الجوكر - قصيدة سيدتي لايف

الجوكر - مناسك الألم  لايف

El Joker - Fasla L الجوكر - فاصلة

عالم تالت.mp3

قاع الايقاع.mp3

#rap El joker
الـــكـــلـــمـــات

بطلت أكلم حد لحد ما حد خد بإيدى
لو مكانتش إقتنعت بيا مكانتش ظهرت عبقريتى
كله أصاب فيما أصاب ، وأخطأ فيما أخطأ
الحق أحق أن يُتبع مهما هنوصل أبطأ

إنت عمرك ما اقتنعت بـ قد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا فى العموم شيئ مفيد
وإن استمر الفيل فى إعتقاد إن الإله فيل

بلجألك إختصارا فى اللى أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إنى أقل ، ولا إن انت أعلى
أنا بقفل التآويل ، وانت بتغرق فى المعنى

لسه معرفتيش من إمتى مبتفهميليش ولا كلمة ؟
من ساعة ما كل حاجة معاكى إبتدت تكون مملة
عمرك ما شوفتى حقيقتى ، ولا فهمتى حقيقة ده كله
كل واحد شاف التانى الواحد اللى حب يكونله

مضطر أسيبك وأمشى منعا للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ، ولسه متفهمش شرحى
انت كلامك مات ، وإنت لسه عايش ، إنت سطحى

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

ظروفه كانت غير ظروفهم ، فخرج عن الإجماع
ظروفنا الآن شبه ظروفه فـ اجتمعنا على فتواه
مش فى صالحك يبقى مثالى طول مـ انت فى قمة متعدد
باب الإيمان قصير ، مبيدخلوش متكبر

سيبيلى حاجة أفتكرك بيها ، حاجة ريحتك فيها
حاجة استخدمتيها ، فى أوقات مش حبانى أعيش ناسيها
للهروب من واقعهم ، للأسف لازم توقيعهم
يؤسفنى أقولك -فى بعض الحاجات- شبة طيعهم

بس ده مؤقتا ، هما يقولوا بطل وأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنى أقبل حاجات مرفوضة
واحدة بجمالك إنتى فى بالى صعب تكون موجودة

أجزاء شبه عشوائية سوا تبان مخيفة
انت سامع مـ الغنوة آله بتعزف صوت مؤامرة سخيفة
اللى فى صالح السيناريو طول عمرى بنفذه
لو أبرهة بيغرق قبل عام الفيل هروح أنقذه

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

معرفتش أشكر مين ساعتها وعدى الموقف عادى
مجاش فى بالى إن أنا الشخص اللى أنقذ حياتى
براجع نفسى لما ألاقينى تهت فى التفاصيل
فـ أنفصل عنى الجزء اللى مراقبنى من بعيد

شايفك يا بلدى بتبصيله ، وإنتى بترقصيله
بصة فلسطينى لإسرائيلى ناهب محصول طينه
فى لوحات يادوب ، فيها بسيب كذا خط ولون
كوّنوا فى كل عصر كل رسمة تفيد الكون

غلبانة ، بتقول للناس إنها بكره هتنسانا
مش عارفة إن اللى يعيش من غيرنا أكيد معاشش معانا
صدقى اللى إنتى بتحسيه ، كدبى اللى إنتى بتشوفيه
استخدمى البعد اللى إنتى عارفة إنك فى حضنى فيه

كان باين فى عينيكى الزهق
مبانتليش فى عينك غيرة
قلتلك إنى عارف إن دى الرقصة الأخيرة

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

________________________________________­_

El Ra2sa El 2a5ira

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

الجوكر الرقصة_الأخيرة

الكلمــات 
مش إنتي نفس الواحدة مع إنها نفس القصيدة 
بتعقد فبتتعقد كل جُملة كانت بسيطة
بس أنا الحمد لله , مُتأقلم إلى حدٍ ما
ظهوري الأول الحقيقي بعد تمام تسع أجيال

أنا آسف إتأخرت عليكي في الرسالة الأولي
الأفكار مكانتش راضيه تتكتب جُمل موزونة
الأرض بدأت تخلص فالناس إتسعرت إجمالاً
الكوكب أصبح ضلمة و بدأ يسكت آله آله
كل ما زاد الوضع سوء سطوري بتغلي في عينهم
لو كل قريش سادة مكانش الدين إنتشر بينهم
كل شئ نسبي لكن إجتمعت الإختلافات
علي كون الإختفاء لكبر علو قرب مش إختفاء
دايما شبه بعض بس العيب في عينك إنت
أي جُملة في التراك تتقال في أي حتة
إنتي شعري و بيتي مكانك بين الورقه و بيني
مفيش حاجه مبتعرفش تبقي شبهك انتي في عيني
دايماً ربطانا حاجة حتي لو ملهاش مُسمي
بكتبلك إنتي بمعني مُختلف عن معني العامة
من غير ما أقابل خِضر فيا موسي بعد سفره
يونس في بطن الحوت مش في التخلي عن اللي كفروا

مبقتش أشك إنك هتفهم من كُتر اللي فاتك
زي ما تقول الوقت إتأخر علي إنك تعيد حساباتك
لو عيشنا قد بعض كانت المعاني وصلت
المضحك إني قلت كل حاجة و برضه حصلت

