هنا شقلبان محطة اذاعة حلاوة زمان
من القاهره ومن كردفان
وسائر بلاد العرب
واليابان
ومن فنزويلا
وايضا ايران
ومن اي دار
أو بلد مستباحه
بفعل السياحه
مع الأمريكان
هنا شقلبان
محطة اذاعة حلاوة زمان
نقدم اليكم بكل الللغات
مراسح وسيما وجميع الفنون
صحافه ومنابر
وتليفزيونات
وخطبا ف جوامع
وجبنه و زيتون
ونقزح ونركب جميع الموجات
ونبحث ونفهم
في كل الشئون
ودايما نلعلع في كل الحالات
ولاحد سامع
ولايحزنون
وتسمع ماتسمع
دا ما يهمناش
لأن احنا أصلا
بناكل بلاش
فخليك في نفسك
وماتخليناش
نسلط عليك القلم
واللسان

***

هنا شقلبان محطة اذاعه حلاوة زمان
يسر الاذاعه
ومايسركوش
بهذي المناسبه
وما بندعيكوش
نقدم اليكم
ولاتقرفوش
شحاته المعسل
بدون الرتوش
شبندر سماسرة بلاد العمار
معمر جراسن للعب القمار
وخارب مزارع
وتاجر خضار
وعقبال أملتك
أمير الجيوش
ماتقدرش تنكر
تقول ما اعرفوش
ما تقدرش ايضا
تقول ما اسمعوش
شحاته العسل
حبيب القلوب
يزيل البقع
والهموم والكروب
يأنفس
يأفين
يبلبع حبوب
ويفضل يهلفط
ولاتفهموش
وتفهم ما تفهم
دا ما يهمناش
لأن انت فاهم
وعامل طناش
ح تنكر وتحلف
ح أقول لك بلاش
ح تلعب دماغنا
وتتعب كمان

***

هنا شقلبان
محطة اذاعه حلاوة زمان
لأن المخبي ظهر واستبان
وكل المسائل
بدت للعيان
وطلعت حكاوي
ونزلت كمان
عن التهريبه
وعن كيت وكان
وعن محسوبيه
وعن ألعبان
ظهر في المدينه
كأنه طوفان
وغرق مراكب
وسوح غيطان
وبعض المراكب
ح تغرق كمان
وأزمة مساكن
وأزمة أمان
وعالم بياكل
في عالم جعان
وريحة مؤامره
في جو المكان
مخطط خيانه
مع الامريكان
لدبح العشيره
وحرق الجيران
وفيه ناس بترغي
ولازم بيان
كما أبلغونا
جميع الودان
لهذا وذاكا.. وتلكم كمان
نقدم اليكم
عروسة وحصان
شحاته المعسل
وهذا البيان

***

هنا شقلبان
محطة اذاعة حلاوة زمان
بسم الله
سلام عليكم
وسلمون وموز
وأما المسائل
فهنجف ولوز
فيا اخوتي
ويا اخوات
اليكم بياني
كما هو آت

***

جميع المسائل
تمام التمام
وكل الكلام دا
مجرد كلام
فصبرا جميلا
ولاتقلقوش
وشغل الضغاين
أنا ما اقبلوش
مافيش أي حاجه
على الطلاق والعتاق بالتلاته
مافيه اي حاجه
وقدر كمان ان فيه أي حاجه
مافيش اي حاجه
ما لوش أـي لازمه الكلام
واللجاجه
وعيب ان عيل يسوق السماجه
ويعمل لي باللو
ويعمل ديباجه
أنا بطبعي ضد السماسره الكبار
بحكم المنافسه
وحكم الجوار
لكن مش ف طبعي
اني أعمل فضيحه
لواحد زميلي
هبش كام صفيحه
ما كل الزمايل
بتهبش صفايح
وكل اللي جاي
ماشي زي اللي رايح
فيا ايها الشعب
صهين تفلعص
مسا التنفس
مساء الروايح

