ايوه بغير ....... الشاعر هشام الجخ

الغيرة نااااااااااااااااااااااااااااااااااااااااار ☺☺☺☺♥♥♥♥♥♥♥♥

قصيدة الشاعر الهويس هشام الجخ - أيوة بغير.... اهداء اليكى ح00000000000000000

بطل تنام كئيب بطل تنام مدايق
ده كتر النوم ف ديقه بيسبب موت مفاجئ
-------------------------------------------
عارف انت سقف اوضتك هو شاشتك
كل ما تيجي تنام تتعرض قدام عينيك حكايتك
عن طفولتك لما كانت العجلة اكبر حلمك
والكورة مش بتفارق رجلك
لما كنت دايما من قلبك بتضحك
ولا البنت جارتك و ولاد شارعك ولا حارتك
و تفكر تاني وتالت
عن اللي باعك و اللي خانك
و اللي ف الشدة وحدك سابك
عن اللي سارقك سارق منك احلامك
كل ما تبني فيها بسهولة يهدهالك
عن اللي كل هدفه يقل من مقامك
عن اللي عايز بس يشوف نفسه قدامك
عن اخواتك 
عن مين هيدمع جامب قبرك يوم مماتك
عن مين مش هيفكر  يبص ف شتاتك
عن شتاتك . عن فراقك . عن اخواتك
عن حزنك . عن كل اللي باعك
عن حبيبتك اللي راحت 
عن دمعة اسف علي جراحك 
عن حضن نفسك فيه بس راحت


عن ربك اللي ناسيه
عن شخص باع فيك و انت برضو بتشتريه
عن كام ذنب وقعت . وقعت لوحدك فيه
عن كام شخص خان  و برضو وثقت فيه
عن حسابك اللي نسيته وكام واحد حبيته وتفكر مين اذيته
عن صحابك . عن اللي خد مصلحته وسابك
عن وقت زعلك لما ملقتش جامبك حد
عن الانسانه اللي وقفت جامبك بجد
عن اختك . عن اخوك . عن امك . عن ابوك
عن اللي كبرتهم وهما صغروك
عن صاحب شغلك عن كلمة بتجرح فيك كلك
عن حد لا قادر تبعد عنه ولا قادر تاخده ف حضنك
عن احلامك اللي ضاعت منك غصب عنك
عن بلدك اللي نفسك تهرب منها بس خايف
من حرقة قلب اهلك
عن كام حفلة روحتهم ولاقيت نفسك لوحدك
و الوحده سبب عذابك
فا بسرعة تقول لنفسك هو انت ايه اللي جابك
عن سنك . عن كام فرصة ضاعت منك
عن اللي بينك وبينهم حاجز
عن مواقف كان لسانك فيها عاجز
اه لو رجعت هتقول اللي نفسك فيه هأ ده جايز 
هتاخد حقك تحلف برب دينك
عن كام كلمة طلعت منك غصب عنك بس بتدينك
عن المستقبل اللي اترسم بس مش بايدك
عن كلمة اهلك ليك يا ابني محدش هيفيدك
عن أحمد اللي كان جواك وتاه
اقولك غمض عنينك ونام وسيبها علي الله