خليكي في نفس السنة لحد ما أجي متكبريش .. وعد
سيبي الأرض تلف نوعين اللف و ما تلفيش
الإختلاف هنا كالعادة قتل الرضا ، مفيش سعادة
تجربة ألف سنة بدون تراب عالجت نعامة
اللوحة دي لحبيبتي طفلة بتغرق بين الموج
الطفلة تبقي حبيبتي و هي طفلة و أنا الطوق
مضربش المثل ليه بوساخة اليهود في سطوري
روح هات كلام إلهي عنهم و أقعد فهمهولي
و أنت فعلا أنا طريقك بس الكُفر طريقتك
مش أنا إبن الإله مع إني بكفر عن خطيئتك
في موناليزا متدفنش إلا أما عينيها تغمض
تحدي الساعة البيولوجية كان في صالحى مرة
مواردنا بتخلص , متوسط أعمارنا بينقص
النظام بيأخر البشر اللي بدأت ترخص
بس و لا أحنا أول بشر و لا عايشين في آخر عالم
مفيش يوم كبرته مش مبعوتلك في الرسالة

مبقتش أشك إنك هتفهم من كُتر اللي فاتك
زي ما تقول الوقت إتأخر علي إنك تعيد حساباتك
لو عيشنا قد بعض كانت المعاني وصلت
المضحك إني قلت كل حاجه و برضه حصلت


3015  الجوكر

الـــكـــلـــمـــات

ستين سنة مسجل منحني الجهل إنطلاقة
فساد مدارس، جامعات و الميديا و الصحافة
مؤسسات التنشئه بتخدم النظام
بنقوم للمدرسه إجبار مش إحترام

فالنقص في الأخلاق ده شيئ علينا مش جديد
لكنه بان بقوة بعد غياب عصي الرقيب
لو كانت المبادئ الرقيب علي الأخلاق 
ما كان سلوكنا فسد تحت أي ظرف كان

عمر غياب الشرطة ما بيفسد أخلاق الناس
لكنه يكشف عيب مسجون مستني موت السجان
متستغربش مجتمعنا حاله متغيرش
العيب خفاش و ليلنا ليل ،عايزه ليه ما يظهرش!

طيب أدي المشهد قدامنا من قريب 
يا نطالب بالعقوبات و نصلح عالمدي القصير
يا نواجه الحقيقة و نعترف بإن السفينه
غرقانه من سنين و عمالين نقدف بيها 

إحنا كذا نبرة ، كذا مطلب ، كذا طبلة
فبنظهر فوضي ، مفيش أمل ننجح ثورة
حال بلدنا الحال اللي إحنا فيه اللي مأخره 
ربك ما بيصلحش من حال ناس و لا إتغيروا

طول ما إحنا كذا نبرة ، كذا مطلب ، كذا طبلة
هنظهر فوضي ، مفيش أمل ننجح ثورة
حال بلدنا الحال اللي إحنا فيه اللي مأخره 
ربك ما بيصلحش من حال ناس و لا إتغيروا

الإنتماء بقي مرض علشان في بلدي إختلط
بفكرة اللي مني مبيعملش حاجة غلط
فبقينا نرمي العيب عاللي إنحاز لفكر الغير
سايبيين بلدنا تموت و مشغولين بالأسوأ فين

بقي اللي شاغل كل طايفه مش منع الجريمة
لكن إزالة أي بصمة ليهم عالسكينة
و في المقابل التنديد بكل كيان معارض 
و لأنه سلوك متبادل خلق بينا الطرف الغامض

لأ و ساعات نخاف نقف علي الحياد
علشان صالحنا الخاص فرض علينا الإنحياز 
فننحاز علي حساب الحقوق و الحريات
لينا حلال ، ليهم حرام ، مصداقية برخص تراب

من القبطان لأصغر راكب المعايير مزدوجة
أما الإعلام الغير محايد ف إتسبب في العدوي
لكن علي فكرة ربك خلق جوانا الفطرة
متستناش توجية للصح إمشيه بنفسك إنت

إحنا كذا نبرة ، كذا مطلب ، كذا طبلة
فبنظهر فوضي ، مفيش أمل ننجح ثورة
حال بلدنا الحال اللي إحنا فيه اللي مأخره 
ربك ما بيصلحش من حال ناس و لا إتغيروا

طول ما إحنا كذا نبرة ، كذا مطلب ، كذا طبلة
هنظهر فوضي ، مفيش أمل ننجح ثورة
حال بلدنا الحال اللي إحنا فيه اللي مأخره 
ربك ما بيصلحش من حال ناس و لا إتغيروا

الوضع زاد سوء لما إختلط المفهوم
الإنتقام بالعدل سد الجهل نبع النور
مع إن أمر الدين كان العدل مع الغريم
آية ٨ من المائده ، سفر الأمثال ٢٥

و في سيرة الرسول عبرة في قصة بتقول
بعد إقتحام حصون خيبر،قدم اليهود
للرسول ، شاة مسموم ،حكمة ربك انه يدوق
جزء منها يتفه لو كداب كان هيموت

ساعتها رسولنا دعي المرأة التي أودعت
سم جوة الشاة فإعترفتله علي فعلها
و عشان رسولنا مدرك إن الإنتقام مش عدل
أمر بالعفو فالقصاص مرهون بفعل القتل 

