becxico

مفيش في الأغاني كده ومش كده

تفرقنا عن بعض بالشكل ده

يا مصر اللي جايبة الشجر من زمان

وشايلة الضفاير على البرتقان

وقبل الأوان اللي قبل الأوان

بتحييني أنفاسك المسعده

مفيش في الأغاني كده ومش كده

تفرقنا عن بعض بالشكل ده

يا حلوة كلامك تحبه الودان

يشمسني في الدروه زي الميدان

يمشيني بين الحيطان الغيطان

عروسه وحصان في القمر والعدا

مفيش في الأغاني كده ومش كده

تفرقنا عن بعض بالشكل ده

عنيكي تغمض وتفتح يبان

سطوح الليالي عليه الأمان

وبحر الدره من ورق لامتحان

وبتغني موّالي يا مولّده

مفيش في الأغاني كده ومش كده

تفرقنا عن بعض بالشكل ده

بحبك كأني طليق العنان

و زى العجوز اللي دق البيبان

وزي الكتاب اللي كان ياما كان

وزي الرصيف اللي في السيده

مفيش في الأغاني كده ومش كده

تفرقنا عن بعض بالشكل ده

Mafish Fil Aghany- أحمد إسماعيل -مفيش في الاغاني كدة ومش كدة

كلمات: بديع خيرى
ألحان: سيد درويش
اقرأ سي قفاعة تلغراف آخر ساعة

اللي في جورنال البورص

وأنا أبقى أحلق ذقني إن ماكنتش ترقص

ترقص ترقص ترقص

الصبح صبح قلسطة والعيشة هتبقى قشطة

ياقساتذة قولم هش

ياقساتذة قولوا براوة دي الحرب خلاص فينيشٌ

فينيشٌ فينيشٌ فينيشٌ

بعد أكل التسقية والسلطة والطعمية

اللي بتهد الحيل

نرقع لنا اقتين ثلاثة من لحم الخيل ارقع

ارقع ارقع ارقع

ياما بكرة حنبقى نقلّس ع التجار لما تفلس

وزي مانتفلق

يتفلقوا هما كمان واحنا نضحك هقهق

هقهق هقهق هقهق

ومادام الضاني غالي وكذلك العجالي

مش لازم ندقق

حصاناً أو حماراً أو بغلاً مش راح نعتق قبداً

قبداً قبداً قبداً

يالا نقلوظوا العمة ألا مودا ونستحمى

بصفيحة كالونيا

ونسافر على اوروپا نتفرج ع الدنيا

دنيا دنيا دنيا

ستاتها قلماظية ماتقولش مهلبية

قبداً قبداً إيش جاب

قربت أسيح قربت أسخسخ قربت أتكهرب الحق

الحق الحق الحق

سيبك م الفقهنة خالص من بكره هتبقى لابس بدل العمة كاسكيت

Syed Darwish  - سيد درويش - أقرا يا سي قفاعه -  بصوت إيمان البحر درويش

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته

سيد مكاوى الليلة الكبيرة . تسجيل نادر .

