الــكــلــمــات 

مشكلتى ملهاش حل جنونى عاقل جدا 
بس عقل العاقلين من حولى اصبح شىء مختل 
عايش حياتى بطريقتى بوجه اخر للسعاده 
و اكتشفت انى السعاده مش هتيجى من غير عباده 

اختار من ذكرياتك اللى يناسبك فى خيالك 
خدها نصيحه منى محدش فى الدنيا هيبقالك 
بس مفيش فرحه ببلاش كل فرحه و ليها تمن 
بس الفرحه وسط البشر اصبح شىء لا يؤتمن 

مقطع من اغنيه يفاجئك كده وسط الزحام
 تبتسم انت فاجأه و شبه نسيت كل الالام
حاول تتحكم فى مشاعرك محدش من الدنيا هيرجعلك 
مهما تروح و تدور و تلف مفيش غير ربنا يسمعلك

من حقهم ياخدو راحتهم بس مياخدوش منك راحتك 
قولى بس مين فى الدنيا هيكون همه كده مصلحتك
اخلق حيز يستوعب هبلك و جنانك تفكيرك
الحيز ده ملاذك الخارج من تعبيرك

اهرب برا نفسك متواجهش الحقيقة 
الواقع عمره يوم ما هيسبك تعيش لو دقيقة 
اوعى تصدق اللى يقولك اصحى يابنى و عيش فى مُرك
متخليش الوهم يغُرك و الشيطان فى طريقه يجُرك

تصبح تايه فـ وهم صغير لا يكتمل 
ماهو اصل الواقع فى حياتنا اصبح لا يحتمل!
ضحكتك حلوه صاحبى ليه بس كده تخفيها
ده هى بس تطلع و انت كده امسك فيها

اسمع ! و انساب بلاش تعيش مربوط 
احنا مش مخلوقين عشان نقول هنموت
عايش فى حياتك مستنى نهياتك كده و مماتك
صدقنى العالم يتضمر لو كله كده من امثالك

متحاولش انك تدور عن الحلم اللى خذلك
امشى كده فى طريقك و حاول تحقق هدفك 
تمسك بخيوط الشمس و لو كانت بعيده
انت بس فكر تحلم هتلاقيها منك قريبه

متفكرش فى اللى فاتك و ايه اللى خسرت فيه
قولى بس ايه يستاهل انك كده تندم عليه
عشان تتعود على حزنك هيصبح جزء منك
فحاول من دلوقتى و تفائل كده من نفسك

اهرب برا نفسك متواجهش الحقيقة 
الواقع عمره يوم ما هيسبك تعيش لو دقيقة 
اوعى تصدق اللى يقولك اصحى يابنى و عيش فى مُرك
متخليش الوهم يغُرك و الشيطان فى طريقه يجُرك
ــــــــــــــــــــــــــــــــــــــــــــــــــــــــــــــــــ
El Sa3aDa 

Written by: Mr Hussam
Music: Free Beat
Vocals: Mr Hussam
Master and mix by: Mr Hussam
© 2014 Mr Hussam


السعاده | El Sa3ada

الـــــكــــلـــــمــــات

فكرت احاسب نفسى مفيش فى حياتى حاجه صالحه
بقى وجودى جوه الدنيا زى ما تكون شجره مش طارحه
روحى رايحه منى عايش حياتى فى ساعه الغفله
مقضى حياتى سهر رايح جاى من كل حفله

ناسى اصلى و فصلى و انا ليه موجود فى الدنيا
مفكرتش ليه فى لحظه انى ممكن اموت فى ثانيه
ايام عدت و سنين هشكى الهموم و لـ مين
مفيش قدامى غير ربى هدعى ليه و هقول امين

انا راجع ليك يارب قبل ما تيجى ساعة الموت
انا راجع ليك يارب قبل ما انزل التابوت
ازاى مفكرتش انى فى لحظه ممكن اموت
و ساعتها هبقى فى تربه و حواليا كله سكوت

هقرب ليك يارب و هنبعد عن كل الناس
هقرب ليك يارب قبل ما تتكتم الانفاس
هقرب ليك يارب مفيش مؤمن من غير اساس
هقرب ليك يارب قبل ما يشلونى الناس

ايام عدت و سنين اخواتى و امى مستورين
مفكرتش لسه فى ثانيه من مين هما محميين
ارجوك تسامحنى يارب على كل ذنب عملته
ارجوك تسامحنى يارب على كل فرض سبته

ياما عشنا و ياما شوفنا فى الدنيا كتير مصائب
ياما قولنا فتره و بتعدى و بتزيد فيها المتاعب
انا ضاع من عمرى سنين و عليها انا بتحصر
انا كل فتره بعدت عنك فيها كنت بخسر

مفيش غيرك يساعدنى مفيش غيرك حاببنى
كل لحظه بعدت عنك الأكتئاب ماكنش سايبنى
كنت بعمل كل غلطه كنت فاكرك مش شايفنى
الشيطان ضاحك عليا داخل فى مُخى مش سايبنى 

كنت سامعك بتنادينى بتساعدنى و تقوينى
برجعلك فى كل وقت لما الناس كلها ترمينى
حبى ليك يارب مش هوصفه انا بـ الكلام
كفايه انك معايا فى كل وقت و كل اذان

هقرب ليك يارب و هنبعد عن كل الناس
هقرب ليك يارب قبل ما تتكتم الانفاس
هقرب ليك يارب مفيش مؤمن من غير اساس
هقرب ليك يارب قبل ما يشلونى الناس

ــــــــــــــــــــــــــــــــــــــــــــــــــــــــــــــــــ

Ya Rab

Written by: Mr Hussam
Music: Free Beat
Vocals: Mr Hussam
Master and mix by: Mr Hussam
© 2014 Mr Hussam

Facebook : https://www.facebook.com/mr.hussam0
Fan Page : https://www.facebook.com/MrHussamOfficialPage
Twitter : https://twitter.com/Hossamshkawa


يــارب | Ya Rab

Mr Hussam - ReaGe

فيلم مفعول به 

موسيقى تصويريه : Mr Hussam 
سيناريوا : Khaled Sakr 
اخراج : Ahmed abbas

Mr Hussam

Popular tracks