غمض عينيك ونام وسيبها علي الله

Ahmed Messi - sa2f odtak-سقف أوضتك

  : الكلمات
كُنا سبعة 
ويّا بعض نروح و نيجي 
أي وقت و أي حتة ...
جامعه ماشي
قهوه ماشي
أي هلس و رمي جِتة ...
بس من بعد الشهادة
كُلُه كان عَمّال يعافِر
شال هدومُه و راح مسافِر
خَد هُمومُه و سابنا سِتة ...
ساب جاكِتة لـ حَد فينا
و قالُه ذِكرى 
رد قالُه عُمري ما انسا ..
شالها عندُه و يوم جوازُه 
كان لابسها و سابنا خمسة ..
فات شهور و عملنا حادثة
كان سببها الصربعة ...
طيش شباب و هزار سواقه
و ضحك فاضي و مرقعة ..
و التمن كان حَد غالي
مات و سابنا أربعة ...
صدمة كانت مُفجِعة
لمّا فُقنا قالولنا مات ..
و أما واحد فينا كَمِّل
باقي عُمرُه بعُكازات ..
كان بيمشي تاتا تاتا
و الألَم خلّاه يسيبنا
للحياه إحنا التلاتة ...
بالمعارف و الوساطة
و الرشاوي و الهدايا ..
جالُه تعيين وجه قِبلي
راح و ساب واحِد معايا ..
و النهاية
نيجي ع القهوة و نحكي
مَرّه كُل فين و فين .. 
و المسافة تزيد ما بيننا
و الشهور بتجيب سنين ..
باقي مين ؟
غير حنين الروح و دَمعه
و صُورَه كانت باقيه عندي ...
و أفتِكر لو شُفت جامعه
ولّا جمب القهوة أعَدّي ...
إن إحنا كُنا سبعة
و إني في الآخر لوحدي ...

كلمات : نبيل عبدالحميد
Mohmed Tbaka : اداء صوتى 


كنا سبـــــ7ــــــعة :(

الكلمات :
Verse 1

شافونى مره صدفه .. كنت قاعد لوحدى
عجبتهم طريقة كلامى فالتليفون و كمان استايلى
أستنوا أخلص المكالمة عشان يكلمونى
جم رحبوا بيا أول .. مانزلت موبايلى
.......................
الأول قالى .. ازيك أية أخبارك يا مان
و التانى أتشرف لو كنا صحاب من زمان
ردي طبيعى دا شرف ليا .. تكونوا اخواتى
و أكون مبسوط جدا .. بوجودكم فى حياتى
..
انتهت القاعدة بجملة . هات إيميلك هات
يدوب مشيوا فتحت إيميلى لقيت بعتين ادد
و بدل ما كنت وحيد فى حياتى .. و دايما ساد 
لقيت شخصيات ترسم على وشى الانبساط
..
خروجة فالتانية فعلا بقينا .. أعز صحاب
مفيش يوم يعدى منشفش بعض شئ روتينى
نبات عند اى حد مبقناش أغراب
لحد ماتعرفوا على جارتى المحترمة إيمى
..
إيمى وحيدة أسرتها .. كلها توفت فى حادثة
وطبعا دا .. كان .. أسوء خبر بالنسبالها 
ف كانت أقوى من إنها تعيش بجناح مكسور
فـــ اشتغلت تانى يوم بعد وفاتهم عالطول
...... Chours

سيب نفسك للدنيا .. و عيش حياتك بقى
اتعرف على كل الناس ...  متقولش لحد لاه
حياتك هتعشها مره واحدة عيشها بحرية
عدى و متخدش .. كل شئ بجدية
Verse 2

جارتى دى معتبرانى .. بالظبط أخوها التانى
بما إنى بردو وحيد زيها ف فالأكل بتعمل حسابى
سننا من سن بعض .. دا احنا ما بينا وعد
نفضل .. اخوات حتى اطربقت السما على الأرض
..
اتعرفوا على جارتى و بقوا صحاب كمان
اسطلطفتهم و حاست من نحيتهم بالأمان
طبق داخل طبق طالع شكراعالاهتمام
لا مفيش شكر دا احنا .. علاقتنا تمام التمام
..
انهاردا بقى دورى أنزل أجيب الفطار 
أصل إيمى بتبقى نايمة لحد أخر النهار
شغلها بيحكم عليها .. و هى مش بإيديها
بجد بتشقى جدا .. ربنا يحفظها و يقويها
..
اليوم دا حصل شئ غريب رجعت ملقتش حد فالبيت
اتصلت بيهم مردوش .. ف اتربيت
طلعت أخبط على إيمى و أسالها .. راحوا فين
الباب مفتوح اتخضيت اتصدمت لما لاقيت 
..... Chours