نفس الرسول أقام حد السرقة بشرع الله
علي مرأه بني مخزوم و لما شفعلها الأشراف
قال هلك أقوام شريفهم لو سرق تركوه
فقيرهم لو سرق يقيموا الحد و يحاسبوه

إحنا كذا نبرة ، كذا مطلب ، كذا طبلة
فبنظهر فوضي ، مفيش أمل ننجح ثورة
حال بلدنا الحال اللي إحنا فيه اللي مأخره 
ربك ما بيصلحش من حال ناس و لا إتغيروا

طول ما إحنا كذا نبرة ، كذا مطلب ، كذا طبلة
هنظهر فوضي ، مفيش أمل ننجح ثورة
حال بلدنا الحال اللي إحنا فيه اللي مأخره 
ربك ما بيصلحش من حال ناس و لا إتغيروا

El Joker - Ezdwageyit El Ma3ayiir L الجوكر - إزدواجية المعايير

الـــكـــلـــمــات

عن إحساس أنى قفلت معاناة الحالة 
فبدأت أعانى وصفها بجمل مش متقاله 
فى الوقت ده عينى بتقع على حاجات زيادة 
مش هتفيد حد لو محدش بمقاييسك فادك

ببطل أسمع نفسى كل فترة بشكل مؤقت
وأبسط اللى بعيشه من كتر ماهو معقد 
مش حرب سرعة ، ولا حرب معلومات ، حرب جرعة 
مكونتها دارجة و الإعجاز فى صنعك

هتلاقى سهل ممتنع بس مش هتلاقيها
ستافه تعمل نفس الهيد فى عز نوم الديلر
اللى ييجى فى بالكم قاصده اللى ضايقك واللى باسطه 
واللى هييجى فى بالهم قاصده فهمت النظام حفظته

بدأت أكتشف هل انا متناسى ولا ناسى 
كون مفيش علاقة عامة على مقاسى
أسف لو بوجعك حتى الجملة أكبر منك
فيه علاقتى ب فان وراب و ما بين قوسين جنسك

قطع بيضا فى كل حته ده مش الكريسمس
وطى صوتك يا أهبل كدة قيمة الجمله تنقص 
خاف من العالم مش من الفاعل ولا من الشيطان
دي لو كانت بتهين ذكاؤه يشتكينى للنظام

جميلة بكل عيوبك مين متتمناش تكونك
القصيدة صقفولها بمعنى أصح صقفولك
بتمدنا العلاقه اللى بينا بكم طاقة 
بيصبرنا على المستمع وغيره مهما الوضع تفاقم

اذكى المتخيلين ذكرياتهم بيشوفوها 
من زوايا أحسن من زاوية كل بصه من اللى بصوها 
أما انا بشوفك انتى من أماكن فيها سبت
أجزاء منى أكيد فهمتى ليه من شهر بعدت

كل زمن عيشت فيه إتفوقت على الباقيين
أعجزت فيما يتقنوه تعبانى بلع كل التعابين
كان أفضل ليكى تفضلى لو كنتى حابه تضمنى 
إنك لا يمكن تخسرى انا مش هيروين هتبطليه

انا أتساوى بيك ليه! رتبتك فى النظام إيه!
مش نفسى نفسك نفسك انت أول شكل تكون عليه 
بدارى طيبتى بشر يداروا شرهم بطيبه
بصماتى مش على التفاحة لكن مخلوق من نفس الطينة

اللى هتشوفيه واجعنى مش اللى انا هشوفه
اللى يعيش فى ضلى مش هيعيش فى ضل خوفه
فرحان انت فى مين! ما انت فى ظهرى بتضرب بيه
معجب بماسك الجوكر فملامحك بتضيع

El Joker - Nezam L الجوكر - نظام

Backspace _JaguaR


الــــكــــلــــمــــات

خايفين على بكره بشكل عام عايشين حياة أبدية
فاهمين الزيف فى المطلق فـ بنتجاهل النسبية
يبان إن إحنا وهما نفس النوع فى كذا ظروف
زى ما بان من كل الجمل معنى ناقص مش مقصود

كثير من القصائد فى لقاء بضعة دراهم
تبدو بيعة رابحة لفاشل ، أو فى حاجة لإحترامك
كبير على الجحيم ، مش كبير على العقاب
محتاجة وهم أد إيه علشان أبان سراب

أحيانًا اللى إختفى يكون أهم من اللى إنتشر
بتكلم بعض لغات الكون وأفضل لغة بشر
إنت جاهل بالروابط ، بالدوافع ، بالفروض
فالنتيجة إن إنت خايف ، والمفاجأة إنى مرعوب

حقيقة كل حاجة فى كل حاجة ... تكافئ فرص
الحيوان بيفيد ويستفيد بالفطرة والتجربة
يقول عليا صدفة ، بس يوضح إيه الصدف
بييجى فى الإشارة الخضراء كل مرة ويقف

عقلك مش متسعلى ، هجومك بيدافعلى
إشحن نفسك منى بس مش بـ طاقة بتعمى
طول ما دى أغنية طول ما فى حاجات نقصاك
إستمر فى السقوط حتى لحظة الإصطدام

مش شايل هم إن أنا هنام وهصحى إنت أنا
شايل هم إمتى هتبقى جاهز تقبلها وتقبلك
مرة ، أوعى نقطة تعجبك فـ تغرك
مخلوق علشان تشكل فرق فالثبات بيضرك