***

أخويا الامير بزرميط الايراني
بعت لي السنه دي
عزمني ودعاني
أنا قبلت طبعا
ورحنا العزومه
وكانت وليمه
ماتحصلش تاني
دا ايه المحمر
وايه المكمر
وايه المشمر
وايه الصواني
وأنا دماغي تعبت
ولفت صراحه
من الفخفخه
والهنا الأصفهاني
هناك يعني مثلا
اذا شربت طافيه
تمز بكوارع
وبسطرمه ضاني
ماشفتش هناك
ناس بتحقد عليهم
ولاناس بتشتم
فلان الفلاني
لأنه اشترى عزبتين
من شطارته
وحكمة ارادته
وطلع مباني
وبعد الوليمه استلمنا الهدايا
مفضض
ومدهب
وقز وقيشاني
وطبعا أخويا الأمير
قال لي حاجه
ح اقولهالكو طبعا
اذا الوقت ناسب
ح يطلع لي عيل
بدون اي حاجه
ويعمل لي فلحس
ويقعد يحاسب
دا حقد اشتراكي أنا مااقبلوش
ولو هو ابني انا ما اعتقوش

***

كلام عن سماسره
كلام عن دعاره
حاجات مش صحيحه
جمل مستعارة
وعايزين يخلوا البلد
أردغانه
وعايزيني اسيب البلد
من زمان
وانا مش ح اسلم
واسيب الامان
ولا بالبوليس والنيابه كمان
فيا ايها الشعب
كمل جميلك
وصبرا
والزم حتيجي المصاري
وتأكل وتشرب
تبع ما يآتيلك
وتغرق في بحر العبيد والجواري
وترسم حياتك
حسب مايرائيلك
وتملا الحواري
فساقي وقصاري
تسبح بحمدك
وتشكر جميلك
وفضل الزباله
وطفح المجاري
ختاما سلاما
وآخر كلاما
ضرورا
يسود الهدوء والوئاما
فماذا والا
ح طربقها واللا
اهرب فلوسي
واسافر قواما
سلام عليكم
وسلمون وموز
بصفتي رئيسا
وأبا
وجوز .

هنا شقلبان محطة اذاعة حلاوة زمان   أحمد فؤاد نجم

هتافات الثوره المصريه 25 11 2011

جادَك الغيثُ اذا الغيثُ همى .. يا زمانَ الوصلِ بالأندلُسِ
قد مضينا ننثرُ الخيرَ وما .. نامتِ الأعينُ عندَ الغَلسِ
إننا مجدٌ وعزٌ إننا .. عائدون أُمتي لا تيأسي 

يا زماناً هل نسيت المسلما .. نورُ هذا الكونِ روّاءَ الظما 
أقمراً كنّا شُموساً أنجما .. ومَضينا كي نغيثَ الأمما 
ننشر الحبَّ ونمضي قُدما .. حُللَ النُورِ بِلادي تكتسي 

أُمتي صَبراً فإنّا لن نغيبْ .. لم يَعد يُطربنا ذاكَ النّحيبْ
فالحبيبُ الحُّرِ يسعى للحبيبْ .. فجرنا يا أُمتي صارَ قَريبْ
آن أنْ نُرجعَ ذا المجدَ السليبْ .. عائدون أُمتي لا تيأسي

جادك العيث - فعد الكبيسي

من كل جهات المدن الخارسه.. ألوف شبان
زاحفين يسألوا عن موت الفجر
استنوا الفجر .. ورا الفجر
ان القتل يكف .. ان القبضه تخف
ولذلك خرجوا يطالبوا بالقبض على القبضه و تقديم الكف

الدم.
الدم قلب الميدان و عدله كأنه
دم نحاس مصهور
انا عندي فكرة عن المدن يكرهها النور
والبات اللي بات مش مسرور
عندي فكرة عن العار
وميلاد النار..
و السجن في قلبي مش على رسم السور

قلتله لأ يا بيه.. أنا اسف
بلدي بربيع و صباح
لسه في قلبي هديل الينابيع..
لسه في صوتي صهيل المصباح
لسه العالم حي
رايح .. جاي
بيفرق بين الدكنه.. وبين الضي
بلدي مهما بتتضيع .. مش هتضيع
ما ضايع الا ميدان وسيع.. يساع خيول الجميع
يقدم المقدام .. ويفرفر الفارس
ويترك الشجاعه للشجيع

ولا بعرف أبكي اصحابي غير في الليل..
انا اللي واخد عالقمر و مكلمه أطنان من الشهور
وعلى النظر من خلف كوة السور
واللي قتلني ما ظهرله دليل

