Mini Frau isch für mich en erneuerbari Energie.
Drum isches wichtig, dass ich mini Frau nachhaltig liebe tuet.

Wenn ich e Frau alüge tuen, nume demit ich schnell zum Ziel kume. Demit ich sie schnell küsse kann. Demit ich ihren zärtliche Körper schnell vernasche kann,

denn isch das sehr verletzend für d’Frau. Ja es gaht darum, dass es Männer giit wo a Fraue die grossi Liebi vorgaukled, nume demits schnell zum Sex kömed, oder Männer wo besitzergrifend werdet und die emotionale Nöchi und Distanz nöd könd richtig ischätze.

Und was isch den? Wenn denn spöter im Lebe vo dere Frau, en andere Maa bi genau dere Frau, sich an ihre will ernsthaft labe? Was isch den? Wenn er sich a ihre will labe und zwar genauso wienen durstige Wanderer sich ernsthaft anere sprudelnde Bergquelle will labe. Ich kann eu säge, was den isch. De Mann würdt nume noh es uströcknets Flussbett uffinde. D’Quelle vo de Wiblichkeit isch versiegt.

Die Frau isch den kei erneuerbari Energie meh, die Frau isch den misstrauisch, die Frau isch den verletzt, Die Frau isch den seeeehr vorsichtig.

Und all das.... verletzt all die durstige Männer, wo au nach Liebi und Geborgeheit dürsted.

Und all das... enttüscht all die dürstige Männer, wo sich am zartweiche Busse vonere Frau schmiege wend.

Und all das... verunsicheret all die dürstige Männer, wo anere Frau es Blümli id Haare stecke wend.

Drum... 
Isches wichtig, dass meh Fraue nachhaltig liebe tuet
Drum... 
Isches wichtig, dass meh Fraue nachhaltig küsse tuet, 
Drum... 
Isches wichtig, dass meh Fraue nachhaltig beschlafe tuet.

Ich will inere Welt lebe, Wo Fraue und Männer
Offe und direkt säged was wend. 
Ich will inere Welt lebe, Wo Männer und Fraue
erkenned, dass nur ich elei für mis eigene Glück verantwortlich bin, 
ohni die anderi Person müsse z’besitze.
Ich will inere Welt lebe, wo Fraue und Männer
sich öffned au mit de Gfahr verletzt zwerde.

So wie en männliche Maa, für e Frau, en erneuerbari Quelle isch.
So isch au e wiiblichi Frau, für de Maa en erneuerbari Quelle.
D’Quelle flüsst und giit nöd will sie mues.
D’Quelle flüsst und git will sie da isch im Überfluss.
D’Quelle flüsst eifach so id Welt use 
und sprudlet für die ganzi Menschheit.

E Frau Isch E Quelle

lustigestorys