موت تعيش ، وعيش تموت فجأة
كتير من الغباء إنك تعيش اللأ
مين اللى موضة يا مسخ أعور ؟ سوقنا سوداء يا عملة صعبة
إسأل نفسك ليه مخلصتش بإختيار آدم بضاعتك؟

مُتخيله ، بيستعملنى عكس ما بستعمله
إزاى هحل معادلة صح لو فعلا بهمله
فكر كتير فى السهل ، وإشتغل كتير فى الصعب
إنت والأيام بتتحركوا بسرعة بعض

شكل العلاقة بيننا عمره ما يجبرك تنافسنى
مهم أنقذك طول ما مهم إنك تنقذنى
عمرك ما هتبقى شخص فى إيده العالم شله
اللى هتحتاج تعرف إنك كنته فينا هتسمع عنه


لو كنت مسكت فيكى كان زماننا زى ما إحنا
محتاج يفضل ناقصنى على الأقل قطعة واحدة
دايما تخطفينى للحظة هادية وسط الزحمة
مقولتش الوحيدة ، بس خطفتك أحلى

صبرنى هامش التفكير على صمت التعبير
غلطت فى التقدير فـ إتعاقبت بالتأخير
رسامينك يا كذا وصلتنى للأسف رسوماتهم
عارفهم ، فـ عارف شكلك إنت باستثنائهم

أول ما عرفت نفسى قلت واخد 100 قيراط
بدأت فوق الصفر ، لكن عكس التيارات
الندوب دى تعلمك إمتى بكل رضا تضحى
الجرح كان عميق لما اللى إتجرح كان سطحى

مش هييجى من المدينة خير مجاش من الضواحى
كنت هلاقى علاج لمرضك بس القرد مكانش صاحى
خليك إتفرج ، يمكن تفهم حاجة فى مرة
ولا تفسدها ، ولا تفسدك ، ولا زى كل ضئيل تتمرد


استمرى فى الإيمان طول ما لسه مفهمتيش
إقهرى شيطان الشك باللى بالفعل عرفتيه
موضوعنا هياخد وقت ، هياخد وقت طويل
هنزل قبرى مبتسم للعالم اللى نفسك فيه

بتعبر عن الزيف بزيف الواقع فـ بتلمسهم
إعتمادى على فطرتهم وإعتمادك عاللى ناقصهم
بتطلع عاللى يفيدنى ، إنت فاضى ، الوقت هاممنى
سطورك بالنسبالى طفل بيخبط ويجرى

بدأ لامع وبينطفى ، بدأت مطفى .. بلمع
بعتقدنى لما بكتب بنتقدنى لما بسمع
قرون من الإهمال وإنتى بالتدريج بتضيعى
ميراثنا من السطور الدائمة أقل من الطبيعى

منسحبش بإنتقاد ، أنا أقوى مدمن إعتراف
حقائقى متجاهلتش أى طرف من الأطراف
مفسر قبل كاتب ، عارف كل عيوب تفسيرك
بكتشف الجوهر مش بخترعه ، بخترعله صيغة
________________________________________­___
Hamesh El Samt

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker


Hamesh Elsamt _ El Joker

الــــكــــلــــمــــات

مرضيتش أقول لحد إن انتى ملهمتى الوحيدة
و إني مبقتش عارف أكتب سطر و انتى بعيدة
واصل قبل مانتى تصحى بساعة و تقريباً
تحت الشباك و ماسك ورد و بكتب القصيدة

خليتى الرحلة مش طويلة ! الرحلة مش بطيئة !
نسخة من عالمنا غير موازية للحقيقة
كل حاجة حلوة علشان علاقتنا لسه جديدة 
صبرًا يا سندريلا الساعة ١٢ إلا دقيقة

فى الغالب المفروض يهمك كذا عن ايه؟ مش مين !
كذا بيمسّك انت فى ص ، شاغل بالك ليه بالـ س
مرضاش أجارى الجارى بإنى أكون فنان تجارى 
مين اللى عاجز يبقى التانى صبحى ولا عبد الباقى ؟

تمدد الإنتماء بعشوائية عيب مش ميزة
تخيل عالم يجمع بين بنى آدم و بنى عيسى
صاحبك مش جوكريان مش هيقدر اللى بقوله
لو كان فى أمل منه كنت هقولك فهمهوله


مستحيل الواقع أصبح مستحيلين بكدبك
قابلينى فى المشمش لما تشوفى حلمة ودنك
ضعيف و الضعف مُر ، كلامى فى بُِعدك كله كُره
بفضى لمقابلتنا قلبي منه فى كل لحظة تمُر ..


