from khmer lyric
ចាំស្នេហ៍

I. ព្រះអាទិត្យជ្រាលជ្រេ        ច្រាំងទន្លេរ ក្រហមឆ្អិនឆ្អៅ
បងខំស្រែកហើយហៅ         ឈ្មោះពៅ តើអូននៅទីណា។

II. ម្តេចក៏បាត់ឈឹងសូន្យ          បាត់រូបអូន បងនៅសោកា
ឃើញតែវង់ភ័ក្រ្តា         ស្នេហាអូនហាក់នៅក្បែរបង។

R. ស្នេហ៍ ព្រោះតែស្នេហ៍       ចិត្តឥតប្រែ       បែកបែរចោលនួនល្អង
ចិន្តាចងចាំ រយឆ្នាំនៅតែផ្សង       រកឈ្មោះនួនល្អង      ដែលបងប្រាថ្នាចាំ។

III. អូនលឺទេព្រលឹង        ពេលថ្មើរហ្នឹង          បងនៅតែទ្រាំ
ចាំអូនវិលមករកបង   ស្នេហ៍ស្នងបងបានត្រកងបី៕


​​​            ចាំស្នេហ៍               ច្រៀងដោយ ម៉ុល កាម៉ាច

khmer lyric                  កុំធ្វើបាបបង

I.    យកដៃអោបទ្រូង បេះដូងរន្ធត់ ទ្រូងញាប់ញ័រចំប្រ៉ប់ បង្កប់រឿងអាថ៌កំបាំង
    ព្រះពាយ បក់បោកមកយ៉ាងខ្លាំង វិញ្ញាណភាំង បាំងសេចក្តីបំណង។

II.    អើតតាមបង្អូច លួចសំលឹងឆ្ងាយ អកមួយគូសប្បាយ រីករាយនៅលើបង្គង
    ថ្នាក់ថ្មមលួងលោមពាក្យអូនបង ប្លែកតែនួនល្អង ប្រែខ្នងចោលបងឯកា។

R.    កុំធ្វើបាបបង ក្រែងពៀរវាឆ្លងណាម៉ុម ទុកឲ្យរូបខ្ញុំ មានទ្រនំផងណា
    បើអូនមានថ្មី ចរណៃតាំងចិន្តា កុំហារប្រាប់អ្នកណា រឿងស្នេហាអតីត។

III.    ក្នុងមួយជាតិនេះ ខ្ញុំខុសអស់ហើយ សូមផ្សងកើតជាតិក្រោយ ជួបតែស្នេហ៍មានរស្មី
    បើសិន ស្នេហ៍យើងមាននិស្ស័យ ជាតិណាក្តី ចាប់ដៃគ្នាលុះអវសាន្ត៕

 
ទាញយក
-ច្រៀងដោយ    អ៊ឹង ណារី
-និពន្ធដោយ     អ៊ឹង ណារី
-បទភ្លេង         
-ទំនុកច្រៀង 
-សម្រួលតន្ត្រី
-ថតឆ្នាំ ១៩៧០

កុំធ្វើបាបបង

ស្រណោះភ្លៀង

I.    ស្រណោះភ្លៀងដូចសំនៀងស្រី        ធ្លាប់លឺរាល់ថ្ងៃឲ្យរៀមស្រមៃនឹក
    រាល់ពេលថ្ងៃយប់ព្រឹកនឹកអើយសែននឹក    រលឹកមាសស្ងួននួនធ្លាប់ស្នេហា។

II.    ស្រណោះភ្លៀងដូចចំរៀងស្នេហ៍        បងច្រៀងបំពេរឲ្យកើយលើឱរ៉ា
    ឥឡូវបាត់ពៅទៅណាឲ្យរៀមខ្លោចផ្សារ    ព្រោះតែកន្និដ្ឋាឈ្លាតឆ្ងាយពីបង។

R.    អូនភ្លេចហើយភ្លេចខ្នើយកំសត់        អូនភ្លេចបទដែលរៀមបំពេរនួនល្អង
    ភ្លេចមុងពូកខ្នើយធ្លាប់កល់កើយមិនដែលឲ្យហ្នង​  ឲ្យភ្លេចចំណងដៃអូននិងបងក្នុងថ្ងៃរៀបការ។

III.    ស្រណោះភ្លៀងច្រៀងទាំងទឹកភ្នែក        ច្រៀងរឿងសង្វេគរឿងជីវិតខ្លោចផ្សារ
    ថ្ងៃនេះទៅមុខកំព្រាវេទនាដួងចិត្ត        ជីវិតឥតន័យលុះថ្ងៃអវសាន្ត៕

 
ទាញយក

- ច្រៀងដោយ    អ៊ឹង ណារី
- និពន្ធដោយ      ឯល ប៊ុនណា
-​ បទភ្លេង            ?
- ផលិតកម្ម         ?
- ថតឆ្នាំ              ១៩៧៣



ស្រណោះភ្លៀង

ចំរៀងខ្វះទំនុក

I.    គ្មានទេឋានសួគ៌សម្រាប់ខ្ញុំ សម្រាប់ខ្ញុំគ្មានទេសួគ៌ា
    មានតែភ្លើខ្វះក្តីមេត្តា មានតែរួបខ្វះក្តីមេត្តា មានសង្ខារខ្វះសុខ។

II.    មានតែដួងចិត្ត ចិត្តមិនទៀង មានតែរូបរាងទទួលតែទុក្ខ   
    មានចំរៀងនៅខ្វះទំនុក ក្នុងជាតិនេះតិចណាស់ក្តីសុខ បើកភ្នែកយល់ទុក្ខរាល់ថ្ងៃ។   