ماتستعجبشي ماتستغربشى
فى ناس بتكسب ولا تتعبشى
وناس بتتعب ولا تكسبشىماتستعجبشي ماتستغربشى
وارث وله كام الف جنيه
و ده غير ياسيدى خمس عمارات
ييجى بسلامته اسم الله عليه 
يعشقلى واحده بنت صالات
سعادة البيه جوة الكباريه
ولع سيجارتها ب عشره جنيه
تضحك فى عينه وتكروت فيه
وتقولله هاتلى ابصر ايه
فلوس وجاتله يا ناس بلاش
وليه بقي مايجيبلهاش
وهى تكسب ولا تتعبشى
وهو يخسر ولايكسبشىواهي ناس بتكسب ولا تتعبشي 
وناس بتتعب ولا تكسبشي 
ماتستعجبشى ماتستغربشى
وادى واحد تلميذ خيبان
شوفوا وجاهته بقي وبصوله
يشربلي خمره كمان دخان
وفى مدرسته بليد على طوه
فى الغراميات يكتب جوابات
لو تقرأ فصاحته تقول ياسلام
وفى التاريخ ينزل تلبيخ
ولا يعرف سته x سته بكام
وابوه مسكين مهدود حيله
ده بيتعب نفسه ويديله
وكل ده ولا بيقدرشي
وابوه بيخسر ولا يكسبشى
واهي ناس بتكسب ولا تتعبشىوناس بتتعب ولا تكسبشى
ما تستعجبشى ماتستغربشى
واثنين ووجها من الاعيان
غاويين يا فندم لعب قمار
يقضوا طول الليل كون كان
تقولشي يعنى ما بنهم تار
فلان كسبان وفلان خسران
وتشوف العكس الليله التانيه
خسارة دواره كل الليالى
وصاحب النادى له ع الميه
يخطف عمولته المعتاده 
حيهمه ايه لاده ولادهيفضل في مكسب ولا يلعبشي 
يعمل في الوفات ولا يتعبشيواهي ناس بتكسب ولا تتعبشى 
وناس بتتعب ولا تكسبشى
ما تستعجبشى...

Ismail-Yassin- matst3gbsh - متستعجبش - اسماعيل ياسين

 يالا بينا تعالوا
نسيب اليوم فى حاله
و كل واحد مننا يركب حصان خياله
درجن درجن درجن درجن

هانهرب من النهارده
و نهرب من المكان
و نطير و نطير و نطير و نطير
و نطير مع نسمة شاردة
و نروح لأيام زمان

دى ايه دى مدبغة
علشان صنع الجلود
و دى ايه دى مصبغة
علشان صبغ الجلود

لكن ورا الصباغة والألوان والدباغة
في جلد كان جمل
و جلد كان حمل
وآهو كله بيتعمل جزمة
جزمة و حزام و شنطة
فيه جلد مالوهش لون
و جلد بألف لون
لو تغسله بصابون يطلع لونه أونطه

سيبك م المدبغة وصباغة المصبغة
و بص بص شوف
شوف الناس و الظروف
يمكن تلقى الديابة لابسة فروة خروف
يمكن تلقى الغلابة فى أول الصفوف

درجن درجن درجن درجن

كلمات : سيد حجاب

يالا بينا تعالو - الكيت كات

عارفِك مش تايهه _ دينا الوديدى

فص زُمُرُّد _نهال نبيل

"أنا لسه هبتسم.. مش هسيب اليأس يموتني.
أنا بحب السعادة..بحب الضحك و الفرح و التفاؤل و الحب و الأمل.. و هعيش و أحب الناس اللي حواليا..
عيش حياتك بروح الطفل اللي جواك... و خلي الابتسامة حاجة مش مفارقاك"

(TEDxCairo) السعــادة _ زاب ثروت

عاشق سارح فى الملكوت..ريهام عبد الحكيم 

صاحب السعادة 
اسماعيل يس

-----------


كلنا عايزين سعادة
بس اية هى السعادة
ولا اية معنى السعادة
قولى يا صاحب السعادة
قولى قولى
ناس قالولى ان السعادة بالفلوس
حاجة سموها الجنية
قول فضلت اجمع واحوش
فى الفلوس لحد ما حسيت انى بية
كل ما امشى فى اى حتة
ابتسامة
واللى يمسحلى الجاكتة باحترام
واللى يشتم فى فلان
واللى يعمل بهلوان
واللى يفتحلى البيبان
واللى يمسحلى المكان
كل دى ..كانت اونطة
مش باخلاص او ارادة
اى ضحكة ..ابتسامة..
عليها اجرة
تبقى فين هى السعادة ؟
قولى يا صاحب السعادة
قولى قولى
ناس قالولى ان السعادة فى الغرام
ويا احسان او نوال
نظرة ثم ابتسامة
واخوك قوام طار فى شرك الجمال
الهوا شعلل فؤادى باللهيب
وفى هدايا فضلت اهادى لاجل اطيب
وانطفت نار القليل..لما بلتلى الحديد
وحلفتنى ميت يمين انى اكون مخلص امين
بعد حلفانى بيومين شوفت الحبيبة
وياة واحد ..والاكادة
انة صاحبى ..وهى عارفة
تبقى فين هى السعادة
قولى يا صاحب السعادة
قولى قولى
قولت احسن لما اشوف بنت الحلال
دى السعادة فى الجواز
قول نهايتة رحت دافع مهر عال
للعروسة وللجهاز
يوم كتبنا ويوم دخلنا عالزفاف
بعد جمعة خاب املنا بالخلاف
اشتيكلها فى الغرام ..تشتكيلى بالقليل
خياطتها ..والهدوم طلعوا مش اخر موديل
فكرها مشغول بصيدناوى وموباكو..والمقلم واللى سادة
اما جوزها مش ضرورى ..واجباتة
تبقى فين هى السعادة ..قولى يا صاحب السعادة
قولى قولى 