وفي ليلة التشييع كان القمر غايب.. ما جاش
و النجم كان حافل.. لا بطل الرقصه ولا الارتعاش
لما بلغني الخبر اتزحم الباب
واتخاطفوني الأحباب..
ده يغسل .. ده يكفن.. و ده يعجن كف تراب

وانا كنت موصي لا يحملني الا كتوف اخوان
أكلوا على خوان
وما بينهمش خيانه ولا خوان
والا نعشي ما حينفدش من الباب

ما أجمل نومه على كتوف أصحابك
تنظر صادقك من كذابك
تبحث عن صاحب أنبل وش .. في الزمن الغش
و الرؤيه قصادي أتسعت

بصيت.. وحاسد نفسي بين خلاني
تعالوا شوفوا الدنيا من مكاني
حاشتني اغراض الحياة عن النظر
بالرغم من نبل الألم و الانتظار
اتعلمنا حاجات .. اقلها الحذر
و نمنا سنوات مدهشه.. نحلب ليالي حلمنا المنتظر

و امتلأت الاسواق بالمواكب
تبيع صديد الوهم و المراكب
وفارشه بالوطن على الرصيف..
بالفكر و الجياع و العناكب .. ومذلة الرغيف

يا عم الظابط انت كذاب.. واللي بعتك كذاب
مش بالذل هشوفكم غير.. أو استرجى منكم خير
انتوا كلاب الحاكم.. واحنا الطير
انتوا التوقيف .. واحنا السير
انتوا لصوص القوت.. واحنا بنبي بيوت
احنا الصوت ساعة ما تحبوا الدنيا سكوت
احنا شعبين شعبين شعبين
شوف الأول فين .. والتاني فين
وادي الخط ما بين الاتنين بيفوت

انتوا بعتوا الارض بفاسها.. بناسها
في ميدان الدنيا فكيتوا لباسها..
بانت وش وصدر.. بطن و ضهر
ماتت والريحه سبقت طلعت انفاسها

واحنا ولاد الكلب الشعب..

احنا بتوع الأجمل و طريق الصعب
و الضرب ببوز الجزمة و بسن الكعب
والموت في الحرب

لكن انتوا خلقكم سيد الملك
جاهزين للملك
إيدكم نعمت من طول ما بتفتل و بتفتل ليالينا الحلك
انتوا الترك.. واحنا الهلك سواق حكمته صاحب الملك
أنا المسجون المطحون اللي تاريخي مركون
وانت قلاوون و ابن طولون و نابليون

الزنزانه دي مبنيه قبل الكون
قبل الظلم ما يكسب جولات اليوم

يا عم الظابط احبسني
رأينا خلف خلاف
سففني الحنظل و اتعسني
رأينا خلف خلاف
احبسن أو اطلقني و ادهسني
رأينا خلف خلاف

و اذا كنت لوحدي دلوقت..
بكرة مع الوقت هتزور الزنزانه دي أجيال..
واكيد فيه جيل اوصافه غير نفس الأوصاف..
ان شاف يوعى وان وعي ما يخافش..
انتوا الخونه حتى لو خانني ظني..
خد مفاتيح سجنك وياك و أتركلي وطني..

وطني .. غير وطنك
ومشي..

