කඩමණ්ඩියේ දොල අයිනේ නුඹව පෙනී…
නැවතී බලනවා මොහොතක් කොහොම හරී…
කතා නැතුව හිටියත් ගොළු වෙලා අපී…
දාහක් දේ තිබේ කීමට බැරුව වැසී…

කඩමණ්ඩියේ.

ප්‍රේම වසන්තයේ මාල ගිරා දේවී
ඈත දිගන්තයේ හෙමින් ඉගිල යාවී
නුඹේ නමින් ගී ගයා වලා රොදක පාවෙලා
ප්‍රේමයෙන් ළඟින් හිඳින්න ආවේ

ප්‍රේම වසන්තයේ.

කඳුළින් අවසන් වන පෙම් පුවතට
හෙට දවසක් නොගෙනෙනු මැන පෙම්වත 
මේ මල් යෞවනයේ.....

කඳුළින් අවසන්.

මුදු මුහුනේ සුව දැනුනේ 
ප්‍රිය ළඳුනේ මට විතරද
ඔබෙ සුසුමේ සුව දැනුනේ 
හිමි සඳුනේ මට විතරද

මුදු මුහුනේ.

සුසුමක උණුසුම නොම විඳි හදකට
සුසුමක් උනේ ඔබයී...
කඳුළක සිසිළස නොහැඟුණු නෙතකට
කඳුළක් උනේ ඔබයී.....

සුසුමක උණුසුම.

තරු එළියෙන් නොව සඳ එළියෙන් නොව
පෙම් කිරණින් මඟ එකලු නිසා...
කප් ඉම තෙක් ඔබ පසු පස එන්නම්
සසර පුරුද්දට පාර සොයා..
සීතළ හිමයේ සත්කුළු පව්වෙ
චන්දන අරනෙක පුබුදු වෙලා...
ඔබ එනතුරු මඟ බලමින් ඉන්නම්
සෙනෙහෙ දනව්වේ ඉමට වෙලා...

තරු එළියෙන්.

මගේ සිනා වෙන අතකට යන්න නොදී
නුඹේ සිනා හිත ළඟ වැට කඩුලු බඳී

මගේ සිනා.

සමුගෙන යන්නෙමි මම ඔබ තනි කර..
අපෙ මතු දියුන සොයා....
සිතකින් නොව මා නැව් නැග යන්නෙ
සිත ඔබ තුරුලේ තියා........

සමුගෙන යන්නෙමි.

පෙම් කවක් ලියූ නුඹ සිත් අහසේ
එය මකා දමා ගිය හැටි රහසේ
නුඹ මෙතෙක් රෑඳී උන් මා මනසේ
පෙම් පුරාවතක් නිමා කරන්නද මා කෙළෙසේ...

පෙම් කවක් ලියූ.

විලාක් උණාත් නිල් දිය පිරි විලාක් නොවේ
මලාක් උණත් සුවඳක් ඇති මලාක් නොවේ
සඳාක් උණත් පසලොස්වක සඳාක් නොවේ
රටාක් උණත් මගෙ රට වැනී රටාක් නොවේ...

සත්සර මියැසිය | Gee 1