إسماعيل يس - صاحب السعادة

رقصة الغازية" من موسيقى فيلم شئ من الخوف 1969"

لحن  : الشيخ إمام
كلمات : أحمد فؤاد نجم
مقام : حجاز
ــــــــــــــــــــــــــــــــ
يسبق كلامنا سلامنا 
يطوف ع السامعين معنا
عصفور محندق يزقزق 
كلام موزون وله معنى
عن أرض سمرا وقمرا 
وضفة ونهر ومراكب
ورفاق مسيرة عسيرة 
وصورة حشد ومواكب
فى عيون صبية بهية 
عليها الكلمة والمعنى
***
مصر ياما يا بهيه
يا ام طرحه وجلابيه
الزمن شاب وانتي شابه
هوا رايح وانتي جايه
جايه فوق الصعب ماشيه
فات عليكي ليل وميه
واحتمالك هوا هوا
وابتسامتك هيا هيا
تضحكي للصبح يصبح
بعد ليله ومغربيه
تطلع الشمس تلاقيكي
معجبانيه وصبية       
يا بهيه
***
الليل جزاير جزاير 
يمد البحر يفنيها
والفجر شعلة هتعلى 
وعمر الموج ما يطويها
والشط باين مداين 
عليها الشمس طوافة
ايدك فى ايدنا ساعدنا 
دى مهما الموجة تتعافى
بالعزم ساعة جماعة
وبالاصرار نخطيها
***
مصر ياما يا سفينه
مهما كان البحر عاتي
فلاحينك ملاحينك
يزعأو للريح يواتي
 اللي ع الدفه
 صنايعي
واللي ع المجداف
 زناتي
واللي فوق الصاري كاشف
كل ماضي وكل اتى
عقدتين والتالته تابته
تركبي الموجه العفيه
توصلي بره السلامه
معجبانيه وصبيه          
يا بهيه
***
ويعود كلامنا بسلامنا 
يطوف عالصحبة حلوانى
عصفور محنى يغنى 
على الافراح ومن تانى
يرمى الغناوى تقاوى 
تبوس الارض الارض تتحنى
تفرح وتسرح وتطرح 
وترجع تانى تتغنى
اللى بنى مصر 
كان فى الاصل حلوانى
***
مصر ياما يا بهيه
يا ام طرحه وجلابيه
الزمن شاب وانتي شابه
هوا رايح وانتي جايه
جايه فوق الصعب ماشيه
فات عليكي ليل وميه
واحتمالك هوا هوا
وابتسامتك هيا هيا
تضحكي للصبح يصبح
بعد ليله ومغربيه
تطلع الشمس تلاقيكي
معجبانيه وصبية       
يا بهيه