إحنا ولاد الكلب الشعب - عبد الرحمن الأبنودي للعسكر

بلاد التراراللي- احمد النجار

نجيب سرور - قصيده الكسميات

الشيخ امام ـ انا الاديب الادباتي الانتخباتي

الأولة آه - الشيخ امام

الشيخ امام عيسى - أنا الأديب الأدباتي

--------------------------
قد خاب عبد لا يصلى على النبى 
نبى عربى مالى شفيع سواه 
نبى الهدى لولاه ما نعرف الهدى 
قطع العدا طه بحد قناه
وياليل يا ليل يا ليل يا عينى على آآآه
أشكو لمن رفع السماء بلا عمد 
إلهى تعالى مقتدر فى علاه 
على ما جرالى يا ويح قلبى لما جرالى 
صابر على حكم الكريم مولاى
يا ليل يا ليل يا ليل يا عينى على آآآه
استغفر الله العظيم من الخطأ
إلهى تعالى واحد لا سواه
فلما فَرِغ الزناتي من الأشعار 
و سَمِعت عُمومِ الرجال الهلايل
قال اللي يبيع العمرِ مش عار 
إنما علي شيئ يحفظ مقامه
انا الزناتي انا جمل المحاميل 
زعيم الغروب و الرجال يعرفوني
و عُمري عن الحدود انا ما حَاميل 
و للمرجلة جدَموني
لازم انزل الحرب بكرة
طبول البلاوي حزينة 
ولا خلي ولا بنت بِكرة 
الا اما تِشلي حزينة
اه ياعين يا عين يا عين اه ياعين يا عين يا عين... الا اما تِشلي حزينة
انا الزناتي اسد الغروب
هاتوا الرِجال الهلايل
و حامت النسر و غَروب 
وهصَّبح الحمل مايل 
و بكرة لهايدور حربي 
بني هلال اشعطت نياهم 
يا يرحلوا مِن غربي 
يا بالسيف اقطع رجاهم
و ضربت طبول المَيدان 
و ركبت ولاد الأمارة
اقال الفتى يظهر يبان 
حلت شعورها العذارا
و ركبت عرايب بني حَنِير 
متقلَدة بالقضايب 
و طِير النَيا فوق حَنِير 
زادت نيران اللهايب 
الولد جابته الخدادى 
و طلعت ولاد الأمارة 
ماشيين خلف الأمير 
فاتحين باب الخسارة 
جدامهم طوّى حسّى 
و قال البلاد دى بلادى 
بقى صحن الصبر وىّ سيف 
ادموع تنزل علالى 
خليفة هز المُبتر 
اتخبَّلَت العَمايم 
صرخ و قال الله اكبر 
ادموع تنزل عمايم 
دخل النجوع الأمير 
قال نوم الليالي معاديني
زعل الزعيم الكَبير (لسان الراوي) 
اين المُقاتل يَجِيني....
قال الملك أبو على و الكل حاضرين 
جيوش العدا ملت الأراضى 
هيا ضربوا قرعة المقاتلين 
شووف تآجى على مين يا قاضى...
ضربوا القرعة و الكل حاضرين 
أنا بُليت و جسمى دوابه 
قالوا قرعة الحرب جت على مين؟!
قالوا جت على أبو دوابه 
عامر الخفاجى بن ضرغام 
راجل معلم و راسى 
ما يهجم على الحرب غير
بيدرغم زعيم وادى العراك
اه ياعين يا عين يا عين اه ياعين يا عين يا عين... زعيم وادى العراك
قال البطل الأسمر اللون 
راجل ظريف المعانى 
الأسمر أبو عقل موزون
"ياقاضى عيد القرعة تانى 
القرعة ديّا ملبساش 
أنا سكران من غير كيفى 
يا قاضى القرعة ديّا ملبساش 
إزاى ينزل الحرب ضيفى؟؟ 
عامر حدانا راجل ضيف 
أشيله فى ننى عيونى 
راجل و له أصل نضيف 
هيّا يا عرب اسمعونى"
وقف عامر على الخدادى 
و قاله يا ابن الشريفة
كلامك يابو ريّا ده زين
يابو العروق النضيفة
إن منعتنى من حروبك
كلمة يا عرب اسمعوها 
وقت ما حسبتوا الفدوّة 
قاللى القرعة ديّا اسقطوها
أنا معاكوا عالخير و الشر 
و زميل فى كل حاجة لك 
يا بو سمرة يا صاحب الشور 
لا نقص و لا زيادة 
إن منعتنى من حروبك 
نرجع عالعراك تانى 
آخر كلمة فين دليلك 
يا أسمر يا ظريف المعانى
قال الملك ابن سرحان 
راجل عنده من الفهم ياما 
على حسّه الابن سرحان 
قال اديله قرعته يا السلامة
هيّا دوروا العرب و تمّت 
لخدها و صلى ركعتان 
و الخلق جملة اتلمّت
راجل ظريف المعانى 
صلى الفتى ركعتان 
و سرج على النجوبة 
على إيد قام هزّ سيفين 
فارس فى ننى أعجوبة 
دفعع الفرس فى الميدان 
ورفعلى راية كحيلة 
فجانى الفتى يظهر يبان 
راه الزناتى خليفة ..
لما نصلى على النبى

