AL-Zuhkruf

https://www.facebook.com/Ramaadmusic

تَزْقِيم (اسم): إدْخَالُ الطّعَامِ إلى المَعِدَةِ بِوَاسِطَةِ أُنْبُوب

النص دا متسجل في الشهر العقاري بعد دفع الرشوة التقليدية لتسهيل الامور، الملكية تقع لشركة انتاج خليجية ذات رأس مال منبعه مساعدات حكومية موجهة لوضع المستهلك في عالم موازي، موقعه ما بين مؤخرة الفنانة القابضة مرتبات عاملي مصانع استخراج المواد المسرطنة، الربح الصافي الناتج عن مبيعات الاغنية اللي تم تطعيم المستمعين بيها عن طريق قنوات الاف ام، لن يتم ادراج جزء منه تحت خانة التبرعات لاي مستشفي الا اذا كانت مصحة نفسية حيث يتم حبس ذوي العقول السليمة تحت اشراف طبي من امراض الثانوية العامة المنعزلين عن واقع الاحوال في بلد الطوب الاحمر.

النص دا موجود وسط الساعات المستخدمة في اذاعة روائع ام كلثوم و العندليب، موجود في الزوايا الاربعة لحوائط السجون الغير مجهزة لرجال الاعمال و اعمالهم الرجولية اللي بترفع اسهم البورصة و توقع سقوف القش لاشباه المنازل بالعشوائيات. يختاره عموم الشعب كرنة الموبايل اللي تم استيراده ليكمل هدفه في احتكار السوق و يأتي المنتج  مع مبيد حشري يقضي علي الزواحف من اليد العاملة المحلية. يؤخذ منه الاقوال في خطب الجمعة و دروس الاحد ليثبت المؤمن علي اعتقاده بوجود وحدة وطنية و مساواة و كل المكتوب في كتاب الدراسات الاجتماعية للصف الثالث الابتدائي الملخص في حصة ما قبل الامتحان الخصوصية التي يقدمها المدرس المكروه الغير زائر للمدرسة الا لحظة التكريم للمثالية.

النص دا هيتعلمه احفادكم من المناهج كابحة الابتكار، هيتم نسبه لامير شعراء مستقبلي يجمع عليه البرلمان المنتخب بدون منتخب او لزعيم عربي ازال الحدود فقط ليستعمر بأمر من الدول المهيمنة، احتمال يكون لشيخ صالح امضي حياته اخلاصاً للعبادة كرهبان ما بين فخاد الجواري او لقائد ثورة مغشوشة ورد الكهربا بجمل التعبير و الامل السيليكون، النص دا هتتسمي محطات المترو بعنوانه و هتتشيدله جنازة عسكرية مع النقطة الاخيرة من علامات الترقيم.

Mohamed Tarek Hussein - Vocals/Lyrics/Artwork 
Abdelrahman Shaat - Production
John Mourad - Guitar

Recorded at ON Home Studio.

تزقيم

Hololosto - Amwaat اموات ( Prod By Five - O )

Instrumental Music | Allevare

Egyptian and Tunisian Revolution Ultras

تجربة مبدأية لنصوص اللغة الفصحى.