فى المعركة اللى أنا يادوب أقدر أخرج منها سليم
قلت تهرب لية و لمين ؟ إرجع موت وسط الباقيين
الكفر بلع أراضينا ، و فى أراضى الكفر بنبقى 
هربانين ، عديمى الصوت ، فبتاخد اللى تعوزه منّا

إزاى عايزانى أتطمن و أنا شايفك على طول مرعوبة
فاكرانى صعب أعيش معاكى ! لأ انا عايش بصعوبة
كان نفسى وسط الضلمة أبقى شعلة وأنا النوع ده 
بس محدش كانلى أكسجين ... انا فى بلد مُعدم

فى بدايتنا كنت معجب ، فـمحب .. فاء السرعة
و أخيراً صرت ........ آسف وصفى مش فى المعجم
كاتب و إنتى عارفه يعنى ايه كاتب فى مصر 
مش فى إيدى أهديلك واقع ، فيادوب بهديلك وصف 

كنت قادر أضل السطحى بغنوة تخدع رأس المال
سِبت السطحى يضل السطحى .. مخدتش حتى راحة البال
أوعى تفسد حق بباطل ، فى حدود لو فى مراحل
لو وصلت للرماح نموت لتوصل للمصاحف
________________________________________­_______________

Kateb

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker - Kateb _ الجوكر - كاتب


الـــكـــلــــمــــات

من وهو لسه صغير و الجيران بتحلف بيه
المتفوق ، المؤدب ، اللي جامع دنيا و دين
كبر و دخل جامعة و آن أوان تاء التأنيث
يمكن مشافش بورنو بس إتفرج علي ونيس

و رغم طول الرحلة فالوصول بينسي التعب
أخينا لقي أخيرا اللي تحبه و يحبها
دايما كان بيكلمها عن إن التعليم تجهيل
واحد زيه في بلد بتفهم كان زمانله شأن كبير

فهمها حاجات كتير ، في الآخر فهمته 
إن حوا مش لآدم، حوا لفلوسه و شقته
و في عز ما هو حزين ، الأتوبيس وقف في كمين
الظابط قاله "إنزلي" ، نزل ، زقه للأمين 

شاف بطاقته ، بدأ تفتيش ، "إقلعلي الكوتش" ، يا باشا معيش
ممنوعات ، فمتحرجنيش ، "طب جنب إخواتك يا برستيج"
روح بعد يوم طويل ملوش تعازي مقبولة
يمكن حزين من الأول بس نفسه مش مكسورة

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي حاجه ، و كل حاجه رجعته
من طريق كان ماشي فيه مُتجاهل كل اللي بيحبطه (x2)

أخينا في عز الوحده قابل شلة ثانوي اللي 
كانوا خدوا طريق معاكس للى هو فيه بالمللى 
قالوا فُك يابنى وشك وإبدأ واجه الحياه 
واذا كنت مش مُتكيف ، ف العلاج مكيفات 

أخينا خد الرحلة لحد القاع دحرجة 
بس اخينا لسه اخينا ، فـعايش مع نفسه في معركة 
يقع ، يبطل مدة ، تيجى فلوس ، تيجى بكتره
تيجى بفكرة ، تيجى ببودره ، تيجى بقعده ، تيجى في سوسته 

فجأه حوا رجعت لما ابو شقه سابها 
والغريبة حال أخينا الحالى لسبب ما جذبها 
طبعا أجر نفسه ليها روميو بالفلوس 
ونام معاها ضمان لإنه يلاقي لما يعوز 

وزى كل كدبة صعب للآخر نداريها 
عيلة حوا صعايده ، عمر موتها ما يكفيها 
أخينا إتقتل ، هو ميت في الحالتين 
لو كان إنتحر بدرى شويه مكانش مات اتنين 

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي عالم لولا الصحبة عرفته 
على المخدر اللى جاب المخدر المعروف آخرته

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي حاجه ، و كل حاجه رجعته
من طريق كان ماشي فيه مُتجاهل كل اللي بيحبطه
________________________________________­_

A5ina

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker

El - Joker.A5ina


الـــكـــلـــمـــات

صحي في يوم مش فاكر من حياته اي حاجه
سأل نفسه : انا مين! ، و قام يدور علي إجابه
لقي في دولابه صورة صاحب عمره قال "محمد"
"انا فاكرك" ، و بدأ ييجي في باله أكتر من مشهد
لقي موبايله و لقي الرقم ، طلبه بدون تفكير
رد صاحبه بـ :يااه يا صاحبي ، فينك من كتير؟
انا فقدت ذاكرتي
عشان كده اتصلت
خليها تحكيلك إزاي علشانها بعت طوب الأرض
بعد ما اتقفل في وشه سأل نفسه مين اللي أنا
بعت عشانها صاحبي ؟ ، و هو بيسأل نفسه لقي
دبله و تحتيها ورقه ، مسك الورقه و بدأ يقرأ :
صعب عليا أقبل مكونش أم ... أتمني تفهم
إنهار وكسّر كل حاجه جت في طريقه ..إتجنن
فين و فين أدرك إن ده مش حل ..استسلم
بيُحاط بذكرياته مع مراته كأنه فيها
اي نعم ناسي كتير لكنه إفتكر حبه ليها

في حياتنا النسيان يُعتبر مرض و لا نعمه ؟!
أغلب ذكرياتنا حمل تقيل ، أكيد نسيانها إعفاء
إستسهلنا الغلط و إتجاهلنا صوت ضميرنا
دايما نشبع رغبات دلوقتي علي حساب مصيرنا(x2)

