-	يا أبراهيم القضيه عن ايه 
-	أتفضل يا أستاذ 
-	أحمد ناجي الامبوري حاضر عن المتهم يا فندم
-	أتفضل يا أستاذ 
-	المتهم الي لابس أزرق
-	حضرات القضاه ... حضرات المستشارين .. السيد المتهم .. الساده الحاضرين .. السيد أبراهيم الوكيل بتاعي 
-	اللهم صلي علي النبي الأستاذ لجل بختك مركز أوي انهارده 
-	أيوه يا أستاذ
-	..... ماذا أقول ... ماذا أقول و أي شيئا يقال .. و أي شيئا يقال بعد كل ما قيل .. وهل قولا يقال مثل قولا قيل قبل ذلك .. كما قال الشاعر رب قولا قيل في قولا خيرا من قولا يقال .. او لم يقال 
-	اللأستاذ فتح جامد أوي .. ربنا يزيده 
-	ده الأستاذ ده فصيح فصاحه 
-	ثم دعوني أتسأل . هل كل قولا يعتبر قول .. كلا .. كلا .. كلا و ألف كلا .. فهناك قول و هو هناك قولا أخر . أما بالنسبه لقضيه اليوم التي نحن في صددها .. فدعوني أتسأل بكل ما أتيت من قوه ... ماذا أقول .. ماذا أقووول .
-	أدخل يا أستاذ 
-	أدخل فين يا فندم !
-	أدخل في الموضوع يا أستاذ 
-	أنشاء الله هدخل يا فندم .. بس أأأ . سيتك عارف..سيتك عارف يا فندم ان المقدمه الاضاحيه مطلوبه يا فندم
-	الي بتقوله مفيهوش ريحه الايضاح يا أستاذ أحمد
-	طب أعيد يا فندم من الاول عشان المحكمه تتابعني 
-	مفيش داعي يا أستاذ أحمد .. الراجل متهم بقتل جاره .. و الشهود موجودين 
-	أخس الله يخيبك .. النبي وصي علي سابع جار يا أخي 
-	الله !أيه الكلام الي بيقوله ده ! 
-	كده .. تعمل كده برضو يا مفتري 
-	تأجل القضيه لجلسه باكر . لسماع شهود الاثبات 
-	و الله يستحسن برضو يا فندم 
عادل امام .. وحيد سيف .. فيلم : خلي بالك من جيرانك


عادل أمام - ماذا أقول - فيلم خلي بالك من جيرانك

- الناس فى حاجه ليقين لحقيقه واحده تكون ثابته .. ده الي بيخليهم يؤمنو بحجاب و تعويذه  و درويش أهبل يضحك عليهم 

-أفهم من كدة إنك بتجهل المُجتمع و تتهمة بالجهل ؟

-لأ بالضعف ... الضعف ما بيفرقش ما بين جاهل ومُتَعلِم ، هما الى بيخلقوا الدجال ، وبيصنعوة بإرادتهم ، زى ما صنعوا من الحجر تمثال وعبدوة !!

أحمد زكي - الضعف مبيفرقش ما بين جاهل و متعلم - فيلم البيضه و الحجر

-	 هواا حضرتك بقالك كام سنه باقرا الكلام ده ؟ 

-	و الله سنين كتير يابني . قريت و انا تلميذ و قريت و انا موظف و قريت و انا عازب و قريت و انا متجوز و عندي عيال و قريت و 
انا بكامل صحتي و ثريت و انا بعيد عنك و عن السامعين عندي المراره .. كله كلام يبني كلااااااام

-	الله ! اومال بتشتري الجرنال ليه طيب ؟

-	مرض و العيازو بالله 

-	طب مفيش حاجه هترخص ؟

-	حجات كتيره هترخص و تبقي بسعر التراب ...أنا و أنت و الاستاذ و حضراتكم اجمعين .. وسع يا سيدي .. و وسع يا اخويا  .. وسع 
يا سيدي .. عن أذنك يا مدام .. يا مدام مايقفوش بالعرض كده في الاتوبيس خصوصا الستات .. الوقوف يا مدام لازم يبقي بالورب 

-	ههههههاااهاهاهاها

-	يا سلام .. عجيبتكوا الهيافه اوي .. اااه  و لو في حاجه جد يبقي بوزكو شبرين . جتكوا البلا فيكو و في أيامكم .. وسع يا سيدي . وسعوا يا بتوع معلش .. يا بتوع مسيرها تفرج .. وسع يا سيدي . وسعوا .. دي أزايز الكزوزه أرحم مترصصه في صناديقها و مستريجه عنكو . ولو حد ضغط عليها تفرقع 

