دينامو للتفاؤل و للطاقة الايجابية 
طيبة وحنينة وبشوشة وخجولة وجدعة ومتواضعة
جريئة وقوية و عصامية ومكافحة ودوغري ومباشرة 
بحب المعافرة والإجتهاد والدقة والنجاح
عنيدة مع احلامي وطموحاتي واهدافي
انثي بنكهه ورائحة وبراءة وعفوية وشقاوة وجنان الأطفال
(كاريزما مختلفة جدا)

أحب دايما اكون مصدر للسعادة
 (ابتسامة ؛ كلمة حلوة ؛مفاجاءة جميلة؛تشجيع؛ معلومة؛
نصيحة؛مساعدة؛ دعوة من القلب) 
مغامرة وبأسعي بكل جهدي لقضاء الحوائج
و مساعدة الناس وحل المشاكل
 حتي لو بعرض نفسي للخطر

صبورة و متسامحة و متصالحة وحقي بسيبه لربنا 
دايما بدي فرص تانية وتالتة وبألتمس الأعذار  
مؤمنة أوي بربنا وقدرته علي العفو و جبر الخواطر والعدل والقصاص
راضية جدا بالإبتلائات "إن الله إذا احب عبدا ابتلاه"
مؤمنة بأن الإلحاح في الدعاء مع الإيمان بالإستجابة "تغير القدر"
بعشق الدعاء اوي للي اعرفهم ومأعرفهمش
 حتي للي فارقونا في الدنيا دايما فاكراهم وبدعي لهم


بحب الغلابة المكافحيين اللي عندهم عفة وشرف واخلاص وامانة وعزة نفس
بلاقي راحتي مع الاطفال و الناس الكبيرة في السن بزورهم واخرج والعب معاهم
اكتر حاجة تسعدني اني افرح حد او اساعد حد معرفوش
 او اشوف ضحكة علي وش حد كان زعلان

هانم وبرنسيسة في نفسي ودلوعة وفرفوشة
احن واطيب أم واخت وابنه وقريبة وصديقة 
بحب البيت و المطبخ  وغسيل الأطباق والاكل الصحي 
بعشق النضافة والجمال والشياكة والذوق والرقي في كل حاجة حواليا
 بخرج في الاماكن المفتوحة الي فيها هدوء وخضرة وورد وعصافير وطبيعة
بحب المشي والرياضة واليوجا 
والتأمل والدندنة والموسيقي الهادية
(بحب كل حاجة جمالها طبيعي)


الصوت الهادي والصراحة والاحترام والتقدير
 والنقاش وفن الإستماع والاهتمام والابتسامة
من اهم مفاتيح العلاقات الناجحة
 
الناس الشفافة من جوه دايما عندهم
 القدرة علي التواصل الروحي والفكري
(الروح للروح دايما بتحن)


اوقات بحب اهرب من كل حاجة حواليا 
"خصوصا  التليفونات و السوشيال ميديا" 
واقفل علي نفسي واختفي تماما بالسنين
(لاشيء ارقي من الصمت عندما تخيب الظنون)

مندفعة ونرفوزة وعصبية بس بكلمة بهدي
 ولو غلطت بأعترف وبأعتذر 
وباحاول اصلح غلطي
و أدفع تمن غلطتي بكل نفس راضية

اسئل الله دائما حسن الخاتمة والشهادة في سبيله
وان يعفو عني وعن جميع احبابي

ومع كل دة بحس اني في الآخر كل حاجة وعكسها
 وعجبي :)

Yooka <3