريحٌ أخلاقي بأي فعلٍ أُريده .. يشملُ  كُلَ شئٍ بلا قانُونٍ مُحدد ولا حتى ضابط أخلاقي إلا تقديري الشخصي بما يُنجحُ مُهمت

 بقيت أسأل نفسي سؤال..أنا ليه بقيت كده؟ مجرم وقاتل وخارج عن القانون، كل اللي كنت برفضه وبحاربه وافقت عليه بقرار واحد 

ربنا بيرزق الكل .. بيرزق الطير في السما  والنمل في الشق .. وبيرزقنا احنا كمان  الصياد لازم يرجع مجبور  والبوليس لازم يرجع ومعاه صيده   

"انت معلم كبير.. و تاجر كبير.. أينعم بتاجر في الصنف.. لكن من غير انسجام.. عامل زي اللي بيعوم و هو لابس بدلة و جزمة.. ماينفعش يا معلم.. كل مهنة و ليها حياتها و سكتها."

إبراهيم : لأ! مش محتاج حد يترافع عنى .. ومتشكر قوى للمحكمة اللى إنتدبتك عشان تكمل الصورة المزيفة للعدل وللقانون .. إتفضل يا أستاذ أنا مش لازمنى محامي .. أنا أعرف أدافع عن نفسي كويس .
شكري : خلصت اللى عندك ؟ ، قسمتك بقى إن أنا أترافع عنك .. عجبك مش عجبك حترافع عنك .
إبراهيم : الله !، قلتلك مش محتاج محامي ..إتفضل ! .. ياشاويش حنفى!!.
شكري : أنت يابنى خايف لأكسب القضية؟ من الناحية دي إتطمن حخسرها .. تسعة وتسعين فالمية حخسرها.. وحيحكموا عليك وحيكون حكم قاسي قوي..وللمرة المليون حيقولوا عليا محامي حمار.. نعمل ايه ! قسمتنا كده.. حمار بيترافع عن حمار .
إبراهيم : طب أااا .. لما أنت عارف أنك حتخسرها جاي ليه ؟
شكري : تنفيسه ..تنفيسه ليا ولك .. كلمه حلوه نقولها.. صحافى يلقط مننا لمحه نضيفه.. قاضى تفلت منه كلمة شجاعة .. أهى تنفيسه للكل .. زمن! ..زمن يبرروا فيه إنهم يرموا البمب على دماغ ناس ملهمش دعوة بالحرب خالص وعايزنى أكسبها!؟ .. زمن بتتشوي فيه الناس فالأفران عشان لون جلدها أحمر ولا أصفر ولا عنيها مسبسبه وعايزنى أكسبها!؟ .. زمن بيلموا فيه ولاد الناس سن ستاشر وسبعتاشر سنه ويدفنوهم فالرمل بإسم الحريات الأربعة ! وعايزنى أكسبها!؟.. زمن بيكسبوا فيه خمس تلاف جنية فدقيقة ويغلو على التاني أجرة التروماي وعايزنى أكسبها!؟ .. كل اللى أتمناه أنهم يخففوا عنك الحكم ولو شويه .
أبراهيم : ( على وجه علامة التعجب والذهول )

حكمت المحكمة حضورياً على المتهم إبراهيم عبدالعزيز الشرقاوي فالسجن خمسة عشر عاماً مع الشغل والنفاذ
>>>
سيناريو وحوار : محسن زايد و يوسف شاهين
إخراج: يوسف شاهين 
إنتاج :1979
--------------


وعايزنى أكسبها ؟!! - محمود المليجى و أحمد زكى - من فيلم إسكندرية ليه؟ لـ يوسف شاهين

وفجأة 
هبطت على الميدان
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا 
بالقبض على القبضه 
وتقديم الكف
الدم
قلب الميدان وعدل 
وكأنه دن نحاس مصهور
انا عندى فكرة عن المدن 
اللى يكرهها النور
والقبر اللى يبات مش مسرور 
وعندى فكرة عن العار 
وميلاد النار 
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح 
ولسه فى صوتى هديل الينابيع
لسه فى قلبى صهيل المصباح 
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع

ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل

وفى ليله التشييع 
كان القمر غافل ..مجاش
والنجم كان حافل 
لا بطل الرقصه ولا الارتعاش