مصر ياما يا بهية

صدفة يا سمسم بالنسبالي تجربة فنية و شخصية 
تسقط.. اسقط دغري معاها .. تنجح .. انجح مية لمية 
انما ستات و جواز و خلف و عيال اوهام 
دول صنف من البشرية تمام زي الالغام 
من كلمة تقيد النار في البيت و الغيط واعاديك
هتلاقي ابوها و اخوها و حماة جاية تربيك
ويطلعوا نني عينيك 
و يلموا الدنيا عليك
و اعاديك ... اعاديك يتشمتوا فيك
و صوات و صريخ و زعيق و مناهج في التشليق
و سلاح قباقيب و حلل و قلل و فريق ينحاز لفريق
و فضايح وسط الناس .. و انا ناقص قلبة مخ 
ده انا رقة اوي و حساس.. باتشنج لما ترخ
ابقي اتجوز ليه ؟...و انا مالي 
ولا اتقيد ليه ؟ .. كده مالي
ثم انا كده باعمل ما بدالي
حرو خالي و امري ف ايدي
اما ان كان على صدفة يا سيدي
صدفة يادوبك بالنسبالي تجربة فنية و شخصية
تسقط... اسقط دغري معاها.. تنجح.. انجح مية لمية
.........................
طب جرب انت في مرة و سلم نفسك وحدك ليهم
وانا اراهنك ان ما صبحت بتلعن اورمة خاش اهاليهم
دول صنف من البشرية انما معجون مية عفاريت
يملوك بنزين و سبرتو و بومب و يلعبوا بالكبريت
كيدهم ده عظيم وحياتك
حتى و لو كانوا اخواتك
ايش حال لو بقوا ستاتك؟
يخربوا بيتك ماديا 
 و هاتتعقد نفسيا
 و يضيع اسمك ادبيا
 في محاكم ثم في نفقة او في الحبس احتياطيا
....................
ابقي اتجوز ليه و انا مالي 
ولا اتقيد ليه كده مالي
ثم انا كده باعمل ما بدالي
حر و خالي و امري ف ايدي
اماان كان على صدفة يا سيدي
صدفة بقولك بالنسبالي تجربة فنية و شخصية
تسقط.. اسقط دغري معاها... تنجح .. انجح مية لمية

Fouad Elmohandess فؤاد المهندس  - Atgawezz Leih  اتجوز ليه

أول كــلامـى بــذكـر الله بــعـديـن بــمـدح نــبـيـنـا
الله مـوجـود ولا غيرة سواه هوا خلقنا متكفى بينا
يابا أه ياعـينى على أه سيـدى أه ياعينى على أه
يابا أه ياعـينـى على أه هوا خـلـقـنـا متكـفى بـينا

تــاريـهـا الـدراهـم بـتـنـفع بتجـيب مِلّ ويـا غـنيمة 
والــصـاحـب اللـي مـايـنـفـع البُــعد عـنه غـنـيـمـة
يابا أه ياعـينى على أه سـيـدى أه ياعينى على أه
يـابـا أه يـاعـينـى عـلـى أه البُـعـد عــنـه غــنـيـمـة

ويــا دنـيـا يا بــعــوه راحــو فـيــن اللــى فاتــوكــى
راح فــيــن أدم وحــوا ســكـنــوا الـتـراب هـمـلوكى
يابا أه ياعـينى علـى أه سيـدى أه ياعينى على أه
يابا أه ياعـينـى عـلـى أه سـكنوا الـتراب هـملوكى

ولا حــد خــالـى من الـهـم حـتـى ضـلـوع المراكب
متقـولـش للـندل يا عـم لو كان على السـرج راكب
يـابـا أه ياعينـى على أه سيدى أه ياعينى على أه
يابا أه ياعـينى عـلى أه لو كان علـى السـرج راكـب

واللـي يـداديـك داديـه واجـعـل عـيـالك فى ايـده
واللي يـعاديك عـاديـه روحــك ماهياش فى ايده
يابا أه ياعينى على أه سيـدى أه ياعينى على أه
يابا أه ياعــينى على أه روحك ماهياش فى ايده


Friends of bambouty - Semsemia - السمسمية  - سيدى اه يا عينى على اه

كلمات : سيد حجاب 
ألحان : إبراهيم رجب 
غناء : محمود عبدالعزيز وشريف منير 

يالا بينا تعالو - الكيت كات

Mohamed A. Hamed

Recent comments

Ahmad Ismat

Gigo

Adham Elmalt

Khaled Elgarhy

Related tracks