بعد يومين طوال قرر ينزل بين الناس
قعد على قهوه ، قابل عجوز مسميينه الخال
سأله: مالك يا ابني شايل هم الدنيا لوحدك؟!
رد : نسيت الناس ، و الناس نسيتني، إيه اللي يضحك؟
ضحك الخال .. الواد اتنرفز ، سأله: ايه مشكلتي تافهه؟
رد : يا ابني انا ابني رماني في الشارع ،اديني مرضك لفه
في الآخر خده يكشفله و قاله : يا ابني ثق في الله
و الدكتور طمنه : هتفتكر بالوقت و العلاج
رجع بيته و حبس نفسه لمدة اسبوعين 
أدوية و تمرينات ذاكره بالكاد إفتكر شيئ
قبل ما ينهار عصبيا قال ينزل يرغي مع الخال
قعد مستنيه عالقهوه و زهق بعد تالت شاي
سأل القهوجي عليه ، رد القهوجي بكره غريب 
الخال ربنا افتكره ، و الله ما أعرف ليه ناسيك !
طلع محفظته يحاسب كان زعلان أد ما مذهول
وقعت من محفظته صورة الخال ... بمعني اصح أبوه

اللي ناسي بيجري ورا ماضيه و لو دقيقة دقيقة
و اللي فاكر نفسه يبدل الحقيقة بصفحة جديدة
لو قدامك فرصة تصلح غلطة متسيبهاش
غيرك إتأخر علي ما فهم إن الحياة مبتستناش(x2)
________________________________________­____________

Ba3d El Nesyan

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker

El Joker - Ba3d El Nesyan L الجوكر - بعد النسيان 0


حبيبتي .. حافظي عـ العهد اللي بيننا ودايما افتكريني
لو الليل حاوطك في يوم ومتصلتش كلميني 
ودعها وسافر ، سنتين واكتر بيعافر 
18 ساعه شُغل ، وياكل أرخص شئ يتاكل

ويصبر نفسه بفكرة حوش أكتر ترجع أسرع 
ويوفر حتي السكن بإنه يبات مع أمن المصنع
وفي ليله اتقبض عليه نتيجة خطأ تحقيقات
لإنه كان بيصلي في جامع إتخطط فيه لتفجيرات

قال إيه بيهدد أمن الدوله فـ بالطبع إتخفي
في سجن فيه كورسات تعذيب يوميه ومكثفه 
مفادهمش بحاجه ، ومحتاجوش دليل إدانه 
علشان يرموه في زنزانه ، لحد ما كل التحقيقات تتقفل

إترحل لبلده بعد عذاب 16 شهر
مش باقي من تحويشة عمره طبعا الا قهر
دخل علي اهله البيت الكل حضنه في نفس الوقت
أمه وسط دموعها قالت لأبوه اهو عايش اهو ... صدقت ؟

الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك 
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا

في عز ضحك الأهل سأل عن حبيبته سكتوا
الأب : يا ابني كله اتخطي حزنه عليك بطريقته
سأله بصدمه: يعني ايه؟ ... رد بعجز: اتجوزت
ثار و سأله: الاقيها فين؟ ... رد: إعقل ، موضوعكوا خلص

لفتره إكتئب بس لإنه مؤمن غلب 
الإكتئاب بفكرة لو كانت ليا كنت اتجوزتها 
و بدأ من جديد بطاقة اول مره إشتغل 
و استوعب بالتدريج ان النجاح وليد الفشل

من شغله بره كان اتعلم طُرق إدارة مكن
استخدامه هنا يضاعف الانتاج و يغطي التمن
عرض علي اصحاب المصنع اللي اشتغل فيه فكرته
عجبتهم ، نفذوها و عينوه مساعدهم

و أخيرا الحظ ابتسمله في طريق اترسمله
علشان رضي بنصيبه و كان مخلص لله في عمله
حقق أكتر من اللي حلم بيه ، بيت و زوجه وولد
من غير ما يبقي في بلد و كل حاجه عارفها في بلد

الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك 
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا

محدش قال الدنيا سهله ، ولا النجاح واقف يندهلك
العمر بيجرى فـ مينفعش تعيشه على مهلك
مادام أخلصت إرضى بأى حاجه جاتلك
ثق فى ربك ، هو أدرى بالأفيدلك
________________________________________­________

24 2irat

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker

El Joker - 24 2irat L الجوكر - ٢٤ قيراط

من حضن البيت لـ كف الدنيا ... نقله كبيره
قالوا صعبه ، بس لقيتها مستحيله
آخرك تغير فكره ، مش هتغير التصرُف
دى ناس بتحارب التطرُف بالتطرُف

قولت موجه .. نطيت .. محدش نط
أتارى ده إرتفاع المياه على الشط
والعادى إن انت تغرق شخص ، تنجى شخص جديد
قادر ياخد خطوه تانيه لمركز المُحيط

الواحد ليه من فتره محسش إنه تِعِب
خدى اللى نحّس ، ولا كفك اللى نِعِم ؟
أومال إيه بقينا تُقال أوى ، إنتى مش واخده بالك ؟
مرضاش تتاخدى منى وآخد أيا كان بدالك

بدون شك إختياري ، أنا اللى عارف ناري
إرتفاعي حقي ، وإنت هبوطك إضطراري
دول مش فاهمينى ، ومفيش أمل يفهموا
مفيش شخص عاش قمة إنتصار مذهبه

إنت اللى بتخسّرنى ، أنا اللى بكسب ليك وليا
إنت خطوة الجنون ، أنا الثبات عـ العبقريه
صح ـك بيبقى مُضر ساعات ، والغلط مُفيد
لوم عليا مع إن التناقض فيك

أيامى بينوكيو كانت مناخيره بتطول لو يكدب
أنا مُجرد إنت عاش وضوح أيام الأبيض وإسود
مُذنب ، وميشفعلكش إنك فى الأول كنت بريئ
عمرك ما هتغلب شخص بتبقى هو بالتدريج

