ومسير الضحك لوحده.. هيطلع

متدمعش

فيلسوفه صغيره

من صغرها بتوه في الحكايات، بتتسلى بيها كأنها فقاعات صابون تنفخها فتحييها،

  لما كبرت شوية وحست بالغربة، ملاقتش وطن الا خيالها، خلقت عالم موازي بكل التفاصيل اللي تريحها،

 كبرت أكتر وزادت غربتها فوسع العالم جوا دماغها، شخصيات ومواقف, احلام وامنيات، ناس تموت وتعيش، تتشغل في وظايف مختلفة، تنجح جدا وتسافر، وتحب وتتحب، تتخان ووتتوصل تبكي وتفرح ، 

دايما بتجري على وحدتها بلهفة، تهرب من زحمة الواقع لخيالها الممتع جدا، عمر ماكان عندها مشكلة في الوحدة، وظاهريا ماكنش عندها مشكلة مع الناس، اجتماعية وحاضرة وحبوبة، إلا انها كانت بتتونس بنسج الحواديت اكتر، كانت بارعة جدا في صنع الاوهام

 اللي غاوي فقاعات صابون، مايملش من نفخها لحد ما يجيب اخرها، تفرقع، فتتحول ذراتها الصغيرة جدا لنجوم، كل البيوت اللي سكنتها لونت غربتها وملت جدرانها بالنجوم،

 بس الحلم مايكملش، عدى الوقت وفات فاتحولت لقبر، ماهو بعد كل حكاية بيموت الابطال، تدفنهم جواها وتحي غيرهم، وهكذا.

 حاولت تتخلص منهم بالكتابة 
لكن عمرهم ماطلعو ع الورق بالمللي زي خيالها، ولا بالمتعة والونس اللي بتخليهم حيين جدا في حياتها
 وفي ليلة حلمت انها بتتملي بالنور، وانها خفيفة وطايرة بين السحاب

لما طلع النهار، فاقت، نوت تفضي روحها وعقلها من دوشتهم،  لكنهم كانوا حاضرين في كل ذرات جسمها، الخلاص منهم ماكنش بسهولة صنعهم،  اتعودت عليهم، اتعودت على متعة الخلق، ع الونس المتفصل لاحتياجاتها، 

حلم النور كان أقوى من متعة حضورهم، قبلتهم وطمنتهم لأنهم ياما ونسوها، شكرتهم وامتنت لصحبتهم، وسمحت لهم  ينفصلوا عنها بمحبة، وفتحتلهم باب صغير في جبهتها لمحتهم بيجروا ورا بعض، فوق بعض، زي سرب نمل انطلق فجأة، بأحجام صغيرة والوان زاهية، 

 اتهز قلبها  لحظات لكنها كانت واثقة ان فراقهم نجاة،
  من وقت للتاني تشغلها حكاية جديدة بس بسرعة بتاخد بالها قبل ماتسحبها الدوامة، تستقبلها بابتسامة تسألها اللي وراكي،خوف ولا قلق؟ افتفاد ولا حب، ملل ولا احتياج للونس؟ 
لما بتقفش اللي ورا الحكاية، تاخد نفس  وتطلع الحكاية مع الزفير بهدوء بعد ماتشكرها على حضورها السريع ،  تاخد نفس تاني أطول  فيزيد براحها وتتملي بالنور


سارة طوبار - الحكاية الأولى

أنا أتوب عن حبك للشيخ إمام

أنا أتوب - الشيخ إمام

وقف الشريط بصوت سعاد حسني

وقف الشريط - صلاح جاهين - سعاد حسني

zain mahmoud_يبكى ويضحك

صلاة__ فايا يونان

المغني - ريم بنا

سعاد حسنى - شيكا بيكا

مركب ورق - ريهام عبد الحكيم

انا دبت وجزمتي نعلها داب
من كتر التدوير ع الاحباب
يا سلاملم لو اعتر ف حبيب
دا انا ارقص من كتر الاعجاب
واتنطط واتعفرت واترقص 
كدهوه كدهوه كدهوه

انا قلبي مزيكا بمفاتيح
من لمسة يغنيلك تفاريح
من اني ما فطرتش وجعان
ومعذب ومتيم وجريح
باتنطط واتعفرت واترقص
كدهوه كدهوه كدهوه

بيانولا وألابندا وحركات
اطلعي بقى يا نصاص يا فرنكات
انا عازمك يا حبيبي لما الاقيك 
على فسحة في جميع الطرقات
نتنطط نتعفرت نترقص كدهوه
كدهوه كدهوه كدهوه

كلمات: صلاح  جاهين
ألحان: سيد مكاوي

بيانولا - صلاح جاهين

-شكران أنا بحبك.
-أنت مدتش نفسك فرصة تحبني، أنت كان ممكن تحبني بس أنت محاولتش، أنت كنت بتكره نفسك فيا. حتي ميزاتي كنت بتقلبها عيوب. الطيبة كنت بتشوفها خيبة. حبي ليك بتشوفه ضعف مع إن محدش حبك أدى يا محسن.
-متصغرنيش أكتر من كده يا شكران.
-محدش كبرك أدى أنت اللي صغرتني، مكنتش مضطر، أنا عمرى ما كنت ست قليلة، بس كنت بسيطة معاك، ياريتك كنت قدرت ده.
-متسبنيش وأحلفلك إني هتغير.
-متحلفش يا محسن حلفانك ده مش هيأخر ولا يقدم حاجة، اتغير اثبتلي انك اتغيرت ويمكن ساعتها ارجع.

شُكران ومحسن - هوانم جاردن سيتي I أنا عُمري ما كنت ست قليلة

فرقة حبايبنا - هنغنى و دايما هنغنى

قصيدة والد الأراجوز للشاعر فؤاد حداد القاء سامية جاهين و اية حميدة

أحمد زكي - ان ماقدرتش تضحك من فيلم هيستريا

إن مقدرتش تضحك.. متدمعش ولا تبكيش
وان مفضلش معاك غير قلبك
اوعى تخاف مش هتموت.. هتعيش
وان سألوك الناس عن ضي جوه عيونك ما بيلمعشي.. متخبيش
قولهم العيب مش فيا.. ده العيب في الضي

وانا مش عاشق ضلمة.. ولا زعلت الضي
مسير الضي لوحده هيلمع
ومسير الضحك لوحده.. هيطلع
ما بيجرحش.. ولا يأذيش

أحمد زكي - ان ماقدرتش تضحك

Mohamed A. Hamed

Recent comments

Reem M.Helmy

Hazem Elsisi

Neesha Contessa I

Related tracks