اسماعيل يس وشرفنطح - اسكتش النوم

 بصوت الشاعر فاروق شوشة والإعلامي يسري فودة من برنامج/ آخر كلام .. 
مونتاج ومكساج أميمة الشاذلي من برنامج/ أنا البحر

كلمات سبارتاكوس الأخيرة - أمل دنقل

خلاص عرفت خلاص عرفت
عملوا ثورة وشالوا زفت
بس ماتقوليش خلاص مشوا حمارك اى واحد بعده حنخليه حمارنا حتى لو ماكنش اسمه حمارك
شعب مين يا جحش انت .. هى مصر امتى حكمها شعب
مصر بتسلم ودانها لأى كلب .. بس يتزوق شوية
ليبرالية شرعية ديمقراطية عسكرية
أى كلمة فيها اية .. أى كلمة تكون طرية
الشباب المصرى منظر كله فاكر نفسه عنتر
انفخوهم انتوا بس وعظموهم
فهموهم ان رأيه ده أمانة
وأن أى كلام يخالف رأيه أوباا يبقى بدأت الخيانة
وافردوا أيديكم شوية بالفلوس .. الناس جعانة
فنانين! فنانين ومثقفين دول عند خالتك .. دول شحاتين
يابني كله قصاد فلوسك راح يبوسك
فى ولد شاعر كويس شوفته مرة بيشتم الريس
طلعوا الولد ده فى الأعلام كثير
الولد شعبيته عالية وصوته عالى
أشتروه حتى لو كان سعره غالى أشتروه
هاتوا رجله واحدة واحدة وبالطريقة وأكسروا عينه ودانه
بس اوعوا يحس بينا خلوه كده مصدق دماغه
ادوه فلوس ادوه كثير واحدة واحدة حيبقى واحد م الحمير
والحمير واقفين طابور واحنا مالناش اى دور احنا بس يا دوب بنديهم فلوس
بس أحنا مش على المسرح يا بابا .. احنا فين؟ فى الكالوس
هم حيأدوا الوظيفة فرد فرد
احنا حنجيب الديكور احنا حنظبط إضاءة يبقى عرض
هى ثورة وهم شعب يأكلوا بعض
اما احنا احنا نسمة  احنا بلسم
وحلنى على بال ما حد يفوق ويفهم
==================
ليه يا شيخنا .. ليه يا شيخنا
طب حنعمل ايه يا شيخنا
طول ما هو الأعلام .. سالخنا
واحنا برضه يعنى لسه مسيطرين
طول م الناس جعانة ومطحونين احنا لسه مسيطرين
الجوع جهالة والجهل جوع
والجوامع تحت ايدنا فى البلاد وفى النجوع
هى الناس هتفهم ليبرالية وماركسية
الناس حتفهم إسلامية
الغلابة فى القرى مالهمش خلق للحوار
دول ناس غلابة يا أما جنة يا إما نار
واحنا طبعا طرح جنة
هى الناس حتأخد دينها عنهم ولا عنا
أحنا اللى بنقول الحرام واحنا اللى بنقول الحلال
واحنا اللى حنسوقهم يمين وأحنا اللى حنسوقهم شمال
الفنانين..! الفنانين ان كان ممثل ولا مطرب ولا شاعر
اللى يناصرنا حنمدحه بالخير ونذكر اسمه ع المنابر
واللى يعادينا ياكش مايكون شيخ بعمة
حنقول ده فاجر ولا كافر
والناس بتمشى ورا الخطب
والجهل ناره قايدة قايدة
احنا بس يدوب حنرمى له الحطب
==================
تمام يا فندم
كله متظبط ومتشيك ومتهندم يافندم
هو بعد الناس ما شافت حد ليه وش يتكلم يافندم
طبعا الاعلام بتاعنا وطنى حر
أحنا بس خايفين نفتح الباب للعيال لا الخيط يكر
دى سحابة صيف يافندم حتاخد وقتها وعلى طول تمر
الرموز الاعلامية الصراحة مية مية وهى دى الديمقراطية
احنا ما منعناش مذيع يطلع فى اى قناة وينقد ولا يشتم
هات سعادتك اسم واحد
احنا ما منعناش مذيع يطلع على القنوات وينقد ولا يشتم
احنا بنقفل القنوات يافندم
الشعب منحاز لينا طبعا بالتلاتة
فنانين ومثقفين ومطربين مافيش كلام
ايوه طبعا غنوا لينا ايوه غنوا لمصر طبعا يعنى طبعا غنوا لينا 
قالوا ايه؟ قالوا
مصر يا أمه ياسفينة 
مصر عايمة فى بحر هايج واحنا ربان السفينة 
تسلم ... تسلم الايد اللى ربت
تسلم الكيكة العجينة
احنا مش فاضيين يافندم للأغانى وللكلام
الكلاب هى اللى فاضية للنباح اما احنا بتوع سلاح
==================
الشعر مصلوب على وتر الوريد
كفراشة دانت بكل محاجر العهر استفاقت نملة تشتم منسأت الرسول وترفع الاحلام شعباً لا يريد
وجعاً على الابواب يكسر نابه قل للسراب متى سيفتح بابه فانا مللت من الحكايا كل ليل دون ان يأتي جديد  
النيل اهات ورمز للجياع 
خذ كل ما يكفي لتهدئة الضباع 
وارقد على الاسفلت واقتل طفلة
لا يعرف العشاق معنى عشقهم إلا باوقات الوداع
الشعر مصلوب على وتر الوريد 
وانا على المرسى الطويل كماء بحر من حديد
==================
وانا ميه من نيلك يابلدى .. انا ميه من طينك يابلدى
انا مش معاهم كلهم ولا نيش تبعهم كلهم
أنا جى لوحدى
لسه انى فاكر مشية الكورنيش وايدك
وحشنى رمضان والفطور على صوت أذان رفعت وعيدك
وسط البلد وحشتنى من غير الحواجز والحجارة
انا كنت زمان بأمشى ولا كنتش اعرف ان فى الشارع وزارة
والله كنت امشي ولا كنتش اعرف ان في الشارع وزارة
كنت بأتحامى بعينيكى وايد حبيبتى وبالسيجارة
وكنت بأتدفى اما باركب ميكروباص
عملت كل حاجة تزعلك لكنى ما ضريتش رصاص
وسط البلد نسيت صوابعى اللى اتهروا
نسيت سجايرى الفرط وهدومى اللى دابوا واتبروا
ياعم يابتاع الخطب.. ياعم يا بتاع السلاح
هو احنا يعنى يا اما نبقى سداح بداح
يا اما تطغوا وتفتروا
بزيادة لينا ثلاث سنين بتبيعوا فينا وتشتروا
احنا البلد احنا السند والمستند
احنا اللى قبل ماتبنى سدك كنا سد
واحنا اللى عشان القنال كانت ضهورنا بتتجلد
احنا البلد
منعول ابو اللى ما داقش جوعي
وان كنت مش حأصعب عليه والله ما هوريه دموعى
انا اقوى منكم انا جدرى ضارب فى البلد دى غصب عنكم
ياعم يا بتاع السلاح .. ياعم يا بتاع الخطب
تركتكوا اصلا نخل شاخ ولاعدش بينزل رطب
انا مش طرف فى خناقة الحكم اللى قفلت قلبكم
انا قلبى مؤمن ان ملك الله بيهبه لمن يهب
بس اوعوا تفتكروا انى حأرضى بجوع عيالى
أو أانى أشوف بلدى قصادى بتتنهب
==================
والله معمولك عمل
شعب اتنحس على نحس همى
شعب اتوقف على حرق دمى
ادب ايدى فى غيط شعور عشمان انول بدر البدور
يطلعلى شال امى
لو حد زعلان انى ثورت
ادينى غورت
بطلت ثورة وبطلت نيلة
وشلت على راسى التقيلة
مالناش يا عم نصيب نفرح بخلفتنا
ما يترضى بالمركوب يا ترضى بالفتنة
يادوب شافونى عريس
نصبوا الطريق متاريس
وحاصروا زفتنا
حندارى ليه ونلف وندارى فى الألاعيب
الأعتراف مش عيب
لو كنا شفنا الغيب لا كنا قندلنا ولا كنا زفتنا
==================
صعبان عليا الحلم شايفه بيتكسر
وعنيا طايلة المدى بس الأيدين أقصر
أنا اللى عمره ما غاب وعمره ما أتأخر
تطرح عينيكى عذاب يزرع عينيه سكر
انا اللى قال حاضر لا شرط ولا أتأمر
لا طمع ولا ادانه ولا بطش ولا اتجبر
انا اللى كل مااجوع بعنيكي بتصبر
ما يغركيش العدد والله انا اكتر