مش مهم رأى الأحدث ، المهم رأى الأفضل
فكرك إنت إمبارح رأيه إيه فى إنت النهارده ؟
وهل إنت اللى عايش كل دول إرتحت كده ؟
ولا يادوب أنقذت منك اللى توصل بيه مركبه

خليك مسئول ، مش مُتماشى مع الموجود
إضرب السايب ، وإدى الفرصه للمربوط
ومتقولش مذهب بس .. إحنا مذهبين من مذهب
سيب اللى عاشنا يدى كل حاجه مقاسها

مفيش نظره تكشف دايرة المعارف
مفيش حد سعيد وأنا سعيد لإنى عارف
هو اللى يقول النار فى الآخر طلعت إيه
التواضع ضافلى نُقطه .. درس لينا إحنا الأتنين

إنت اللى بتخسّرنى ، أنا اللى بكسب ليك وليا
إنت خطوة الجنون ، أنا الثبات عـ العبقريه
صح ـك بيبقى مُضر ساعات ، والغلط مُفيد
لوم عليا مع إن التناقض فيك
________________________________________­___

Abyad w Eswed

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker


El Joker - Abyad w Eswed l الجوكر - أبيض وأسود

الـــكـــلـــمـــات

عصفوره حكيتلي إنها فى يوم عدت من جنب غرزة
فوجئِت بإن الله والرُسُل والوجود أغلب ما يُذكر
شافت من كل سن كل شكل ، واللى رابطهم
جايين ينسوا الحياه اللى شيلتهم فوق طاقتهم

وقالتلي إنها إتفاجئت فى المدرسه بإن التلاميذ
جايين لكل غرض تتخيله إلا التعليم
بس قالتلى: فى وسط السيرك شوفت طالب علم بجد
منتبه للشرح ، بيكتب ، وملوش أى دعوه بحد

للأسف تانى مره شافت الطالب ده بكِت
كانت طايره جنب قسم صُدفه وفوجئت لما لقت
ظابط بيكهرب الطالب ويقوله علشان تبقى
تكتب "وطن بلا تعذيب" كويس على تيشيرتك

وحكيتلى إنها فى يوم كانت على شجره قدام باب
مستشفى ، شافت دكتور خارج مـ الإستقبال
و واحده ماسكه فيه .. بتقوله: أرجوك ، جوزى بيموت
قالها: وأنا مالي يا ستّي ، هدفعلك من جيبي فلوس ؟

صعب توصف الحياه فى شكل مُعادله فيزيائية
سيمفونية ، كل آله فيها تبانلك عشوائيه
مفيش حال بيدوم ، والتغيير ملوش قانون
لا الوِحِش بيفضل وِحِش ، ولا هدايته شيئ مضمون

العصفوره غابت عنى يومين ، ورجعت بحكايات
منها إن واحد من مجموعة الغرزه مات
وواحد تانى فاق ، قال: يا إخوانّا كفايه نسيان
بس دماغهم أعلى من إنها تستقبل الكلام

وفى شارع لقت خلق بتهتف "تسقط الداخليه"
طارت ورا المُظاهره ، وعند القسم وقفت هىّ
لما لقت كل واحد لابس ميري بيغيره
وياويل اللى كان بيعذب ناس ، وفى ناس حافظين منظره

أما الطالب اللى إتعذب فرد فى مجموعة سلمية
الدرع اللى حمى القسم من الأعمال التخريبية
أول ما إتصاب برصاصه قالت: هيموت من الإهمال
استقبله طبيب حقيقى مخدش نفسه إلا أما فاق

طارت شافت ناس محتاجه تحس بـ الناس المحتاجه
شافت كتير منكرش ، لكن مشافتش كل حاجه
سألتنى عن نظام الكون ، قلتلها: هما دول
كل فرد إختار لنفسه شيئ ،إختار لغيره مليون

صعب توصف الحياه فى شكل مُعادله فيزيائية
سيمفونية ، كل آله فيها تبانلك عشوائيه
مفيش حال بيدوم ، والتغيير ملوش قانون
لا الوِحِش بيفضل وِحِش ، ولا هدايته شيئ مضمون
________________________________________­______________

Symphonia

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker


El Joker - Symphonia l الجوكر - سيمفونية

الـــكـــلـــمـــات

ياللي بين كل نجمة ونجمة: إمتى هتحنيلنا؟
سكننا الليل بالنيكوتين والقهوة .. يمكن تسمعيلنا
علشان حلاوة الحب واقع ؛ بقى الحزن ملة
محدش داق حلاوة الحب إلا وإنضملنا

إحنا كتير ، وبنعرف بعض ؛ لإن عيوننا مبتخبيش
مبنتسألش "مالكوا؟" من فراغ .. لكن بنقول مفيش
إحنا التذكرة الواحدة وسط زحمة الإتنينات
إحنا الخميس بتاعنا ميختلفش عن التلات

إحنا صمت أقوى من الكلام تعبيرا عن صاحبه
إحنا اللي بيتزهق منه ، وبيتقال سيبوه على راحته
اللي بنحسد اللي رافع راسه .. مع إنه هيتكسر
اللي ماشي باصص تحت رجله .. ويخبط فيك يعتذر

