أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
******
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
******
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
******
سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه
******
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
******
يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
*****
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
*****
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
*****
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
*****
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
*****
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
******
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا

أنا باوَحِّد اللي خلق الناس

مداح شعبى يغنى على ألحان بليغ حمدى فى مولد سنة 2003 فى مدينة طهطا جنوب مصر.


محمد العجوز- عاشقة ومسكينة

مربعات ابن عروس .. صوت صعيدي مجهول

لهو أنت ياك يا زمان مالاقيش خلافنا؟!
ما خدت العزاز... الكل ما خليت
يا «بين» صالحني كفى ما فعلت بي
خدت الحبايب والفؤاد كَويت
يا «بين» صالحني.. كفى ما جرى لنا
يا «بين» بزيادة... أنا انذليت!

جابر أبو حسين وبكاءه على فقد ابنه

الحساب اللي حسبته
 اله حاسبه متحسبوش 
والكلام اللي كتبته
 اله كاتبه متكتبوش 
والمرار اللي شربته لو ارض رمله متشربوش

المرار الي شربته لو أرض رمله ماتشربهوش- محمد العجوز-احمد برين- فرح في الصعيد

شوقي القناوي - يا غرام ياما بحرك واسع

شوقي القناوي - و لا حد عارف و داري ايه اللي جاري في بلدنا

 من التراث الشعبي الصعيدى القديم

شوقي القناوي - يا غرام ياما بحرك واسع

Lola Gamal

Recent comments

ابواحمد عربى رمضان

salameat

soltanvvs

Related tracks