ترانيم

كل يوم تحت صليبك كنت بافكر دايماً فيك ياربي وأجيلك
من غير خوف زي أبويا عن أسراري وعن حكايتني هناك باحكيلك
كنت كتير يا ربي بافكر من دلوقتي وحتى أما أكبر
إني لا يمكن يوم هاتغير وأنسى صليبك
كنت في قلبي دايماً أصلي يفضل حبك في تملي 
ومافيش حاجة في يوم تمنعني إن أجيلك وافضل أحكيلك
وأما كبر ناديتك تاني بس لقيت في إيدي ياربي قيود منعاني
حزن وخوف مالي كياني سجن خطية وحب وشهوة عالم فاني
وبقيت تاني يارب بافكر امتى أرجع لك وازاي هاقدر
أقعد زي ما كنت صغير تحت صليبك
وبقيت تاني في قلبي باصلي إن تغفر لي وتخلي شهوة قلبي وروحي تملي
إني أجيلك وافضل أحكيلك
وأما رجعت لقيتك حاني بين احضان الآب في الروح فرح يملاني
مسحت دموعي جددت كياني باعترافات من عمق القلب ندم جواني
وإزاي بقى يا رب هاكافئك على غفرانك وعلى رعايتك
هافضل طول الوقت أطاوعك جوه صليبك
ويكون قلبي بيرنم لك طول العمر هامجد اسمك
أغلي ما عنده بيقدملك لما أجيلك


ابونا داود لمعى-كل يوم تحت صليبك

مهما ضعفى امتلكنى وأتسرب فيا اليأس… انت في عينيك شايفني ابنك جبار البأس
وفاتح ليا حضنك وشايل منى الخوف … وبكلمة وعد منك بهزم ربوات والوف

( اسندنى في ضعفى واسمع لصلاتى .... اللهم ارحمنى انا الخاطى ) 2

ومهما بعدنا عنك تفضل معانا تحاول ... بتخلق فينا بولس ويموت جوانا شاول
ما أنا زي السامرية جاية والضعف ماليني .... عطشان وعاوز اشرب ومفيش غيرك يرويني

( اسندنى في ضعفى واسمع لصلاتى .... اللهم ارحمنى انا الخاطى ) 2

رغم الخطية هرجع بدموعى اترجاك ... مستني منك اسمع مغفورة ليك خطاياك
مانا ابنك صنع ايديك وكلامك ليا ميراث ... تفضل عيني عليك وايديا على المحراث

( اسندنى في ضعفى واسمع لصلاتى .... اللهم ارحمنى انا الخاطى ) 2

ترانيم

Loris Nabih Habib