ياللي بين كل نجمة ونجمة أوعي تكوني سراب
سكان الليل في الأرض بسببك متشافين أغراب
ياللي بين كل نجمة ونجمة أوعي تخذلينا
محدش فينا إتعلم إنه يعوم يا سفينة

لعله خير ... شر حامينا من الأشر
يمكن أحسن ركوبة لينا ركوبة المضطر
يمكن قدرنا الأب بتاع بعمل ده لمصلحتكوا
لعله فقد ما نملك ... لإمتلاك ما نستحقه

يا ساكنة الضفة التانية جايلك .. مش هتأخر
كل شيء في حياتنا -لمقابلتنا- كان متسخر
اللي عشته أنا وأنتي أرض صلبة نبني حياة عليها
علاقتنا غاية الكون بيدور ودار حواليها

متفقديش إيمانك بيا ، ولا تشكي للحظة فيا
لو هضحي بكل حاجة مقابل حاجة .. فأنتي هي
من أرض الخوف بحدفلك طرف أول خيط يربطنا
بنكلم نفس النجمة .. في نفس الوقت .. ودي مش صدفة

يا كعبة عيني وعينها بشريها بيا
إلهميها بكونها مش وحيدة ، واللي فيها فيا
إرسميني قصادها في السما ، وسيبيلها هي الباقي
محدش طارد حلم يقظة أكتر من هوائي

يا ساكنة الضفة التانية وجودنا في القاع أمل لينا
بكرة مش هيلاقي حاجه ياخدها مننا .. فهيدينا
يا ساكنة الضفة التانية العرش والتاج في إنتظارك
وصلينا بسرعة يا أرض ... لقانا نقطة على مدارك

المرادي مش غريق في عرض أول قشة تظهر
المرادي المرسى نقطة قصادي .. كل ما أعوم بتكبر
مؤمن في كل وقت ... متأكد لو فيه علامات
بمشي ورا إحساسي دايما ... أنتوا بتمشوا وراه ساعات

أخيرا إتقابلنا وش لوش بدون وسيط
كل حاجه زي ما السما وصفتلي .. بإختلاف بسيط
طبيعي إن أحنا دوبنا تحت أول ليل قابلنا
حبنا لبعض أتولد قبل أول نظرة بيننا

أحكيلي تاني كل حاجه ... حتى لو عاديه
ده أنا بشوف نفسي فيكي أكتر مانا بشوفني فيا
كل "بحبك" كنت بقولها لحاجه منك في اللي قبلك
يعني كل كلام الحب اللي أنا كتبته ده أتكتبلك

بتأمل حياتي وهي بترسم سندريلا فيا
أثناء ما حياتك على التوازي بتشكلك هي
مستحيل تكون دي صدفة .. جايز تطلع دي نظرتي
مانا نحات ، وخلق معنى من لا معنى دي شغلتي

أحكيلي جديد ، وأنا هنحت تماثيل جداد
عايز كل يوم نعيشه يبقى أسعد من اللي فات
طب نعمل حاجه جديدة ... ما دام مفيش حاجه تقوليهالي
مش عارف ليه زهقان! يا خوفي ليكون اللي في بالي

أوعى تواجه الموهوم بشيء بإن شيئه أختفى
مفيش أصعب من الغروب عاللي متعلق بالدفا
ساعات لازم نعيش وجع وصدمة إنهيار أوهامنا
علشان نشوف حقيقة صعب حد يوريهالنا

رفضنا نصدق إن نهاية القصة إبتدت
فضلنا بنرقص .. مع إن المزيكا إختفت
حاولنا نفضل سوا بكل وسيلة ، وكل حيلة
خلقنا بديل لكل بديل لكل خطة بديلة

فابتدى الملل ، وأبتديت أشوف عيوبك
وبدأت أحتاج مساحة لنفسي ، وأستتقل وجودك
وأضطريت أداري ده بكلام مكانش من جوايا
فأبتديت أشك في حبي ليكي -أصلا- من البداية

أحنا في محنة .. بس بنحلم .. والميت في حلمه حي
من أول يوم فرحنا وأنا قلقان من اللي جاي
مش تشاؤم ، ولا كآبة ، ولا مستكتر إني أرتحت
بس للي في أعلى نقطة أي طريق هيكون لتحت

ياللي بين كل نجمة ونجمة جيتلك ... متأخرتش
بعترفلك إني أحتاجت أتحب ، وأحب ؛ فمفكرتش
ياللي بين كل نجمة ونجمة: أيه المشكله في كده؟
أكيد مسيرها تصيب ... من فضلك أوصفيلي غيرها

مش كل البدايات سعيدة ، ومش كل النهايات حزينة
مسيري هكتب غنوة كاملة تحبي تسمعيها
وحتى لو موهوم .. الوهم بكل طاقتي أولى
على الأقل يتكتب على قبري نال شرف المحاولة
ـــــــــــــــــــــــــــــــــــــــــــــــــــــــــــــــــــــــــــــــــ

Sokan El leel

Written by: El Joker
Music: Mostafa Ebrahim
Reff: Nupel beats
Vocals: El Joker
Master and mix by: El Joker
© 2017 El Joker
Category
Music

akoam.com

El - Joker.Sokan.El - Leel-سكان الليل

instagram : ma7moud_elabyad
https://www.facebook.com/mahmoud.elabyad.507

Mahmoud ELabyad

Popular tracks