انا اللى مش اخوان وانا اللى مش عسكر

المكالمة - هشام الجخ

Cover مين الغلطان و مين الزعلان ؟

لولا الملامة [وردة] - مصطفى الزاهد & محمد ربيع

فرقة طيبة - ازي الصحة

في هذا الكتاب يتتبع يوسف زيدان، أهم الأفكار التي شكّلت تصوّر اليهود والمسيحيين والمسلمين، لعلاقة الإنسان بالخالق. ومن ثَمَّ، كيف توجّه علم اللاهوت المسيحي، وعلم الكلام الإسلامي، إلى رؤى لاهوتية يصعب الفصل بين مراحلها! 
يناقش الكتاب، ويحلل ويقارن ويتتبع، تطور الأفكار اللاهوتية على الصعيدين المسيحي والإسلامي. وذلك بغرض إدراك الروابط الخفية بين المراحل التاريخية التقليدية، المسماة بالتاريخ اليهودي - التاريخ المسيحي - التاريخ الإسلامي! وانطلاقًا من نظرة مغايرة إلى كل هذه التواريخ، باعتبارها تاريخًا واحدًا ارتبط أساسًا بالجغرافيا، وتحكمت فيه آليات واحدة، لابد من إدراك طبيعة عملها في الماضي والحاضر. وصولًا إلى تقديم فهم أشمل لارتباط الدين بالسياسة، وبالعنف الذي لم ولن تخلو منه هذه الثقافة الواحدة، ما دامت تعيش في جزر منعزلة.

اللاهوت العربي - 02

أوبريت العِشرة الطيبة سنة 1920م

الحان "فنان الشعب" الموسيقار : سيد درويش
تأليف : محمد بك تيمور
إخراج : السيد بدير
التوزيع الموسيقى الأستاذ : عبد الحليم على

تأليف الأغانى الأستاذ: بديع أفندي خيرى

غناء: كارم محمود - شهر زاد - أحلام - سيد إسماعيل - صلاح عبد الحميد -سيد مصطفى - جمال الدين محمد

تفرانيل 100... شعر مصطفى ابراهيم وإلقاء سلمي سمير

fathi esam

Recent comments

شيزوفرينيا

Elif Alwakil

shrouk Talat

شيزوفرينيا

Related tracks