دينا الوديدي -السيره-حفل اسكندريه

نغمة شاذة- هاني عادل

حارتنا في الحواري
على علم الصواري
لو قال فوقها
الكناري
تتهز المشربيه
ياحوش ادم
يادارنا
يا ساكن حضن جارنا
سيدنا الحسين تبارك
شهيد الانسانيه
مدد سيدنا وشهيدنا
ياقايل ومواعدنا
يكون عيدك
وعيدنا
يوم طلعة شمس جايه
...ياحاره جوا حاره
يا مجمع السهاري
من كل حي
حاره
في الحضره الادميه
مدد انس الحبايب
مدد حاضر وغايب
مدد زين الصحايب
ياساده يا موجيه
...
فيك العيدان هزيله
شايله الحمول تقيله
ولا باليد حيله
ولا الايام هنيه
سيدنا الدردير يا بابا
مدد يابو الغلابه
فوق الحواري غابه
بتمص الادميه
...
صبحك صبايا صاحيه
هاللين من كل ناحيه
مدد ياسيدي يحيى
توعدنا باللي هي
ياحارتنا
يام شيله
هزي الهلال
وهيلا
قدامك يوم وليله
ع الفرحه
والعيدية


حارتنا فى الحوارى- الشيخ امام

كل ليل له فجر الّا ليله هو
في ما بين الاتنين خصومه وتار وهوّه
يا غريب الدار مسيرك تنهي ليلك
مستحيل تقدر تحوش الفجر قوّه

مهما طال ليلك حيطلع صبح تاني
والندى ح يبلّ رصفان المواني
والطيور تهزج مواويلك أغاني
غنوتين للبلبلين والإمري غنوة

في باريس البرج قوم اكتب في ظلّه
شعر للشّعب اللّي طول عمرك تجلّه
اللي ذلّ غزاه وما قدرت تذله
داس طغاه وغزاه وعاش استنى هو

الحديد والنّار ما يتنوش الرجولة
يعمل ايه البغى للنفس المهولة
يللّي شعرك يتنسج فدو وبطوله
الميدان واحد وبرا زيّ جوّا

بكره ترجع تاني للأرض الحبيبة
تطفي نار الوحدة والغربة الكئيبة
مهما شفت ومرّ بك أوقات عصيبة
برضو عزمك زيّ ماهو هو هو

بكره تيجي تلتقي فلّاح بلدنا
فيك مصيره وصوت ضميره وصوت بلادنا
بكره ورد الأرض يملا ايدين ولادنا
يبقى زهر القطن غنوة وزاد وكسوة

ابن مصر ارادته ما تهونش للخواجة
خوف بطالة وجوع وبؤس وذل حاجة
واللّي يملك روحه يملك كل حاجة
تلتقيه مارد صنع م الضّعف هو

انت ثورة شعب ما تخمدش نارها

الشيخ امام -كل ليل له فجر

Kuss 'Ummiyyat

كلمات أحمد فؤاد نجم
****
فرحانين
فرحانين .. فرحانين .. فرحانين
كل ثورة وإحنا دايما فرحانين
اللي ماتوا فى المعارك .. فرحانين
واللي حضر واللي شارك.. فرحانين
واللي ساكنين الخنادق.. فرحانين
والماسكين على المبادئ.. فرحانين
واللي شايلين شوق لفكرة.. فرحانين
واللي حاملين هَمّ بكرة.. فرحانين
اللي كلمتهم أمانة.. فرحانين
واللي معدتهم جعانة فرحانين
إحنا ملح الأرض وتراب العجين
كل صناع الورود والمبدعين فرحانين
عد موج البحر ونجوم الليالي
عد رمل الأرض واكتر من السنين
قولوا قولوا .. فرحانين
كل ثورة وإحنا دايما فرحانين
قولوا قولوا .. فرحانين

فرحانين / الشيخ امام

الحمد لله خبطنا
تحت بطاطنا
يا محلا رجعه ظباطنا
من خط النار
يا اهل مصر المحميه
بالحراميه
الفول كتير والطعميه
والبر عمار
والعيشه معدن واهي ماشيه
اخر اشيا
مادام جنابه والحاشيه
بكروش وكتار

