اول مره اكتب شعر 
كنت لسه عيل
 برتب كلام
و عارف قليل في العلام 
كتبت بحبك 
انتي قلبي وانا قلبك 
وانتي البسمه في الضلام 
مكنتش عارف معني ليه 
كلام مترتب  والسلام
بعدين فهمت اصل اللعبه 
و اصول الوزن والسجع 
 واللي فارق من اول السكه 
واللي شال معايا الوجع 
امي قالتلي انتا جدع 
مفيش صعيب يقوي عليك
وقالتلي برضه حب 
حب يابني اصيله القلب 
وادعي الرب يحفظها ليك 
قالتلي برضه 
ما تعشق غير اللي عاشقك
و يتمني نظره عنيك 
و فارق اللي اختار يفارقك 
دلوقتي كبرت يا امي 
و مشاعري تاهت و سط الزحام 
ما بين همي و غمي 
 وضحكه الاحلام 
 و حبيب يهجر حبيب 
 وغريب تسرقه الاوهام 
عشقت يا امي 
زي ما قولتيلي 
 وسهرت ليلي 
ارسم حبيبي دوواين 
غنيته في مواويلي 
 وعزفته شوق و حنين 
تغنيلي عيونه افرح  
واسرح في وصفه سنين 
و لما يغيب يطول ليلي 
غلطتي يا امي 
عشقت اللي فارق 
معشقتش اصيله 
علشان حسيت الاصل 
مش فارق 
كان فارق انها من بره جميله 
عشق الجسد ويله 
هيسرقك و يفارق 

الشاعر العبيط

Popular tracks