facebook:
https://www.facebook.com/osama.monir.10

رسائل لم تصل - أسامة منير

كان نفسي اكتب
 عنك في أبياتي
 ان انتي ملاك 
وان انتي الرحمة عالارض
وان انتي كالصالحين
 ذكرهم كما الفرض
وان احنا كنا دايما جمع  
لا كان بينا طرح 
ولا كان في ضرب 
حتي بعد مرحلة الجنان 
حتي الصلاه وقت الأدان
حتي الدموع القريبة 
حتي النوايا الطيبة 
حتي تبطيل السجاير 
حتي طلعتنا في يناير 
حتي الأحمر الدموي 
كان هو عندك 
احسن لون من دون 
كل الوان الورد 
حتي بعد 
وحتي بعد
نفسي اقول عنك ملاك 
واقول عنك كلام يشبه
افترقنا لأني مستاهلش
لأني مجنون ومش عادي 
لأني حد متهور مبحسبهاش
عمال بيدور في دفاتر 
للاسف مبيلاقيهاش 
عمال بيجري يروح ويجي 
بس فجأه كأنه مجاش 
علشان كده مرتحناش
علشان كده وخلاص
وتمشي الحياة لقدام 
وكفاية كده وسلام 
بس يا خسارة ملحقناش
حتي حبة الاحترام 
راحوا قوام 
يا خسارة 
كنتي الكلام كله 
بالنسبه ليه
كنتي الهوي وضله 
فاضله ايه 
بعد اما الدنيا
ثارت عليه
واتقلب حاله 
سعادة  البيه
بعد رحيلك الي معرفش 
ان كان فجأة ولا مترتب
نطيتي بسرعة 
من المركب  
البيت برغم ترويقك
 قبل الرحيل 
شفته متكركب
اخر طوق نجاة 
اخر امل في الحياة 
مش انتي اكيد 
انا بحكي عليه هو
الي انتي عارفاه
اما بالنسبة لك خلاص
 عرفت الي فيها 
الوحده
بدل ما كانت متدارية
انتي مجرد كشفتيها
فعادي انك ترحلي 
وعادي اني افكر 
احسن لي قبل ما يبقي 
احسن ليها 
بس يا خسارة
 خطفتي القشة
 الي كنت متعلق بيها
والي يسأل عامل ايه !
اجيبله التاريخ كله 
بعيش في الذكري 
مليون فكره 
عن لحظة حلوه عشتها 
عن ورده لما جبتها 
عن صورة عالبيلاج 
وابني في بطنها
عن كل البحار والنجوم 
عن فيروز 
عن أم كلثوم 
عن كل بصة في وشها 
وانا ساكت مبتسم
جوايا خوف لكن 
كل الكلام طريق 
نروح فيه انا وهي 
منرجعشي 
نوصل للحظة خلاص 
منسمعشي
لو قلت شعر العرب كله  
مينفعشي
خليك لوحدك ماشي 
وسيب الدنيا تستفرد
بحد من غيرك ضعيف 
بس مسيره يتمرد
ومسيرهيكون
وانتي عارفة 
رغم الجنون 
رغم انك خايفه 
انا احسن وهتنازل
كالعادة عن حقي
ويلا عادي 
هنسالك الماضي 
وأنساكي بالمرة 
وانسى الذكريات 
الحلوة والمرة
وانسى سبع سنين 
في وجودك 
هحسبهم عجاف 
وانسى اني يوم 
كتبت اسمك 
علي صدري بالجاف
وانسي ان لما
احتجت لحنيتك ترويني
استنيت كتير 
فأصاب حلقي الجفاف
لما الهروب حلك 
والبيت ناقص روحك 
ناقص  ضلك 
 خايف عليكي والله 
من الدنيا لتذلك
لاخر مره هقولك
انا اسف 
لأني اخترت من الاول 
وانا اسف 
لان الدنيا بتحول 
وانا اسف 
لأني شفتك ملاك 
وانتي بشر 
عادي معرض للزهق
معرض الفراق 
انا اسف 
لأني وقعت علي راسي 
بس اوعدك بعدك خلاص 
بقي شيء اساسي 
خليكي معاهم اتفرجي
كلام دورك خلص
وانا ناسي 
ادخلي الكالوس
انا هرتجل 
وانهي الكابوس 
صمت الجمهور
مع لحظة النسيان 
بيدي الكلام قوه 
متبصليش كده 
ادخلي جوه 
انا البطل في حكايتي 
ودورك سقطة درامية 
هنا الكلام بالفصحى
وانتي كنتي بالعامية
وانا مش ضعيف 
انا بس انسان 
يعز عليا حاجات 
كانت موضه 
الكل بيتغير 
وانا واقف كما حالي 
انا في الأوضة
#أحمد_عبده

Bipolar

Radio Amor

Recent comments

kk

Barefoot

m3tal

m3tal

Related tracks