ح تقول لى سينا وما سينا شي
ما تدوشناشي
ما ستميت اوتوبيس ماشى
شاحنين انفار
ايه يعني لما يموت مليون
او كل الكون
العمر اصلا مش مضمون
والناس اعمار
الحمدلله وأهي
ظاطت
والبيه حاطط
في كل حته
مدير ظابط
وإن شالله
حمار
ايه يعني فى العقبه جرينا
ولا ف سينا
هى الهزيمه تنسينا
اننا احرار
ايه يعني شعب ف ليل ذلة
ضايع كله
دا كفاية بس اما تقول له
احنا الثوار
الحمد الله ولا حولا
مصر الدوله
غرقانة فى الكدب علاوله
والشعب احتار
وكفايه اسيادنا البعدا
عايشين سعدا
بفضل ناس تملا المعده
وتقول اشعار
اشعار تمجد وتماين
حتى الخاين
وان شا الله يخربها مداين
عبد الجبار
لـِ أحمد فؤاد نجم

خبطنا تحت باطتنا - الشيخ امام

ناس ماشيه جنبي وطلعوا زومبي 
والانحطاط دا مكانش ذنبي 
قالولي بكره حياتنا بمبي 
وقرطسونا تحت العلم 
حيوا العلم
حيوا العلم 
ياعم دم !
حيوا العلم 
في ناس في غم 
حيوا العلم 
يعم تحيا اذاي وانا بموت 
ماتنكس العلم ولف بيه تابوت 
دا النسر طار 
رفصوا حمار 
عشش مكانه عنكبوت 
لساني دلدل وانا بقول دا فخ 
تفتحلي صدرك وتملي وداني جخ 
وتقولي لا دا الانتماء 
واديها خربت ولاسمعنالكوا صوت 
عاملي نخبه ضاربلي صحبه 
مع الي خاربينها ومع الرمم
اقوله لا يقولي زقه 
وبكره نديهم بالجزم 
راحت فين جزمكم 
راحت فين دماغي 
وراحوا فين الي رجعونا للعفن 
دول ظبطونا باسم الوطن 
طلعت قفه بصنعه لطافه
خدوني لفه مدعي الثقافه 
وطلعوا زيي كياس جوافه 
ولبسونا كله اتظلم 

طلعت قفّة -ياسر المناوهلي

“مش باقي مني غير شوية ضي في عينيا..
أنا حأديهم لك وأمشي بصبري في الملكوت ..

يمكن بنورهم تلمحي خطوة تفرق معاكي بين الحياة والموت..

مش باقي منهم غير شوية قوة في إرادتي حاسبي عليهم وإنتي بتخطي..

مش باقى مني غير شوية ضي في عينيا .. أنا مش عايزهم لو كنت يوم ها ألمحك وإنتي بتوطي في معركة ما فيهاش ولا طيارات ولا جيش.. وإنتي في طابور العيش بتبوسي إيد الزمن ينولك لقمة من حقك المشروع..

مش باقي مني غير شَرقة في نفس مقطوع .. وأنا صوتي مش مسموع يا حلمنا الموجوع .. من المرور ممنوع.. وأنا صوتي مش مسموع .. مستني لما يمر موكب سلاطينك ..

ومش باقي مني غير شوية كفر بشروقك على شوية رحمة من طينك .. على شوية صبر من دينك..

مش باقى مني غير شوية لحم فى كتافي ..

بلاش يتبعتروا فى البحر ..

بلاش يتحرقوا في قطر الصعيد في العيد..

بلاش لكلب الصيد تناوليهم..

خدي اللي باقي من الأمل فيهم، وابني لي من عضمهم في كل حارة مقام..

وزوريني مرة وحيدة لو كل ألفين عام.. ألم الجراح يتلم..

ومش باقي مني غير شوية دم متلوثين بالهم .. مرين وفيهم سم..

مقدرش أسقيكي مواجعهم .. وبرضه ما قدرش أرميكي وأبيعهم..

يمكن فى مرة تطلبيني شهيد، ها أحتاج يوميها الدم يمضي على شهادتي..”