R.    វេទនាយំយែកទឹកភ្នែកជនជោរជោគប្រាណ ទុក្ខវាស់មិនបាន មិនបានទេភាពទាំងស្រី
    គំនិតដែលខំសន្សំទាំងយប់ទាំងថ្ងៃ ត្រូវរលាយទៅតាមជីវីដូចផ្សែងអគ្គីរលាយតាមខ្យល់។

III.    ជាតិជាមនុស្សរស់ក្នុងលោក  គេមិនសោកកើតទុក្ខខ្វាយខ្វល់
ដូចរូបខ្ញុំដេកនឹកមិនយល់  ដេកដល់ស្លាប់ក៏មិនអស់ឆ្ងល់ គ្មានអ្នកណាយល់សោះឡើយ។

 
ទាញយក
 -ច្រៀងដោយ    ស៊ីន ស៊ីសាមុត

ចំរៀងខ្វះទំនុក

20 CHHNAM KHNONG KOUK

A NUK SAVARY KHLAOC PHASA

ANG ROENG MUY PY NERK

Chis cyclo ជិះស៊ីក្លូ   ច្រៀងដោយលោក  យួស​ អួឡារាំង

Chamrieng trang deux

Chis touk tarm moat tonlé

Chun chiet khmer

                        អាពាហ៍ពិពាហ៍ឥតនយ័. លោក; សុះម៉ាត់
ឨ!ឈប់ពិរោះហើយបទបាយខុន កាលលេងពីមុនផ្ទឹមការជិតស្រី ថ្ងៃនេះបទចាស់ផ្លាស់ប្តូរគូថ្មី បង្ខំការស្រីអោយភ្លេចរូបបង........
ពោល:ម្តាយខាងស្រី. ឈប់សិន!គេលេងបទបាយខុនគ្រប់គ្នា អាចង្រៃឯងបែកឆ្វេងហើយ ត្រូវតែអូសវាចេញទេៅអ្នកដន្លង......
ដន្លងប្រុសតប. ទេ ខ្ញុំត្រូវការស្តាប់វាច្រៀងអោយចប់ អ្ហេ!ច្រៀងទេៅ!
1-ឨ!ស្តាយអើយស្តាយ ចាំអ្ហើយជួបជួបស្រី ស្តាយចិត្តភក្តីជួបថ្ងៃទឹកភ្នែក អ្ហើយ... ជាតិនេះកម្មក្រាស់ប្រទះអំរែក ម៉ែព្រាត់ឪបែកដូចមេឃឆ្ងាយដី អ្ហើយ...
2-ចាបីុទ្រឃ្មោះឈ្លោះឆ្លើយរងំ អ្ហើយ...ជេរអស់ចាស់ទុំ រៀបការឥនយ័ បង្ខំចិត្តក្មេងឃុំប្រេងនិស្សយ័ អាងនាឡិប្រលយ័ជាច្បាប់តម្រា
3-ខំថ្នមអាវប៉ាក់ឆ្លាក់រូបជេសស្លែង ខំថែស្មានបានពាក់ផ្ទឹមនឹងគ្នា កម្មយើងទេអូនកុំយំសោកា ជាតិថ្មីកាលណាប្រាថ្នាមូលមិត្ត អ្ហើយ...
4-ហ៎ា អឺ...អើយ...ងើបមុខឡើងឆ្លើយ ឆ្លើយឡើងអូនអ្ហើយ អោបងអស់ចិត្ត បំណាចរៀមចាំ ចាំជួបស្នេហ៍ស្និទ្ធ អូនមិនអាណិតដាច់ចិត្តម្លេះអើយ...
ពោល:(ប្រុស)ងើបមុខឡើងពេៅ គេអូសបងទេៅឥឡូវហើយ...
(ស្រី)បង...

អាពាហ៍ពិពាហ៍ឥតនយ័. លោក; សុះម៉ាត់

នាគព័ន្ធអស់ពិស

I.    នាគពន្ធ័អស់ពិស ក្លាយខ្លួនជាថ្ម     អប្សរាកិន្នរឈរស្រក់ទឹកភ្នែក
     បាយ័នក្តោបមុខសោកាសង្វេគ     តាព្រហ្មយំយែកស្ទើរបែកលោកីយ៍។

II.     ប្រាង្គព្រះវិហាររងារម្នាក់ឯង     ស្រែកថ្ងូរក្តែងៗខ្លាចប្តូរឈ្មោះថ្មី
    ដូចកម្ពុជាក្រោមសុរិន្ទសព្វថ្ងៃ     ក្រុងខ្មែរល្បាញល្បីសៀមយួនយកអស់។

R.     ខាងលិចក៏បាត់ខាងកើតក៏បង់     កណ្តាលលិចលង់ស្ទើរលស់ព្រលឹង
    ក្នុងភ្លើងសង្គ្រាមចោលសាច់យកឆ្អឹង ដំរីក្បាលរឹងជល់ភ្នាល់ជីវិត។

III.     ទល់ដែនដាច់ខ្សែខ្មែរស្ទើរដាច់ពូជ     សៀមយួនកំហូចលួចប្លន់គ្មានគិត
    យកស្រីទាក់ស្នេហ៍យកប្រាក់ទាក់ចិត្ត ថ្ងៃក្រោយដីពិតខ្មែរនៅប៉ុណ្ណា។
 
 ទាញយក 
- ច្រៀងដោយ     ចឹក សៀងសំណង

- និពន្ធដោយ       ?

-​ បទភ្លេង             ?

- ផលិតកម្ម          ?

 - ថតឆ្នាំ              ១៩៩០?

ly kheang

Popular tracks