حط حدود بينك و بين كل اللى تعرفهم
مش كل الناس تزود .. فقلبك .. ثقاتهم
فى ناس راحت معرفناش قيمتها غير لما
بقينا عارفين ناس كتير .. ملهمش لازمة

Fehmt Met25r    فهمت متأخر

Swad_El3asl Mr Ash / سواد العسل

ايو بغير ❤

كلمات الشاعره اميره البيلي

قصيده لاميره البيلي بصوتي

اغنيه جديده ( حالف مكلمهاش ) صوت روعه حزين جدا

مش متشاف Mazen elmosther

Lycris:


حياه بقت مملة ايام شبه بعضها 
الاوقات الحلوه من قلتها بجد نسيت شكلها 
الفرح بيجي يوم والحزن طول السنه 
وابص في المراية واحد تاني لا مش انا


بقيت مش عارف عاوز ايه تايه وسط عتمه 
حاسس روحي خلاص بتطلع من كتر الكتمه
كل ما الاقي نور اقرب منه بسرعه يطفي 
ومع مرور الوقت فيها عقلي بقي بيهزي 


عمال بصرخ وانادي كله عامل مش سامعني 
غرقان في بحر عذاب بياكل كل حته مني 
بحاول فيه اعافر نفسي بجد منه اخلص 
والعمر بيجري مني اوكسجيني قرب يخلص


اكتئاب بقي ملازمني بعد ماكان فتره معايشه 
بقعد لوحدي اهلوس افعالي بقت طايشه 
كل حاجه زهقت منها مش مستحمل اي بشر 
مش باقي عليكو صدقوني قلبي اتحول حجر


قاطعت كل الناس مبقتش قادر اشوف وشهم 
حتي انتي ياللي مني اتغيرتي بقيتي زيهم 
كنتي زمان بتسمعيني احكي ع اللي واجع قلبي 
سبتيني بقيت لوحدي وبتلوميني تقولي ذنبي


بس عندك حق ما انتي قولتي ليا اخلي بالي 
وان العزف ع الاوتار لما يخلص هبقي لحالي 
خلصت كل الاغاني وانا بقيت وحيد سابوني 
ورغم اني نسيت وشوشهم برده لسه بيغتابوني



اللمه دي كدابه وانت عارف بس ساكت 
لما تقع يوم في شده هتلاقيها عامله ماتت 
واللي سبته انت زمان لقيته ف ظهرك لما ضاقت 
هي دنيا تحب العوج كل حاجه فيها مالت


هتلاقوني معاكو بضحك عادي بعمل كل البدع 
ولو دخلتو جوه مني هتلاقو الف وجع 
بتظاهر اني كويس رغم اني شايل هم 
خايف اطلب منكم العلاج تدوني بداله سم


بعدت عن ربنا خلاص ضميري بقي يميل 
بس برده قاعد خايف اني اقابل عزرائيل 
وف نفس الوقت عاوزه يجي عشان خلاص زهقت 
م الدنيا وم اللي فيها كل حياتي بقت زفت


بقعد لوحدي كتير افتكر ف اللي عدا وفات 
لو يرجع بيا الزمن كنت هغير فيه حاجات 
ولما افوق م الوهم ابص الاقي الجاي اسوأ 
الخير والشر اختلطو مش عارف بينهم افرق


ضميري اتبري مني لما لقاني بقيت فرعون 
قلبي جحد علي الكل جحوده يكفي كل الكون 
كان حواليا ظيطه وطبل كانو عزوة بالنسبالي 
ولما وقعت كله باع سابوني فيها لحالي 


مبسوطه مني قولي ولا لسه هتلوميني 
حاولت انقذ نفسي بس جيتي وغرقتيني 
بقيت شيطان في هيئة بشر ايوة علمتيني 
اخر زفير بيطلع موت خلص اوكسجيني

Swad_El3asl Mr Ash / سواد العسل

M.R ASH

Related tracks