― جمال بخيت

مش باقي مني -احمد سعد- من فيلم دكان شحاته

هنغنى ودايما هنغني .. ونبشر بالخير ونمني
ونلف الدنيا الدوارة .. على صوت النغمة الهدارة
ومعانا المشرط والبلسم .. في الكلمة الصاحية النوارة
هو احنا كده .. هو احنا كده
وهنبقى كده .. وهنبقى كده
ماشيين .. عارفين .. مع مين .. على مين
دايما واضحين مش بين ده وده ..
هو احنا كده .. وهنبقى كده

الشارع بيتنا وغنوتنا .. والشارع اعظمها مغنى
من لحم الشارع غنوتنا .. على لحن الشارع بنغنى
وان جعنا شبعنا بتتقضى .. مانبعش الكلمة بميت فضة

هو احنا كده .. هو احنا كده
وهنبقى كده .. وهنبقى كده
ماشيين .. عارفين .. مع مين .. على مين
دايما واضحين مش بين ده وده ..
هو احنا كده .. وهنبقى كده

مريم صالح   هنغني

عمدان النور - مربعات ابن عروس

قوقة المجنون ابو برقوقة - الشيخ امام عيسي

فتاتى .. ما غيرتنى السنون و لا غيرتك

احبك مزلت .. لكنني

صحوت على صرخات الجموع

و خطو الفناء الى أمتي

رأيت الحياة تموت هناك

على مذبح اليأس فى قريتي

تريد النشور !

أفاتنتى .. ان مضى السالكون

على أرضنا فى الصباح القريب

يلمون فى النور آثارنا

فماذا تراه يقول الدليل

اذا سألوه عن الحالمين

عن اللاعبين .. عن الشاربين

عن الراقصين .. عن السامرين

عن النائمين بليل الدموع

على زفرات النفوس الموات

عن الهائمين ببحر الدماء

على زورق من جناح الخيال

و قد غلفوا بالنبيذ العيون

و مرت عليهم جموع الجياع و مروا عليها ..

فلم يلمحوا ذله البائسين

ولم يسمعوا أنة اليائسين

وراحوا يصوغون فى حلمهم

عقود الدخان

كما ينسخ العنكبوب الخيوط

فماذا تراه يقول الدليل ؟

أأسمع وقع خطى الطاغيه

يدب على حثث الساقطين

و يطحن بالنعل كل الجباه

وأقعد .. لا أستفز الحياه

و أحلم .. لا أستثير الجموع

لتضرب بالنعل عن الطغاة

لتحيا الحياة ؟

أأسمع حشرجة الأشقياء

يئنون من قسوة العاصفه

و قد لفحتهم رياح السموم

و أجلس كالطفل أحصى النجوم ؟ !

أأسمع قهقهة الطاغية

يسير بمركبه آمنا

فخورا كنوح

و قد أغرق القوم طوفا نه

وأقعد لا أخرق المركبا ..

ولا أنفخ الروح فى الغارقين ؟ !

أأحلم و الليل من حوليه

دعاء يؤرق عين السماء

ولكنها لا تجيب الدعاء

وهل أهب الكأس الحانيه

ولا أهب الشعب لحن القيام ؟ !

-----------------

أفاتنتى .. فى احمرار الورود على وجنتيك

رأيت الدماء

دماء المساكين فى قريتي

يعيشون كالدود فى مقبره

هم الدود و الميت يافتنتى !

أفاتنتى .. فى اختناق السواد على مقلتيك

رأيت الشقاء

يلف بأذرعه الهاصره

جسوم الملايين من أمتى !

أفاتنتى فى انسياب الحياة على شفتيك

رأيت الجفاف

رأيت سراب الحياة الشحيح

تصوره لهفة الظامئين

وهذى النجوم عيون العبيد تطل علينا

و قد جحظت بالعذاب المقل

أفاتنتى و رأيت الرءوس ألوف الرءوس

معلقة فى فروع الشجر

وقد شنقتها حبال الشتاء كشنق الثمر

وسوقا كبيره

يباع بها عرق الكادحين

بسعر التراب , ولحم البشر

أفاتنتى ورأيت الجموع

تسير بمصباحها المختنق

لتبحث عن لقمة ضائعة

ويأتى المساء ..

فتأوى الى جحرها جائعه

وفى كفها حسرة ضارعه

وتطوى على جوعها يأسها

كما تنطوى فى الثرى قوقعه

ويسدل ستر الظلام الكثيف

على مشهد من صراع الحياه

ليبدأ فى الصبح فصل جديد

فتمضى الجموع بمصباحها

" لتبحث عن لقمة ضائعه "

فهل أهب الكاس ألحانيه

وقد زرعوا أرضنا بالعذاب ؟

فتاتى .. ما غيرتنى السنون ولا غيرتك

أحبك ما زلت لكنني

وهبت النشيد لهذى الجموع !

NO ONE

Popular tracks