لما بلغنى الخبر 
اتزحم الباب 
وجونى الاحباب 
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب 
ما اجمل نومه على كتوف اصحابك 
تنظر صادقك من كدابك
تبحث عن صاحب انبل وش 
فى الزمن الغش

والرؤيه قصادى اتسعت
بصيت واحسب نفسى بين خلان 
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه 
نحلب ليالى حلمنا المنتظر
وامتلات الاسواق بالمواكب 
تبيع صديد الوهم والمراكب 
وفارشه بالوطن على الرصيف
بالفكر والجياع والكواكب ومذله الرغيف 

شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة 
دنيا "فسه"
ما اتعس الانسان 
ما اسعد الحيوان
وعبر
وصف من الزوانى وراه
متلطخين بالبودرة والمعاجين 
حاصرين غطاوى الروس 
بطونهم عريانين
بيغنوا طوبى لضحكه المساجين

وعيال عرايا
تفيض بها الطرقات 
من القرى ومن المقاطعات 
اطفال فى لون الجوع
صوت النفس مسموع
اطفال شبه وضلوع

اما انا 
فاتسعت الرؤيا 
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

قبل مرورى على بعض مكان 
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن 
وقدرت تموت !!
وتفوت اللحم العارى المتهان
فى المدن اللى معداش منها ريحه انسان !!
انا مت 
ومش منظور لى جواب
متحصن بكتوف الاصحاب 
ولذلك فت

عند التربه 
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن

ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق 
فى قماشى الابيض 
من جوف القبر
التقدم ضابط واتعرض
قبض على الجثه 
وطلب الاوراق 
مزع الاكفان
عدل الوش 
ووقف وركلنى
وقالى بلؤم شديد 
حتى فى الموت بتغش
شيلوه

ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت 
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين 
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن "الوسخة" ياكلب 
اظنك حتقولى تانى الشعب 
وصفعنى وتنى على بطنى بالكعب 
يا سعادة البيه وانا ايه؟ او ليا فى العمال ايه ؟
ما تضيع الدنيا والعمال دى تغور
يا صاحب هذا المبنى الموروث 
ضل جدودك فى الجدران مغروس 
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان

اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده 
كلب ..محاصر ..متهان ..منبوذ ..جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى اى زمان

واتذكرت سنه ما اتبنت القلعه 
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل 
وآخر الليل جانى بدم صحابى فى الاكل

استأذنت ارتب اقوالى 
قفل الباب 
واتفتح الباب
وخلاص

يا عم الضابط انت كداب 
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم 
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت

احنا شعبين ..شعبين ..شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها ..بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعت انفاسها
واحنا ولاد الكلب الشعب
احنا بتوع الاجمل وطريقه الصعب 
والضرب ببوز الجزمه وبسن الكعب 
والموت فى الحرب

لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون 
اللى تاريخى مركون
وانت قلاوون وابن طولون ونابليون 
الزنزانه دى مبنيه قبل الكون
قبل الظلم ما يكسب جولات اللون

يا عم الضابط 
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال 
واكيد فيه جيل
اوصافه غير نفس الاوصاف 
ان شاف يوعى 
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى 
ما خدمك الا من سجنك

قصيدة الأحزان العادية لعبد الرحمن الأبنودي موسيقى راجح داود

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته

Facebook : فيس بوك 
https://www.facebook.com/diab.live




Mixed By : Me


. بيدج مزيكاتي  .. شرفونا هتنبسطوا

www.facebook.com/Mazzikaty2





Enjoy ..

Rageh Daoud - Land Of Fear_ ارض الخوف _ راجح داؤود _ مزج

انا اتلهيت و خدل زندي ( من مسرحية كعبلون )
كلمات بيرم التونسي
لحن و اداء سعيد صالح 

أنا أتلهيت و خدل زندى
و انا ولا عنتر ولا غاندى
ان كانت الغلطات من دى
يكون ف عون اللى عملها

ان كان علي الملح اكلنا
و انا كان علي السجن دخلنا
و الجوع نحلنا و نحلنا
خلي الي فاضل لرجلها