-	أصلها متعبيه جاز 

-	ياسلام .. أومال انتو متعبين أيه .. لبن رايب لو أترج يبقي جبنه قريش .. يا جبنا . يالي صوتكو ميعلاش ألا في الفارغه . خليكو في الي انتو فيه . ربو العيال  . و روقو نفسكوا ليله الخميس .. و يوم الجمعه أتوضو و روحو صلو .. و كفايه عليكو الدعا ورا الأمام .. جتكم ستين نيله .


عادل أمام و صوت مصر - حجات كتيره هترخص و تبقي بسعر التراب - فيلم الأرهاب و الكباب

لا انا كنت برا و لا مهاجر 
انا الي جايلك من باكر 
قلبي  ولا البحر الهادر 
 عيني و لا الجمر الليله ..
الليله . الليله .. الليله يا سمرا .يا سمارا . الليله يا سمرا 
البنت قالت فستاني 
منشور ع الشط التاني 
خدني المركبي و عداني 
رجعت في الجمره الليله
الليله . الليله .. الليله يا سمرا . يا سمارا .. الليله يا سمرا 

الليله يا سمرا _ناي _لايف

 أشكر أستاذي و زميلي الاستاذ عبد النور الذي أتاح لي هذه الفرصه لأعلن كل خطاياي أمامكم و علي الملأ لعلي أتطهر منها . نعم أنا مثال للمحامي الفاسد , بل أكثر فسادا مما يتصوره أستاذي 

انا ابن لهذة المرحلة والمراحل التى سبقتها
تفتح وعى مع التجربة الناصرية امنت بها ودافعت عنها فرحت بانتصارتها وتجرعت مرارة هزائمها وانكسارتها.
هنت عندما هان كل شيء وسقطت كما سقط الجميع فى بئر سحيق من اللامبالاة والاحساس بالعجز وقلة الحيلة.

ادركت قانون السبيعنات ولعبت عليه وتفوقت
تاجرت فى كل شيء فى القانون والاخلاق والشرف
انا لا انكر شيئا ومستعد للحساب وتحمل المسئولية
بل اكثر من ذلك اعترف امامكم اننى دخلت هذه القضية طامعا فى مبلغ تعويض ضخم لكنى اصطدمت بحالة خاصة شديدة الخصوصية
جعلتنى اراجع نفسي اراجع موقفى كله اراجع حياتى وحياتنا
اصطدمت بالمستقبل.
نعم صبي من الذين حكم عليهم ان يكونوا ضمن ركاب اتوبيس الموت
رايت فيه المستقبل الذى يحمل لنا طوق نجاة حقيقى
رايتنا نسحقه دون ان يهتز لنا جفن نقتله ونحن متصورون ان هذه هى طبائع الامور.

كان لابد لى ان اقف..
ان هذه جريمة جريمة كبرى لابد ان يحاسب من تسبب فيها
انى لا اطلب سوى محاسبة المسؤلين الحقيقين
عن قتل عشرين تلميذا لم يجنوا شيئا سوى انهم ابناؤنا 

ابناء العجز والاهمال والتردى كلنا فاسدون .. كلنا فاسدون
لا استثنى احدا .. حتى بالصمت العاجز الموافق قليل الحيلة

سيدى الرئيس
كل ما اطالب به ان نصلى جميعا صلاة واحدة لله الواحد اله العدل الواحد الاحد القهار
لست صاحب مصلحة خاصة
وليست لى سابق معرفة بالشخوص الذين اطلب مسائلتهم
ولكن لدى علاقة ومصلحة فى هذا البلد

لدى مستقبل هنا اريد ان احميه انا لا ادين احد بشكل مسبق
ولكنى اطالب المسئولين عن هذه الكارثة بالمثول امامكم فهل هذا كثير ؟ اليسوا بشرا خطائين مثلنا اليسوا قابلين للحساب والعقاب مثل باقى البشر!!
سيدى الرئيس
انا ومعى المستقبل كله نلوذ بكم ونلجأ اليكم
فاغيثونا .. اغيثونا
والله الموفق..

أحمد زكي - كلنا فاسدون - فيلم ضد الحكومه

Follow me for new stuff on Fb and Twitter
Thank you :) 

Lutfi.Khald

Popular tracks