هو انا ينفع انهزلها ع الفون

i put my dick hairs in her joint (feat. Rivus)

شرين  كده  ي  قلبي

-المشكلة إن بعد كُل اللي حصل منه واللي لسه بيحصل .. انا لسه بستناه
وأكن مش مكتوبلي أبداً أكون طبيعية زي كُل الناس .
يعني، انا مش أول واحدة تحب وتتحب وتحلم ببيت وطفل وحياة حلوة
رغم إنها عارفة إن الجوازة حتمشي بنفس التدريج بتاع كُل الجوازات المُملة اللي بتشوفها
بس كُنت بقول بيني وبين نفسي، المُهم إنه حيفضل هنا .. حيفضل جمبي
وروحه حواليا، يوم ما حعمل أكله حلوة حتبقى كُلها ليه .
بس هو طلع ميستهلش ميستهلش أي حاجة .
= بس هو رجعلك ..
هو رجع وقالك إنه غلط 
- مش كُل الغلط بيتمسح بالرجوع او بالأسف
سنتين، عايش فرحان مبسوط متهني في حُضن واحدة تانية
قَفل كُل الطُرق، كُلها بلا استثنا، وعاملني على إني أكبر عدو لي في الدُنيا
وجي بعد سنتين طوال عُراض، بعد ما يأست من البحث عنه والتدوير ورا
والتقليب هنا وهناك،
 ههههه ده انا كُنت بستخسر في نفسي الراحة وامشي ياما، لعل وعسى اشوفه صُدفة، مُتخيلة ؟
= برضو اللي كنتي بتتمني حصل
- بتمنى ايه ؟
وايش عرفك أصلاً إني فعلاً كُنت بتمنى ده ولا لا
أه منكرش كنت بقول نفسي يندم ويرجع، عشان انا حبيته فعلاً
بس برضو مكنتش أتمني يبقى زي الشتا اللي ملحقش يبل فُستاني، ويدوبك نقط على كف إيدي
أنا كُنت عايزة أشوفه، أقابله ونتكلم، واقوله كُل اللي حوشته جوايا
كُل حاجة ..
طب عارفة، انا بحس إن كلامي عنه بيتسجل
وحيجيله يوم ويسمعه ..
بس في نفس الوقت مش عايزة أبطل أتكلم عنه
خير أو شر مش فارقة .. المهم سيرته تفضل مفتوحة
أصلي لما بفتح الكلام عنه، بحسه موجود وقاعد بعيد بيسمعني وبيبتسم أو بيرق كعادته
= انتي مجنونة، ازاي بعد كُل ده
- يووووه، على فكرة إحنا صُحاب عشان نفضفض ونتكلم واقول ع اللي جوايا
بس عارفة، انا بحس إنك فعلاً ديماً كده، بتسمعي .. 
بتسمعي وبس .
تفتكري ده صح ؟
= تقصدي ايه ؟
- عارفة ..
مش ديماً بنحتاج حد يسمعنا، اوقات كتير بنحتاج حد يفوقنا ويقولنا أنتوا غلط لما نبقى غلطانين
حد عنده ذكاء في العلاقات والاحتواء، حد نشوف فيه جُزء من المثالية
سيبك من كُل الرغي ده ..
هو وَحشني، وحشني بجد
ولو شوفته أنا ممكن اعمل زي الافلام واحضنه حُضن المطارات اللي بحبه ده
وبعدين اكمل تهزيق فيه عادي
= استني انا مش فاهمة تقصدي ايه على صداقتنا، وعلى إني بسمعك
- بصي انا بخرف بالكلام ، يعني متاخدنيش من وسط الأحلام وتحاولي تفوقيني
يلا نمشي بقى قبل ما الليلة تقلب غَم .
( مشهد)
( ياسمين الكمشوشي)

حضن المطارات

ياسمر اللون (#بصوتي  👸💓

نغمة ♡》يا حيات الروح 《《♡.٠

احمد الفيومى

Recent comments

Tota Ana

Related tracks