قالوا اللى يشرب من بيرك
لابد يرجع و يجيلك
و انا اللى عطشان ف سبيلك
الدنيا ايه اللى جرالها

يا بلدي هجرك يكفاني 
يا عملة قمع و نسياني 
و يوم ما هرجعلك تاني 
هتبئا رجعة برأسمالها 

يا م الكرانك و الدلتا
هاتعملى طرشة لإمتى
ما اتغيرت كلمة زفتى
و الدنيا راقت أحوالها


انا اتلهيت و خدل زندي من مسرحية كعبلون للفنان سعيد صالح

يوسف شاهين كل  واحد فينا أعرج بطريقته

أرض الخوف فيلم مصري من إنتاج عام 1999، من تأليف وإخراج داود عبد السيد وبطولة أحمد زكي .. حصل فيلم "أرض الخوف" على العديد من الجوائز منها جائزة الهرم الفضي في الدورة الـ 23 لمهرجان القاهرة السينمائي الدولي كأفضل فيلم عربي وأفضل إخراج.
كما حصد الفيلم معظم جوائز الدورة الـ 27 لمهرجان جمعية نقاد وكتاب السينما المصرية، فقد حصل الفيلم على جوائز أفضل إخراج وأفضل فيلم وأفضل ممثل مساعد وأفضل ماكياج، ونال الفنان أحمد زكي جائزة أفضل ممثل عن دوره في هذا الفيلم

ميكس رائع فيلم أرض الخوف - 1999 - أحمد زكي - عمق- صوفي - ملكوت - 8ق

كلمات : صلاح جاهين

وقف الشريط فى وضع ثابت
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باستبسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان 

وَقْف الشِريط فى وضع ثَابت - كلمات صلاح جاهين - ألقاء سعاد حسني

ليست السعادة كائناً مادياً....ليست لذةً حيوانيه....ليست شهوةً بهيميه....
ليست السعاده في  جمال النساء....ولا الملابس البراقه....

أي والله ده كلام حلو 

إوصفلهم طريق السعاده - نجيب الريحاني


صباح الخير يا عم مجاهد…

ايه انت لسه زعلان منى..؟!!

 يا عم مجاهد انت ظالمنى…!!

 ورحمة ابويا انت ظالمنى…!!

انت عارف المعلم عطية كان بيدفع كام ايجار للقهوة كل شهر 5 جنيه وستين قرش…

وايجار الشقة بيروح للمية…

والمرتب عملت توكيل لامى تقبضه كل اول شهر عشان مصروف البيت…

 بتكلمنى عن الحشيش…

الحشيش ده هو الذنب الوحيد اللى فى حياتى…!!

 بعد ما ماتت ام يوسف مكانش عندى حتى بنى آدم اكلمه …

انا بكلم الناس حوالين الجوزة بفضفض بضحك واغنى فى قعدة حلوة لغاية ما اموت

 بيت ايه الى بنيته مع ابويا طوبة طوبة..؟!!

كنت فين انت يا عم مجاهد, قدرت تعمل ايه لما مرات ابويا خدت الشقة واديتها لولادها

 الحكاية مش مشكلة البيت…

المشكلة , مشكلة الناس اللى عايشة ولازم تعيش…

متظلمنيش يا عم مجاهد, لا مؤخذة, يعنى مغرفة الفول اللى كانت بمليم بقيت دلوقتى بنص ريال…

سلامو عليكوا…

عم مجاهد

"وعايزني أكسبها
زمن يبرروا فيه انهم يرموا البمب على دماغ ناس ما لهمش دعوة بالحرب خالص وعايزني اكسبها
زمن بتتشوي فيه الناس في الافران عشان لون جلدها احمر ولا اسمر ولا عينيها مسمسمة
وعايزنى اكسبها
زمن بيلموا فيه ولاد الناس سن 16 و 14 سنة ويدفنوهم تحت الرمل باسم الحريات الاربعة
وعايزنى اكسبها
زمن بيكسبوا فيه فرد واحد 5000 جنيه في دقيقة ويغلوا على التاني اجرة الترماي
و عايزني اكسبها"
من فيلم اسكندرية ليه


ميكس رائع فيلم أرض الخوف - 1999 - أحمد زكي - عمق- صوفي - ملكوت - 8ق

Loay Elbadrashiny

Recent comments

Related tracks