المجد للنظره الأولى .. ولحظات الإعجاب الأولى .. وللضحكه الأولى الحقيقيه .. والدخلات التقليديه ..
ولأول كلمه بخوف .. وللرد المتلخبط .. ولأول لمسة ايد .. وأول جواب اتشخبط ..
ولأول معاد اتضرب .. ولأول خناقه بعده .. ولأول حضن فـ برده .. ساعة ماحنت غلب ..
ولأول بوسه على الخد .. ولأول فسحه على القد .. ولأول لحظة جد .. وﻷول إفيه سخيف ..
ولأول كدبه بريئه .. وﻷول كشف حقيقه .. ولأول خنقه وضيقه .. ولأول أكل خفيف ..
ولأول حضن يدفى .. ولأول دوا بيجيبه .. ويقولها "نفسى تخفى" .. وﻷول ظرف مخيف ..
ولأول خوف من قلبه .. ولأول دعوه لذنبه .. ولأول لحظات جنبه .. ولأول ضحكه جنان ..
ولأول مره تخاف .. تتعشى بضحكه الحاف .. ولأول غطا ولحاف .. مش أدفى من الأحضان ..
وﻷول مره تخاصمه .. ولأول مره يطنش .. وﻷول مره تعاتبه .. ولأول حضن أمان ..
ولأول مره بيقلق .. ولأول مره بيسأل .. ولأول مره تكنسل .. ولأول مره ضياع ..
ولأول خلف لوعده .. ولأول لحظات بعده .. ولأول خوف بعديها .. ولأول حضن وداع .


Lolla Mahmoud 2