Эрэнхүү овгийн дуулал.

Ѳвѳг Чингэсийн алтан ураг
Ѳндѳр гэгээнийг ширээнд залахад
Ѳргѳн олны даншиг наадамд
Ѳнгѳлж тодорсон удмын түүхтэй

Дахилт:  Бүл нэгэн ахан дүүс минь
               Бѳх дархан ламын отог оо
               Эрэнхүү овгийн гал голомт
               Эдүүгээ бидний амин гарвал аа 

Түшээт ханы Дайчин бээс 
Түшээ гүний нутгаар тархан 
Богдын буман шавьд багтаж ээ
Бодолд мѳнхѳрсѳн амин заяатай

Дахилт:

Хаяа уудам Ширгүүний говьд 
Ханаа шийрлэх ѳнѳр олон минь 
Хайрхан тахилгатай Бор ѳндѳр
Хаанаас ч олдохгүй тѳрсѳн нутагтай

Дахилт:

Ѳнжүүл Булангаагийн уудам хѳндий
Ѳндѳр Сумъяагийн унаган нутаг
Салаа ,Баян хѳѳвѳр ,Хадан ус минь
Санаанаас гарахгүй унасан газартай

Дахилт:

Аравнай оршсон "Богд лам" аа
Алтаар урласан Жадамба судар
Ахан дүүсээрээ сүслэн залбирах
Ашдийн билэгтэй шүтээн шүншигтэй

Дахилт:

Эрэнхүү Ажлын хэсэг

Popular tracks